|
زوجي يشرب و ...ربي تعبت صبر
السلام عليكم..
اخواني اخواتي داخله على الله ثم عليكم ابي اقول لكم قصتي من الاول للاخر وانتوا احكموا اول مااتزوجت كان عمري 15 سنه كنت مرررررررررة صغيرة وزوجي عمره وقتها 30 يعني ضعف عمري باول زواجي كنت صغيره عادي ومو هامني شئ حتى لما اكتشفت انه يشرب ماهمني كان عادي ماكنت افهم كثير المهم حملت وجاني ولد وكل مااقول له متى توقف شرب وتدخين يقول قريب ان شاء الله ولي 6 سنوات معاه وعلى هالكلام غير عصبيته حتى احيانا افكر كثير انه فيه شئ باعصابه ونفسيته لازم يروح لدكتور نفسي لانه يحاكيني بشغله ولما احاكيه فيها يقول انا ماقلت ولا شئ واذا جاء الليل يجلس يخانقني على اي شئ وكثير يناديني باسم وحدة كان يعرفها قبل الزواج واذا انتبه صرفها وغير الموضوع ومرة دخلت عليه وانا حامل وهو يكلم والله كرهت عمري معاه وكرهت اليوم والساعه اللي وافقت فيها مايعرف يتكلم ولا يتعامل مع احد المفروض انه احنا مع بعض نقرر تربيتنا هو مايعرف له قرار وانا قرار ثاني وربي تعبانه مو عارفه ايش اقول لكم بعد بالنسبه للتعليم انا كملت دراستي والحين بالجامعه وهو وصل لحد 2 متوسط ووقف مرة فكرت بالطلاق بس هو سوى لي مشاكل كثير وانا وربي مو قادرة اتحمل مشاكل زيادة وربي كرهته كرهته كرهته ومو غاصبني معاه الا ولدي حتى اسمي لما ينطقه صرت اكرهه واكره انفاسه ماادري ان كنتوا فهمتوا حالتي بس اللي ابيه منكم لو تبون اي استفسار او سؤال قولوا وانا باجاوبكم ابي حل تكفون وهل الطلاق هو الحل الامثل؟ يمكن تقولوا ليش الحين توك تشكي؟ اقول لكم لاني كبرت وفهمت الحين عمري 21 سنه يعني ابي زوج كويس اعيش معاه مو اعاني معاه وربي مااستاهل ومو قادرة اقول لاحد من اهلي ماابي زوجي يطيح من عينهم حتى لو تطلقت منه بيضل ابو ولدي |
الله يعينك ويصبرك
ليع ماتكلمين اخوك وتفهمينه الموضوع او اخوه هو وهم يتفاهمون معه ويهدونه الله يهديه لك اللهم امين |
[SIZE=4]
كان الله بعونك اختي عجميه انصحك بأن يتدخلوا اهلك او احد اخوانك الحكماء ولا تقولين ما بيهم يعرفون ويطح من عيونهم وش الفايده الي منك بكره خسرتي نفسك وولدك علشان المجاملات الي راح تضرك هذي انتي صبرتي ست سنوات ... وش كان المقابل والناتج لك اعتقد ان الهم صار همين ادعي له من الان واخر العلاج الكي وان لم يكن وفاق ................................. ففراق الله يفرج كربتك بما يشاء ... ويعوضك السعادة الي فقديها طول تلك السنين ويكفيك شر من فيه شر واعذريني على اسلوبي البسيط في الرد |
أسأل الله العلي القدير أن يهدي لكِ زوجك . داومي علي الدعاء له بالهداية يا أختي و لا تيأسي من رحمة الله
|
اصبري عليه وانصحيه ادري انه صعب وتوكلي على الله وماراح ينسى لك صبرك عليه وادعي ربك في كل وقت وخاصه في السجود
لكن لك الاجر وفكري بعدين اذا كبر ولدكم تبينه يشوف ابوه بها الحاله أكيد راح يتأثر او يأثر ابوه عليه انصحيه وادعي له بالهدايه وعندي لك قصه وحده كان زوجها يشرب وكان يخربط ويقول كلام فلما يجي الصبح وتقول له انت قلت امس كذا و كان يقول لا مستحيل مره من المرات صورته وهو سكران ولما صحا من بكرا زوجته عادي ماقالت شئ بس يوم جاء في الليل وبدا يبي يشرب قالت له زوجته: انتظر لا تشرب ابي اوريك فلم في الفيديو وراحت حكت الشريط اللي هي مصورته فيه وقاعد يناظر شكله فقال: معقول انا اسوي كذا واقلع عن الشرب وكان لها أتوقع 10 سنوات والله مااذكر بالضبط بس خلي الطلاق ااااااااااااااااخر الحلول قلبي معك وطمنينا عليك وان شاء الله اني راح ادور لك طرق تعملينها معاه |
" " أختي الفاضلة كان الله في عونك ورزقك الله الصبر والاحتساب وعوضك الله خيراً. أختي الفاضلة قرأت مشكلتك مرات وشعرت فيها بقدر الألم الذين تعيشين فيه . اسالك الاجتهاد في تغيرر واقعك بعيداا عن الطلاق واشدد بمعرفه اهلك واهله لان الخمرر معصيه كبيره وباب لدر ء المفاسد اختي اعلمي اهلك وحاولي علاجه واحتسبي الاجر عند الله فالان وقتك للوقوف بجانب زوجك وليس للتخلي عنه ونصيحتي لكي يا اختي كوني حيث أمرك الله فربك يريد منك أن تكوني مؤمنة به وهذا ما أظنه فيك وألمسه احسبك كذلك والله حسيبك ولا أنسى أن أوصيك باللجوء للقريب المجيب سبحانه كاشف الضر, اللجوء إليه توبة واستغفاراً وعبادة وصلاحاً ودعاءً.. ادعي ربك بأوقات الإجابة أن يكشف عنك ما أنت فيه فهو ولي ذلك والقادر عليه سبحانه.. أسأل الله العلي العظيم أن ييسر أمورك ويكتب لك الخير حيث كنت ويرزقك الصبر والاحتساب وسقر عينك بهدايه زوجك ويزيدك إيماناً وهدى وطاعة وتقى. ملحوظه: اقتباس:
اتمنى اختي تقبل النصيحه بصدر رحب اختك امل |
أختي اعانك الله من وجهة نظري أنك تخبرين اهلك وهم يتصرفون أرجو من العلي القدير ان يوفقك فيما تحبين خالص تحياتي وتقديري أخوك السبيعي |
اسئل الله لنا وله الهدايه والصلاح ادعي رب الكون رب العالمين ان يصلح حاله ويهديه وان شاء الله تتغير الامور الله كريم فيصل |
ماقصرتوا والله
............................ المشكله انه مايعترف باخطائه وربي مايعترف هو دايما يقول انا مسكين اصلا ولا اسوي شئ انتي اللي الله يكفيني شرك وربي لما اسمع هالكلام احس اني انا الغلطانه اختي امل: استغفر الله مو قصدي بس انتي حاسه فيني وربي كرهت بشخصيتي جزء وهو اني وافقت عليه بس قولوا لي كيف اخبر اهلي عنه مااقدر راح ياخذوا عنه فكرة وهو مايبي يتعالج مايبغى مايبغى مايبغى |
قولي لأهلك وخليهم يكلمون أهله ويحكمونه .. لأن بصراحه حرام أنك تنظلمين مع هذا الزوج المستهتر .. وحرام أن مستقبل الولد يضيع مع هذا الوالد اللي مايفكر بشي سوى الشرب والبنات .... وعلى ماأعتقد .. ودائماً أسمع أن اللي يشرب مايصلي .....! واللي مايصلي شوفي قساوة قلبه وشلون .. والله عزوجل مستحيل أنه يغير قوم إلا اذا هم بادروا بالتغيير ... حبيبتي ... تأكدي أن ربي سيعوض صبرك خير ... ولكنك لازم تحطين النقاط على الحروف .. وتتخذين حل جدي .. وهذي الأمور الكبيره ماتقدر الزوجه لوحدها تغييرها .. لازم أهلك وأهله يحلون السالفه بحل يرضي الجميع ... تقبلي تحياتي لكِ .. والله يهدي زوجك ويصبرك على ماأبتلاك ويحفظ لك النونو ... أختك في الله .. الهنووووووف |
شراييك لو بعد كم سنة وجدتي ابنك يشرب بعد شراح يكون رأييك هل ستقولين الحمد لله اهلي ما تغيرت نضرتهم لزوجي اكيد لا راح تعضين اصابعك ندم بس راح يكون الاوان فات لان الاب هو قدوة الابن وما يفعله الاب يعتبره الابن صح
لذالك يا عزيزتي اذا حسيتي انك حاولتي معاه بكل الطرق وما نفع الجأي لاهلك وخلي هم يتصرفون لعل وعسى ينفع مع زوجك ولا تنسي الدعاء خاصة في جوف اليل |
حبيبتي.... وانا مع الاعضاء فشرب الخمر هي من كبائر الذنوب
اخبري اهلك فورا ....لأجل ولدك اطلبي النصح لوالده قبل ان يكبر الابن ويرى والده هكذا وعادتا الاب قدوه لأبنائه... فاخبري اهلك واهله وليجتمعو على بذل النصح وتقديم العون له كان الله في عونك ووفقك الله.. |
الله يهديه إن شاء الله ومالك إلا الصبر .. حاولي إنك تكلمين أخوه الليّ يعز عليه أو أحد يمون عليه وتذكري !!!! إن بتكبر المشكلة إذا كبر ولدك ورزقك الله عيال .. لأن الأب قدوة ... الله يعينك وعسى الله يهديه ...
ملحوظة : لاتؤجلي أي شي يكون في مصلحتك ... حتى ولو فيها إحرااااااااااااج . وأنا أيضاً لدي ملحوظة ولكنها تخصك أختاه الكريمة :d . أرجو الانتباه للكتابة الصحيحة لكلمة ( إن شاء الله ) فهي تكتب على الصورة الموضحة . لكِ جزيل الشكر والعرفان |
حبيبتي ... نصيحتي لك هي مثل مااشار عليك اغلبية الاعضااااء.... وهي اخبري اهلك
استمراره في الشرب دليل على انه لايلقي اهتماام لك ولا لأبنك .. وبالعربي مايخااف من اي احد لكن اذا اهلك واجههوه بموضوع الشرب وخيروه بينك وبين الشراب اكيد راح يقرر اذا كان هو شاريك راح يبطل واذا كان مايهمه شي بالدنيا وخصوصا زوجته وابنه .. اكيد راح يختار الشرب .. وانتي بكذا تكونين ما استعجلتي بقرارك... اتمنى لك السدااااااد.... الهداية لزوجك والمؤمنين اجمعيـن.............. ..........صغيرووونه متزوووجه............................. |
أعانك الله وعليك بسهام الليل ......... الدعااااااااااااااااء
|
الله يهديه ويبعد بينه بين الحرام ويصبرك على ما أبتلاك فصبري عزيزتي هذا اختبار الدنيا والله يوفقك لتقدري على تغير طباع زوجك....
وكلام الأخوات صحيح ما في الأمر مجامله وصل السيل الزبى اذا استمر على هذا الحال راح أكيد يخسر كل شيء الولد والسمعه والزوجه والحريه لربما عمل جريمه وهو غير واعي أيش راح يكون مصيره أكيد السجن !!! حبيبتي ما لك حل غير تقولين لأهلك وهم بيتصرفون.. كان الله في عونك |
يعني كلكم رايكم الطلاق؟
بس لسه في اشياء ابيكم تعرفوها وبعدها انتوا قرروا لان لو عرفوا اهلي عنه كل شئ ماراح يخلوني بذمته ولا ثانيه |
ليش تتوقعين ما يخلوك على ذمته ؟
|
لانهم مستحيل يتركوا بنتهم مع واحد يشرب خصوصا لو يعرفوا الضغط النفسي اللي تاركني فيه
|
غاليتي عجمية ..
ماذا تنتظرين ..؟ أن يدخل عليك سكراناً وتعاتبينه فيرفع عليك سكينا ً؟ أم أن تدخلين عليه وتجدين معه ........ في فراش الزوجيه ؟ أو أو أو.. مما قد يفعله من صرف الشراب عقله وقلبه وشعوره .. فأنت يا عزيزتي مازلتي في ريعان الشباب والحياة أمامك ملأ بالأشياء الجميلة واللحظات المفرحه فاستثمري ما تبقى لك من سنين مع شخص يخاف الله فيك ويكون حريصاً على أن ينشأ أبنك النشأة الصالحة وبما أن زوجك سكيراً فلك حق الحضانة لا تخافي يا غالية فالدين والمجتمع وأهلك معك وكل ما عليك فعله هو ... أستخيري ... قرري... وارجعي لأهلك ولا تتراجعي فالعمر يمضي وشمعتك تكاد تنطفأ وأنت في الحادية والعشرين ( والله حرام عليك نفسك الا تشفقين عليها أهلك لايقبلون ما أنت فيه وأنت تقبلينه على نفسك أتقي الله فيها) ولك مني تحية أختك دفئ |
دفئ
كلامك جدا دخل قلبي واقنعني بالنسبه لشبابي وعمري وربي اني ابكي حسرات عليه وندم على انتهائه معاااه خصوصا اني معااد اشعر بالسعادة الزوجيه ابدا(ويحسدوني عليه) |
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©