|
استفتاء ,,ماهو سن الزوجه الذي تفضله عند الزواج ؟؟
ماهو عمر الزوجه الذي تفضله عند زواجك بهاااااااااااا ؟؟
ولماذا الشباب يفضلها صغيره |
صدق اخوي انا بعد اب اعرف ليه يفضلون الصغيره اكيد عشان يقدرون يملكونها ويتحكمان فيها انا لو رجال والحمد لله على خلقت الله
ماحب فرق كبير بيني وبين الي اتزوجه احبه من سنه الى ثلاث سنوات عشان يكون تفكيرها قريب مني تفاحه |
انا افضل ما بين 18 الى 21
لانها تكون اعقل بعض الشباب يرى في الصغيرة انها مرحة و غير معقدة لانه من وجهة نظرة ان الكبيرة تكون رزينة وثقيلة لاكن الصحيح عكس ذلك فالصغيرة تكون متهورة ومتعجلة وقد تفكر بسطحية |
بصراحة رأيي من رأي الأخ أبو باسم من سن 18 إلى 21
وساعات يطلع العكس تشوف وحده عمرها 21 مو ناضجة تتصرف كأنها طفلة وبتهور |
سؤال مهم.............
|
اين الردووووووووووووووود؟
|
18 الى 22 هو الأنسب في نظري ..
تحيااااااااااااااااااااااااااااتي |
بسم الله والحمدالله والصلاة والسلام على رسول الله صلى الله عليه وعلى اله وصحبه الصلاة والسلام
انا واعوذو بالله من كلمة انا افضل اذا كان سن الزوج 19 سنه يفضل تكون الزوجه من 15 الى 17 سنه اذا كان سن الزوج 20 سنه يفضل تكون الزوجه من 16 الى 18 سنه اذا كان سن الزوج 21 سنه يفضل تكون الزوجه من 16 الى 19 اذا كان سن الزوج 22 سنه يفضل تكون الزوجه 18 الى 20 سنه اذا كان سن الزوج 23 سنه يفضل تكون الزوجه 18 الى 21 سنه على العموم الموضوع كله مو هذا الموضوع هو الرزق والنصيب الرزق والنصيب اذا وصل لا تجي وتقول لا لا ابي اصغر مني بسنه او بسنتين او بثلاث هو صحيح انك لازم تسعى وتاخذ بالأسباب بس كل شي يرجع على رزقك ونصيب وقدرك تحياتي |
تقولون نفضلها من 18 الى 21 لان الصغيره متهورة!!!
الحين 18 يعتبر كبيرة؟ وين عايشين انتم تحت ال 18 اصلا ما يزوجونها اهلها لانها تعتبر طفلة ولا تقولون امهاتكم تزوجو بهالعمر ومادري ايش الزمان تغير الحين البنت عمرها 19 زي وحده عمرها 13 بزمان امهاتكم البيئه والتربيه تغيرت يعني لما تقول افضل الكبيرة والناضجه قل من 21 الى 25 و اذا تفضل من 18 الى 21 قل افضلها صغيره.. |
بما أنني غير معنية بالسؤال سأكتفي بقراءة الردود ، لنطلع على أفكار أبناء مجتمعنا |
17 سنة
مرح وراحة وتربيها مثل ماتبي ويفضل أن يكون الفرق بين سن الزوج والزوجة مالا يقل عن ثلاث إلى أربع سنوات ولا بأس أن يكون الفرق بينهما ( 20 ) سنة إن كان فيه أحد خابر لي :) |
حقيقة المفروض أصير شاب عشان أجاوب :25: بس بغيت أقولكم أنو عندنا زواج البنت من 22 وفوووق وقليل في عايلتنا من الشباب من يتزوج أصغر من هذا السن ,,, رغم أنهم في سن صغير من 25 إلى 29 ومع كذا هذا السن المطلوب عندنا وإذا قلنا البنت توها في بداية دراستها للجامعة ...أو هي ف يالثانوية... قالوا خير إحنا نبي وحدة عاقلة مو صغيرة أربيها من أول وجديد :15: عاد مو معنى كذا أنو أي وحدة دون هذا السن تكون جاهلة :25: لا بس مشكلة زماننا صاروا صغار وبشعرها كم حبة شيب ... :11: غريب أني الأقي أجوبتكم دون العشرررين في هذا الزمن .... :24: الله يوفق الجميع لما يحبه ويرضاه :14: |
محد معنس بنات المملكة غير تفكيركم داه
طيب الي عمرها اكثر من 21 سنه او 22 وش تسوي الله يخلف عليها بسبب تفكيركم |
المفروض ما اجاوب
بس لقافه اعتقد انه الموضوع يعتمد على عمر الزوج اذا كان صغير ياخذها صغيرة مادون ال 18 اما اذا كان في الثلاثين ووما فوق فياخذ وحدة تناسبه فكريا و عمريا يعني فوق ال 25 مش يروح ياخذ بنت ال 16 و 17 وبالنهاية كل شي نصييييب |
أعطيني مرأة عمرها 30 سنة وتكون حنونة و تدلعني و تضحك معايا و تلعب وتنكت معايا سأفضلها عن 100 واحده أعمارهن بين ال 18 وال 25 !!
|
اقتباس:
بصير ملقوفه شوي وبرد على اخوي الكريم.. اخووي هالشي لا تحسبه ماشي..والله انه في.. مو معناة انه وحده عمرها 30 اتكون ثقيله وما ادلع زوجها ولا تلعب معاه .. اذا كنت تبا ام الثلاثين بالمواصفات بنت 18 راح اتحصلهاا .. صدقني.. |
لو كنت شابا :18: كنت سأختار العمر تبعا لعمري أنا،، حيث أفضل أن يكون الفارق العمري بين الزوجين ما بين 5 إلى عشر سنوات.. ولكن "الحمد لله" أنا فتاة :d أجبت رغم أنه سؤال موجه للرجال فقط :29: |
يالله روحوا تزوجوا مابين ال18 والـ20 :14:
والله ماعاد عرفت مرة تقولون نبغا الزوجه أم ومره تبغونها طفله انتو اللي تربونها اصلا على بال ماتتوظفون وتجمعون الفلوس والبنات اللي مناسبينكم واعماهرهم في السن اللي تطلبونه جالسين ينتظرونكم بيكونون كبروا زيكم رحتوا للصغاروخليتوهم يعنسون هذا كان موضوع نقاشي مع امي وخواتي وانفعلت كثير اللي بيقرى ردي يقول معنسه انا لسه صغيرةلكن افكر في غيري وماني انانيه زيكم |
عمري 24
الفارق يكون مابين سنتين وثلاث ولو اكبر مني مو مشكله.. المهم الدين و الشخصيه والاخلاق |
مكرر
|
تقولون نفضلها من 18 الى 21 لان الصغيره متهورة!!!
الحين 18 يعتبر كبيرة؟ وين عايشين انتم تحت ال 18 اصلا ما يزوجونها اهلها لانها تعتبر طفلة ولا تقولون امهاتكم تزوجو بهالعمر ومادري ايش الزمان تغير الحين البنت عمرها 19 زي وحده عمرها 13 بزمان امهاتكم البيئه والتربيه تغيرت يعني لما تقول افضل الكبيرة والناضجه قل من 21 الى 25 و اذا تفضل من 18 الى 21 قل افضلها صغيره.. أخت زهق ولكن معاكي 100% كلامك صحيح والصراحه استغربت من الأعمار وتقديراتهم للصغر والكبر؟؟؟؟!!!!!!!!!!!! |
يعني راحت على بنات بعد منتصف العشرين؟؟
|
ماشالله صراحه مشاركتكم متميزه
عاد جا دوري انا ابقول رأيي طبعا انا افضل اللي عمرها 18الى 20 مع انه عمري 27 بتقولون ليه اولا : تفصلها على كيفك يعني انت تربيها وتعودها على الاشياء اللي تحبها والاشياء التي تكرهها وهي تقول سم وبس ثانيا :تحس انها ترجع عداد العمر عندك عشر سنوات يعني تعيش معها طفوله متأخره شوي ولا ليش بعض كبار السن اللي فوق خمسين تلقاهم يتزوجون صغار ثالثا: الخفه وروح الفكاهه والبراءه تجدها فيها رابعا : المحافظه على سنها يعني لو جيتها بعد عشر سنوات تلقاها 28 ياسلام يعني تعمر اطول هههههه خامسا :اذا وصلت الخمسين وفوق تصير مرتك صغيره وتقدر تعتني فيك صح سادسا : لو رزقك الله باولاد تكون حلقة وصل بينك وبينهم يعني عمرها بالوسط بينك وبينهم وتقدر تفهمكم جميعا سابعا : الكبيره فاهمه ولا يمديك تلعب عليها او تصرفها بشئ (على مين تلعبها ) ثامنا واخيرا : يقولون الصغيره افضل من ناحية العلاقة الجنسيه وافهموها انتم وشكرا هذا للايضاح والمزيد من المشاركات |
الله يعينكم
مافيه مواصفااااات لكزس؟ أكثر الأخوان مابين 17 إلى 20 يعني البااااقيااات الله يخلف عليهن !!!! وأحب أرد على مشاااركت الأخت الكريمه منيتي الباقيه مشكووره على الدعوه أختي أسئلك سؤال؟ لاسمح الله وطب عليك زوجك وقاااال أنا تزوجت!!!! أكيد بتزعلين و,,,,,الخ أنتي تقولين ماعنس بنات المملكه إلى التفكير أنتي تعرفين أن النساء أكثر من الرجاااال لو تزوج كل رجاااال مره وحده وين يروووحن البااااقياااات ممكن ترديييييين على السؤااااااااااااال؟ أخوك السبيعي |
اقتباس:
|
مصدر المعلومة وكالة يقولون :)
.. نبنب .. سمعت أنا إن في آخر إحصائية لعدد السكان في المملكة أن الرجال يشكلون نسبة ( 49% ) وأن النساء (51%) أو قريب من هالإحصائية |
أنا بالنسبه ليا
أفضلها ما بين من 16 الى 19 سنه اما اللي يقول مافي بنات يتزوجون بعمر 16 الى 20 فانا والله اعرف الكثير والكثير والكثير من الفتيات ممن تزوجو بهالعمر اخووووكم تركي |
19 ========================== 24
اعتقد مناسب وعموما على حسب سن الزوج يكون الفرق اربع او خمس سنوات معقول |
السلام عليكم ورحمة الله وبركاته...
اول شي اعتذر منك اذا كان الموضوع مايخصني وموجه للرجال فقط بس لفت نظري كم رد فابعد اذنك برد عليهم. اول شي عندي تحفظ على كلمة ((تربيها)) اللي قالها اخوي الغيور وقلتها انت للأسف اذا انت بتربيها اجل لها 18 سنه ابيت أهلها وش تسوي؟؟؟؟؟ >>>> انتظر اجابه أما (((( تفصلها على كيفك)))) هذي الجمله يبغالها موضوع الحالها!! ليه هي قماش؟؟؟؟ انتم تبغون تتزوجون انسانه تشارككم حياتكم ولا لعبة تشكلونها على كيفكم؟؟؟ أنا ماادري من وين تجيبون هالمصطلحات؟؟؟ مير الله يرحمنا برحمته اخوي قزم بس عصبي انا استغرب انك قدرت تحدد صفات فئة عمريه اللي هي من 18 إلى 20!! رغم ان الدكاتره عجزو يجزمون ويحددون صفات مطلقه لكل فئه لان الصفات تختلف من شخص الشخص! وهذا شي طبيعي وواقعي اخوي شل من بالك فكرة انك تقدر تغير انسانه بسبب عمرها!! والله مهما كان عمرها بتقدر تغيرها بأخلاقك وطيبتك وحسن عشرتك معها.. ذيك الساعه ماراح تقولك سم بس! إلا سم وآمر وأبشر ولبيه فالحل أولاً وأخيراً بيدك مش بالعمر! وأخيراً .. أسأل الله لك بنت الحلال اللي تسعدك وتعينك على طاعة ربك |
اعتقد ان العمر المناسب للزوجة يرجع الى عمر الرجل فأنا افضله يكون الفارق بينهم خمس سنوات
|
تحديد العمر صعب جدا
المهم التوافق النفسي والفكري والخلفية الثقافية المتقاربة المهم الحب والمودة كانت الزوجة صغيرة ام كبيرة المهم ان القصد هو الزواج وبناء بيت الزوجية السعيد المهم العمل على المتفق عليه وتقليص المختلف عليه المهم ان يكون لنا منهجا ومرجعية وقت الخلاف المهم ان يقدم الزوج والزوجة برغبتهما وليس دفعا من الاقارب والخاطبات المهم ان لا يكون هناك غرر وخداع وقت الخطبة بل المصارحة والوضوح والصدق فهو انجى وانجح لبيت الزوجية المهم اخلاص النية واحسان العمل والتوكل على الله تحياتي |
انا اتكلم عن نفسي
19 سنه إلى 22 سنه |
اصحح معلومتك يا اخ غيور
نسبه النساء عندنا اقلمن الرجال والنسبه اللي قلتها مضبوطة لكن معكوسه 51 للرجال و49 للنساء وصح لسانك يا اخ AIM |
صدق الشباب ...
يعني لو كان الشاب عمرو 27 سنة فمستحيل ياخود وحدة عمرها 25 !! الكبيرة بتكون معقدة ، عنيدة ، ثقيلة ، ونظرتها للحياة مختلفة .. |
اسمعو رايي
احم احم انا عمري 19 سنة ويتقدملي ناس كتير بس انا بتدلل زي ما بحكو وكمان انا اهوى احد الاقرباء واتفقنا نتزوج لما اخلص جامعة يعني اكون 21 وهو 24 شو رايكم مناسب ولا اتركه؟؟؟ ههههههههههههههههههه |
اقتباس:
|
اقتباس:
ما شااء الله احتي ملاك.. لا تتركينه.. اعماركم مناسبه جدا.. ان شااء الله اتكونون حق بعض .. ويالله خلصي دراستج بسرررعه..هههههه :d |
افضل شي ان يكون الفرق بين 5 سنوات الى عشرة سنوات كحد اقصى جداً للتناسب الافكار ويصير فيه توافق وعن نفسي عمري 26سنة افضل يكون عمر البنت الي راح اتزوجها ان شاء الله ما بين 20 ـ 23 سنة:22: |
من واقع ماشفت
اللي اخذ حرمة صغيرة تعبببببببببببببببببببببببب معاها يعلمها كل شي كانه امها طبعا قصدي اللي اعمارها بين 16 ولحد بعد الثانوي واللي اخذ كبيرة ريحته في عمرة طبعا ماقصدي كبيرة فوق ال30 لان معروف الرجال مايحبون الحرمة فوق ال30 لكن هذي حرية شخصية في رجال يحبوا صغيرة ويعلمها على كيفه وفي رجال يبغى كبيرة ويرتاح |
مابين:
20 الــــــــــــــــــــــى 24 من واقع الحياة :) |
| الساعة الآن 07:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©