|
أنتي أمي أم عدوتي
السلام عليكم
أخواني واخواتي لدي مشكله واتمنى من الله إنكم تساعدوني لأني تعبت خلاص ما عاد فيي اتحمل أكثر من كذا قد تستغربون لو اقول اليكم ان مشكلتي مع اعز الناس على قلبي والدتي نعم امي كل يوم مشكله بل مشكلات تخلق لي وما اعرف كيف اتصرف معاها ما اتكلم وما اتصرف اي تصرف الا تتفتكر عليها مثلا امس كنا على الغذا وكانت تتكلم بنت جيرانا كلام استغفر الله مو فيها انا بدون قصد نظرت الى اختى هي افتكرت ان حنا نتغامز عليها مثل ما تقول واليوم ما سكتت من الكلام الي علينا والدعاوي ولما نتكلم في اي موضوع انا وخواتي تجلس تتنصت علينا وكل شئ تنقله الى ابوي حتى اسرارنا الخاصه كأنا عايشين بسجن مو بيت كل تصرف محاسبين عليه اي كلمه اي شئ لما ابكي من هالظلم تقول اني مريضه نفسيه ولما اطنشها تقول اني عاصيه اليها مو عارفه كيف ارضيها اليوم حاولت اتكلم معاها وعشان اعرف هي ليش تحمل في قلبها هالكره عليي طنشتني وطلعت من الغرفه والله العظيم صار اليي شهور ما خرجت من البيت احتاج اشياء كثيره من السوق ولما اقول الى ابوي هي ما ترضى وبالتالي ابوي يسمع كلامها عندي خوات وكلهم في مراحل دراسيه تحتاج بال خالي من هالهموم والله تراجعت علاماتهم من المشاكل الي اصلا مالها داعي وغير كذا مشوهه صورتنا امام خلاتنا وعماتنا وتنقل اليهم اي مشكله تصير لين صار ما يكلمونا اصلا واي شئ تجلس تبكي وابوي بدون ما يعرف المشكله هذا اذا فيه مشكله اصلا يجلس يسب ويلعن ويدعي علينا الى حد الآن كنت نايمه واوتعيت من نومي واسمعها تتكلم مع نفسها وتقول ياربي عوضني بنسوان ولد احسن من بناتي مو عارفين ليه تكرهنا والله خلاص صار ابوي يستحقرنا عشانها وما يدري عنا محتاجين شئ او لا وغير كذا تغار لما نجلس انا وخواتي وتشوفنا مبسوطين لازم تخرب فرحتنا وتفرح لما تشوف احد منا تهاوش مع الثاني ذبلت مالي خلق لا اكل واعرف انام الا اجلس على مشكله جديده صرت مهمومه وغير كذا تعايرني بإنفصالي دائما ولما امسك التلفون اكلم صحباتي تجلس تتصنت وكل شئ تقوله الى ابوي كل شئ قووولي كيف اتصرف معاها من جذ ما عندي احد اشكي اله همي غير ربي الي اسئله يهديها رجاء جاوبوني ساعدوني |
اختي الحبيبه
فعلا شعرت بالمراره و انا اقرا رسالتك الله يكون بعونك لكن هناك اسئله ممكن اسالها الك قبل اقتباس:
هل كانت علاقتها بك بهذا الشكل قبل و بعد انفصالك ماهي ظروف انفصالك مملكه مزوجه و مطلقه مخطوبه و فاسخه الخطبه اذا كنت متزوجه و مطلقه عندك اولاد |
اهلا اختي ام اثير
انا منفصله عن زوجي ملكه بس لمده سنه ونصف وانفصلنا قبل موعد الزفاف ب4 اشهر وبالنسبه لعلاقتها فيني قبل ما انخطب كانت غير بالعكس كانت دائما تتمنى اليي اني اتزوج وانا انخطبت عمري 19 سنه والى اسباب قاسيه انفصلت وهي ما تقدر شعوري وما حد يهتم ان كنت احتاج شئ او لا دائما اجلس في غرفتي عشان اجنبها وتعايرني عشان تقهرني وهي تدري اني ما اقدر احد يذكر امامي هالموضوع احين عمري 22 سنه خلصت الكليه ومجالي اله توظيف الحمد لله بس هي مو راضيه وتخرب ابوي عليي وهذا أنا جالسه كذا بس استمع الى كلامها لا زواج لا وظيفه لا شئ كل شئ ممنوع واحتاج اشياء كثيره ما اترضى نطلع والله اني ابكي احين من الحرقه الي في قلبي ما اقول الله يهديها بس |
اختي الغاليه هوني على نفسك
كل انسان له طريقه للتعبير عن الامه انت الله يكون بعونك التجربه اكيد مو سهله و انت تعانين منها و بحرقه كما هو واضح و ان شاء الله الله بيعوض عليك بالي يسعد قلبك و يهنيك و الف مبروك على التخرج و ان شاء الله يوم تاخذي الوظيفه الي تليق فيكي الظاهر انت الكبيره في البيت اول فرحتهم و الوالده كانت متامله تلعب دور ام العروسه بعدين الحماه بعدين الجده بس النصيب و ما اتحملت النتيجه لا تنسي كمان نظره الي حوالينها كل شويه خالاتك و عماتك يسالو ها و بعدين و كثر الزن و الامهات يا عيني نفسيتهم بهالحاله تكون رقيقه و شويه شويه تستدرج للافكار ياترى ليه بنتي و اشمعنى و حيطلع على مين على البنت الي هي اصلا مقهوره الظاهر امك حواليها كثير من النساء و تتاثر بكلامهم ما شاء الله تبارك الله انتو بنات و مبين انه حبوبات و دمكم خفيف بيناتكم يعني علاقتكم طيبه مع بعض اقترح تستدرجوها للعب دور الاخت الكبيره يعني رجعوها شباب و انها اختكم و مكيجوها و دلعوها و لبسوها و كشخوها تقوم تلعب دور الاخت الكبيره وسط الناس وهذا مثار غيره النساء الي حواليها و تحس نفسها لسه صغيره و اي وحده تقولهم لا انا بناتي لسه صغار على الزواج بس حتى لا تكبر و هذا تطبيق لقوله تعالى وصاحبهما بالدنيا معروفا الله يوفقك يا حبيبتي ويسعدك ان شاء الله ويكتب لك الخير اللهم امين |
الله يكون بعونك اختي
عليكي بالصبر وعزائك انها والدتك وان طاعتها واجبه حاولي تتقربي منها اكثر تساعديها في أمور المنزل تخففي عنا بعض المسئؤليات وربي يفرج همــــــــك ،،، |
الله يكون بعونك اختي
ومشكلتك تقهر وربي حبيبتيي يمكن انا مريت بنفس تجربتك او شبيهه بها لكن ماهي امي اهو ابوي الله يحفظه لكن اخف بكثير منك بس علمي امك وفهميها انه اذا تكلمت عليكم عند فلان وعلان راح ياثر على سمعتكم بعض الامهات للاسف يغلب عليهم الجهل في انهم ثرثرو كثير عن اسرار بيتهم بهدف التنفيس وما تعرف انه راح يجلب نتائج عكسيه على بناتها... قولي لها باسلوب لطيف لكن تحذيري... انه هالافعال بيخلونك انتي وخواتك عندها وما بيجيكم خطاب بسبب كلامها عليكم ((( تهويش وتخويف بسس))) اما بالنسبه لتنصتها عليكم ويمكن عليكي خصوصا بسبب خوفها عليك من اي شئ وهذي عادة الاهل الي عندهم بنت مطلقه او منفصله ادعي الله ان يهديها ويحنن قلبها عليكي وعلى اخواتك وتصدقي انتي وخواتك عشان تحل البركه بالبيت وتهدا الاوضاع وفيه كمان حبيبتي انا سمعة عن علك اللبان تعرفينه؟؟ بخري به بيتكم يقولون يطرد الشياطين كل ما امك عصبت بخري البيت ان ما نفع مايضر والله يوفقك ان شاء الله بهجه |
اختي مرات الام تقسى على عيالها وتجلس طول الليل تبكي من ظلمها لهم ويمكن هي تدري بقرارة نفسها انها تظلمكم لكن تاكدي ان محد بالدنيا كلها يحبك كثر امك ويخاف عيك كثرها
حاولي بواحده من الاثنين .. يا اما اذا استطعتي انك تصيرين صديقتها وتصبرين على اذاها الى ان تفهمك وتفهمينها .. او انك تصيرين دبلوماسيه معاها والافضل طبعا انك تصيرين صديقتها يمكن امك بهذه الحاله النفسيه بسبب ظغوط البيت وماعندها الي تفضفضله ولا هي قادره طلع من محيط اسرتها ولا ترفه عن نفسها انا قبل الزواج كنت اتضايق من امي كثيرا وكنت احس انها تنكد علينا لكن بعد الزواج اقتنعت ان هي ماعملت كل هذا الا لانها تبينا نصير مثاليين 100% واذا تزوجتي راح تشوفين المشاكل بين الام وبناتها مثلا في ام زوجك وخواته وتعرفين ان هالشي طبيعي في كل البيوت خاصه اذا البيت فيه بنت مو متزوجه او مطلقه لان الام تبي تزوج عيالها عشان ترتاح من مشاكلهم وتصرفاتها هذه من حزنها عليك وليس كرها فيك احدى صديقاتي تقول لي بعد طلاقها بدأت مشاكلها بينها وبين امها تقول انا كنت اوهم نفسي اني منبوذه وامي كانت تقسي عليي كثيرا ... تقول لي ((امس كانت كل تصرفاتها بسبب حزنها على وضعي ليش كل البنات الي بعايلتنا تزوجوا واستقروا بس انا انحطيت بهالزواجه الفاشله)) كل تصرفات امك هل حزن عليك وليس منك ان شاء الله تتزوجين ووتصيرين عزيزه ومن اعز اخوانك عليها يارب |
اختي الفاضله روح البنفسج الام مهما كانت قاسيه تظل حنونه وقلبها كبير ... مافي ارحم وارق من قلب الام على ابنائها ... ولكن يبقى شيئاا واحد نجهله نحن في امهاتنا وهو خوفهم الزائد عليناا ما انصحك به هو حاوليها برها والتودد اليهاا قدر المستطاع وثقي والله انها تتمنى لكم السعاده اسال الله العظيم ان يفرج عنكم ويصلح والديكم ويهدي امكم اختك امل ميت |
عليك اخي بالدعاء ثم الدعاء ثم الدعاء ولا تيئس من الدعاء
أخووووووووووووووووووووووووووووووكم الطبيب |
ابنتي الغالية
ماتعرفين كم حنا الامهات نحبكن ننقهر اذا شفنا فيكم شوي نقص نبغاكم اكمل الناس واحسن الناس اذا شفتك تضحكين احس انك باردة وما تحسين باللي انا حاسة فيه يعني مطنشة وهذا يخليني اخاف عليك اكثر واذا شفتك مسكرة على نفسك الغرفة اخاف عليك واقول وش عندها مسكرة الباب وجالسة لحالها واذا شفتك جالسة معنا وساكته اقول اكيد مهمومة الله يعين بس ماادري يابنتي وش اسوي انا ضايق صدري عليك لكن بحكم جهلي بالتصرف الصحيح اصير اتصرف بعصبية لانها هي المنفذ الوحيد اللي اقدر انفس فيه من الضغط علي هذا غير المشاكل والضغوط والمسؤليات اللي تتراكم على راسي وماني لاقية من يساعدني عليها العيال طايرين لاشغالهم وسياراتهم واصحابهم وانتم يالبنات ماتستانسون الا مع بعضكم او مع صديقاتكم وانا ياالام جالسة في البيت بس للمسؤلية هذا غير اسالة العمات والجدات والخالات والجيران اللي ترفع ضغطي وابوكم الله يحفظه في عمله ومو فاضي حتى يساعدني وبعد هذا كله يابنتي تقولين اني اكرهك ابكيتيني وقسوتي علي بهذي الكلمة بان اعتبرتيني عدوة لك ماقول الا الله يسامحك ويهديك لي بنيتي انا محتاجة منك العطف حتى لو اعتبرتيني حرمة كبيرة وما تصلح للصداقة انا محتاجه لصداقتك اللي تغنيني عن صداقة العالم كلها كم مرة دخلتي علي وقبلتي راسي وخدي ويدي بعد ماصحيتي من النوم او جيتي من مدرسة او مشوارتمسحين فيها عن معاناتي كم مرة بنيتي قلتيلي الله يخليك لي ياامي ولا يحرمني منك ابد كم مرة مدحتيني عند اخوانك وابوك وصديقاتك وقلتي هي احسن ام بالدنيا كم مرة تليوقتي لي وحسستيني اني اقرب الناس لك واغلاهم عليك اشوفك يابنتي صغيرة كنت العب عليك واشوف نور الدنيا كله في عينيك وبعد ماكبرتي صرتي تتضايقين من تصرفاتي اللي انفس فيها عن ضغوطي وضغوطي من مين؟؟ منك واخوانك وابوك والبيت كله0 بنيتي انا امك ومحتاجه لقربك لي ادخلي علي قوليلي يمه انا مشتهية اتقهوى معك بروح اصلح قهوة نتقهواها مشتاقتلك يمه صادقينيي علميني همومك ولو بعضها وقولي يمه ابغاك تشيرين علي ولا ابغى احد يدري عن اسراري حتى ابوي لاني استحي منه جيبيلي هدية بين وقت ووقت وليكن عبارة عن درع شكر احطه في الصالة افتخر فيه العبي معي وكاني في سنك مرة بالمكياج ومرة باللبس ومرة بلعبة الغاز اوغيره ساعديني في البيت وهموم اخوانك اللي ماتخلص صدقيني يابنتي اذا تقربتي لي انا راح اشوف اني ربحت ماخسرت بتربيتكم عوضيني تعبي عليكم وراح تشوفين وشلون بترتاح نفسيتي معكم الله يوفقك يابنيتي لبري وطاعتي |
اختى انا وضعى مع امى مطابق تماما مع وضعك فلا خصوصيه لى اى شىء تعرفه بحكم وجودى بالبيت معها
تنقلها للغير فهى مثلا اى حد يدخل ولو من الجيران تقول لهم ابنتى على الدوام تلعب رياضه وانا انقلها يا امى مافى داعى تقولين كل شىء الحسد مذكور بالقران الى ان جاء يوم تضررت بدنيا من وضعيه بالتمرين لازمنى اثر هذا شهور حتى زال ومازالت تتكلم عن ممارستى للرياضه؟!! واذا غضبت منى لشغله لا يد لى فيها تدعى على منها دعاء ان اتزوج شخص ينهب كل مالى؟!! واى سوء فهم او مشكله تنقلها للناس؟!! الامهات يفترض تحسن صوره بناتهم للغير حتى لو فيهم عيوب لا ان تضع بهن عيوب ليست موجوده فيهم اصلا!! وانا ابنتها الوحيده --الا انها رغم كل هذا هى طيبه وحنونه لكنها لا تحسن التعبير عما فى نفسها فالتعامل مع الابناء فن فاذا كبر الابن لابد ان تصادقه |
الله يعينج حبيبتي ويفرج همك وكربج عليج بالدعاء والاستغفار اختي والله يكون في عونج
|
اختى الغالية ... وعزيزتي مشكلتك سهله لكن انا في نظري انتى انتى لا تعطي المشكله اكبر من حجمها ... بل بالعكس اظن مشكلتك بسيطه بعض الشي ولكن تحتاج الى ذكاك اخيتى امك انا احس انها انسانه فاضيه ... يعنى طفشانه طفشانه وهي ما تعرف تملى فراغها بالشي المفيد فتحط حرتها فيكم وهي كذا ... هذا ما استنتجته وطريقتك انك انتى تشغلينها ... شلون مثلاً ... انتى الان فاضيه وما عندك شي ... ما اظن احد بيمنعك عن حفظ القران الكريم شوفي لك دار لتحفيظ القران الكريم واشتركي فيه ... بحيث انك تكوني بعيده عنها عشان يكون فيه بينكم شووق ... يعنى انتى انشغلي بشي هي ما تقدر تحتج عليك فيه وترفع صوتها عليك او مثلاً اشتغلي في الخياطه ... يعنى مثلاً جيبي لك سنارة ومن هذي الاقمشه البسيطه واشتغلي فيها ... اكتبي بحث واجهتدي فيه بحيث انك تشغلي وقتك وهي اذا شافتك مشغوووله اكيد بتنشغل عنك وما تكوني بوجهها كل يوم فيه امثله كثيرر عندي لكن ما ابغا اطول بالرد بالنسبه للدعاء واللعن ما عليك فيها لانه هذا الدعاء لن يستجاب لانك ليس لك ذنب بها ولكن يأخيتى حاولي ان تصاليحها ابنى لك شخصيه خااصه بعيداً عن البيت حاولي ان تكون لك صديقات او اخوات تتعاملي معهم وبالنسه للشك فأقول لك هي طفشانه وبتحط حرتها فيكم ... فمثلاً اذا هي شافتك تتكلمي مع اختك بكلام مثلاً : انتى تقولي لاخت : قابلت نوره وقالت لي سلمي على اختك اذا لاحظتي امك ارفي صوتك واتكلمي عادي وحاولي تفتحي موضوع مع والدتك مثلاً شفت نوره وزنها زايد ومن هذا الكلام اما كرهها لك فوالله يا اختى انا اقووووووووول لكي انتى غلطاااانه لانك والله ما تعرفي قلب الام ومستحيل قلب الام يكره عياله ... عيدي النظر بهذه الجمله عيديها كثيرررر تبي اثبت لك بكره الصباح لا تخرجي من غرفتك قولي انا مريضه ما اقدر اقووووم تلاقي اول مين يجي لك امك ... واول مين يطمن عليك ويدير كل اموووورك امك امك اخيتى اخيراً موضوع انها تعاااااااااااايرك لانك انفصلتى هذا حلها سهل مرررررررره ... انتى اذا قالت لك كذا لا تنزعجين بالعكس اضحكي وقولي الله يزوجني يا امي وتشووووفي عيالي او قولي يالله يا امي على يدك اخطبي لي رجال زين ... يعنى حسيسيها ان الموضوع عندك مايأثر ... ولا تزعلي منه اسأليها يأمي لو انك بتخطبين لي مين الرجال تشوفينه لي مناسب ... وان كانت اجابتها ساذجه حاولي تضحكي وقولي لها يا حليلك يا امي ومن هذا الكلام اخيراً شوفي هذا الموضوع اتمنى يعجبك وهو يخصك اتمنى ربي يوفقك ولك تحياتى اخوك شاطئ الذكريات |
اقتباس:
وحين ذهابى للعمره يظل مشغول على وتبكي لغيابى عنها واذا تاخرت كم دقيقه عن موعد رجوعى من العمل ( وموبايلى مقفل كالعاده ) اجدها تنتظرنى عند باب المنزل وتعابيروجهها كله قلق على |
شكرا لكل من رد عليي وتفاعل مع مشكلتي والله انكم خففتم عني الكثير ربي يوفقكم ويسعدكم ويفرج همكم
فأما مشكلتي مع امي كل يوم في تتطور ومو عارفه كيف اتقرب منها تقولون لو امرض واجلس بالغرفه اشوف ويش راح تسوي هي اصلا ما تدري عني في غرفتي عايشه لو مت امي تغيرت وانا خايفه عليها ما عاد عندها موضوع الا سيره فلانه وعلانه والغيبه اعوذ بالله وغير كذا تبي تزوج اختي الي عمرها" 13" سنه من ولد خالتي ودائما تجبر اختي ان تكلمه وكل هذا عشان تحرني انا وخواتي في نظرها خلاص راحت علينا من مشكله الى مشكله والله النوم انحرمت منه ادعوا الي ان الله يهديها ويفرج هالهم هذه امي والله انه اعز الناس على قلبي وأتالم إذا شفتها تعبانه لكنها قاسيه علي وابوي صار يتحكم حتى في جلستي من الساعه تسع قومي نامي ووجه مقلوب علي واذخل غرفتي وحيده ماعندي الا ربي اطلبه يفرج هالهم خلااااااص ضاقت عليا الدنيا يارب فرجها علي يارب ادعوا اليي انا محتاجه لدعائكم |
كل مااشتدت يابنتي قرب الفرج( ان بعد العسر يسرا)
عليك بالاستغفار وقول لاحول ولا قوة الا بالله واكثري من الدعاء وخاصة دعاء الكرب |
| الساعة الآن 05:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©