زهقت ومليت ساعدوني
 

انا متزوجه من اكثر من اربع سنوات وعندي بنت وولد وانا متوظفه

زوجي وااايد ينام .... مليت من القعده ابروحي في البيت ..... احس ان مالي مكان الا اني اجهز له الغدا ايام ادوام ... وفي ايام الاجازه يقوم من النوم بعد طلعة رووح وانا اكره شي عندي اني اقيم احد من النوم .... اتضايق ومااعرف شيصير فيني ... اكره كل شي .... يا فلان اذن .. يافلان اقام ... يافلان الوقت متاخر بتفوتك الصلاه ... زهقت والله ومليت .... هو ملتزم والحمد لله بس صاير واااايد كسول حتى صار يغيب من الدوام تقريبا كل اسبوع مره ... ويقول لي ساعديني ... انا شسوي اللي علي اني اقيمه .... انا اقول له انك خلاص تعودت على الغياب ... يقول انا حاسديني .... اذا نام بدري في الليل او نام متاخر كله واحد .... يقوم متاخر وبعد طلعة روووح

اقول له ايام الاجازه انروح نطلع اشوي مع العيال انروح المطعم انروح اندور بس هو كله نايم واذا قيمته غصب انسدح على الكرسي وولا يتكلم وغصب يفتح عينه وفي هاليوم مايشتهي غدا وانا اقعد ابروحي اتملل وازهق

انا خلاص مليت وزهقت واحس ان وصل حدي....
اليوم انا مارحت الشغل وهو بعد كمل نومه وما راح ... قمت الظهر وقلت بقيمه وبقول له ان انروح المطعم نتغدا .... بالموت قام للصلاة وانا قاعده انتظره يخلص من صلاته عشان اقوله ان انروح المطعم .... ماوعيت الا هو نايم على السجاده .... انا الحين متضايقه واااااايد واعصابي متوتره وقلت اليوم انا ماراح اقيمه لصلاه العصر وبخليه ينام وبطنش وانا دايما اقول له هالكلام بس مااقدر قلبي مايطاوعني ..... ماادري اطلع من البيت مع اعيالي واخليه نايم ....
حتى يوم الاجازه يروح الرحله وانا ابات في بيت هلي ... يرجع ياخذني الظهر ... ويقول انا ماابي اتغدى وينام لين المغرب وبعدين يطلع .... انا ابي اعرف ليش ياخذني من بيت هلي ؟؟؟قلت الاسبوع الجاي انا مب راجعه البيت معاه وفي الليل لما يرجع يجي ياخذني من بيت هلي ....امس شافني متضايقه قال لي اشفيج قلت ولا شي ... بعدين قال لي انتي ساكته اليوم ومب طبيعيه قلت له مليت وانا قاعده في البيت وانت نايم .. قال لي اي اصلا انا كنت حاس ان انتي متضايقه لهالسبب .... لكن شالفايده ؟؟؟ ولا هامه ((وردت حليمه كعادتها القديمه ))

صدقوني انا وااااايد متضايقه ومااعرف شسوي

ساعدوني اشرايكم باللي قلته ؟؟؟ اسوي اللي قلته لكم ؟؟؟ تعتقدون بيفيد معاه ؟؟؟

الله يعينك

خليه يجرب الحجامة ...مفيدة لكثرة النوم

أختي
أنصحك أن يقوم زوجك بعمل فحص للغدة الدرقية
من الممكن أن يكون هناك كسل في الغدة هي التي تؤدي الى النوم الكثير
تحيتي لك
أختك
رحيل دائم

بصراحه اخت نجمه000

انا نفس زوجك اذا نمت ماقعدت000

واذا طولت نايم جت زوجتي فوق راسي قم صل 00 طفشت وانا قاعده بروحي

00 الى متى وحنا كذا 00 قم كل معاي جوعانه ومابي اكل بروحي 00 زهقت من البيت

وشغل البيت وانت بس نايم 00 ومن هالمواويل اللي 000؟؟

والمشكله انه للحين ماجانا عيال عشان يسلونها يعني اقشر من حالتك00

وبصراحه ضغطت على نفسي وصرت اقلل من ساعات نومي الين تعودت وصار

نومي من 5 الى 7 ساعات بالكثير والحمدلله صرنا دايم مع بعض 00

لا وصرت انا صاحي وهي تنام 00 تصدقين الحين قاعد اكتب لك

الرد وهي نايمه 00 هههههههههههههههه

بالنسبه لزوجك الحل بيده هو انه يحاول يغير من اسلوب وطريقة نومه

هو كان يتهمني اني انا انام وايد ويقول ان الواحد يكفيه ينام في اليوم سبع ساعات وانا كنت اقول له انه انا مااشبع الا اذا نمت اكر من تسع ساعات
هو الحين يا ينام طول النهار او انه يقعد من الفجر وا ينام الا بالليل يعني مافي توازن ولما اقول له يقول لي انا اعوض نوم طول الاسبوع

المهم ..... اذن العصر الحين وانا ماصحيته من النوم والحين لبست انا واعيالي عشان اول مايقوم من النوم اقول له انا ابي اطلع

مااعتقد ان فيه اي مرض لان نومه هذا مايكون الا في ايام الاجازه والايام الثانيه مااقدر اقول له انروح نطلع لان يكون كسووول ويقول انا راجع من الشغل تعبان

انا ايام الدوام صرت انام الظهر وهو قاعد واحيانا ينام قبل الصلاة بربع ساعه وانا بعدين الله يعيني على قومته

اتصدقون انا الحين صرت اجبره ينام الظهر في فراشه لانه هو دايما ينسدح على كرسي الصاله لحد ماينام

عندي لك حل بس لازم تصيرين شجاعه وتسوينه :
إذا شفتيه نايم وما رضا يقوم صبي على راسه شامبو وأتحداه ينام بعدها (مجربه) :18:

انا مره بس دلدغت ريلهوهو نايم قام هاوشني وهذا كان بعد كم شهر من الزواج الحين اذا سويت هالشي اشبيسوي فيني

اتصدقون انا لما اصحيه من النوم اتجيني الصيحه

الاخت عزي هههههههههههه الله يهديك بس 000

انا ماانصحك تطلعين الحين او لما يصحى00

روحي سوي له نوع والا اثنين حلا

مع فنجال قهوه 00 وصحيه بنعومه وخليه ياخذ له دش

طبعا انتي حطي ملابسه عنده عشان يتحمس للدش 000 >>> احد اساليب زوجته اول

وبعدها راح يكون اكيد رايق للطلعه معك انتي وعيالك 00

نصيحة مني اذا جلست فوق راسه تقومينه اذا جتك الصيحة صيحي بعدين يرحمك ويقوم

والا قولي انت رجال وبالغ وعاقل وهذي اخر مره اقومك فيها للصلاة تبي تقوم ولا ذنبك على جنبك يالغالي

قوليها مزحة وصدقيني راح يقوم

صدقوني مافي فايده هو عارف وداري باللي احس فيه بس ان اللي يقهرني انه مايعبرني ولا يفتكر فيني

يعني مايقول مرتي اليوم متضايقه ومتملله بوديها اشوي وبطلعها ... ياخذ الامور بكل بساطه ولا كأن شي صار... ويكرر نفس الشي ....

واذا قلت له انا اليوم كنت زعلانه ومتضايقه لانك سويت هالشي .. يطلعني في النهايه انا الغلطانه .... ويعطيني محاضره طويله وعريضه ... انا سويت وانا تعبت وانتي حساسه وانتي امكبره الموضوع وانا وانا وانتي وانتي .... وانا انطم واسكت

الاخ متفهم امس سويت له كيكه وجلست اكلها ابروحي ولما صحى من النوم وبعد عناء طويل انا كان وصل حدي وخليته ياكل منها ابروحه وبعدين رحت معاه بيت هلي

مافي فايده هالاساليب ماتفيد معاه

اليوم حتى الشاي ماسويته له العصر ...مالي بارظ ........ قهرني

الله يكون بعونك بصراحه ... ليش ما تفتحي الانوار عليه وتخلي العيال يتنططوا جنبه ويصحوه أكيد بتطير النومه

طيب جربي أسبوع كامل تخليه نايم لحد ما يفطس من النوم وتاخذي العيال وتطلعوا السوق - الملاهي - بيت الاهل- على البحر أي مكان المهم تطلعي
طبعا لا تنسي تاخذي فلوس من محفظته وخليه يشبع نوم والله أتكلم جد أطلعي عنه خذي سواق غيري جو وعوديه إنك راح تخليه بروحه زي ماهو طول اليوم مخليك بروحك وهو موجود ومش موجود (( جنبك وبعيد عنك )) فاهمتني صح

تعودي تكوني تنبسطي بدونه ونصيحه خذي الامور ببساطه ترتــــــــــــــــــــــــــــــــــاحي وصدقيني لما تشوفي مصايب غيرك راح تضحكي على مصيبتك

مثل ما قالت متغليه مافيييييييييه بعد الحجامه مفيده جدا جدا وراح تلاحظى التغير
وعودى نفسك لاجيتي تصحيه تفتحى كل الانوار فى الغرفه تطفى المكيف تفتحى الشبابيك خلى نور الشمس يدخل اليييييين يعرق ويقووم 00000000 أسحبي البطانيه منه وياليت المخده كمان 0000 وقتى المنبه على الوقت الى تبيه يصحي فيه ولاتخليه قريب منه خليه فوق الدولاب مثلا

والله يعينه على نفسه ويعينك عليه

سلا1111111111م

صدقوني ماتفيد معاه هالاشياء
انا مره رحت الشغل وانا امطفيه المكيف وامشغله الليت وطول الطريق وانا اتصل فيه وفي الدوام بعد من الساعه ثمان وحتى 11 وتعبت وانا اتصل ... شكيت ... قلت للخادمه روحي شوفي سيارته واقفه ... قالت اي ... بعدين قلت يمكن خذ سيارة السايق ... وبعدين قلت للخادمه روحي فوق شوفي الباب مقفول .... قالت لا مش مقفول .... قلت لا الظاهر ليلحين نايم ... وانا قاعده في الشغل على اعصابي والوسواس شاغل بالي ... بعدين الخادمه قالت ترى ليت الغرفه والع .... اهني ماقدرت استحمل واستأذنت من الشغل وطول الطريق وانا اتصل وقلت يمكن التلفون فيه شي ... واول ماوصلت البيت شفته نايم .... وانا واقفه مكاني اتصلت عشان اتأكد التلفون فيه شي والا لا ... اتصلت وشفته قايم وفاتح عينه لكنه مايرد على التلفون ... والله العظيم اني مت قهر ... وهو شافني يقول لي ليش انتي طالعه من الشغل؟... قلت له ليش مااترد على التلفون ؟ قال لهالسبب طالعه ؟؟!!!!! ومن القهر حطيت راسي ونمت

خل ينام على كيفه بس انا ابيه على الاقل يعوضني بالليل او اي فتره ثانيه نطلع فيها مع بعض او نقعد فيها مع بعض انا الحين لما اقيمه من النوم اعرف من البدايه اذا هو بيقوم او لا

جات فتره اول مااصحيه للصلاه يقوم وبعدين بدا يتكاسل والحين خلاص تعود انه مايصلي في المسجدوانا اقول له انت لازم تججبر نفسك كم يوم اتصلي في المسجد وبعدين مابيهون عليك تترك الصلاه في المسجد وانا ادري انه حريص وملتزم ويخاف الله لكن شسوي انا ؟؟؟

والله يا أختي..
أتوقع أن زوجك، الله يحفظه، يحتاج يروح الدكتور
لأنه بالصوره هذه الشغله موطبيعيه
قد يكون عنده مشكلة في هرمونات أو خلافه
أختي
إذا هو يستشعر أن عنده مشكلة من الأفضل إنه يمر الدكتور..
والله أعلم!