|
حيرتني خطيبتي . . . .
السلام عليكم ورحمة الله وبركاتة كيف الحال يا جماعه ان اشاء الله تمام. وكل عام وانتو بألف خير وصحه وسلامه صراحه ودّي افضفض اللي فيني وابيكم توجهوني كيف أتصرف مع خطيبتي أمس كنا نتناقش انا وخطيبتي في علاقتنا انو كل شي كويس وتمام بيننا واوفرلها الحب والحنان والاهتمام بس احنا حاسين ان في بعد بيننا مو القرابه اللي لازم تكون بين مخطوبين وانها لسا ما تعلقت فيني التعلق المطلوب بس ما تقدر تستغنى عني. قلتلها انو انا حاسس انو انتي ما تبين تقربين مني مو مخليتني اتقرب اكثر ( مع العلم مع أول بدايتنا هي اكتشفت شي حصل بدون ما أقولها لانو لو بقولها خفت ممكن أخسرها وبعدت عني فترة بعدين تصلحت الأمور الحمدالله ) قالت انو انا كنت فاقده الثقه بكل أحد وبعدها جيت بصلح الأمور ولما عرفتك انت أول انسان وثقت فيه وبعدها انصدمت فيك.. وانا الحين قاعد أعوضها عن الأيام اللي راحت. وبعدين صارحتني بشي غريب وقالتلي لا تضحك علي بس هذي هي انا قالت: انو انت يا فهد تهتم فيني بزياده وفي كل شي وهذا الشي ما ينفع معي لو تبي تعلقني اسفهني شوي وكذا بتخليني ممكن اتعلق فيك بزياده مثلا من اسبوع صار موقف بيني وبينها لما زرتها.. انا زعلت منها ورحت قعدت على الكنبه الثانيه ومو قاعد احاكيها تقوللي انو لما سويت كذا يا فهد وسفهتني قاعده آكل بنفسي وجيت لحدك وراضيتك ( مع انها ما تعترف بغلطها دايم) وتأسفت مني. شي غرييب؟!!!!؟؟!!!!! ايش رايكم يا جماعه بالموضوع وايش التصرف الصحيح اللي اتصرف فيه معها؟ |
سبحان الله
هما هيك البنات لما تطنشهم شوي يموتون حسرة وقهر يوجلسو ياكلو بنفسهم ولكن لما تعطيها عين وتكون حنون وحبيب درجة اولى معاها تتدلع عليك وتدلل وغير كدا تسير تتساهل بامور كتيرة يعني يا اخي لا تزودها في الدلع كتير خليك شوي حازم معاها اذا هيا تبغا كدا واذا تكلمت قلها مش انتي تبغين كذا!!!! واذا شايف في غلط في كلامي لا تبلاي فيه اخي الكريم :) |
هذا هي المشكله يا أخ شخصيه مجهوله انا ما اعرف اتعامل معها أحيان معقدتني.. وتقوللي انو عاملني كأنك تربي طفل صغير مو اي شي تعطيني اياه!! |
خلاص اخي عاملها زي تبغا هيا
وشوف النتايج الله يهديها ويحببك فيها ويحببها فيك ويجملها في عيونك وتيجملك في عيونها |
السلام عليكم
كل عام وانت بخير اخي الكريم بالنسبة لموضوعك انا مش حسميها مشكلة لانه موضوع بسيط واله حل ان شاء الله يا اخي كل بنت تختلف في طبيعتها عن التانية .. فيه بنات لما حد يهملهم يضايقو كتير ولما تهتم فيهم بيفرحو .. وفيه بنات لما تهتم فيهم اكثر وزيادة شوية راح تبعد ولما تطنشها شوية تفكر وتشتاق اكثر ليك .. وخطيبتك اعتقد من النوع الثاني .. هي بتحب معاملتك الها بتكون فيها حدود شوية يعني تكون حازم احيانا واحيانا حنون معاها .. هي بتحب تكون صارم شوي في مشارعك وتاخد موقف احيانا فهي بتحس انك عندك عزة نفس وكبرياء وانك ماتقبل اى شي فهي تحبك اكثر وتقرب منك اكثر بالطريقة دي .. بس انا مابقول تكون حازم دائما بس كل شي الها حدود .. والشي الى يزيد عن حده ينقلب ضده .. لذا يمكن انت حناننك معاها كان زايد عن حده شوي فهي حست بشي من البعد .. فكر واحكي معاها وتقرب افكارها واعرف شو بتحب وشو ماتحب وانت ايضا احكيلها عن الاشياء الى بتحبها في زوجتك والشياء والصفات الى ماتحبها وبكدة راح تتقربو لبعض اكثر .. واتمنالكم كل التوفيق والسعادة واتمنى اني افدتك ولو شيء قليل بالتوفيق نور حياتي |
والمشكله الثانيه لما بزعل منها أو يكون أبي اسفهها اشوي قلبي ما يطاوعني تلاقيني على طول مسكت الجوال وأكلمها..حتى لو ما زعلنا من بعض تلاقيني تقريباً كل ساعه أو ساعتين اكلمها اشتاق لها واشوف ايش قاعده تسوي حتى لو كنت قاعد مع أهلي او طالع مع الشباب وهي اصلاً تبيني اسفهها اشوي.. ايش ممكن اسوي عشان امسك نفسي ولا أكلمها أو وقت المفروض ما أكلمها |
انا مش مع اللي يقول عاملها كما تريد هي . المشكله ان كل انسان وله شخصيته .
يعني لو انت من الاشخاص اللي من طبعهم الحنان والالتزام بمن احببت واظهار مشاعرك للي قدامك هتفضل كده علي طول . ولو اتغيرت وعاملتها بالطريقه اللي هي عايزاها اكيد ده هيكون لوقت طويل او قصير لكن اكيد هترجع لطبيعتك تاني لان دي طبيعتك . فكر كويس اذا كنت هتقدر تغير من نفسك كليا وتعود نفسك علي انك تمسك مشاعرك ولا تظهر لها حبك باستمرار ولا لا . اذا لا صارحها بكده وخليها هي كمان تحاول تغير من نفسها حتي تصلوا الي وسط الطريق بين طبيعتك وطبيعتها وربنا يهديكم لبعض آمين |
أخوي البنت تبغى تحس برجولتك .. وأنت لا تكون مثل البنات مرررررررررررره حنوووووون ..وش بقيت لها ..
خلك حازم .. وفيك صفات الرجل ..لا تكون طايح عندها .. وما تصدق تحصل فرصة وتجي ناط عندها .. ارزن واركد .. ترى الرجل اذا كان خفيف .. وسهل .. طاح من عين الناس .. مو زوجته ... ولا تكون رومانسي زياده عن اللزوم .. خلك وسط .. |
كلام الاخت جمر صحيــــــــــــــــــــح
البنت تبيك ثقيل والثقل صنعة وبعدين هي بتجري وراك |
لست بأخت ..بل أخ ..
|
أخي الفاضل فهد.. أسعدك الله..إن التوازن مطلوب ياأخي من الطبيعي عندما يوثق الإنسان إنه عندما يفعل اي تصرف فإن الشخص المقابل له لن يتضايق منه لأنه يحبه..تتيح له نفسه فعل مايريد..ولربما عاتب نفسه في الداخل او اعتذر..ولكن لايتغير مالم يتغير الطرف الأخر.. لذا سأعطيك وصفة..وجربها لمدة أسبوع فأن لم ترى نتيجة فستغير حائزة الأمل اسمها :) 1-خذ بينك وبين نفسك عهد أن تظهر عدم الإهتمام لزوجتك لمدة اسبوع وان لاتتخاذل ابدا ابدا 2-اذا اتصلت عليك وكنت بجانب الهاتف انساه لمدة ساعة ثم اتصل ولاتأخذك اللهفة وتضعف.. 3-إذا أنت تذهب لها يوميا في الإسبوع أخبرها أنك معزوم لدى اصدقائك واذهب مع اصدقائك..بحيث أن لاتراك الا مرتان من اصل 6 مثلا.. النتائج المتوقعة: 1-ستجد سيل من الرسائل على هاتفك المحمول 2-ستجد الاتصالات الدائمة والشوق لك.. 3- ستجد انها تحرص ان لاتضايقك..خلال فترة لقائكم.. أهم نقطة هي التماسك وعدم الضعف :22: والله يسعدك وبشرنا بالنتائج أختك حائزة الأمل |
أخواني شخصية مجهولة, نور حياتي, بيرو, جمر, فتات القلب و ألاخت العزيزة حائزه الأمل شكراً جزيلاً على ردودكم الرائعه وكل ما أضعف أو ألهفلها أقرأ كلامكم ... فعلاً أثرت فيني..وانا الحين قاعد أحاول قد ما أقدر أمسك نفسي |
الحل انك تسويلها مثل ما طلبت منك طنشها
اشغل نفسك اشوي عنها بموضوع ثاني هي طبيعتها كذا لما تبعد تقرب هي وانت اذا تبها تقرب ابعد انت طبعها حلو بيكون واضح بعدين لما تتزوجو ويقل الحب اشوي مو يقل يهداء بتصير انت بعيد اشوي بحكم مشاغل الحياة في الحاله هذي هي بتقرب وبتهتم فيك كثير |
غريبة حقيقة بس الحريم فيهم اطباع كل شيء تتخيلها
عني افرح جدا لما يتصل خطيبي في اي وقت احسه مشتاق لي ام لو طنشني امووووووووووووووت غيره وشك بس من رايي طنشها فتره واتصل فترة يعني شكل بين الحالتين |
مشكورين يا أخوات شفافة ونملة حاطه مناكير على الردود ... جزاكم الله خير |
اسمع كلام اختنا حائوة الامل ترى والله كلامها هاد مية مية
وانا نفس الشي من النوع اللي لما زوجي يعطيني وجه اشوف نفسي شوية هههههه ما تستغرب هما كذا البنات اعمل اللي تبيه خطيبتك وحتشوف نتايج اختنا حائزة الامل مظبوطةةةةةةة |
| الساعة الآن 02:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©