|
عندما طبخ زوجي :)
السلام عليكم جميعا بصراحه اليوم طبخ زوجي الغالي احلى غداء ذقته بحياتي السالفه بدت لما تحديته يسوي لزانيا بحكم انها توصيخ مواعين :) بعدين رحمته واتفقنا يختار له طبخه ويدور مقاديرها بدون مساعده مني ويسويها وفاجئني بمثابرته ومن جد ما نام يوم الاربعاء الا مختارها وطابع مقاديرها من النت وما رضى يعلمني وش اختار وصار يوزي الورقه وقام الخميس قبلي وطلع صدور الدجاح من الفريز وشي متحمس الله يخليه لي بصراحه هو من النوع المميز جدا ويحب يساعدني الله يخليه لي وما يقصر ابد ابد وعلى قد ما يقدر يعاوني بالبيت بس اليوم كان غير فحبيت اكتب اول موضوع في المنتدى عنه اغلى واهم شي عندي وبحياتي كلها واهدي له هذا الموضوع عرفان مني على وقفته في المطبخ وطبخه الرائع اعلمكم وش طبخ: اول شي دجاج فاهيتا http://www.travel4arab.com/photo/sty...erlay-fall.gif http://www.travel4arab.com/photo/sty...erlay-fall.gif http://www.travel4arab.com/photo/sty...erlay-fall.gif http://www.travel4arab.com/photo/sty...erlay-fall.gif ثاني شي رز مميز ولذيذ بس ما ادري وش السر مو راضي يعلمني http://www.travel4arab.com/photo/sty...erlay-fall.gif وفتوش حامض حلو http://www.travel4arab.com/photo/sty...erlay-fall.gif وللامانه العلميه ساعدته وغسلت الفلفل الملون بس :) وش رايكم تخلون ازواجكم يطبخون واتحدى اذا فيه احد يتفوق على زوجي بس بنفس الشروط يعني الزوجه ما تعلم زوجها اي شي عن الطبخه ولا يختار سي يعرفه يعني شي جديد عليه وما فيه مساعده بالمططبخ اوكي يله نشوف ابداعكم مع ازواجكم في المطبخ تحياتي دلوعه زوجي |
الله يخلي لك زوجك
بس مااتوقع اني ابااخليه يطبخ لانه لو طبخ احتمال مانتغدا ذاك اليوم:) ممكن يسوي عشاء ايه بس غداء لا |
تسلم اختي فدن على سرعه الرد بس الصور ما طلعت باحملها من موقع ثاني بس الحين جاني النوم
اول ما اصحى بكرى اوريكم الصور وترى المقادير عند الشيف والي يبيها يستنى الدور :) :) تحياتي دلوعه زوجي |
الاخت دلوعة زوجها 0000
مع اني كنت عزوبي ايام الجامعه خمس سنوات وكنا نطبخ بالشقه انواع الاكلات من كبسه وايدامات وشوربه وسمبوسه ايام رمضان :22: 000 الا اني من تزوجت مااذكر اني دخلت المطبخ عشان اسوي فيه شي :30: 00 مع اني متزوج صار لي سنه ونص واذا ذبحت نفسي سويت لي كوب عصير على مزاجي انا :11: وبصراحه مااحب الزوج اللي يطبخ وزوجته عنده :( 000 حتى لو كان الموضوع تحدي او مزحه عاد طبعي كذا 000 وش اسوي ؟؟ :25: |
انا زوجي خلف الله علي موووووووووول مايدخل المطبخ الا لما يدورني وما يحصلني
عييييييييب ,,,,,,,,,,,,,,,, حتى القلاص ما يشيله,,,,,,,,,,,,,,,,,عيييييييييييب رجال تبينة يدش المطبخ كبيييرة خلاص تعودت انا اطبخ اسوي كل اللي يحبه ,,,,,,,,,وهو يموت فيني وفي طبخي ويقدرني حيييييييييل والحمدلله . |
الله يحفظكم لبعض ... ويوفقكم ...
|
الله يحفضك لزوجك
أحترامي |
روووووعة ماشاء الله
و أبوي كان دايم يوم الجمعة يدخل و يطبخ لنا و أمي ما تخليه بس نقفل باب المطبخ و نجلس أنا و هو نطبخ و نحوس المطبخ :d |
فكرة تجنن...................................لوووووووووو ووووووووول
بس عاد من يقنع رجانا يساعدونا........؟؟؟؟ بحاول بس لما أكون ف بيت بروحي... مب قدام حماتي!!!!! عشان ما يضحكون علي...[ |
والله راح اجربها !!!!!!!!!!!!!!!! :17:
واذا كلي ما في رجال :18: يطبخ اقول له شمعن زوج دلوعة زوجها طبخ لها :11: هههههههههههههه الله يوفقك مع زوجك يا رب |
يا سلام و الله زوجك مثلي بس انا على استمرار . . . يعني
أنا تزوجت من ثمانية اشهر و الحمد لله زوجتي تعرف و تعلمت عدة طبخات . . و انا كثيرا ما علمتها و كثيرا اساعدها من نفسي سواء في اعمال البيت او الطبخ و افتخر بذلك و لكن لا يمر ذلك اليوم الا بمشكلة صغيرة لاني اريدها ان تطبخ بكيفي و على طريقتي ثم اندم اني ساعدتها و اصر ان لا اعيدها و بعد ايام انسى ذلك و اساعدها بصراحة لاني احب النشاط و العمل و دعائي لك و لزوجك ان يجمعكما على البر و التقوى و المودة و الرحمة |
الله يخليكم لبعض وما يحرمكم من بعض ياربي
تحياتي اختج احبك حبيبي |
الله يخليكم لبعض...
ويحفظكم ويحميكم من العين والحسد... ديري بالك على زوجك وإن شاء الله يسعدك كمان وكمان... موفقة اختي :22: :22: الأخت المباركة . أرجو الانتباه للكتابة الصحيحة لكلمة ( إن شاء الله ) فهي تكتب على الصورة السابقة . شكرا |
الله يحفظكم لبعض ... ويوفقكم ... ويسعدكم |
الله ذكرتيني بزوجي الله يحفظه من كل شر .. هو كمان يحب التحدي و من غير اتحداه يعمل لي الله يخليه لي ... قبل اسبوعين تقريبا كان معايا و سافر ...كنت مره تعبانه صليت الظهر و نمت ..و بعده كم ساعه كده صحاني زوجي ... و لقيته عامل لي ايدام ..و سلطه .و ما شاء الله سفره عامره ..و صحاني و اكلني و نمت مره تانيه و بعدين لما صحيت ....و بديت اشكره على تعامله ... من التعب ماني قادره اجلس ...الحمد على كل حال ..الله يجمع شملنا يا رب و لا يفرقنا .... |
الله يخليكم لبعض ان شاء الله
الحمدلله الحين الازواج واعيين وفاهمين الوالد الله يحفظه اذا الوالده مريضه يعمل لنا الغذا ويكون احلى غذا ورب الكون في نفاسي فطوري عليه والله الله على العصيده الي يعملها الوالد الله يخليه لنا تذوقنا من يدينه اصناف كثيره واخواني طلعو مثله تمام خصوصا الصغير من كثر ما يحب الوالده يعملهها في شهر رمضان كم صنف حلويات يتصل يسأل عنهم وماأنسى مكرونته بالبشامل الشهيره حتى امي ماتحتاج الى احد وتقدر تفطر صائم في رمضان الله يخليهم لها ويخليها لنا أما زوجي حبوب ودلوع امه ماتعود ابديدخل المطبخ بسس... من مده دخل معي مررره المطبخ وعمل تبوله جنان وجلست امدح في اكلته وطبخته وفرح وانبسط وصارت انواع السلطات من تخصصه وبدا يقول انا لو احط يدي على الاصناف الثانيه كاااان صرت احسن طبااااخ :d هههههههه قلت صدقت حتى اشجعه يكون معي... والله اني انبسط اذا وقف معي بالمطبخ مجرد اهو واقف وانا اطبخ احسس بوناسه بس في التربيه والتنظيف البيت فدايما معاي الله يخليه لي ولا يحرمني منه والف شكر على موضوعك الي اتاح لنا التعبير عما في نفوسنا |
مشكوووووووووووووووووووووووووووووورين وتسلمون على الردود بصراحه مره انبسط لما شفت الموضوع صار صفحتين وقعدت اقرى الردود لزوجي وبالمره انبسط
وعلى فكره الرجال يختلفون من واحد لواحد فيه الي يحب المطبخ وفيه الي لا وزوجي ما دخل المطبخ الا لما تزوج تقديرا لي وحبا بمساعدتي مع اني اعرف اطبخ من قبل الزواج وطبخب حلو بشاهدته هو :) زوجي لازم يمدحني على كلا جبت الصور عدلت الموضوع شوفوها تحياتي لكم كلكم مني ومن زوجي بعد دلوعه زوجي |
فاهيتا خطيره [IMG]url]http://www.arab7.com/up/file/1132954877106.jpg http://www.arab7.com/up/file/1132956958159.jpg |
الرز المميز جدا
http://www.arab7.com/up/file/1132957630808.jpg فتوش حامض حلو http://www.arab7.com/up/file/1132958002955.jpg وابي رايكم بصراحه |
بسم الله عليه
حركااااااااااات :d :d الله يهنيكم ويديم المحبه ان شاء الله مره زوجي طبخ السحور احلى سحور كبسه بالربيان :d واحلى سلطه :d بس يوم خلص قال لي كلي ولا عاد تتعودينها :29: |
والله بصراحه انا يوم كانت زوجتي حامل بل البيبي الثاني والله كنت اطبخ وانوع لها بعد يعني مره سباقتي بالفطر والدجاج ومره كبسه وايدام لا وبعد اغسل المواعين بعد الغدا والمطبخ لاني انا احب الشغلات هاذي والله ماتقصر تجي تساعدني واحلف عليها عاد تروح تدور لها شغله ثانيه والحمد لله بالعكس انصح كل واحد انه يشارك زوجته وراح يلقى ان حياته لها طعم ثاني وحلو من جد الطبخ ترى متعه ..................... ومشكور اختي دلوعه زوجها
|
الله من مره ومره
بلنسبه للطبخ عدي واغلطي من كثره ما طبخت
وابشركم الاقي من زوجتي قبول رائع ودايم تمدح طبخي واحيانا تنشب لي تكفى اطبخ عاااد انا وش اسوي ارضخ لمطالبها وعلى العموم اغلب الزملاء والله ما يعرف طريق المطبخ حتى مره سيرت على واحد من الزملاءوكان اهله مسافرين وجالس عزوبي...................المهم دخلنا المجلس وقام اخينا بلدخول الى داخل البيت الرجل طول على اساس انه يعمل شاي قلت لا الرجال نيته مو شاي نيته كبسه :22: المهم جلست اسمع اصوات القدور والصحون والملاعق الين عصافير بطني صارت توصوص قلت الرجال الحين بيكبس لنا كبسه على كيف كيفك وبعد فتره جايب الشاي :( قلت الحين كل هذا ونهايتها شاي قال ليش...............قلت طولت وصوت القدور والصحون وش هذي ضحك وقال يا ابن الحلال ما ادري وش اللي في المطبخ لاني بصراحه مجرد ما تعتب رجلي على باب المطبخ المدام تطردني عااد قلت له ما كل زوج يطبخ ولا كل زوج يعرف طريق المطبخ هذه مجرد دعابات ولكم فائق التحيه |
جزاكِ الله خيراً أختنا الكريمة الفاضلة " دلوعة زوجي " على هذا الموضوع الذي يكون قد حرك بإذن الله عز وجل الكثير من الرجال للإقدام على هذه الفكرة الجميلة ... التي قد سبق الرجال إليها خير البشر .. محمد بن عبد الله صلوات ربي وسلامه عليه .. أكرمكِ الله وزوجك الفاضل .. وأدام السعد بينكما .. وبين كل زوجين إن شاء الله .. يغلق الموضوع للاكتفاء ؛؛؛ |
| الساعة الآن 12:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©