|
تــــووووووبه اتأثر واسوي مثلكم !!!
دايماً اقرا عن مواضيعكم عن طريقة استقبال الزوج او الزوجه
وكنت اقول ماشاء الله يسوون هالحركات لازواجهم وانا عمري ماسويتها لزوجي وقت جيته من السفر!! يعني ممكن في يوم عادي والعيال برى اطلع انا وياه ونسوي حركات ووناسه بس انه يكون مسافر وانا افاجئه بحركات غريبه وحلوه ماصارت معاي ابدا !!! فتاثرت بكلامكم وحسيت اني مقصره وحبيت اني اسويها لزوجي وكتبت موضوع مره عن اقتراحات وافكار ابي اسويها لزوجي لمن يوصل من السفر !! وفي العاده كنت متعوده اني انا والعيال نستقبله واكون مستعده له ومتزينه بس مافي حركات غريبه يعني بس ترتيب في البيت وتغيير لمكان الاثاث وتغيير فرش السرير ومثل هالامور اللي تعودت اسويها او افاجئه فيها بس كلامكم عن المفاجئات خلاني افكر اسوي حركه حلوه لزوجي ومفاجأه جميله له حتى يظل يتذكرها ......... بس للاسف صار العكس !!!!!!!!!!!! استعديت لهاليوم وقلت هالمره عيالي بطلعهم من البيت بوديهم للألعاب ومعاهم الخدم حتى يفضا لي البيت واخذ راحتي مع زوجي واسوي نفس الحركات اللي تقولون عليها !!! :o رتبت لهالشي واخترت لهم المكان المناسب واتصلت للكوافيره تجيني البيت واخترت الفستان اللي بلبسه وقلت بتعدل كاني عروس ............ وكل شي مشى اوكي للحين بس طلع لي على الخط ولدي البكر!!! عمره 14 سنه !!! رفض يروح مع اخوانه !! قلت له طيب بوديك أي مكان تبيه بس اطلع من البيت ......... ورفض !!! قلت له وين تبي تروح بوديك ؟؟ قالي ابي اقعد في البيت !!!! قهرني باللين وبالشده كلمته واقنعته وهو رافض يبي يقعد في البيت لما يأست قلت له وانا معصبه: شرايك ارميك في الزباله !!! كنت واصله حدي !!! ورد علي وقال : عااااادي :25: يعني اللحين اخوانه اللي بعده سهل اقناعهم والصغار احط لهم قناة سبيس تون والا ارتيز للاطفال وخلاص مالهم حس والخدامات اقولهم يروحون غرفهم وماشوفهم يبقى هو !!!!!! المشكله الاحراج منه هو الكبير الفاهم الباقي امرهم هين !!! ومع هذي الكل يطلع من البيت الا هو يرفض يطلع وقاعد عندي !! :29: ومع انه في مرحلة مراهقه يعني أي كلمه مني تجرحه يزعل الا انه هالمره عاااااااااااادي عنده مطنش ولا مهتم ومايزعل مني وكلامي على قلبه مثل العسل !!!!!!!!!!!!! لدرجة اني شكيت انه عارف اني ابي اسوي حركات لزوجي والله انا هالولد احسه يدري عني وعن اسمي في المنتدى ويدري اني اخذت افكار منه ويبي يشوف وش بسوي !!! المهم قلت يالله امري لله يقعد في البيت !!! وانا قررت اني ماطبخ شي بس قلت بشتري عشاء لزوجي من المطعم اللي يحبه وبجيبله الاكله اللي يحبها حتى مانشغل بالعشاء خاصه واني انا بروحي والخدم طلعوا ورتبت كل شي وبعد ماراحت الكوافيره اخترت الفستان اللي بلبسه وافاجا فيه زوجي وبديت اسوي اللمسات الاخيره فدخل علي ولدي ويقولي: بل بل شهالحركات !!! كل هذا لابوي !!! ليش يعني !!! قلت له: اطلع برى !!! قالي: تخيلي ابوي سافر يتزوج عليك !!! قلت له وانا معصبه اطلع برى بسرعه !!! قالي: جد والله تخيلي يدش عليج وبيده حرمه ثانيه شبتسوين !!! انا احترق قلبي من كلامه وغرت قلت ليكون سواها زوجي وولدي يدري ومايبي يقولي او قاعد اللحين يقولي بس يهيأني للموضوع !! وبديت اوسوس !!! رد يتكلم ولدي وقال شبتسوين بتضربينه و بتقولين له اطلع برى ياخاين والا بتكسرين البيت ( وطبعا يسوي حركات يعني يمثل الحركات اللي بسويها انا ) وانا ساكته ووقفت كل شي واشوفه وقلبي يحترق !!!! شوي جر كرسي وقعد عندي وقالي جد جد والله يايمه شبتسوين لو دش ابوي وعنده حرمه ثانيه وقالت لج انا زوجته و ..... ماقدرت اتحمل كلامه و صرخت عليه وطردته من عندي وقفلت باب الغرفه بالمفتاح !!! حشى مو ولد هذا عدو !!!!!!! :( وبالفعل اثر علي كلامه وتكدرت انا مادري شعنده يسويلي هالحركات مايسويها ابد !!!! بس بجد حاسه انه يدري اني خذيت من هالمنتدى هالافكار بدليل انه كل ماشافني في النت يقولي هاه يمه زوجي يقول كذا وزوجي فعل هكذا او يقول ساعدوني اريد الحل زوجي سيتزوج علي !!! او يقول نفس عناوين المواضيع في المنتدى !! المهم انا تاثرت من كلامه وقمت اقول اما لو زوجي يدش علي بحرمه ثانيه !!!!!! اعوذ بالله الله لايقول !! المهم نزلت وطبعا تعليقات ولدي يقولي: كل هذا لابوي وماعندك سالفه و ... الخ !!! وانا ساكته عنه !!! وقتها وصل العشاء وانا طلبت دبل لحضرة ولدي قلت له يالله تعشى مابي اشوفك عندي انا وابوك فاهم !! وقتها سكت لانه شاف العشاء وفضل يسكت ويتعشى وارتحت منه شوي قرب الوقت لقدوم زوجي ووصل زوجي ومن عادته انه يروح لاهله يسلم على امه وابوه واخواته ويقعد شوي بس ويجيني بس هذاك اليوم طووووووووول !!!! وبديت افكر بكلام ولدي واشك !!!!!!!! وقلت لولدي يتصل لابوه ماكنت ابي اكلمه !! فكلمه وقالي اللحين ابوي جاي وقعد ولدي عندي اقوله اطلع غرفتك العب سوني سو أي شي بس ابدا مو راضي وراي وراي ويبي يشوف !!!! ووصل زوجي وارتبكت ودار في راسي كلام ولدي وخفت حتى من زوجي مادري ليش !!!! كنت في الصاله مسويه حركات فيها يعني شموع واضاءه خفيفه وطبعا غيرت كل شي بسبة حضرة ولدي !! دش زوجي بس...................... بروحه !!!! ماعنده واحده ثانيه !!!!!!!!! :22: بغيت اطير من الفرح وفرحتي بانه ماعنده ثانيه اكثر من فرحتي بجيته من السفر :17: ومع اني اتفقت مع ولدي انه اذا شاف ابوه يطلع ويخليني انا وياه بروحنا الا اني تفاجات وانا اسلم على ابوه واضمه انه واقف ويطالعني !!! غمزته اشرت له يطلع بس ماااااااااااافي فايده !!!! فقعد معانا وقعدنا احنا الاثنين بكل ادب واحترام !!! سالني وين العيال ؟؟ قلت له طلعتهم برى مع الخدامات حتى نكون بروحنا !! طالع ولدي الكبير وكانه يقول طلعتي الصغار وخليتي الكبير !!! المهم قلته تعال تعشى كنت مسويه له العشاء على الطاوله وكلها شموع وورود روعه وطبعا ولدي ورانا تعشى ابوه عشاء عادي ماقدر اقول شي وحضرته يراقبني !!!! طلعت انا وزوجي الغرفه عجبته الغرفه وترتيبها وشوي مالقيت ولدي معقوله !!!!!!!!!! معقوله خلاني وابوه بروحنا !!!!!!!! دقيقه بس الا وهو جاي عندنا ويقولنا يبه ربعك اتصلوا وقالولي ابوك وصل قلت لهم ايه من زمااااااااان وقالوا اللحين بيجون !!!!!!!! بغيت اجن يجون اللحين !!! وانا ماخذيت راحتي مع زوجي !!! قلت له مو وقته مايستحون توك واصل من السفر وتوك تعبان !! قالي ماعليه ضيوف مايصير !! ووصلوا الضيوف !! وبسرعه !!! وكانهم داقين من باب البيت !!! :( وقالي زوجي يالله جيبي لنا شاي وقهوه وفواله !!! انا ...!!!! انا اللحين متعدله ولا عروس واخرتها ادخل المطبخ !!! تخيلوا دخلت المطبخ اسوي شاي وقهوه وانا لابسه كعب وفستان ذيل ومتشيكه !!! والله فيني الصيحه !!! مايصير هذا يوم لي ولزوجي وانا متعدله وفستان وكعب وكشخه واخرتها في المطبخ !!! والمشكله لاني متعوده على الخدم يعني اطبخ بس اقولهم عطوني مثلا الملح البهارات السكر الخ بس ماعارف وين مكانها اطلبها منهم واخذها واللحين الخدم مو موجودين وانا بروحي ومادري وين حاطين السكر والشاي يعني يضيع الوقت الين القى اللي ابيه ويالله خلصت الشاي وبديت اسوي القهوه ويدش علي ولدي ويقولي ابوي قاعد مع الضيوف وانتي في المطبخ وقعد يضحك !!!!!!!!! :( وشوي يعلق علي ويقولي السندريلا الخادمه !!! :19: انا ماعمري حسيت بقهر وطنازه مثل هذاك اليوم ومن من ؟؟ من ولدي !!! المهم خلصت بالعافيه الشاي والقهوه والفواله وقلت يالله بنتظر شوي بيروحون الا يطلع ولدي ويقولي ابوي يقول سوي عشاء !!!!!!!!!!!! هنا قلت لا عاد حدك انت وابوك !! مصختوها !!! اللحين زوجي اللي هو زوجي ماطبخت له اقوم اطبخ لاصدقائه !!! واقوم اتصل للخدامات واقولهم يردون بسرعه هم والعيال علشان يسوون العشاء انا ماني فاضيه !!! ورحت غرفتي وبدلت اصلا ماتركب لابسه فستان وكعب ومتشيكه وقاعده بروحي !!! ليش استخفيت !!! وقعدت انتظر يروحون ضيوفه بس مافي ماراحوا نيمت عيالي وتعشوا وهم قاعدين !!! وماطلعوا من البيت الا الساعه 3 ونص الفجر وزوجي دش البيت عندي الساعه 9 ونص !!! وطول هالوقت وهم قاعدين عنده !!! المهم ان هاليوم كان زفت ونحيس وانا كرهت افكر اسوي مفاجأه لزوجي !! كل مره استقبله انا والعيال ويكون اكثر من رائع واللحين ابي اسوي مثلكم اعتفست واخترب كل شي !!!! وبدال ماتكون مفاجأه طلعت فاجعه !!! واتمنى ماتتكرر ابدا!! والايام عندي كثيره افاجئه فيها غير يوم جيته من السفر وبدون وجود العيال وبدون ربعه !!! واللحين من اقرا موضوع عن واحده تطلب حركات لزوجها اللي بيجي من السفر اقول ( على غيري ) و انا ماتنفع معاي وافكر اقرا بس ما طبق الا في يوم غير السفر !!!! واستحاله تلقوني يوم اسال عن طريقه مبتكره لاستقبال زوجي من سفره !!! او تلقوني اتأثر من كلامكم عن طريقة استقبال الزوج من سفره !!! ابداً ابداً !!! اختكم صريحه جداً ............ |
ههههههههههه والله وماعجبني في الموضوع الا ولدك وخفة دمه ...
بس مو في وقتها للاسف.. صراحه سالفتك سالفه.. وولدك دامه نشبه وفاهم كان خليتيه يشتغل معك.. ويزين البيت لما يدووووووخ وينام ..هههههه مافي امل اللي عندها عيال كبار انها تسوي شي لزوجها...<<==الله يستر مع اني ماجربت بس باتعظ من سالفتك... مشكوووووره يا صريحه وخيرها بغيرها.... |
ولدج مب صغير.........ليش العناد
لو أنا مكانج جان ذبحته :29: :19: :16: |
اختي الفاضلة .. مشكورة وما قصرت مع زوجك ..
انت عملتي اللي عليك .. وما راح يضيع ..وهو مكتوب في صحيفة حسناتك .. وفي صفحات وفائك لزوجك ان شاء الله .. |
خيرها بغيرها ...
أعتقد أن ولدك .. لو كلمتيه بهدوء .. وأقنعتيه بأهمية هذا اليوم عندك صدقيني .. كان اقتنع .. لأن في هذا السن الأولاد يعاندون وبالحب والهدوء والإقناع .. يمشي الحال معهم .. ولدك ذكي جداً .. ما شاء الله اهتمي بتنمية ذكائه .. تحياتي لك |
وش اللزقه الله يعينا اذاكبروا عيالنا مافيه حفلات ولاشي مادامهم فاهمين كل شي ويعرفون مالهم تصريفه
بس صراحه ضحكتيني اضحك الله سنك اسلوبك عسل ياصريحه احيانا مافيه احسن من البساطه لوانك زي العاده كان سندريلا مادخلت المطبخ ههههههههههههههههههههههههههههههههههه |
الحمد لله على سلامة زوجك , وبالعكس لا تيأسي وكل ما رد من السفر سوي له حركات أجدد .. :22:
أما ولدك :29: الله يعينك عليه .. |
احسدك على طولة بالك ماشاء الله تارك الرحمن لو انا مكانك كان حاولت معاه باللين مانفع معاه بالعصا بجد وانا اقرا قهرني ولدك الشيطون :d وارتفع ضغطي من اصحابه بجد كان بكيت وبللت الفرش بدموعي قهررررررررررررررررررررررررررر :19: ثاني مرة صرفي عبقور الله يحفظه والباقيين خليهم الله يسعدك يارب تقبلي تحيااااااااااااااااااتي ............. |
الله يعينك على التعب واخرتها المطبخ
ولكن خيرها في غيرها ولكن ولدك لا يستحي أو انتي عودتيه على كذا منذ الصغر الله يسعدك مره رجعت من السفر جلست على الباب أكثر من نصف ساعه :) انتظر فتح الباب زوجتي الله يهديها راحت عند اهلها وتأخرت في الرجعه علما اني اخبرتها برجعتي |
حشى مو ولد هذا عدو !!!!!!! خخخخخخخخخخخخخخخخخ
صراحه مقلب من قلب |
الله يعينك ويحفظ لج ولدج ويبلغج فيه :14:
والله اني اقتهرت من صجي :19: هي جات على الولد والله انا عندي الخدامات :11: الله يكفينا شرهم ما اقدر حتى احط شموع بس ووين انصرفهم :25: ؟؟؟؟؟؟؟؟؟؟؟؟؟؟ انا صرت افقد الأمل اني اسسوي هالحركات ؟؟؟؟؟؟؟ الله يسعدج مع زوجج |
هههههههههههههههههههههههههههه :d
ربنا يكون في عونك من هذا الولد ويهديه |
بصراحة أنت اعطيت ولدك وجه لو أنا بصراحة مددددددددددددددددددددري شسوي فيه الظاهر أخنقه لكن ماعليه
خيرها بغيرها .. واللي عندها عيال كبار أشياء كثيرة صعبة بالنسبة لها ... مع إنه أكبر شيء عندي بنت 11سنة بس لابد أحاسب في تصرفات كثيرة .. الله يعين محبتك بنت طيبة الطيبة |
والله ضحكت لين كحكحت من الضحك
وكل ماأنزل سطر أضحك أكثر واللى يشوفني يقول وشفيها إستخفت الحرمة من الضحك بس الله يحفظ ولدك طالع دمه خفيف مثل أمه تصدقين أنا بدأت أشك إن ولدك هو متصل على أصحاب أبوه وعازمهم.... ترى ولدك فاهم وقاريء أكيد المنتدى وغير إللى يسمعه من بره البيت من أصحابه وللملاحظة أنا حسيت إن الأولاد يعتبرون هذه الأشياء قلة أدب لإنهم متعودين إنها عيب علشان كذا هو يبغى يخرب الدنيا لإنه يحس إنكم تسوون شيء غلط بس والله ماقهرني إلا أصحابه صدق والله بعض الناس ماعندهم دم ........يعني عارفين إنه توه واصل من السفر ومشتاق لأهله مايستحوون ويجون....مايعرفون إنه فيه شيء إسمه اليوم الثاني الله يحييهم صدق والله ماتغيظني إلا هذه الأشكال بس تصدقين حالك أفضل من وحدة من العضوات ماأذكر إسمها قالت إنها سووت مفاجأة لزوجها في مجلس الضيوف الخاص بالرجال ومسوية حركات وقلوب وكتابات وسبحان الله أراد الله يرجع زوجها ومعاه ضيف ودخله المجلس وشاف كل شيء وصارت في موقف لاتحسد عليه خيرها في غيرها وتعيشين وتأخذين غيرها بس إنتبهي من عيالك وإنتبهي من مجلس الضيوف الله يسعدك مثل ماضحكتيني |
الله يبارك لك بولدك
هذه غلطتنا من كثر ما كنت اقول لزوجي ان كبر ابنك خاويه عمره 9 سنوات نحاول نرجعه لما يعرف ابنك على ما تربيه و كل شويه يذكرني بباقي اولادي يقولي لاتخاويهم بدري قاعدين بحلوقنا الله يصلحهم ويصلح اولادك و اولاد المسلمين وتفرحين بيهم اللهم امين احسن شي المره الجايه تسافرين مع ابوهم و تخليهم مع احد من اهلك |
هههههههههههههههههههههههههههههه
هههههههههههههههههههههههههههههه ولدك هذا خطيييييييييير ويمه منه.... عارف سوالف المفاجآت لزوج واستقباله... وقعد يشوفك...:) ملكع:) وصراحه اللي قهرني اكثر بموقفك ان ربع زوجك جوه البيت... مايعرفون الذرابه الأيام جايه ليش مستعجلين؟؟؟ بس نصيحه لا تاخذين كلام ولدك ويوسوس بمخك :( ولا تخلينه يتجرأ زياده عليك.... :11: مهما كانت الام لها حدود مايتعداها الولد... والله يسعدك انتي عايلتك المرحه يارب... :22: اختك ريوف |
الله يسعدك اختي الغالية صريحة
والله فطست من الضحك على قصتك ..............الصراحة قصة لا تنسى والله يحفظ ولدج ويبارك فيه.............الاولاد في هذا العمر يهبلون احس انك تعقدتي ومب ناوية تكررين الحركات الرومنسية الله يسامح ولدج بس اظن ولدج يعرف انك ناوية تسوين حركات جديدة ويبي يطالع ويتثقف ويبي يشوفج اش باتسوين أنا لو منك كان طردته من البيت غصب واللي يقهر فعلا الضيوف .............اي والله اش هالحظ لا لا ...........لا تيأسي وحاولي مرات ومرات لين تضبط العملية اي والله نبيك تستانسين وتعيشين اللي الناس عايشينه يارب يسعدك مع زوجك ويحببكم ببعض ويجمعكم دائما على خير اللهم امين. |
ههههههههههههه,,,,,,
خيرها بغيرها ولا تخلي موقف صغير كدا( ولو انه مو صغير بس حابة اهون عليكي ) يخليكي تضربي عن المفاجأت .. حاولي تاني بس المرة الجيه اعطي ولدك منوم من اول اليوم........... |
هههههههههههههههههههه إيش هذا يا أختنا .. ولدك يسوي فيكِ كل هذا .... :23: بس على كل الأحوال الله يحفظه لك .. ويحميه من كل شيء يؤذيه .. القصحة ضحكتني كثير .. لكن لالزم تعرفي إنه أجرك بنيتك عند الله ما يضيع وتاخذينه كامل بعون الله ... اللي زعلني في الموضوع شوية طبعا :25: حكاية إنك مارح تعيدي وتسوي هذي الاشياء لزوجك مرة ثانية .. وزعلتِ علينا وعلى المفضلة وعلى الأعضاء <<<<<< طيب احنا إيش دخلنا .. هذا ولدك هو السبب :22: :d بس أنا متأكد وعارف إنها ردة فعل طبيعية ... ولكن قلبك الطيب .. يحملك على إنك تسوي لزوجك مرة واثنين وثلاثة ... وما ألومك الموقف اللي انحطيتي فيه بصراحة صعب ويقهر شويتين .. على العموم ... خيرها في غيرها .. والابناء في سن المراهقة ( بالذات الصبيان ) يبغى يسوي نفسه ماحد قده وإنه هو الرجال اللي كلمته ما تنزل ... وممكن الولد هو اللي اتصل وجاب لك هالضيوف <<< مغلس مغلس مرة وحدة :27: كان الله في عونك .. ويسر أمرك وشرح صدرك .. ووفقك للمزيد من الأفعال الطيبة في إسعاد زوجك وإدخال السرور له .. دعواتنا لك بالتوفيق والسادة ... وسلمي لي على ابنك صاحب الحركات الحلوة :22: |
اقتباس:
و لا تضحكين ترى انقهر !!! :29: بعدين مو عوايده اختي هايدي انا اعرف ولدي هالمره حنه غير طبيعيه !! يقولي ليش يعني تبينا نطلع من البيت وتكونين بروحك !!! وليش مسويه حركات وابي اشوف ... مع اني قلته ابي اخذ راحتي مع ابوك يرد علي و يقولي ليش !! قلت له ابي اقوله سالفه !! يقولي ولازم نطلع والا اول مره تسولفين مع ابوي !!!! الله يهديه بس خرب علي ....... والله قمه في القهر !!! :( وان شاء الله ماتصير معاك اختي مع اني اقولك انسي تسوين شي اذا عندك عيال كبار والله يسعدك اختي ان شاء الله دنيا وآخره اختك صريحه جداً .................................................. ....... اقتباس:
تحياتي لج اختي فجر .................................................. ........ اقتباس:
اشكرك جداً .................................................. ..... اقتباس:
اكثر من كذا هدوء !!! والله مسكت اعصابي وكلمته بكل هدوء اصلا ماتوقعت يرفض طلبي او يرفض الاغراءات اللي عرضتها عليه اي مكان يبغيه موافقه اوديه عرضت عليه فلوس المبلغ اللي يبي وقلت له يطلع مع ولد اخوي الكبير صديقه المفضل بس ابدااااااااااااااااااااا معند !!!!!! هو مصمم يقعد ومو راضي يطلع من البيت الا اذا طلعت معاه يعني ماسويت شي ... اما انه ذكي فهو فعلاً ذكي ومن يوم وهو ياهل عمري ماحسيت انه طفل ابداً !!! من عمره سنتين وانا اكلمه على انه كبير !! .................................................. .................................. اقتباس:
وبعدين شنو كان سندريلا مادخلت المطبخ هاه !!! بدينا الطنازه !!! :d الله يديم السعاده عليك ويسعدك دنيا وآخره .................................................. ............................... اقتباس:
اما سالفة لاتيأسي وكل مارد اسوي له حركات أجدد فمستحيييييييييييييييييييله افكر ابداً ابداً :( تحياتي لك .................................................. ............................ |
ماشاء الله على اسلوبك الشيق بالكتابة
والله انصحك بتجميع كتاباتك في كتاب علشان يكسر على كل الكتب .............. |
اقتباس:
متى احتضنتي ابنك آخر مرة ؟!!! |
هههههههههه
تقريبا مثلي .. كل ما افكر أسوي له ليلة رومانسية ينط علينا واحد من ربعه أو هو يطلع حق شغلة و ما يرجع إلا الفجر!! خليها على الله ... و ثانيا هذا ولدك لازم يتعلم الاحترام و الأدب ولازم تسوين لك شخصية عليه ... هذا مو صح إنه يتنطط عليكي و يعلق .. الله يسعدك و ان شاء الله الايام جاية ........... بس هونيها و تهون .. |
اقتباس:
بس ماقدر مايطاوعني قلبي اضرب عيالي وهذاك اليوم انقهرت كثير وطولت بالي كثير لان مافي وقت اعصب !! اكلمه واترجاه وانا بنفجر و مابي اضيع وقت في العصبيه والصراخ لان الوقت كان فعلاً ضيق !! وهو وحركاته معاي يعطلني فماحبيت اعصب عليه وقعدت امسك اعصابي غصباً عني حتى مايجي زوجي وانا ماخلصت والسبه الوقت اللي ضاع مع ولدي الله يهديه !!! أما سالفة اصدقائه وحركتهم البايخه رفعوا ضغطي وماباليد حيله ضيوف شسوي !! وكانك حاسه فيني بكيت وبللت الفرش دموع بس كنت احاسب وانا ابكي تدرين خايفه على المكياج يسيح :d ههههه كان عندي امل انهم يطلعون من عندنا بدري !!! تحياتي لك اختي الحنونه .................................................. ...................... اقتباس:
بس هذي اول مره يكلمني ويعاملني فيها بهالطريقه !!! وبالمقابل انا اول مره اسوي هالحركات واهتم كل هالاهتمام الواضح والملفت بقدوم زوجي من السفر يعني بعد ماتعودوا اني واياهم نستقبل ابوهم يتفاجأ اني اقوم باخراجهم من البيت !!! غير عن الحركات اللي سويتها في البيت وكانت ملفته ..... ماتشوف ان هذا هو السبب !!!! الله يسعدك اقتباس:
ادري مقلب بايخ اهم شي اعصابك كانت بارده !! اشكر لك مرورك .......... .................................................. ............. |
اقتباس:
واشكر لك مرورك .................................................. ......... اقتباس:
اختي ar4aa والله انا تجربه وماراح تتكرر !!!! وصدقيني امر الخدامات هين والعيال الصغار بعد امرهم هين بس المشكله الفاهمين قمه في الاحراج !!! يعني انتي تمثلين دور الام الوقور واخرتها يشوفك تسوين حركات دلع وورد وشموع ويقوم ولد مثل ولدي ويستهزأ فيني !!! انا شخلاني افكر اسوي هاليوم الرومنسي بس !!! وانا اشاركك الراي فقدت الأمل اني اسوي هالحركات ؟؟؟؟ تحياتي لك والله يسعدك اختي دنيا وآخره .................................................. .... اقتباس:
آمين اختي زهره والله يسمع منك اشكرك جداً |
اقتباس:
تتوقعين عندي وقت اعطيه وجه !!! فاجأني بتصرفه 180 درجه يعني اشبه مايكون بعدو مو ولد !!! صدمه بالنسبه لي موقفه هذا !!! بالعاده مايحب قعدة البيت ودايم يحن يبي يطلع هو بالذات ماحاتيت امره قلت هذا سهل امره بعطيه فلوس وبوديه مركز وخلاص انتهى امره كنت احاتي الباقي وين احطهم بس صدمه كبيره موقفه وحركته معاي !!!! ومثل ماقلتي اللي عندها عيال اشياء كثيره صعبه بالنسبه لها !!! بس انا شكلي نسيت!!! وحسبت عمري توني متزوجه امس !!! تحياتي لك .................................................. ................... |
اقتباس:
الله يسعدك اختي أم جمانه دنيا وآخره اسعدني تعليقك والله انا مثلك اشك انتي بس لو شفتي زوجي قاعد معاهم في المجلس وولدي اللي يسولف مع الضيوف واخرتها انا نمت بعرفتي وعيالي الصغار بحضني وزوجي قاعد من الضيوف في المجلس ومنعس !!!! اقتباس:
والله العظيم انا حاسه كذا وحاسه انه قاري المنتدى وانا اصلا شفته مره في المنتدى يتصفحه !!! ولو شفتيه بس وهو يقلدني في حال لو زوجي دخل وبيده زوجه ثانيه يقلد حركتي وانا اصرخ واصيح ويقلد الكلام اللي بقوله فعلا صدمه !!! وانا اقول عنه توه ياهل ومايفهم شي !!!!!! اقتباس:
شفتي شلون والله اني مازور اي حد لو كيف ماكانت درجة قرابته عندي في اول يوم ولو زرته فمرور الكرام !!! بس ابلط واجي عنده اول مايدخل بيته واسهر للفجر ماصارت !!! يعني مافي احساس !!! مايقولون غايب عن اهله وزوجته ويبي يقعد معاها !!!! نص ربعه اللي جوا عزابيه والباقي متزوجين بس كلهم قعدوا للفجر !!! يعني حتى المتزوجين ماقالوا عيب خلنا نروح نخلي الرجال يرتاح ويشوف اهله !!!!! اقتباس:
اللـــــــــــــــــــــه يعينهــــــــا !!! اقتباس:
اشكرك اختي ام جمانه اسعدني مرورك وتعليقك والله يسعدك اختي دنيا وآخره |
اقتباس:
جهزي لي الحجه اللي بقولها لولدي !! ياويلي افكر اسافر مع ابوه بدونه !!! عيال آخر زمن !!!! .................................................. .............................. اقتباس:
والله يا اختي فعلاً لازم يكون فيه حدود بين الأم وولدها وانا بديت اسأل نفسي واقول ياترى انا سويت لامي كذا علشان يسوي معاي هالاشياء !!! فلقيت نفسي اني كنت امزح مع امي بس مو مثله في هالسن !!! لاني في سنه هذا كنت متزوجه وحامل فيه !!! وماتجرأت امزح مع امي الا بعد ماصرت ام وبعد كم سنه زواج !! وحدي مثلا لما اشوفها متكحله او متعدله اقولها مزح يعني اوه اوه يمه شعندك شهالحركات وشهالزين كل هذا لابوي وكانت مسكينه تخجل وتستحي من كلامي وانا اضحك عليها لمن اشوفها مستحيه بس كان هذا حدي امدحها واحيانا يكون ابوي موجود و يسمع وهي تضحك وبنفس الوقت منحرجه من كلامي بس مثل ولدي عمري ماسويت !!! يعني اناحس امي واقعد اقولها ابوي بيدخل البيت وبيده حرمه ثانيه واقلد الحركات اللي بتسويها !!! استحاله!!!! حتى لو مزح خاصه وان هالشي يقهر ويذبح !! ويقهر من !!! مو اي حد امه !! اللي هي انا !! اشكرك اختي ريوف وتحياتي لك ................. |
اقتباس:
اشكرك اختي الكريمه دفء الحياة الله ويسعدك دنيا وآخره والله يسمع منك ان شاء الله ويحفظ اولادك ويبارك فيهم اقتباس:
ابشرك تعقدت واستحاله افكر اعيدها ابداً اقتباس:
ومن قالك مافكرت اطرده انا فكرت اذبحه بعد !!! وشوي وادعي عليه بس مسكت نفسي وتعوذت من ابليس قلت مايسوى اخسر ولدي على هالكم ساعة رومانسيه !!! بس الحمدلله اني ماطلعته غصب اصلا هي خربانه خربانه مو منه بس !!! ومن ضيوف الغفله بعد !!! اقتباس:
قصدك تبيني انقهر وانقهر لين تطلع روحي من القهر !!! ولا يهمك اختي دفء الحياة اصلا انا شلت الفكره خلاص !!! واشكرك جداً على اهتمامك اقتباس:
آمين ولك بالمثل والله يسمع منك ويوفقك ويسعدك دنيا وآخره اشكرك جداً |
اقتباس:
المره الجايه انا اللي باخذ منوم وارتاح :d تحياتي لك ................... |
اقتباس:
اشكرك اخي النور والحنان على مرورك الذهبي اسعدتنا اسعدك الله دنيا وآخره والله يسمع منك وآخذ أجر نيتي وتنخصم سيئاتي من حرقة القلب والقهر اللي صابني !!! اقتباس:
ههههههههههه اما هذي مادري ليش حطيت حرتي فيكم !!! يمكن لاني خذيت الفكره من عندكم !! ولو لا منتداكم الرائع والمفيد ما كنت فكرت اطبق وانقهر !! اقتباس:
ممكن اسوي لزوجي بعد وقت طويل ان شاء الله بس مو في يوم جيته من السفر لاااااااااااا ابداً في اي يوم بس غير يوم السفر بجد انا تعقدت انت تخيل لي كم يوم وانا اجهز وطلعات وطلبات وحركات وتعديل في البيت وترتيب وكل وقت وكل دقيقه عندي كانت غاليه لهاليوم اللي اخطط فيه !!!! وبعد تعب اعصاب وتأمل بيوم رومنسي مبهر ورائع واخلي زوجي ينبهر باللي سويته له وانا متاكده انه استحاله يتخيل اللي سويته اخرتها اتحطم هالتحطيم !!!!! ومن من ؟؟ من ولدي !!! وكملها لي ضيوف ابوه !!! والله يا اخوي انها صعبه حرقت اعصابي وتعبت نفسي واخرتها يخترب كل شي!!! كنت مجهزه الورق الاحمر اللي قصصته على شكل شفايف وبنثرها من مدخل البيت الي باب غرفتي النوم واخرتها بسبة ولدي قعدت مخبيتها منه وماقدرت اسوي هالحركه لزوجي وفي اليوم الثاني رميتهم في الزباله حتى مايشوفونهم عيالي وخاصه ولدي الكبير وافتشل !!!! تخيل في هاليوم الرومانسي العظيم زوجي قاعد مع ضيوفه للفجر وانا قاعده بغرفتي مع عيالي الصغار اتفرج عليهم وهم يقطعون بالورود الحمراء المنثوره على السرير وعلى الارض وينفخون في الشموع وميتين فرح ويطالعوني وكانهم يقولون امنا صارت خبلنا مثلنا ترمي ورد بالغرفه وتلعب بشموع !!! وانا ساكته عنهم خليتهم يعفسون على كيفهم واخرتها نيمتهم معاي ونمت !!!! يعني شرايك في اليوم الرومنسي !!!!!! اكثر من رائع صح !!!!! اقتباس:
وانا صرت تقريبا متاكده من هالشي بس ماقول الا الله يهديه ويصلح حاله ويعقله ولاعاد يعيدها لي مره ثانيه اقتباس:
الله يسمع منك ويبارك فيك ويسعدك ان شاء الله دنيا وآخره يوصل سلامك ان شاء الله اشكرك جداً اختك صريحه جداً ............... |
اقتباس:
اشكرك اخوي على المرور والتعليق تحياتي لك .................... .................................................. ............................. اقتباس:
أختي اسأليني متى مر يوم ماحتضنتي ولدك فيه !!!!!!!!!!! استحاله يمر يوم ماحضنه واقعد اسولف معاه !!! ودايم اعترض عليه انه ليش مايبوسني على راسي من باب الاحترام !!! بس مو راضي على راسي لازم على الخد !! يعني مافي كلفه بيني وبينه شايلها تماما !!!!! .................................................. ...................... اقتباس:
اولا : متفقه معاك فيه ثانياً : انتي شايفه كذا !!! هو يسمع كلامي ويحترمني بس هذي المره الوحيده اللي يقهرني ويسوي هالحركات اللي ماتحملتها وبغيت ادعي عليه وباقي الايام زين بس غشمرته كثيره بس والله انها المره الاولى اللي يسويلي هالحركات ويمكن مثل ماقلت من قبل انها بسبب اني المره الاولى اللي اسوي انا بعد حركات لاستقبال زوجي يعني التغيير بدى مني انا بالمقابل المزح الثقيل طلع من ولدي بعد ماتغيرت انا !!! على العموم اشكرك على التنبيه .............. |
الله يسعدك دنيا وآخره قولي آميييين
وربي كنتي أبكي قبل شوي من حالتي والآن ميته من الضحك من اسلوب ولدك الله يصلحه |
ههههههههههههههههههههههههههههههههههههههههههههههاي
تعيشي وتاخذي غيرها ياقلبي بس صدقيني المنتدى لازم يعطونك وسام تميز هنا هههههههههههههههههه ضحكتيني والله |
اقتباس:
اختي الكريمه والعزيزه والغاليه ريم المدينه آمييييييين ويسعدك عزيزتي دنيا وآخره وان شاء الله يبعد عنك الهم والحزن ويصلح حالك واهم شي انك ضحكتي عزيزتي بس والله اني كتبته اشتكي من منتدانا الرائع ومن خططه اللي نفذتها وخربها علي ولدي الله يهديه مالي الا ادعيله !!! اشكرك وتحياتي لك ................. .................................................. ....................................... اقتباس:
الله يسعدك ويديم السعاده عليك اختي ماهي نور وبس عاد ضحك يجيلك يوم ترى !! :d :29: تحياتي لك اختي العزيزه ماهي |
معليش يمكن تقولي ملقوفه وفضوليه ... :25: :25:
بس زوجك وينه عن هذا كله؟؟ يعني وش ردة فعله لما شاف تعبك في الغرفه؟؟ :18: ماحس بتأنيب الضمير ؟؟ انا لو مكانك اضف كل عفشي وابقي الفستا ن والمكياج << تجي مني احسن :11: وأخلي الحفله لما يكون المزعج طالع برى او نايم بدري :15: :15: تدرين والله ان من بعد قصتك بديت افكر وشلون بسوي حفلات وحركات اذا كبر ولدي :( :( مع انه لسه ماكمل السنه :25: الله يصلح لك حالك وولدك ........ وبالتوفيق,,,,, |
هههههههههههههههههههههههههههههههههههههههههههههههههه هههههههههههههههههههههههههههههههههههههههههههه
والله عمري ما ضحكت من موضوع بالمنتديات كلها كثر ما ضحكت على قصتك بصراحه قصتك مضحكه مبكيه لان تصرف ولدك غايه في قله الادب وشلون بس صبرتي عليه ومضحكه في طريقتك الاكثر من رائعه في سرد القصه الله يوفقك ويعطيك الي في بالك ويهدي ولدك |
ههههههههههههههههاي
والله صج ان ولدج مافيه ذوق على هالحركة :29: بس بقول لج شي مهممممممم: اذا كان ولدج يستخدم نفس الكمبيوتر اللي تستخدمينه، كوني متأكدة انه قرأ هالموضوع :25: ديري بالج مرة ثانية، وبطلي تمزحي مع الوالدة علشان ما تنحرجي مع اولادج :11: :d وبصراااااااحة الموضوع لازم يدخل مع المواضيع المميزة :22: |
روووووووووووووووووووووعه....
أسلوب وسرد ولا أروع :22: بس أموت وأعرف رد فعل زوجك حينما رأك نائمه وحولك أطفالك...(يعني كملتي الناقص!!!) :29: |
اقتباس:
زوجي شبيسوي وولدنا موجود !!! صحيح لما شاف الغرفة كان واضح عليه انه مبهور وعاجبه كل شي سويته وكان يحاول زوجي انه يقرب مني بس تعرفين كيف الحرامي لما يبغي يسرق !!! نفس الشي بالضبط !!! يتلفت ويتاكد ولدي بينط علينا والا بيخلينا !!! ومن يدخل ولدي كل واحد فينا يسوي عمره يطالع الطوفه والا مخاصم الثاني :25: والله كانه يسرق شي او كان احنا نسوي شي غلط !!! هي دقايق بس هالمحاولات لان بعدها كمل ولدي بخبر ضيوف ابوه !!!! نصيحتي اذا كبر ولدك انسي هالحركات أو سافري مع زوجك بروحكم غيره لاتفكري !!! تحياتي لك ................................... |
| الساعة الآن 09:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©