|
الرجاء المساعدة لاني حيران
السلام عليكم جميعا بصراحة ياأخوان والاخوات انا في حيرة من امري لاتلوموني بس ابي افهم شي واحد هم البنات كذا صارلي مملك متزوج الان كملت تقريبا عشرة ايام الى هذه اللحظة لم ترسلي البنت رسالة او اتصال بس ابي احس انها فرحانة ومهتمه فيني ما احس وانا ماقصرت معاها وبصراحة كنت ناوي ازورها وراح ابطل في عندكم راي سديد او فكرة او حل او انا مستعجل بس اللي اعرفه ان اجمل ايام هي ايام الملكة ودمتم
|
ينقل الموضوع إلى عالم المقبلين على الزواج تحياتي |
يا اخي على مهلك ولا تستعجل .. البنت خجولة بطبيعتها و من المستحيل أنها تبدأ تراسلك في هذه الفترة البسيطة .
روح وزورها و بعد كم زيارة هي بتاخذ على الوضع و تبدأ تتغير .. الله يوفقك . |
أخي الكريم من داخل قلبها طايرة من الفرحة ...
وودها تعبر لك عن شعورها ... بس الحياء يمنعها ... وحتى لا تقول ان هذي خفيفة ... لا تستعجل كثر من الكلام الحلو والغزل وبتشوف نتايج سريعة ان شاء الله ... |
مستحييييييييل ان البنت هي اللي تبداء بالمراسله او المكالمه ,,,
وحتى لو انت بديت ... ممكن ماترسل .. اولا حياء وثانيآ بتسوي نفسها ثقل عليك,,, واكيد هي فرحااانه ... بس انت وشلون تعرف الااذا كلمتها اوشفتها ,,, الله يوفقكم ويجمع بينكم بخير, |
المفروض منك انت اللي تبادر بالرسايل والاتصالات والزيارات
وبعدين بتمل من كثر المسجات صدقني كلنا كذا ( أقصد البنات ) |
ارججووك لا اتقوول انها ما مهتمه فيك وانها مب فرحانه.. اتلاقيها الحين طايره من الفرحه.. صدقني.. وبعدين انت ما صارلك الا عشر ايام عالملكه وتباها اتبادر واطرش مسجاات.. الله يهديك بس .. البنت اصلا مستحيه .. حااول اتزورها وانته ابدأ بالكلام الحلو والرسايل وبتشووف كيف راح اتصير.. وابعد عنك الوسوااااااس.. وبالتوفيق.. :22: |
هلا اخي الكريم
بارك الله لكما وبارك عليكما وجمع بينكما علي خير موقف البنت موقف طبيعي اكيد خجلانه انها ترسل او تكلم ومستحيل انها هيا تبدأ لو مو انت الا بدأت في الأول وكونو ان لسه ليكم مدة 10 ايام مملكين طبيعي الخجل والحياء منها .. انت أبدأ بالزيارة والمكالمات ووربي يوفقكم ويجمعكم على خير وتكون نعم الزوجة الحنونه والطيبة يارب وانت كذلك أختكم بتول |
انت الرجل
قدم السبت تلقى الأحد[QUOTE] |
مشكورين على مساعدتكم
شكرا على كل من رد من الاخوة والاخوات حقيقة اثلجتم صدري لان بالي راح بعيد كما اتمنى افكاركم وبعض المسجات الجميلة ونصايحكم وكيف اكسب قلبها ونجعل حياتنا مرضاة لرب العالمين ويعطيكم العافية
ـــــــــــــــــــــــــــــــــــــ تم دمج الموضوعين / البتول |
اخوووووي لازم انت تبدأ تتصل وتطرش مسجات عشان اهي تتجاوب معاك اتذكر يوم انا ملكت ريلي تم 5 ايام لا يتصل ولا يطرش مسجات وكنت وايد متضااايجه ... لانه لازم اهو يبدأ مش انا اهو الريال المهم رحت تشجعت وبعثت له رسالة عتب انه ما يسأل عني قام اتشجع واتصل فيني ومن يومها ونحن 24 ساعه مسجات واتصالات اقووولك انت ابدا وابعث لها برسالة واذا ا ردت حاول مرة ثانيه وثالثه واتصل فيها يعني بصريح العباارة افرض نفسك عليها اهي اكيد مستحية منك الله يوفقك |
أنت الذي تبدأ أخي وليس هي !!
أنت المبادر ، وأنت الرجل ، وأنت المرسل ، وهي المستقبلة والمرحبة والمتفاعلة ! |
شي طبيعي ماترسل
ومستحيل هي تبدأ بالمراسلة دام أنت مابديت كيف تبدأ هي ؟؟ . |
هل انت بدات واتصلت؟؟
ماادري ليه الشباب يحسبوا لبنت ماتصدق تتزوج وبتقعد بس تتصل وماسكة التلفون وتحلم:) يعني هيا اكيد مستنية منك انت اتصال |
بصراحه اخوي ضحكتني من جد
شف وانا اخوك البنت بطبيعتها خجوله مرررررررررررررررررره وعشان كذا انت إلي لازم ترسل لها اول وانت الي لازم تكلمها اول عشان تأخذ عليك وبعدين ابشر راح تعطيك الي يخليك تنسى المكان الي انت فيه والله يوفقكم يارب |
انا اشوف الردود مكفيه و موفيه
واستغربت انك تنتظر من زوجتك ان تبدأ ألم تسأل نفسك انها اكيد مثلك لأنك ما اتصلت فيها..؟؟!! أخي الرجل يبدأ في هذه الأمور غير الخجل البنت ما اتحب اتحسس الرجل انها مب مصدقه :) |
مستعجل على شنو؟؟؟
|
مابغى شي أقوله ........ يعطيكم العافيه
|
والله قهر ايامنا ماكان فيه جوالات ولا مسجات
ما فيه الااللهم بيجر وش نسوي فيه استعمل هالتقنيه الحلوه ما دامت في الحلال واستعجال قبل لا يفوت الوقت وتندم على تريثك |
أصلا تلاقيها بتمووووووووووت قهر منك لأنك أنت الى الآن ماراسلتها أو كلمتها ... المفروض أنت ترسلها على الأقل كل يوم رسالتين (أحلى شي لما تصبح عليها بكلام حلو أنت كتبته "اسأل مجربة") وطبعا لازم تزورها ...وحط في بالك البنت ماتبدأ تاخذ منها كلمة حلوة الا لما تكون أعطيتها سييييييييييل من الكلمات العاطفية والرومانسية ... أما بالنسبة للفرحة أكيد هي الارض مي سايعتها (بس صدقني ماخذة في نفسها عليك"برضه اسأل مجربة")
الله يوفقكم ويجمع بينكم بخير |
أخوي .. خلك رزين ... وارسم لنفسك شخصية .. لأنك في هذه الفترة بالذات ممكن تفقد كل مقومات الرجولة ..
ولاتكن متلهف .. غير مدرك لأفعالك .. لا تحاول أنك تكون مخموم على روجك .. تعامل بعقل وركادة ..وش فايدة الرجولة اذا أنت كنت ملهوف ..ومنت قادر تضبط نفسك .. |
انا مع راي الاخ جمر ... اثقل .. وسو الواجب وبارك لها الخطبه .. كحد اقصى .. ولا تكون متلهف ... فهذي سمه ليست من الرجوله ...
|
| الساعة الآن 09:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©