|
ياناس ياعالم وش اسوي بعمري زوجي يحب البر
السلام عليكم جميعاً
ياناس زوجي حبيب وفيه خير كثير يشهد الله ويحبني واحبه لكنه يحب البرررر وكل خميس وجمعه وهو نايم فيه وبالاجازات يطلع وينام باليومين والثلاث والاربع ليالي .... وش اسوي مو معقوله اني في نهاية كل اسبوع مالاقيه قولولي وش الحل الله يخليكم ..... ؟؟؟ تحياتي |
صراحه مشكله ,,
طيب اطلعي معه كل اسبوعين وفرفشي انتي وياه وانبسطي احسن من قعدتك بروحك...... الله يهديه ياربي ويسخره لك آآآآآآآمين............ |
سوي معاه اتفاقية بعني تنظيم جدول مرة البررررر ومرة البيييت
وتفاهمين معه وناقشي في الموضوع بجد حببيه في البيت وسوي حركات.... ( انت أعلم ) تحياتي لي عودة |
لازم حبيبتي ترضين بالتعدد:)
وهو لازم يعدل:) :) أدري ودك تطيرني بوقسسسسسسسس بس يالغلا هذي هواية أهم شيء تتأكدين أنو يروح مع ربع سنعين ويخافون الله ... وبعد تتفقين أنت وياه على جددول بحيث يكون بالشهر 3 أيام شرايك يالغلا ربي ييسر أمرك |
حاولي تطلعين معه للبر :22: ويفضل الاجتماعات العائليه يعني ياخذ اهلك او اهله معه او احد من اخوانه المتزوجين يعني عايلتين ثلاث حلوه ولها طعم وصدى في النفس |
يبا خليه على راحته يفرفش ويستانس ويلعب لا تضايقنه على شان ما تصيرين عليه ثقيله
وبعدين خليها تجي منه هو فكره الطلعه وبعدين سهاله في ازواج واجد نفسه يعني الوضع طبيعي جدا جدا جدا وما فيها اي مشكله عسى الله يوفقكم ويسعدكم ويبارك فيكم ويصلح بالكم اللهم امين امين امين تحياتي |
يوه شوقتينا لطلعة البر
سمر ولا ارطا فوقه بريق شاهي اسود وكاسات شاهي مليانه تراب وتانكي مويه وان حصل خيمة منهرية من الطلعات وووووالخ يابنت الحلال احد مايبي هالجو اطلعي معه وسوو حفلة رومانسية بالبر تسابقو على النفود وفرفشي معه صدقين راح يرتاح معك اذا حبيتي اللي يحبه انت اطلعي معه وشوفي النتيجة |
[QUOTE=أم اليمان]سوي معاه اتفاقية بعني تنظيم جدول مرة البررررر ومرة البيييت
وتفاهمين معه وناقشي في الموضوع بجد حببيه في البيت وسوي حركات.... ( انت أعلم ) تحياتي لي عودة[/Q ذا الكلام الصحيح |
يا أختي لا تثقلي على الرجال ,, يعني خليه يرفه عن نفسه .. كل رجال يحب يطلع لحاله حتى يشتاق لك ..
و إن كنت شايفه أنه يطلع كثير , إتفقي معاه و حددي له أيام .. |
يسلمووووووووووووو كلكم والله ماتخيبون رجاي بتواصلكم وتفاعلكم بس ياجماعة الخير طلعاته ماهو معاي انا لالالالالالالا مع ربع مرتبط فيهم والمشكله ان حتى اخوانه معاه ... اما من ناحية خليكي حبوبه في البيت والله اني حبوبه مو مدح في نفسي حتى هو يشوف هالشيء بس يحب الصيد والقناصه بشكل مو طبيعي وانا متأكده الحمدلله 100% انه فعلا يروح للبر ولله الحمد ... بس
وووووووووووالله زهقت كل اسبووووع نص سالفه ،،، ولو ابي اتفاهم معاه بيقول لا مو انتي تحددين كم يوم اطلع وكم يوم اجلس ويسلمووووو جميعاً بس برضوا اعطوني حلول مناسبه الله يخليكم اجيبها بالزعل والا كل مره اتجهز له واستعد واضحك له والا اخلي الامر وكأنه مو هامني والا ايش بالضبط ؟؟؟ |
اختي لا تتعبين نفسك ما دام هذي هوايه
ومن قل الزواج وهو يمارسها صعبه شوي لكن كل شيء بتتدريج يصير حاولي تدخلين في راسه انكم مره تسافرون تغيرون جو او تطلعون البر إن شاء الله تتغدون فيه بس ومع كذا راح يرتب وضعه |
انا اشوف انك تقولين ودي اطلع للبر واجرب النوم هناك (النوم البر ممتع للغايه او بمعنى اصح ادمان )
ويكون مره معك ومره مع ربعه واذا كان في اليوم اللي عند ربعه قولى له انا مشتاقه لك وكذا |
يسلمووو ابو رواء وفكرتك والله سويتها وجاله اجازه وطلبته نسافر فيها لمكه والا اي مكان بس كانت الميزانيه تعبانه وماقدر اضغط عليه بهالحاله ... اخوي الجحفاني والله فكرتك مافاتتني قلت له نبغا ننام بس رفض يقول انتي خوافه وحامل عليك خطر .... وطلعنا كم مره للبر بس بدووووون نووووم
ياربي شسوي يبي يرجع بعد يومين او ثلاث وش اسوي وشلون لازم تصير ردة فعلي ؟ انا الحين عند اهلي اقول له يخليني عندهم لحد العيد والا اروح معه بدون نقاش والا فكرة في اني اغلق جوالي بزعل واذا جاء اناقشه بجديه ماهي معهوده والا شسووووووووووووووي بالضبببببببط ...... فكرو شوي وارجعو ردو لي كلكم لا تخلوني |
عزيزتى
عندنا وعندج خير ....مسكينه زوجة حماى نفس الشى مع انها عروس ماصار لها سبع شهور.....الويك اند بالقنص...والايام العاديه يروح يطير الطير فى البر ... البر صار شريكتها ....عموما سمعي مني مدام فى البر مع ربعه خليه يروح تحملي شوى والله احسن شتسوين مواحسن من التفرفر والا الدوانيه والا مجابل الكمبيوتر ....خليه ينطلق خاصه ان البر الحين وقته وهى فتره وتنتهي....اذا تقدرين بطريقتج وبلباقتج تقولين له يطلعج بس تطلبين هالشى منه قبلها بوقت يعنى مواليوم تقولين حق باجر اهم جذى تقولين له الاسبوع الجاى تطلعني علشان ينظم وقته وانتى لهى نفسج باشياء ثانيه بعد شتسوين الشكوى لله. صدى اصيله |
يا امي ايش هداااا
بحمد ربي ليل نهار وببوس ايدي وجه وقفى انو خطيبي من السنة للسنة ببروح البر بجد الله يعينك كتير صعبة هيك |
الله يهداك خرعتيني.......
حسبته يحب وحده غيرك...... اذا على البر.....امره هين.......قوليله مرة بر.....ومره انا...... دوووووت |
أطلعي معه البر وأنبسطي معه وصلحيله مراصيع وحنيني
وحليب بالزنجبيل والتغير حلوا |
ان شاء الله تقومي بالسلامه و يكون من الصالحين
من تولدين ويجي البيبي ينسيه و ينسيكي هالمشكله باذن الله و يتحمل مسؤليته اصبري ان الله مع الصابرين |
اقتباس:
|
| الساعة الآن 03:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©