|
حبيت أشوف رايكم في قصتي..........؟
بالاول السلام عليكم شخباركم
طبعا أنل متخذه قراري من زمان بس حبيت اسمع أراء ممكن تساعدني السنه هذي صارلي اربع سنوات من تزوجت طبعا تعرفون احنا بالخليج عوايلنا كبيره واجد أنخطبت حق واحد من العايله الكريمه كان يقرب لنا بس مو حيل قريب المهم بدينا بدايه طيبه حبيته واعتبرته جزء من حياتي اخلصت له كنت وفيه له تزوجنا بعد الزواج بشهر ونص الله كتب لي وحملت وجاتني بنت وبنتي كبرت بعد ماصار عمرها سنه أنقلبت حياتي فوق تحت صرت اشوف الاشياء بمنظار ثاني اشياء كنت اشوفها في زوجي من بداية ارتباطي فيه لمن ماصار عمر بنتي سنه كأن جا أحد وعطاني كف على وجهي جلسني من الغفله اللي انا فيها بس بعد ما جبت البنت كانت صعبه جدا المهم كان بدون اخلاق ولسان والحمد لله متبري من عنده الطريق اللي يمشي فيه طريق خربان ونهايته يالسجن يالقبرواتكالي وراعي علاقات مع بنات وغيره طبعا أبوي يصرف علي وعلى بنتي بحجة الديون اللي عليه زواجي تقريبا كله من عندي وعند أبوي كان انسان منحط لدرجة ما تتوقعونها صبرت وصبرنا انا واهلي عشان بنتي بس بعد فتره حسيت اني خلاص طفح الكيل فيني كرهته مع مرور الايام شوي شوي كان كرهي له يكبر يوم عن يوم وصرت خلاص استحقره وأكرهة وصرت ما اتحمل انه حتى يلمس ظفر من اظافري كرهتة الكره قام يتغلغل يوم عن يوم يعني بمعنى اصح اهو بنا الكره في قلبي على اساس صحيح تشبع قلبي من الكراهية اللي احسه اتجاهه خلاص في يوم انفجرت وقلت خلاص ما ابيه ورحت بيت اهلي مع بنتي وخلاص بعد صعوبه شوي خلاص الحين راح اتطلق من عنده ان شاء الله اللي ابيه منكم شرايكم يعني اعتقد من حقي اني اتطلق صح ولا لأ؟؟؟؟ آمل التنبه ان شاء الله تكتب هكذا |
وطبعا اقول زياده على كلامي طول ا لفتره اللي انا عشتها معاه حاولت اني اصلح في حالته واني اخليه يمشي صح بس بدون فايده يعني اعتقد من حقي اني اذا مشيت مع زوجي اكون رافعه راسي فوق ما اكون منزلته من الفشيله والاحراج صح ولا لا؟؟
|
اكيد صح :11: الاجابه على السؤال الاخير فقط لا غير |
الله يكتب لك الأصلح ... تريثي في الأمر
واستخيري واستشيري سؤالي >>> هل هو راعي صلاة ؟ ( يعني يصلي ؟ ) |
لا مايصلي يريت يصلي كان اهون شوي
|
لا حول ولا قوة الا بالله
اذا ما يصلي فهو كافر كما افتي العلماء قال الرسول صلي الله عليه وسلم(العهد الذي بيننا وبينهم ترك الصلاة فمن تركها فقد كفر) بنت وحجة افضل من ترحعي ويسر عندك بنتين وتزيد المشاكل واللي كذاب مع ربه كذاب مع الناس |
إن أبغض الحلال عن الله الطلاق ...
حبيبتي اذا ما قدرتي تصلحين الي بينج وبينه وما حاولتي تساعدينه عشان يتغير لازم تحاولين قبل وتقولينله يذكر الله ويصلي صلاة الفجر راح يتأثر وااايد عقبها .. يمكن عنده حاله نفسيه ترى صج انا سامعه وايد حالات جذي بس عقب محاولات الزوجة الصالحة ينصلح كل شي .. بس اذا ما قدرتي لا حول ولا قوة الا بالله |
أنصحك أن تستخيري
الله يوفقك ويختار لك الخير |
أنصحك أن تستخيري
بم انه ما يصلي فهو كافر |
صلى صلاه استخاره.. يمكن تكونين تسرعتي.. يمكن يكون اكو حل ذا احد تدخل..
بس كنت بفيدج بشى.. علاقتكم الى كانت مع بعض و المشاكل كلها و عيوبه.. لا تقولينها لاحد.. حتى لو فيه عيوب الدنيا كلها.. والسبب؟؟ لاتخلين احد يتكلم عنه بسوء.. و يقولون فلان سوا.. لان بنتك اسمها من اسم ابوها.. وبنتتك بتضرر.. والله يكون بعونج |
الله يعوضك خيرا منه وينقذك من براثنه ..
وبنتك لاتخافين عليها ربي يحفظها ، والحمدلله إنها بنت وحدة مو أكثر من بنت .. تأكدي تصرفك صحيح 100% وقرارك شجاع 100% ، كوني واثقة من نفسك ومن مبدأك ، فتارك الصلاة كافر ولايجوز لك العيش مع كافر .. |
مشكورين أخواني على أرائكم اللي بتساعدني أنشاء الله وانشاء الله أشوف آراء أكثر من جذي
|
انصحك بأن تستشيري مختص تثقي فيه
|
الله يساعدك اختي ويعطيك الاجر اذا مافي حل غيرالطلاق يعني اكيد انتي حاولتي تغيرين منه شوي الله معاك
تفاحه |
الله يعوضك خير منه ،، ويكتب لك السعادة مع غيره
|
اذا هو تارك الصلاة اهمال منه فهو مسلم وليس كافر .. اما اذا تركها انكار لها فهو كافر ..
اذا حسيتي ان زوجك يمكن راح يوم من الايام يتصلح ويتوب صبري عليه لين الله يهديه يمكن هو محتاج وقفتك معاه وبكل الحالات هو ابو بنتك يعني لو مو عشانه عشان بنتك الله يصلحه ويهدبه |
مشكورين أخواني
المشكله الكبيره اللي اعتبرها اساس للحياة الحب راح وسكن مكانه الكراهيه واذا عشان بنتي الصراحه اهو اللي ما عرف قيمتها لاني انا خلاص قررت افني حياتي عشان بنتي كنت تاركه الدراسه ورجعت لها وانشاء الله راح ادرس واكمل وانجح عشان بنتي عشان اعوضها عن ابوها اللي صار اني من تركته مايعرفها بعرف كأن ما صدق على الله اني هديته ولا كأن عنده بنت الصراحه جا العيد وراح ما قال اعطي بنتي كسوة العيد او عيديه على الاقل أنا كل ما حاولت ابني في علاقتي معاه اهو يجي ويهدمها |
الخيره فيما اختاره الله
اذا استخرت وحسيت انك على نفس رايك اذا الطلاق هو الحل ولو ا نه مر |
بدون اخلاق ولسان والحمد لله متبري من عنده الطريق اللي يمشي فيه طريق خربان ونهايته يالسجن يالقبرواتكالي وراعي علاقات مع بنات وغيره طبعا أبوي يصرف علي وعلى بنتي بحجة الديون اللي عليه زواجي تقريبا كله من عندي وعند أبوي كان انسان منحط لدرجة ما تتوقعونها صبرت هذه اسباب كافيه للطلاق انفذى بجلدك قبل ان يكثر عدد ابنائك منه
|
ربنا ايكون في عونك اختي وان يصلح حالك
وان يهدي كل ضال عن طريق الحق امين |
انتبهي انت محاسبة عما تكتبينه
اذا كان مايصلي نهائيا بلا عذر اطلبي الطلاق فتارك الصلاة كافر ارجو ان ماذكرتيه عن زوجك هو الحقيقة والله يوفقك |
مشكورين أخواني
طبعا صعبه الواحد يصدق ان في انسان في الدنيا هذي بالاخلاق هذي بس صدقني انه مافي كلمه كتبها الا وهي صادقة بكل حرف منها حظي في الدنيا هذي ردي شسوي ما اقول الا الحمد لله على كل حال |
أخيتي لا يجوز لك المكوث مع انسان لا يصلي
تذكري من ترك شيئا لله عوضه الله خير منه الله يكون بعونك وترى الطلاق مو عيب وجعله ربي خلاص اقرأي سورة البقرة وسورة الاحزاب وسورة الطلاق و و كلها يوجد بها أحكام للطلاق فكري جيدا |
أختي
لا تقولي حظي ردي أعوذ بالله هذا ابتلاء من الله وربما تكون سعادتك بهذا الابتلاء والله جل وعلا إذا أحب عبدا ابتلاه هذه إرادة الله فيك فلا تتسخطي منها نصيحتي لك أكثري من الإستغفار |
اقتباس:
|
اعانك الله على ما ابتلاك ، و باقولك شي الله لما يحب عبده يبتليه وان شاء الله يكتبلك الاجر على صبرك
بس ما دام انه مايصلي فهذا شي ثاني والرسول عليه الصلاة والسلام قال : العهد الذي ببننا وبينهم الصلاة والي ما يصلي كافر والمومنة لا ينكحها كافر ، فطلاقك منه افضل اذا كان ما في اي امل نهائي في انه يتعدل و حالتك هاذي مو اول حاله في كثير فتيات بنفس حالتك " انا ما اعرف ليش الرجل يتزوج و يكون له علاقه مع اخريات طيب ليش متزوج ما دام انه يلقى الي بيلقاه من الزواج وكثير يتحججون بان زوجاتهم ما يعطونهم حقهم طيب شوف نفسك اول انت معطي حق ربك لما انت تطالب بحقك وهل انت معطي حق زوجتك عشان تطالب بحقوقك . انا ما اتهم الكل بالعكس في من الازواج الي ربي مبارك فيهم و مودين حقوقهم كامله و بالعكس متحملين عيوب زوجاتهم وهاذا الشي المطلوب ان الزوج و الزوجه يتحملون بعض . المهم اختى انا ارى انه راحتك في الطلاق حتى تحافظي على نفسك وعلى دينك وربي يقدرك على تربية بنتك تربيه صالحه ،،،،،، :22: :15: :22: |
اخيتى الغالية وعزيزتي جنة الحب السلام عليكم ورحمة الله اخيتى ... لا شك ان ما تمرين به مع ابنتك حفظها الله هو ابتلاء من الله ... وتذكري ان كل مصيبه ولها نهاية ولا يوهمك الشيطان بالاحباط واليأس من المشكله وفووق هذا كله انا لما قرأت المشكلة صديقنى وان اخوك انى شفت انها سهله جداًأأأأأأأأأأأأأأأأأأأأأأأأأأأأأأأأأ والكرة الان في ملعبك انتى ... انتى فقط ويمكنك تسديد الرمية التي تنقذي بها حياتك مع ابنتك اخيتى ان كلمة مطلقه ليست بالسهله ان تطلق على امراه ... وخصوصاً في زمننا هذا ولم اقل ان الطلاق عيب ... ولكن ان تعيشي في بيت اهلك طوال عمرك من دون زوج فهذه المشكلة فيها نظر ... وانظري غداً الى كلمات الناس عنك مطلقه اخيتى الغالية انتى الان في بيت اهلك وبنتك معك ... هل يمكنك تغير زوجك ...نعم يمكننا تغير حال زوجك بكل ذكاًء ولكن احتاج الى عقلك اخيتى انتى الان في بيت اهلك مع ابنتك حفظها الله ... عندما يأتي الزوج اليك لا تنتصري لنفسك وتصارخي في وجهه ولكن اشرطي عليه شرطاً واحداً فقط شرط اقسم بالله انه سيغير حياتك كلها... ما هو ترجعي معه بشرررط ان يصلي في المسجد ... نعم ان يرجع ويصلي ويحافظ على الصلاة واي صلاة يتركها سوف ارجع الى بيت اهلي بدون رجعه . لكن كلمية بكل حب وكل احساس صادق ..قولي مثلاً لو ان اسمه سعد قولي (( صدقنى يا سعد انى ما شفت احسن منك زوجك طيب وقوليها قدام اهله قولي والله انك رجال طيب واخلاقكك زينه لكن مشكلتك ما تصلي ... وانا اخلاقي ما تسمح لي انى اعيش معك حاولت اغير ... لكن الله يهديك انا اغير من جهه وانت اخلاقك تزيد على قسوه ومن هذا الكلام اللي يحسسه بأنوثتك وضعفك ... تخليه يرجع لعقله انتى حطي في بالك انك بتحلي المشكله ..شيلي شغلة الطلاق هذي من عقلك نهائيا لا تقولي صعب يتغير .. وانا اخوك الموضوع سهل جداً ....هو بمجرد حضوره للصلاة ..صدقينى قلبه بيتغير ترى والله وانا اخوك ان الصلاة تغير كل شي في الانسان هو من حاله يشووف نفسه يشووف هل هو في صح او خطاء لما يرجع للبيت ويشووفك في مسفع ((لباس)) الصلاة تؤدي الصلاه صدقينى ...بيتغير طيب الان انشالله اني قدمت الحل عشان يظبط حاله في البيت كيف يضبظ حاله خارج البيت ... يعنى تغيري الطريق الاسود اللى يمشي فيه انا اقولك هذي تحتاج الى مساعده من اخوانك ... تعرفين ايش معنى اشغليه ... اشغليييييييييه خليه ما يعرف حاله هو في الليل ولا النهار ... خلي اخوانك يزورنكم على طول .. مرره امك مرره اخوك مرره خالك ... كل يوم او يومين زياره اطلعوا انتم نسقي انتى كل الزيارات خليه يحس ان الناس تنظر الى حالته خليه يحس انه اصبح واحد صاحب عائله انا ما ابغا اطول بالرد ... وعندي كلام كثيرر ودي اقوله لكن انا ابغا اسالك عن الطريق الاسود اللي يمشي فيه ..؟ هل هو مخدرات ؟؟ اذا مو مخدرات ابشرك مشكلتك محلوله وزوجك بيرجع عسل بس اذا مخدرات لها رأي ثاني اتمنى اشووف ردك |
مشكورين أخواني على ردودكم تعبتكم معاي
أخوي شاطئ الذكريات الطريق الاسود اللي اقصده هو انه مدمن على شغله اخف شي مثل مايقولون في المخدرات الللي هي حبوب السواقين اللي يستخدمونها للسهر طبعا اهو يستخدمها على طول لمجرد انه يكون زهقان تعبان يبغا يسهر في البيت اقل سبب يروح على طول وياخذها اعتقد انه الشغله هذي ممنوعه عندنا في بلدنا والحكومه او الشرطه تسجن الللي يستخدم هذي الشغلات واعتقدانه حتى مستشفى الامل عندنا يعتبر الشغله هذي ادمان وفي علاج له بس اهو مايبي يساعد نفسه طبعا في شغله ثانيه حبيت اقولها ما كنت ناويه اقولها بس عشان ابين حجتي لكم وللناس طبعا اهو مدمن على شغله ثانيه واللي هي الافلام الاباحيه ودايما يكون ماخذ حاجته من عندي قبل لاينام واجلس في نص الليل واشوفه يمارس العاده السريه مع مشاهدة اافلام الاباحيه شفت المر كرهت كل شي معاه يعني اهو انسان مايعرف مصلحة نفسه |
اختى الغالية جنة الحب ...حفظها الله اول ما قرية الرسالة الاولى اللى كتبتيه في بداية الموضوع كنا نقراها انا وزوجتى ام العيال ... وهي اللي شجعتنى على انى اتابع مشكلتك وانشالله انى بحلها.. واليوم جلسنا انا وام العيال وفتحنا النت ولما قريت ردك بصراحه ام العيال انقهرت من زوجك وهي تقول انه مستحيل تنحل المشكلة ... بسبب اعمال زوجك وانا اقول حلها سهل ... ودخلنا في مشكلة جديده انا وزجتى واتفقنا اخر شي على حل وسط ... وهو لو انحلت المشكلة تكون السفرة الجاية في الاجازه 8 ايام من اللي بنقضيها على حسابها والباقي على حسابي وهذا الشي شجعنى انى اجاهد عشان احل مشكلتك عشان كذا ابيك توقفين معي عشان لا نضيع الثمانية ايام ..ورجعت زوجك . شوفي وانا اخوك انا كان لي خال اصغر منى ... نفس حالة زوجك بالتمام .. تصرفاته نفس التصرفات كانه طفل صغير .. والحمد لله بسبب احتكاكي فيه حسيت انه اتحسنت حالته اكثر وكانت زوجته دايم تدعي لنا لانها لاحظت الفرق ..لكن للأسف حصلت بعض خلافات النظر مع اخوانه وتركت خالي بعد فترة وصارت علاقتنا طبيعية مو زي اول . لكن صار تغير كبير وهو نفس الشي اللي بسويه مع زوجك في استنتاجات انا استنتجتها من مشكلة زوجك اللي طرحتيها وفي اسأله ابي تجاوبي عليها اذا ما فيه اي مانع او حرج ... اولاً : انا اتوقع ان زوجك يعمل عمل خاص .. يعنى غير حكومي . فهل هذا صحيح ثانياً: بالنسبه لكلامك عن الافلام والحبوب اللي يستعملها انا اقولك لا تخافي على زوجك منها لان هذي الحبوب تأثيرها بعيد المدى واللي اعرف ان هذي الاشياء ما يقدر احد يستخدمها او يتداول الافلام .. الا بسبب صديق السؤء . فهل لزوجك اصدقاء سوء . وهل تعرف عليهم من العمل ام من مكان اخر. يعنى مثلاً معرفه من استراحه مثلاً او اصحاب الدراسه مثلاً ثالثاً واخيراً هل لكم دخل ثاني غير عمل زوجك .. بحيث انه لو ترك شغله ممكن يشتغل في اي شي ثاني بنتظار ردك لك كل الاماني بالتوفيق والسداد اخوك شاطئ الذكريات ملاحظه :: كنت برسل كل الكلام هذا برساله خاصة . لكن للأسف فيه مشكلة في المنتدى منعتنى من انى ارسل الرساله ااذا قدرتي ترسلي الرد برساله خاصه يكون افضل. لاني افضل يكون حل المشكله كل بالرسائل الخاصه |
اشكرك أخوي وزوجتك معاك أن شاء الله ارد عليك على الاسئله بس أنا الحين بطلع مع اهلي وبرجع بالليل وان شاء الله بتشوف الاجابات على اسئلتك سواء على الرسايل الخاصه او بالموضوع نفسه مع انه االموضوع منتهي بالنسبه لي بس لازم ابين حجتي مشكور مره ثانيه
تنبيه ان شاء الله تكتب هكذا |
لا حول ولا قوة إلا بالله العلي العظيم..
إنا لله وإنا إليه راجعون.. تذكري.. "اللهم آجرني في مصيبتي واخلفني خيرا منها" وأكثري من الاستغفار والدعاء... لك وله !!! |
تذكري أختي الاستغفار بنية هدايته فوالله ثم و الله إنها أحب عند الله من دعوتك لنفسك ... إدعي له وأكثري ...
أخيتي .. الاستغفار بنية هدايته ... الاستغفار بنية هدايته .... الاستغفار بنية هدايته ... فإن الله سيستجيب لك بإذنه تعالى .. وكم من أمور نحن نجهلها ويعلمها من خلقها.. عزيزتي .. أنصحك بالصبر .. فإنه تبارك و تعالى لا يخيب الصابر... فما أدراك لعل الله يكتب على يديك هدايته .. وما أجملها من لحظة .. قال الحبيب-صلى الله عليه وسلم - : لإن يهدي الله بك رجلا خير لك من حمر النعم .. لا تنسي ... ربما تكون هدايته على يدك ... ولا تقنطي من رحمة الله .. إن الله يغير ولا يتغير .. وربما لو وجدك وقفتي إلى جانبه .. وكلما رأيته دعيت لــــــــه وأضهرت له المودة ... وأنك تحبينه ولأنك تحبينه تدعين له .. قولي له هذا ... يمكن أن لا يهتم في الأمر في البداية ولكن .. صدقيني .. ستدخل في قلبه قبل عقله .. ثم يفكر فيها .. وفي مرة من المرات سيقتنع .. أو قولي له جرب مرة واحدة .. صلي وسأصلي بجانبك وأنت الإمام .. إني أفتخر وأعتز عندما أراك تصلي بي .. حقاً سوف يشجعه ولكنه لن يظهر .. لا تيأسي أخيتي .. لأنه لن يظهر بادئ الأمر .. وسيغضب ويفور أو يسكت ويخرج .. حسب نوع الرجل .. وحبذا لو تنتظريه كلما أتى من الخارج وأنتي تتلين آيات الله بصوت عال وجميل .. أو وأنتي تصلي أو تدعي الله أو وأنتي تحفظين الصغيرة القرآن أو تعلمينها الصلاة .... سيتفاجئ .. ولكن لن يظهر .. تذكري دائما أن أول خطوة هي الأصعب .. ولكن لأجل تلك الصغيرة .. أخيتي حاولت أن أهديك بعض ما فعلته تجاه شخص في عائلتي .. في نفس حالتك ولكنه ليس زوجي و الحمد لله .. أسأل الله العظيم أن يهديه ويصلح باله .. وأن يرزقه الجنة .. وإياك .. وأن يهديه على يديك ... وأن يعيده إليكما وقد رجع من ذنوبه كيوم ولدته أمه .. سبحانك اللهم وبحمدك .. نستغفرك ونتوب إليك .... |
مشكورين اخواني على الرد علي
كل الللي اقدر اقوله اني اعتبر الشغله هذي منتهية لانه قرب يوم الطلاق ولو انه في ذرة حب بقت بيني وبينه كان هو على الاقل حاول لانه من تركته ولامره حاول انه يرجعني وعلى فكره انا من بعد ما تركته صار منحرف درجه اولى اكثر من الاول يعني كأنه ما صدق اني تركته عل شان يلعب على كيفه لاني ما كنت معطته مجال لاني كنت محتكرته ما كنت افوت عليه اي شغله اشك فيها انه يلعب فيها علي |
اخوي شاطئ الذكريات اشكرك مره ثانيه على المساعده
السؤال الاول صحيح هو يشتغل عمل خاص مو حكومي وبالنسبه حق الللي اخذ من عندهم الشغلات هذي اني اكتشفت بعد زواجي انه بيتهم بكبره يشوف الاشياء هذي واصدقاءه اللي اخذعنهم الحبوب والخرابيط هذي هم من اهله يعني اهمه عيال خالته يعني الصفات هذي متغلغله فيه من كان صغير ولا في دخل ثاني غير الشغل اللي يشتغلها ارجو اني افدتك |
الله يهديك بس... ما اقدر اقولك شي الا الله يوفقك في حياتك ... وانا وان كنت شايف الامل واضح امامي ... وان كان هو ما رجعك للأن بسبب انه يحس نفسه مرتاح لكن صدقينى وانا اخوك بكرة يشتاق لبنته وامها ويرجع ... ترى قلب الابو حنين بس هو يظن الان انه هو سعيد ومبسوط وبكرة ترجع له ايام الحنان والمودة اللي بينكم تلاقيه اول من يفتكر هو انتى .ويجيك بأسرع وقت بس ما اعرف ايش سبب اليأس عندك انتى ... الرجل انتى تكلمتى عنه في بدايت زواجكم انه طيب وحبوب ... وانك انتى اعتبرته جزء من حياتك كانت عندي لك مجموعة نقاط ابي تمشي عليها اذا رجع لك (( وانا متأكد من هذا الشي )) وانا كتبتها وكنت واثق من النتيجه اللى انا رسمتها بش اشوووفك جداً يأسة من الموضوع . اتمنى انه ما تكون النهاية الطلاق ... اسأل الله ان يهدية ويصلحه ... ويلين قلبك عليه . بجد انا اشووف الموضوع بسيط ...بس بس مالي سلطه في الامر اخيتى اتمنى لك كل التووووفيق في حياتك . اخي الكريم عليك سرعة التعديل على التوقيع لكي لاتتعرض عضويتك للإيقاف المراقب / وجه الخير |
تطلقي
وقبل استخيري واستشيري وربي يكتبلك الي فيه الخير |
ياجماعة أين الصبر على الابتلاء ؟؟ قد يكون هذا الزوج ابتلاء لايمان هالزوجة فعليها أن تصبر وتحتسب أجرها على الله وأن تدعو لزوجها بالهدايةعسى الله أن يستجيب دعاءها .والله الموفق.
|
| الساعة الآن 01:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©