|
علاج الامي عند الاطباء
أخوتي الدكاترة والأطباء
السلام عليكم ورحمة الله وبركاته. عندي استفسار أبغى ألقى إجابة علية بأسرع وقت ممكن إذا ما كان عليكم كلافة وهو إني من يوم جبت بنتي إللي عمرها سنة صار عندي آلام شديدة بالظهر شديدة جدا واللي اعرفه انه الوحدة تشفى من هذه آلالام بعد عدة أشهر أما أنا فالألام في ازدياد واليوم ماني قادرة اتحرك وللعلم انني تعبت في ولادة بنتي اللي كان وزنها 2،5 ك :15: مما جعلني اتعب وابذل جهد لولادتها وبعد يوم من الولادة اظطرينا للتنويم بالمستشفى لاجرا عملية للطفلة لمدة عشر ايام وانتم عارفين قلة الراحة الي واجهتني بالمستشفى :( وبعدها ماشفت العافية نصف الظهر الاسفل مع الوركين تكفون ياجماعة إللي عنده علاج عربي يعلمني وماله مني إلى الدعاء :d |
يعني من امس منزله الموضوع وما احد رد علي
والله شرهتي عليكم كبيرة |
اللي اعرفه يا ماما
ان الوحده لازم تاكل حلبه وتشرب حليب طول فترة النفاس حتى يتعافى ظهرها وشكلك انتي لا حلبه ولا غيرها بس العلاج انتظر الاطباء معاك حتى يجاوبو على فكره توقيعك اعجبني ممكن تعملي لي واحد رايق مثله توقيعك بس باسمي انا والله يجزاك بالجنه ويشافي ظهرك |
والله ماعندي مانع احطلك توقيع وانا امك لكن مااعرف كيف احطه لك
دليني على الطريقه واكتبلي طلباتك ومن عيوني الثنتين يااحسن ام خالد وهلا فيك :17: :17: |
ياليت اقدر اساعدك
بس مثل ماقالت ام خالد كلي حلبه يمكن تجبر عضامك وتطيب بعدين فيه شي مهم يمكن عندك نقص كالسيوم جربي تاكلين كالسيوم بعد ماتسوين تحليل يبين نسبته اذا كانت ناقصه لانك تحسين بتعب في الوركين بعد وهذى عاده مايكون نقص كالسيوم بعد ماخذت الصغنونه كل الكالسيوم اللي في جسمك في فتره الحمل وش بعد امممم اتوقع لو تريحين شووي بتحسين اكيد بتحسن فيظهرك .......... قلت كل اللي عندي وان شاء الله اكون افدتك ........ تحيااتي |
مشكورة ياام العيال ماقصرتي
لكن مافيه شيء غير الحلبه لاني صعب اروح للمدرسه يوووه الريحة |
يا ماما حبوب الحلبه تباع على شكل حبوب عندgnc
ولا يطلع فيها ريحه يعني اطمئني يا احلى ام ولا تنسين توقيعي ما عندي اي طلبات اي تصميم على كيفك واكيد بيطلع حلو يا ماما الحلوه فقط اكتبي فيه ام خالد والله يجزاك الجنه |
ممكن توضحيلي معنى gnc
ومفعوله مضمون اكيد لاني كنت اشرب حليب حلبة لكني ماشفت فايدة بعدين قالولي انه لازم اكل مطحون الحلب لكن بعد مافات الاوان فاخاف انه تكون نفس مفعول الشراب ولا وش تجربتك معه ومشكورة يااختي ياام خلودة والتوقيع مايبيله شي بس كيف انزله لك؟؟ |
gnc
هي محلات ارمال للاعشاب الطبيعيه وهي تبيع الاعشاب على شكل اقراص مثل الادويه نزلي التوقيع في نفس الصفحه هذي وانا بسرعه اباخذه يالله شدي حيلك |
والله ما أدري أذا كان هذا السبب من الحمل.. بس ليه ماتروحين المستشفي؟؟
يمكن تكون فقره من الظهر متحركه من مكانها وأن الالام التي تنتج من الظهر الي الفخذ ممكن يكون( دسك) هذا الي أعرفه.. لان احد من العايله أصابه الام شديده بالظهر.. الى درجه انه ماقدر يمشي من الالم.. وعلاجه الابر بالظهر وبعض المسكنات.. انا مابى اخرعك.. بس روحي المستشفى أحسن لصحتك:) |
يام خالد وشي محلات ارمال
معليش على الازعاج وبعدين فايدتها هي نفس فايدة المطحونه اكيد يعني انت مجربتها |
وين انت ياام خالد
عسى مازعلتي علينا تراي مومن عادتي اخلف وعدي لكن البرنامج خبط معي هاليومين الظاهر ان ظهره اوجعه مثلي من كثر مااشتغل فيه بس ان شاالله من يوم يتصلح راح اجهزلك التوقيع هاه لاتنسين تجاوبين على اسالتي يعطيك العافيه وانتم يااعضاء ماعندكم علاج لامكم الله يعطيكم العافية |
لا وش دعوي وش يزعلني
اصلا انا عارفه انك ما راح تخلفي الوعد شوفي حطي بحث في قوقل اكتبيgnc وراح يطلع لك كل منتجاتهم بالتفصيل ووين تحصلينهم انا مجربه الحلبه وفيتامينات النساء والحمد لله نافعتني وااااااااااااجد |
مشكورة يااحسن امخالد
وابغى اجرب وصفتك باذن الله تعالى على فكرة قالتلي شغالة خالتي ان الزنجبيل الاخضر مرة حلو تبشرينه وتحطينه على ظهرك سويته ولفيت عليه قماشه عشان تمسكه ونمت على ظهري 3ساعات تصدقون ان ظهري بعد نصف ساعة صار حار ويصب موية ويوم قمت حسيت الالم خف كثير الحمدلله على الاقل قدرت امشي معتدلة هاه يااعضاء شاركونا بوصفاتكم علشان يصير ملف لعلاج الظهر اللي ياكثر الناس محتاجينه والله يجزى من عمل خير |
فعلا يا امي الشغالات عليهم علاجات حلوه وبسيطه
وانا دايما اسالهم والنتيجه دايم مرضيه مره كان راسي يوجعني وسالت شغاله قالت لي افركي اول خشمك من فوق وفوق اذانك والحمد لله راح الصداع بسرعه الله يشافيك وكل مريض |
[IMG]http://www.uparab.com/get.php?filena...757.gif[/I السلام عليكم
وش اخبارك ياام خالد هذا التوقيع وارجو انه يعجبك تراني من ساعة ماتصلح البرنامج على طول سويتلك التوقيع وعذرا مرة اخرى على التاخير وخبريني اذا كان ماصلح |
http://www.uparab.com/img/=1133561754.jpg http://www.arab7.com/up/file/1133561854425.jpg
واخيرا رضى يطلع كل ماحملت الصورة قعدو يتشرطون علي والله ياام خالد لازم هذولا حقين تحميل الصور نطالبهم في منظمة حقوق الانسان اعوذبالله مايرحموننننا |
السلام عليكم..
اللي يخرب أثناء النفاس صلحيه أيام الدوره وعليك بنظام فيافي تلاقيه في عالم حواء قسم الأعشاب أنا استفدت منه كثييييييييير حتى زوجي لاحظ أني ماعاد اشتكي من ظهري ولابأس طهور إن شاء الله. |
وعليكم السلام ورحمة الله وبركاته
هلا والله والسموحة ماقرأت الموضوع إلا الأن وتعالي ترى الحل عندي وأنا أمك بإذن الله بس وش بتعطيني؟؟؟؟؟؟؟؟ أولاً : أنتِ تشعرين بألم من أسفل ظهرك لين رجولك وبالذات لما تقومي وتقعدي وفي الصلاة لدرجة تقولي وأنتِ قايمة,,,,أي ,,,أي ,,,,,أي ........صح؟؟؟؟؟ وألم في عرقوب رجلك لماتصحين من النوم.......صح؟؟؟؟؟؟؟ أنا عارفة إنه صح بس علشان تطمئني إن علاجي صحيح بإذن الله هذا الآلام سببها إن الرحم عندك مارجع لمحله الصحيح بعد الولادة بسبب تعبك وخرجتك مع بنتك الله يحفظها الحل الله يسلمك ويشفيكِ ويعافيكِ ويخلي لك ورعانك إنكِ تروحي عند حرمة تمرخ لك. وبإمكانك أولاً تسوين بنفسك التمريخ وإذا مانفع وماعرفتي روحي لحرمة شاطرة تمرخ لك. طريقة التمريخ: المقادير: زيت زيتون فكس او أي شيء حار مثل أبو فاس قطعة قماش مثل شماغ أوطرحةأو أي شيء عندك الطريقة: لازم تكوني على الريق وبما إنك عندك مدرسة فالأفضل تخلينه يومي الخميس والجمعة تنامي على الأرض وترفعي رجولك في الجدار وتحطي القماش تحت بطنك علشان يكون جاهز للربط تبدأي بتدهين البطن بالزيت والفكس وترفعي بيديكِ الإثنين بطنك لأعلى من عند الرحم يعني من أسفل نقطة في منطقة البطنوبتحسين مع الضغط مكان الرحم وحاولي ترفعيه لفوق بالضغط القوي قليلاً وكرري الترفيع عدة مرات ومن الوسط ومن جانبي البطن وبعدها أربطي القماش على أسفل نقطة في الحوض وشدي الرباط وقومي ونامي مباشرة على ظهرك يعني الأفضل تسويه بعد صلاة الفجر وتكملي نومة وخلي الرباط لين بعد الغداء وفكيه وكرري الطريقة يومين أو ثلاثة والأفضل تكون عليكِ الدورة الشهرية والأفضل إنك تكوني مجهزة كوب حليب مع صفار بيضتين بلدي ومحلى بالعسل ومعاه حبة البركة مطحونة وبعد ماتنتهي من التمريخ تشربيه وتنامي على ظهرك. وفائدة هذا الحليب إنه يقوي عظامك بسب إهمالك في الأكل فترة النفاس جربي ولاتنسين هديتي وهديتي هي : إنك دااااائماً تدعين لي إن ربي يهديني ويهدي زوجي وأولادي وأهلي ويثبتنا على الإيمان ويقر عيني بزوجي وذريتي ويكونوا كالبلسم الشافي لي. والله يشفيكِ وبهذه المناسبة اقدم لك إعجابي بشخصك الكريم وبأسلوبك في الردود والله يجزيك الجنة. |
الله يجزاك خير يا اميمتي
بس قهر ما اشتغل عندي خلاص لاتتعبين نفسك احس اني كلفت عليك وعلاج ظهرك............... من قدك ردت عليك ام جمانه الله يبارك فيها والله اني احبها واحب كتاباتها وكبار شخصيات المنتدى ما يردون على اي حد (امزح) |
اشكرك حبة القلب على تفاعلك معي
وفقك الله الى مايحب ويرضى ام جمانه هالمرة بقول وانا بنتك ماتتصورين كم فرحت لما شفتك في موضوعي انا اقرا كتاباتك ياام جمانه من زمان قبل لاسجل في المنتدى صراحة وجودك مفاجئة بالنسبة لي اشكرك كثيرا كثيرا وما ادري اشكرك على مرورك او على علاجك او على تقديرك اللي احس اني ماني قده سبحان الله كنت كاتبة رد لك يشبه هذا الرد اليوم الصبح بس انشغلت شوي واجلته يوم اني فتحت الموضوع لقيت الاخت ام خالد تشكر كتاباتك قلت سبحان الله مو لحالي حبيت ام جمانه على العموم انت ياام جمانة غالية علي مرة وبهاالمناسبة ابغى اهديلك هدية متواضعة ارجو انك تقبلينها مني http://www.arab7.com/up/file/1133620898312.jpg ارجو انه اعجبك كتوقيع ام خالد والله ماتعبتيني ولا يحزنون اللي تعبني هذولا حقين مراكز التحميل يالله حصلت واحد يقبلها بالنسبة للتنزيل انا اقول نزلي الصورة في كمبيوترك على سطح المكتب مثلا بعدين روحي ل قوقل واكتبي عرب7 تحميل صور مجانا وبعدين كملي الخطوات اللي موجودة في طريقة التوقيع في قسم الاستفسارات والاقتراحات ارجو اني وصلت المعلوم |
اشكرك حبة القلب على تفاعلك معي
وفقك الله الى مايحب ويرضى ام جمانه هالمرة بقول وانا بنتك ماتتصورين كم فرحت لما شفتك في موضوعي انا اقرا كتاباتك ياام جمانه من زمان قبل لاسجل في المنتدى صراحة وجودك مفاجئة بالنسبة لي اشكرك كثيرا كثيرا وما ادري اشكرك على مرورك او على علاجك او على تقديرك اللي احس اني ماني قده سبحان الله كنت كاتبة رد لك يشبه هذا الرد اليوم الصبح بس انشغلت شوي واجلته يوم اني فتحت الموضوع لقيت الاخت ام خالد تشكر كتاباتك قلت سبحان الله مو لحالي حبيت ام جمانه على العموم انت ياام جمانة غالية علي مرة وبهاالمناسبة ابغى اهديلك هدية متواضعة ارجو انك تقبلينها مني http://www.arab7.com/up/file/1133620898312.jpg ارجو انه اعجبك كتوقيع ام خالد والله ماتعبتيني ولا يحزنون اللي تعبني هذولا حقين مراكز التحميل يالله حصلت واحد يقبلها بالنسبة للتنزيل انا اقول نزلي الصورة في كمبيوترك على سطح المكتب مثلا بعدين روحي ل قوقل واكتبي عرب7 تحميل صور مجانا وبعدين كملي الخطوات اللي موجودة في طريقة التوقيع في قسم الاستفسارات والاقتراحات ارجو اني وصلت المعلومه وتعبك راحة ياام خالد تراك غالية علي وراح ازعل عليك اذا قلتيلي تعبتك المهم انها اعجبتك |
الله يجزاك خير
ويوفقك ويسعدك ويخليلك بزورتك اااااااااااااامين |
كذا التوقيع ولا بلاش
|
الحمد لله انه اعجبك
تبلينه باالعافية :d :d |
أولاً : خليني أصفي حسابي مع أم خالد وبعدين أرجع لك.
أم خالد.........حرام عليكِ إذا لقبي بيخلي فكرتكم عني كذا والله ماأبغاه. قلة ردودي هو بسبب ضيق وقتي وبس....وأنتِ أم وعارف وش مشاغل الأولاد والزوج ولو تلاحظين إني ماادخل المنتدى إلا قبل الفجر أو بعد مايروحوا أولادي المدرسة يعني محسوب عليّ من وقت راحتي والله حتى نومي قليل جداااا وبقية الأوقات مااقدر أدخل فيها بسبب مسئولية البيت وأفااااا عليكِ والله أنك عزيزة وغالية وأحبك في الله لطيبة أخلاقك وبعدين تعالي ذكرتيني والله جابك عندي , أنا شفت موضوع لك تسألين عن سنة الزواج....وأنتِ كتبتي إنك تزوجتي سنة 1426هـ يعني معقول تزوجتي هذه السنة ومعاكِ أولاد الظاهر سقط سهواً ..وكنت ناوية ارد عليكِ في الموضوع وأنشغلت ونسيت ألف شكر لك ياأم خالد والله يحفظ لك أبوخالد وخالد وأخوانه وأخواته ويجعلهم قرة عين لكِ نرجع لأمنا الغالية على قلوبنا أقول لاتقولي لي يابنتي وتعجزيني. والله يااختي الحبيبة ردك أثر فيني جدااااا و حطيتيني في مقام أكبر من مقامي وهذا من طيب أصلك وكرم أخلاقك ووالله يسعدني وبشرفني أنك متابعة كتاباتي من زمان وان لي أخوات مثلك يبادلوني المحبة في الله ومااجملها من محبة اسأل الله بكرمه وفضله كما أنار هذا ايوم بالنور والضياء أن يملأ قلبك بنور الإيمان ولذة الطاعة وان يقر عينك بزوجك وذريتك ويلبسكم لباس الصحة والعفو والعافية في الدين والدنيا والأخرة. وأشكرك من أعمااااااق قلبي على التوقيع الرااااااائع لإني فعلاً محتاجة توقيع وتصدقين كنت باطلب منك الهدية توقيع بس إنحرجت اكلف عليكِ وأشغلك.....بس الحمد لله حسيتي فيني وماقصرتي ألف ألف ألف شكر وطمنيني عن ظهرك. وهذا إهداء مني لك ولأم خالد http://www.fin3go.com/cards/images/nature/MAH4.gif |
السلام عليكم بامهات المنتدى الحبيبات
امي ام خالد ام جمانه بالنسبه لالام الظهر صحيح مافي بعد كلام ام جمانه و عمليه التمريخ الي قاعده اقراها و انا مو مصدقه لاني ما شايفه ولا قاريه عنها في بلاد الانجليز و حبوب حلبه ياسلام على الدلال احنا هنا نبلبع بهالادويه و لنا ولكم الله المشكله اولادي و حبايبي ما يجو الا بالشتا بل في عز الشتا و ولاني انا و اعوذ بالله من كلمه انا وحدي بالغربه و قايمه بالبيت و العيال فاني بعد كل ولاده يمسكني عصب من رقبتي الى اسفل ظهري ما اقدر اول يومين احرك راسي فما بالكم بجسمي كله اصيح و ابكي لان ظهري كله يئن و يتوجع من الالم و اذا حبيت ازيد الالم و ازيد من عذابي زوجي يتبرع يسوي لي مساج اصرخ ما اقد احد يمسكني و ارضع و انا جالسه و يشيل الطفل و انام على الكنبه المهم سالت الطبيبه اعطتني دوا فعلا ريحني اسمه Voltarol 50 mg الحمد لله اخذت منه و خف الالم و زال ورا كم يوم و موجود بالصيدليه بالسعوديه واهلي ساكنين هناك و مره الوالد المه ظهره و اعطيتهم الاسم و موجود بس يمكن اسمه الطبي يختلف بس يعرفوه الصيادله الله يشافي كل مريض اللهم امين و سلامتكم يا امهات يا غاليات |
الاخت ام جمانه او ماعليه نقول بنتي ام جمانه
الحمدلله انه اعجبك وتقطعينه بالعافيه ان شاالله مشرفتنا القديرة ام اثير 4 الله يكون بعونك قاعدة تشرفين علينا وانت هناك في بريطانيا اكيد وجع رقبتك من كثر ماتطلين علينا من هالمكان البعيد (امزح) بالنسبة للعلاج اللي قلتيلي عليه هو اللي نسميه حنا فولتارين وهو علاج للروماتيزم وايضا مسكن للاعصاب ويوجد منه تحاميل وحبوب على العموم اشكرك كثيرا كثيرا على تفاعلك واخوتك الغالية علينا وراح احاول استخدمه لكن بعد التمريخ والعلاج الطبيعي اذا مااستفدت منهم الاخوات ام جمانه ام خالد ام اثير وكل من تفاعل معي ابشركن خففت من هالثقل والعجز والاهمال اللي فيني ورحت المستشفى واخذت الاشاعات والفحوصات اللازمة قالولي انه اثناء الولادة تعسرت وتصعبت الحالة فالظاهر انك شديتي نفسك علشان يطلع البيبي مما اثر على الاوتار فشدت العمود الفقري السفلي وصار شكله مستقيم والطبيعي انه يكون فيه ميلان شوي وانت محتاجه للتدليك مع ربط المشد 24ساعة الا في النوم قلتلهم وهذا اللي صار فعلا انا شديت نفسي وانا كتبت لكم هذا يااخوات علشان نتذكر سوى كم فضل الام علينا الله يجزاهم الجنه يارب وعلشان الوحدة اذا جاها ولادة ترخي نفسها وما تشد وهذا درس نستفيده مع بعضنا لان الوحدة في تلك الاثناء تتخربط من شدة الالم وما تدري وش تسوي لكن لابد من الحذر ارجو انكن استفدتن من تجربتي الله يخليلنا هالعيال ويصلحهم وما يروح تعبهم خسارة امين يارب |
هلا بالغاليه ام جمانه
انا قلت كذا حتى اطلع قدرك في قلبي عند الغاليه امي احس ان مسؤلياتك كبيره ولا تجيبين الاعلى الحالات الصعبه جدا اما تاريخ زواجي انا اخطيت كتبت 1426 بدل 1416 لاني متعوده على كتابة 1426 وشكرا لك وللغاليه امي |
هلا بأم أثير والله يعينك والله نفاس وبرد؟؟؟ مشكلة
لااااازم يااختي تدهنين نفسك كل ليلة بزيت دافيء مع زنجبيل مطحون وملح والزنجبيل يشيل الهواء والبرد والملح يصنفر . وبإذن الله المرات الجاية تولدي في الصيف . هلا والله بأمي وأم المنتدى كله .....لا والله عادي قولي أمي بس حبيت أمزح يعني مستخفة دمي الثقيل. والحمد لله طمنتيني عليكِ والتمريخ هو العلاج مثل ماقلت لك بإذن المولى آآآآآآآه يااختي على فضل الأم ومين يقدر فضل الأم إلا إذا صرنا أمهات ......كل ماتعبت من عيالي قلت (ربي أغفر لي ولوالديّ رب أرحمهما كما ربياني صغيرا) شافاك الله وعافاك ومن كل خير أعطاك ويعلم الله سعادتي وأنا معاكم هنا وكأننا في جلسة عصرية .....بس أفا عليكِ ليش البخل وين القهوة والشاي ومشتقاته .....والا أروح عالم التغذية أفضل. هلا وغلا بأم خالد والله يحفظك ويعلم الله قدركم غالي وسبحان الله من خلال تواجدي في النت من فترة طويلة صار عندي فراسة أعرف منها الناس الطيبين من خلال ردودهم وأشعر معاهم براحة.....وبعض الردود والله أحس فيها بإنقباض في القلب وماأرتاح لهم أبد. ألف شكر ياأم خالد . |
هلا والله هلا وغلى بام جمانه
شرفتي ونورتي محلك الله يهديك اذا كنت انت ثقيلة الدم اجل من هو خفيف الدم؟؟؟ ابشرك لقيت حرمة تمرخ وان شاءالله بمرخ عندها بالاضافة للتدليك الطبيعي بالمستشفى الله ينفع فيهم وبعدين الله يهديك ابخل عليك بقهوة وشاهي اذبحلك الذبايح واطبخلك التباسي ياام جمانة وتستاهلين اكثر من كذا وشرفينا ياام جمانة مرات ومرات الله لايحرمنا منك |
http://www.arabaltmed.com/forum/index.php
هذا الرابط لموقع الطب العربى البديل باذن الله ستجدين فيه مايفيدك انت وغيرك فيه اطباء نحسبهم مخلصون وعلى خير وخبرات عاليه جدا والشافى هو الله نسأله ان يعجل لك شفاءا كاملا لا يغادر سقما |
مشكور اخي دكروري كثيرا
الموقع ممتاز جدا جعله الله في موازين حسناتك وجعلك مباركا اينما كنت |
ماكو الا العافيه ان شاءالله
صادفت نفس المشكله لكن عوار الظهر كان من فترة الحمل وبعد الولاده نفس الشي لمدة أشهر ويمكن سنه والله وقريبتي قالت لي انها عانت من نفس المشكله لكن يوم حملت بالثاني راح العوار:15:
ورحت المستشفى وسويت اشعه لظهري لكن الحمدلله كل شي طبيعي والدكتور سألني عن مدة الولاده لأنه يقول فترة الولاده المفروض تكون سريعه لأن قعدة الوالده عالسرير مع الطلق والتعب يسبب ألام بالظهر أنصحك بعمل الاشعه:30: |
| الساعة الآن 01:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©