الفزعة أيها الزوجات ما الهدية التي أفاجيء بها زوجتي؟
 

الله يستر ما تقرا زوجتي الموضوع ثم تروح المفاجأة وتقول قديمة :24:
أخواتي الفاضلات :أنتن زوجات أكثر خبرة منا نحن الازواج في عالم الهدايا، وبصراحة أنا من زمان ما أهديت زوجتي هدية، وهي بالمقابل تهديني مابين كل فترة واخرى هدية ،فاستحيت على وجهي اليوم وقلت لا بد من هدية، لكني اكتشفت أنني جاهل في نوعية الهدية اللتي اهديها زوجتي، والتي اريد أن تعجبها كي تكون ذكراها طويلة لأني أعلم أنني سأنسى مرة أخرى الهدية.
بس ما أبغى وحدة تقول ما دمت تطول ما تهدي لازم تكون الهدية غالية الثمن :( مو بخل مني لكن الهدية بمعناها مو بقيمتها :28: والشي الثاني ما ابغى أؤثر على الميزانية وزوجتي ياعمري قنوعة :22: اهم شي اسعدها ولا أزهق عيشتها واستعرض عضلاتي عليها :18: .
شروطي في الهدية:
1-سعرها لا يتجاوز الألف ريال ولا يقل عن الخمس مية ريال.
2-تكون مادية يعني شي محسوس وملموس.
3- ما تنط علي وحدة وتقول عشا في فندق والا منتجع ما احب الحركات هذي :(
4-يكون لها قيمة تستفيد منها يعني ما تكون ورد تنتهي الفايدة منه بعد يومين :11:
5-وبس
واليكم ذوق زوجتي:
والله ما أدري وش اقول : هي قنوعة فيما تشتري خاصة من بعد الزواج :d مع أنها من أسرة ثرية جدا،كما أنها لبيسة يعني تهتم بشياكتها في المناسبات فقط :( وهي بصراحة تهوى الرسم ، وتهتم بالديكورات ، الله يستر ما تقولون غير غرفة نومها :25: ،ورغم قناعتها لا تشتري سوى الماركات وأنا ما افهم فيها، :11: وهي دائما تجدد في حقيبتها التي تحملها بيدها
يا الله الفزعة :17:

لا الحمد الله مانت بخيل طالما بشتري لها 1000 ريال...
مادام هذا حدود مبلغك تقدر تشتري لها خاتم بفص ألماس مثلاً او ساعة كرستال رائعة للمناسبات أو تعليقة بسلسالها ناعمة وحلوة ولو تكون على شكل قلب بعد أحلى.. تقدر تشتري لها أقراط ..او طقم كامل بتعليقة وسلسال وأقراط تقدر تشتري لها سوارة بتلقى بـ 1000 ريال ذهب ابيض أو عادي وتكون قيمة .. تقدر تشتري لها عطر ماركة .. تقدر تشتري لها علبة مكياج .. أو فستان أو قماش راقي حرير مثلاً ... أشياء كثرة كل إللي تحتاجه الزوجة ...

بس أفضل هديه بنظري التعليقة لو تكون على شكل قلب الله ما في أحلى منها..

جيب لها ساععة ماركة فيه ساعات تجنن والحريم طايحين في الساعات والتغيير فيها بشكل خيالي واهتم أن تكون لونها يمشي مع أكثر الملابس كأن تكون سوداء أو فضية ......... وماشاء الله عليك فكرت في زوجتك وقدرت هداياها لك والله من أكثر من خمسة عشر سنة وحنا نهدي ولا شفنا شيء ....... الله يسعدكم ........ سلامي

مرحبا

الله يديم عليكم السعادة يارب ...
والألف فيها الخير والبركة ممكن تجبلها شنط ماركة وتكون اصليه راح تلاقيها في باريس قالري بسعر حلو " وعلى فكرة شنط باريس قاليري الماركات بتكون ارخص في اسعارها من نفس الشركة الاصليه ماعرف هادا الا لاحظتو انا في دى الفترة " مثلا شنطة قوتشي او فندي او لويفيتون او سلفتور او ايتي اقنر على حسب الذوق ...

2ـ ممكن ساعه حلوة من جفنسي وراح تلاقي بهادا السعر شوي وياعم لو تبحبحها حبتين ست الكل تستاهل
3ـ انا ما افضل طقوم الالماس ابدا لسبب واحد ان السعر بيضيع في مثلا لو تشتري ب ال 1000 خاتم ويبان السعر في افضل مما تشتري طقم ويضيع السعر فيهم " ماعرف بس انا كدا رأي "
او ممكن سلسال ألماس فيها الله ، او حرفك او قلب

مممممممممممم عارف انا جاتنى فكرة
روح اشتري لها لانجري يكون محترم بسعر وقدرة وفي مواضيع للاخوات رهيبه عن ليله حلوة ورومنسية وديها لأهلها وانت اعمل ..... وراح تكون ليله ولا ألف ليله إن شاء الله ..

ومعليش اعذرني على قله الخبرة لأنى لسه ماعندى تجربة ...
ويارب يديم عليكم السعاده والهنا دايم يارب وتكون زوجة لك في الدنيا والاخرة ..

أختكم
بتول


الأخت الكريمة . الكتابة الصحيحة للفظة ( إن شاء الله ) هي على الصورة الموضحة . جرى ذلك للتنبيه . بارك الله فيكم .

الف ريال !!! غالي يا اخوي كثيررررررر :d



امزح يا ناس لا يقومون علينا الحريم :24:


اشتر لها عطر يا شيخ خلك ذكي العطر هدية لها وانت الي راح تشمه

يعني هديتك لها ولك بعد :17:

السلام عليكم ورحمة الله وبركاته
جزاك الله بالتفكير في زوجتك بشيء جميل ولو كان بعد وقت طويل..
أنا برأيي الذهب احسن شي..أو ممكن ذهب مع عطر..لأن بصراحة لو بتجيب عطر..آخرته بيخلص وحتى المكياج نفس الشي..فأنا رأيي تجيبلها قطعة ذهب وما تحكي ما بدك تجيب ورد..!!لو على القليله ورده حمرة وحده مع الهديه بيكون إلها تأثير كبييييير وطبعا ما تنسى تحكيلها إنك بتحبها وإنك مو ناسيها بس الظروف هي اللي بتمنعك..وإنه قدرها عندك أكبر بكتيييييييير من اللي جبته ومن هاد الكلام الحلو
والله يوفقك وما تنسى تخبرنا شو صار معك آخر شي..

:11:
















:11:

















:11:




















:11:

اعرس عليها يعني طقها بمره ثانيه :d

ترا ذي احسن هديه :22:

ههههههههههههههه ترا امزح مو تصدق انت :d :o

تبي رايي انا زوجتي اغلب هداياي لها { والله من كثر ما اهدي لها :d }

اروح فيها للسوق واقول لك المبلغ الفلاني اشتري اللي

نفسك فيه 000 >>------>> اذا ماله خلق يفكر بنوع الهديه :d

بس اذا مصمم انت تفاجأها بالهديه ترا مافيه احسن من الذهب

انا مع الأخوات اللي قالو جب لها ذهب

واهم شئ لما تقدم الهديه الكلام الحلو ترا تبي تنبسط اكثر اذا سمعت منك كلام حلو


الله يوفقكم يارب ويسخركم لبعض
اسال الله لك الهدايه والعصمة مما ابتليت به، والشفاء مما أصابك

اللهم اميـــــــــــــــــــــــــــــــــــــــــن

شنو انواع الجناط الي عندها ؟

اذا مثلا جنطه gucci اخذ لها سكارف من نفس الماركه

النساء يحبون السكارفات كثيرا وانت شوف شنو الماركه الي تحبها وعندها منها جنطه وجوتي واخذ لها سكارف نفس الماركه

ما شاء الله عليكم ياأخوات ، وكمان يا اخوان رغم أن الطلب كان محدد للأخوات ، لكن حتى الأخوان فزعزا الله يوفقهم.

بصراحة احرجتوني بردودكم واقتراحاتكم الجميلة، وكنت أتابعها من الأمس وما ابغى أرد لكي تزداد الردود والإقتراحات، وفعلا نجحت والأن وجدت أمامي عدة من الخيارات الجميلة .من البارحة كنت اسجل أي رد عندي في ورقة عشان ما أنسى :25:


لكن بصراحة ضحكت على نفسي يوم بديت أشوف الردود حسيت أني ماني فاهم في عالم الهدايا وفتحت خشتي :d وأقول وش هذي تقول :11: ، والثانية وش تقول :11: ، يعني تقولون كلمات ما افهم فيها :25: فقررت أني اسجلها بورقة وأقول لصاحب المحل عندك هذا اللي في الورقة :d

بس خفت أروح محل ذهب ويصير المطلوب في الورقة فستان، ثم يتفاجأ :( يحسبها الكاميرا الخفية ويقول لي :22:

شفت اقتراح حنونة وأعجبني بس سويت عليه تعديل يعني باقول لها بأن صديقي يبغى يهدي زوجته هدية حلوة، وقال لي ابغاك تاخذ راي زوجتك تشوف افضل شي مناسب من الأشياء هذي بس الموجودة في الورقة واختاري، ولما تختار ونشتري أفاجأها بالهدية الحلوة :17: هاه وش رايكم افكر صح والا لا :11: بعدين باقول لها هذ اقتراحات الأخوات في المنتدى وبتتلقف وتجي تقرا الموضوع من أوله الى آخره :29:

طبعا الأفكار الحلوة اللي اقترحتوها بأحفظها عندي في الجهاز وكل ما بغيت اهدي فتحت أفكاركم وأهديتها :d
تابعوا ردي الثاني اللي بعد هذا فسوف اشكر كل بإسمه لا عدمتكم :14:

ا أسرار ما شاء الله عليك كان ردك شامل لمختلف أنواع الهدايا ويبدو انك ملمة بها وكل يوم تتلقين هدية من زوجك فشكرا لك .



صبا نجد اعذري زوجك ترى الواحد أحيانا يكون جاهل في الموضوع وما يجي على باله. بس سوي اللي سوته فيني زوجتي يعني كانت تهديني وكنت ما اهديها عن جهل باهمية الهدية ومرة قلت ماشاء الله عليك هدية حلوة مشكورة حبيبتي ثم قالت مشكورة بس :( يعني ما تبغى ترد علي بهدية كم لنا متزوجين يا عمري وانا انتظرهدية منك ومن هاللحظة وأنا فهمتها :)


بتول تقولين ما عندي خبرة الا ما شاء الله عليك كل أفكارك واقتراحاتك تدل على الخبرة الطويلة أيضا في عالم الهدايا وليس في عالم الزواج صح والا لا؟


حنونة انا قلت في ردي السابق ان اقتراحك كان جيد وسوف اطبقه بعد التعديل واقتراحك دليل ذكائك فشكرا لك.



زوج حنون ما شاء الله عليك فكرتك تدل على ذكاء و..... وهي فعلا جميلة وسوف يكون العطر ضمن الهدايا بالأضافة الى أشياء اقترحنها الاخوات :22:



سمارا، لا أحب الورد لأنه يذبل لكن جيد اسوي زي ما قلتي اضع وردة صغيرة مع شي ثاني.


متفهم جدا جربت فكرتك الجميلة في هدية سابقة لكن لما أعطيت بنت الناس الفلوس حطتها في الشنطة وما أدري وش سوت فيها :11: واستحيت أسألها بعدين خفت أسألها تقول هذا جالس يتمنن بهديته :( قلت اسكت احسن :25:


فدن افرح لما احد يدعي لي في رده علي فجزاك الله خير، والكلام الحلو مهم مثل ما قلتي فما فائدة هدية والكلام مو حلو؟



زهق ولكن شكلي زهقتك من جد لكن أوعدك الليلة بعد الساعة سبعة بتلقى ردي هنا اوضح فيه وش اختارت من الهدايا :17:


سماء قطر،فكرة الشنط حلوة بس اشوف عندها شناط كثير فابغى شي احس انه ينقصها لكن نفسي اعرف ويش معنى سكارف :d


سحر البيان والله فكرتك جيدة ويبدو أنها تحتاج الى استعداد وتجهيز لكن اوعدك انها ستطبق في الهدية القادمة :17:

انتظروا الليلة لتعرفوا هديتي لزوجتي فجزاكم جميعا كل الخير على ردودكم واقتراحاتكم المفيده :14:

إيه هذي الهدايا إللي أتمناه ولا مرة فكر يجيبها...
والله لو تدري من 12 سنه متزوجين ولا مرة أذكر فاجئني بهدية !!! وكنت أطلب... حرام عليك مرة وحدة جيب لي هدية أن شاء الله وردة بريال !! ولا حياة لمن تنادي.... أذكر مرة علشان لا تقولون تكفرون العشير كان راجع من العمل لما فتحت الباب أطالع فيه :d قلت خير قالي تفضلي وردة ... وش ذي ... قال لي شفتها في الشارع عجبتني قلت أجيب لك وحدة ترى والله ريحتها حلوة :) ....يا حسرة علي ياليت ما قطفتها لو خليتها بشجرها أحسن :( ومرة لما كنت مسافرة وقال لي نفسي لما أقابلك في المطار تكون معاي باقة ورد قلت وش فيها يعني ياليت يصير .. قال لي بس أستحي من الناس يضحكون علي !! المهم لما وصلت أطالع أيديه فاضيه سكت وقلت بنفسي كالعادة بجيب وبجيب ولا أشوف شيء ورحنا للسيارة وأول ما جلست طلعها لي من المقاعد الخلفية واعطاني وقالي والله كان ودي أعطيك وانت نازله من الطائرة بس أستحيت من الناس .... بس هذي كانت هدياه لي بعد الزواج ومن سنتين أطلبه يهديني عطر ولين إلحين ما شفتها..



:11: :11:


والله أني أفكر أخليه يشوف موضوعك بس خايفه يشوف ردي بيزعل وقول فضحتيني بين الناس ... كل شيء عاد إلا الناس وما مرة فكر في الله يسامحه ..

باركة الله فيك يا اخي وفي زوجتك ويديم المحبة بينكما من راي اهديه عطر ماركة عامية تجدها في محا العطول او هدية من نوع دهب البيض يكون شكل شيك
وفقك الله في اختاير

شريت الهدية :17: ، واهديتها المدام :14: ،هذا المساء لكن باقول وش القصة اللي صارت قبل ما أقول ايش هي الهدية :d

بعد ما كتبت ردي الأخير خذت الورقة اللي سجلت فيها الإقتراحات ودخلت عليها وقلت يا أم فلان هذا صديقي أبو فلان
يبي يهدي زوجته هدية ، فقالت وليش تقول لي يعني علشان انقهر :( قلت لا بسم الله عليك من القهر بس اقول لك علشان
صديقي هذا قال لي خل زوجتك تختار الهدية بنفسها لأن ذوق الحريم مو مثل الرجال بشرط تكون من الموجود في
الورقة ، فقالت يعني تبغاني اختار الهدية علشان ازود قهر بعد :( :( قلت لا يابنت الحلال بس الرجال مزعل زوجته
ويبغى يراضيها ويفاجئها بالهدية فقالت ياما زعلنا وما شفنا هدايا :( :( :( قلت لا حول ولا قوة الا بالله :11: اللي بيننا
أثمن من كل الهدايا قالت ايه سكتني زي العادة :25: ثم قالت هات الورقة اشوف وقعدت تقرا شوي وقالت ما شاء الله
ماركات وحركات الله يديم المحبة بينهم :d بس كيف صديقك هذا يعرف كل الماركات اللي في الورقة؟لأن اللي كاتبهن شكله :25:
مو رجال هذا مره :11: قلت ليش قالت الحريم هم اللي يفهمون كل الأشياء هذي مو الرجاجيل قلت لا بصراحة اجتمعت وايا اصدقائي علشان هدية صديقنا لزوجته وكل واحد حط اقتراحه :22: قالت بس ما شاء الله اصدقائك فاهمين في الماركات والحركات الحلوة في الذهب والساعات مو مثل رجلي ياحظي :( :( :( :( قلت المهم ياحياتي عطينا الزبدة وانا اقول في نفسي لا تخليني اهون :29: :29:

قالت شف ياحبيبي أنا أشوف انك تختار من بين هالخيارات شنطة يدوية لأن الشنطة اذا كانت ماركة من هالماركات الحلوة اللي في الورقة تقدر زوجة صديقك تكشخ بها :) ، وكمان تكون معاها على طول في اي مناسبة وطلعة شايلتها في يدها وتتذكره دايما :d :d فقلت شورك وهداية الله :22: يا الله مشينا نروح ندور لهم شنطة .

ولما ركبنا السيارة قالت تصدق ان الشيطان كان يوسوس لي وانا البس كنت افكر ليش ما يكون الأن قاعد يخدعني وهو متزوج علي وحدة ثانية ويبغاني اختار لها هدية من اللي هي كاتبتهن :( :(
قلت تعوذي من أبليس :11: وين تبغين نروح قالت الماركات هذي موجودة في محلات جنب بعض ورحنا لهن بس يوم وصلنا صار اليوم الجمعة وما كان فيه فاتح إلا محل واحد وهو جفنشي ودخلنا وأعجبتها شنطة ، وقالت ياخي شناطهم من أحلى الشنط لكن غاليه شوي اكثر من ألف قلت نبحبحها شوي ، وقالت شف هذي بألف وميتين بس أخاف صديقك يزعل ليش زودتوا المبلغ :d قلت لا هو قايل ما عليش لو زودتوا الى ألف وميتين وشريناها وغلفناها احلى تغليفة :17:

ولما ركبنا السيارة سلمتها لها في يدها وقلت هذي هديتك يا بعد عمري مو هدية زوجة صديقي :d :d وما كانت مصدقة :11: حلفت لها وقلت هذي حركة مني علشان تنبسطين :14: :14: والأراء اللي في الورقة كتبها لي الأخوات في المنتدى الله يسعدهن مو أصدقاي اللي كلهم مثلي ما يفهمون :25: فكادت تطب وتطير من السيارة من الفرحة لولا اني مقفل السيارة قفول داخلية عن الأطفال :15: :15: ثم شكرتني ودعت لي من قلبها، وقالت بأوصيك وصية ياحبيبي انك تنقل شكري ودعائي لكل الأخوات اللي شاركوك في الرد على موضوعك وقل لهم تقول زوجتي الله يجزاكن ألف خير :d
وهذا أنا انقل للاخوات شكري وشكر زوجتي ودعائنا لهم بالتوفيق والسعادة.


الأخت الفاضلة أسرار ما عليك خلي زوجك يشوف الموضوع لعله يفكر صح ، وما فيه أي فضيحة لأنكم مومعروفين :28: وترى من أسباب أني أهديت زوجتي الهدية قرائتي لبعض الموضوعات في المنتدى وتوضيح الأعضاء لاثر الهدية على الحياة الزوجية :17: .

الله يسعدكم أن شاء الله ويديم المحبة بينكم... والله أني جلست أضحك من قلبي .. على الموقف من جد موقف يفرح الله يوعدني بفرحه مثلها وعين الله تحرسكم ما شاء الله عليكم علشان ما تقول حسدناكم.....

من الفرحة نسيت اوجه شكري الجزيل للاختfleurفشكرا لك أختي الفاضلة والهدية التي اقترحتيها ستظل محفوظةفي الجهاز مع الهدايا التي اقترحنها الأخوات لتكون هدية قادمة :22:

أحضرت زوجتي قبل قليل وقرأت الموضوع فأخذت لوحة المفاتيح وكتبت بيدها :

أشكر كل الاخوات اللاتي اقترحن الهدايا ،ورغم اني لا أعرفكن إلا من خلال الردود إلا أنني اعتبر كل واحدة منكن قد أهدتني الهدية التي اقترحتها، ونحن أخوة في الله ولو لم نعرف بعضنا ،وأدعو لكن من كل قلبي بان تعيش كل واحدة منكن حياة زوجية سعيدة ملؤها الحب والعطف والحنان،وإن لم أتواصل معكن إلا أن الدعاء سيصلكن في أماكنكن إن شاء الله.


الأخوات : أسرار وحنونة أسأل الله لكن التوفيق في حياتكن الزوجية، وقد تكن تمتلكن من أزواجكن ما هو أثمن وأغلى من مجرد هدية، كالحب، والعطف، والحنان، والأدب، والرحمة...الخ.

ثم أستلمت لوحة المفاتيح مرة اخرى وأقول للأخت الفاضلة حنونة الا لكم من هذه الهدية نصيب الاسد وهو الدعاء الخالص في ظهر الغيب.

أقول أخوية الكريم تجيبلها دهب , أنا طرت من الفرحة لمن جبلي عريسي سلسلة و تعليقة .
الساعات : أظن إنك ما رحت تلاقي ساعة حلوة تستاهلها زوجتك بألف ريال , غالبا الساعات الرائعة تكون أغلى من كدا بكتير .
الشنط الماركات أخوي فكرة رائعة أنا من أسبوع اشتريت شنطة و أرخص شي شفته كان بألف و تمنمية 1800 ريال .
فأنا أؤيد الدهب .

السلام عليكم ورحمة الله تعالى وبركاته

اخي اقول لك شرايك تختار مكان حلو ورومانسي ويكون ما في اختلاط عشان تاخذوا راحتكم والجو الحين رووووعة ويمكن تقضون اجازة نهاية الاسبوع وتكون مفاجاة حلوة للمدام وبس بشرط ما تصطحبوا معكم الاولاد ويمكن هناك تعطيها هديه اخرى بسيطة وبطاقة حلوة :) جرب وراح تدعي لي بالخير :18: :18:

لي يومين مادخلت المنتدى بسبب ظروفي
بس قريت موضوعك وحركتك مع زوجتك وضحكت فعلا ماتنلام زوجتك تشك ان الهديه تكون لزوجه ثانيه
هالزمن الواحده تشك و تخاف من اي شي ;)

بس عني انا كنت حابه اعطيك اقتراح ثاني وهديه مشتركه بينكم انتوا الاثنين وهي :
تحجز لها بفندق راقي لليله واحده وطبعا بيكون اقل من 1000ريال وتقولها انا معزوم على عرس صديقي
تعدلي وتجهزي للعرس والعيال تحطهم بيت اهلها او اهلك اللي يريحك وتوديها الفندق تقولها اي شي
مثلا صديقي زوجته للحين بالغرفه مانزلت روحي سلمي عليها وتتفاجا لمن تدخل انك داخل وراها
وطبعا مجهز كيكه او عشاء او ورد اي شي وتدخل وتقول لها:
انا اللي بعرس اليوم مو صديقي وانتي العروس :14: :17:

طبعا اللحين راحت عليك فكر فيها المره الجايه :d

هذا إللي دائماً أقوله لنفسي بس الله يستر وما أطلع غلطانه والهدية يجيبها ويهديها لوحدة ثانية مو لي...:( ساعتها بتكون الدنيا مو واسعتني بسسسسسسسسس :29: من القهررررررررر...

وتسلمين يا حنووووووووووونه على مواساتك لي..



سوينا موضوع الشقه سواليف جانبيه بيننا الله يستر ما يزعل...:25:

ما دخلت المنتدى من ثلاث ايام...

ويوم شفت موضوعك و ردك.....مت من الضحك.....

الله يخلي لك زوجتك و يخليك لها......ويسخركم لبعض.....ويرزقكم الذريه الصالحه....




دوووووووت

الأخ الفاضل فيصل:أسعدت بمداخلتك اللطيفة.

الأخت الفاضلة سحر البيان:جزاك الله خير على الدعاء.

الأخت الفاضلة عصفورة7:اخترت الشنطة.

الأخت الفاضلة العابدة:اشترينا الهدية وراح ادعي لك بالخير.

الأخت الفاضلة صريحة جدا:اضكتيني اضحك الله سنك ، وأكيد راح افكر فيها بالمرة الجاية.

الأخت الفاضلة:أسرار: تخدموني ثم أزعل ! لا لا لا لا!

الأخت الفاضلة اشتقت لأمي: جزاك الله خير على الدعاء، وغفر الله لوالدتك، ورحم والدك،واصلح زوجته القادمة.آمين

الأخت الفاضلة dotعسى المانع خيرا من غيابك عن المنتدى، وجزاك الله خيراعلى الدعاء.

سعدت كثيرا بقراءة الموضوع
وللأسف ما شفته الا اليوم
ولا كان زدناكم
رغم ان الاخوت الله يجزاهم خير ما قصروا
الله يديم عليكم السعادة ولا يغير عليكم
دمتم في ظل الرحمن

الاخت الفاضلة فتاة قلب جزاك الله ألف خير وما قصرتي.

اعرس عليها يعني طقها بمره ثانيه

ترا ذي احسن هديه







تكفى ياخي لااااااااااااااااااااااااااااااااااا تمزح في هالموضوع





واحلى هدية هي تعليقة يكون فيها حرفك او حرفها بفصوص

الاستاذ الشقه و حرمه
دمتم في رعايه الله وحفظه
الله يسعدكم في ا لدنيا و الاخره،،،، ويجمع بينكم دائما على خير

يغلق الموضوع لاختيار الهديه اللائقه و التي حازت على اعجاب زوجه الاستاذ الشقه