احترت ولا اعرف ما اذا افعل أعود له أم لا ؟؟؟؟؟
 

السلام عليكم ورحمة الله وبركاته
اتمنى من الجميع التفاعل مع مشكلتي هذه لأنها جابت لي الارق والتوتر....انا انسانه متزوجه من خمس سنوات وعندي ولد عمره 4 ونص الله يحفظه لي ولا يحرمني منه...زوجي انسان راااااااااااااااااااااائع وطيب ومخلص لي يعني ماعنده شي من وراي (حريم وما الى ذلك) لما اتعب يخدمني بشكل اني مرات استحي منه لانه مايخليني احتاج لشي اللهم لك الحمد حتى ترضى ...الخلافات بدأت من اول اسبوع من زواجنا مع ان فترة ملكتنا كانت رومانسيه الى ابعد الحدود وفهمكم كفايه..من اول اسبوع اتهمني اني طالعت الرجال وما اعتذر عن هالاتهام ولا انا طلبت مته يعتذر لاني قلت يمكن فهم التفاته مني خطأ ولكن مع الوقت اكتشفت انه انسان يتهم اتهامات جزافيه..ولا ادري ايش السبب؟نفسي افهم كيف يسوغ لنفسه الاتهامات هذي؟ بعد 4 سنوات من الزواج تراجع عن كلامه وقال انا اساسا كنت امزح معاك:eek: معقوله هذي مزحه؟ومعقوله ما يتراجع عنها الا بعد 4 سنين؟المشكله اني ظليت ساكته ولا دخلت احد من اهله بينا وصار الادمي كل ماله يسوء تعامله اكثر معاي...اتهمني بالرجال اني اطالعهم وتطور الى اني اتبادل معهم الارقام واني أأشر لهم وفي الاخير اني ادخلهم بيتي ولكم ان تتصوروا ايش معنى هالكلام...واخر الاتهامات اتهمني اني حاطه ااجهزه تصنت بالبيت وفي الدش و و و و و و....بل اني افشر امور البيت لاصحابه في الدوام...اللي سكتني عليه انه خلال كل هذيك السنين مرت علينا ايام من الصفاء انا متاكده ان ما فيه رجل سوا لزوجته اللي سواه زوجي لي من الدلع والغنج والدلال...ياناس لما اتعب هو يصير ياكلني بيده وما الى ذلك.....شغلات روعه احس اني رح افقدها لو انفصلت عنه ولا رح الاقيها في اي احد ثاني...الخلاصه اني دخلت اهلي واهله الان بينا وهو اعرب عن اسفه وندمه وتراجعه عن كل شي....انا احبه ولا اتخيل نفسي من غيره وانا الان صار لي تقريبا شهر ونص عند اهلي وهو تعبان ويترجى الوالد اني ارجع له ومستعد لاي تنازلات..ايش الحل؟ارجع الحين؟اخليه كمان زياده؟ماودي نرجع لبعض الاواحنا عارفين بالضبط المشكله ونحلها..اعتذر عن الاطاله ولكن اتمنى المساعده...شكرا

تم تعديل العنوان ليتناسب مع المضمون

السلام عليكم ورحمة الله وبركاته

صراحتا الشك من أكبر المشاكل في الحياة الزوجيه

ولكن بعد مااتعدل الرجال واعتذر

وأنتي متعلقه فيه وتحبيه

رأيي إنك ترجعين له على شرط ماتتكرر هذي المشكله مرة آخرى معكم

وتحافظين على بيتك وزوجك وأهم شي ولد

والله يوفقكم ويرعاكم

ولكم خالص تحياتي

إبن دواس

اشكرك يا ابن دواس على مرورك الكريم

السلام عليكم

مشكلة الشك هي مشكلة صعبة وقاسية خصوصاً في مجتمعنا المحافظ.. ونحن تربينا والحمد لله على الحشمة والعفة، فلا نقبل بالتشكيك في عفتنا.

الزوج الشكاك قد يحتاج لعلاج نفسي.. نصيحتي ان لا تغفلي هذاالجانب كحل

دعواتي لكِ بالتوفيق

السلام عليكم

نصيحه ارجعي بدون اي تردد وحلي مشكلتك بنفسك قبل لا تكثر عليك الاراء وتتغير وجهة نظرك وتبعثر افكارك.


والله الموفق

هل يمكن لاي احد ان يعيش مع انسان شكاك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟والانسان الشكاك على ايش يستند في شكه؟لاني دايما اسمع ان ما فيه دخان من غير نار ولكن في حالتنا لادخان ولا نار كله من راسه

انا سمعت مره في شريط ديني اعتقد اسمه قلوب مأسوره للدكتور خالد الجبير

ان الزوج اللي يخون او يمارس الحرام مع نساء ويخرج معهن على غفلة اهاليهن سواء كن بنات غير متزوجات أو متزوجات وخائنات لأزواجهن

فإن الله يبليه بمرض لاعلاج له !!

وهو الشك !!!!!!!!!!!!!!!!!

فيراوده الشك المستمر في زوجته !!!

فهو قد يراها زوجه شريفه ويقبل قدميها لطهارتها فهي في نظره الشريفه العفيفه عكس من يعرفهن ويشاهدهن

بالمقابل يراوده الشك المستمر في زوجته ويتهمها بالخيانه ويقذفها وووو الخ عقوبة له من الله

ويعيش صراع مستمر فلا هو شاهد عليها بشي مما يتخيله ولا هو يستطيع ان يعيش كغيره بدون شك !!!!


وانتي اعلم بزوجك قد لايكون زوجك كذلك

وعندها ابحثي عن طفولته وهل كانت سويه !!! فقد يحتاج زوجك لعلاج نفسي !!!

وهناك سبب آخر يمكن انك كنتي تتكلمين كثير عن حب زوجك لك وتدليعه لك عند الحريم فصابتك واحده فيهم بعين!!!

وهي اللي خلت زوجك يشك فيك

آخر شي ابي اقولك أن مافي شي كامل ابدأ وانتي شايفه زوجك فيه محاسن كثيره نادر ماتكون موجوده مع الازواج بالمقابل فيه عيب كبير نادر مايكون موجود عند أغلب الازواج !!!

ومالكامل الا الله

والله يوفقك ويريح بالك ويهديك انتي وزوجك

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآه يا صريحه والله ما تكلمت قدام احد بالدلع ابدا لاني اعرف ان العين حق وكمان طفولته جدا مرفهه واحترت في السبب لكن اتوقع انه ابتلاء لي وله مثل اللي ينولد وهو معاق باي نوع من الاعاقه.....

الله يسعدكم على هذا التفاعل

عزيزتي واضح ان زوجك مريض بالشك نصيحتي انك ماتتخلين عنه وتنصحينه بمراجعة طبيب نفسي ... والله يهدي سركم ويسعدكم ياااااااارب

انا اشوف انا الشك موضوع كبير ومعقد ويبيلهاا حل جذري عشااان من جد صعب يتكرر وخصوصاا من الرجل لزوجته يجب تدخل كبير من احد اطراف العائله طرف فاهم ومهتم بامركم ويكون كاتم على سرية الموضوع واهم شي تعرفين على اي شي يستند له زوجك في شكوكه ولك مني اخلص الدعاء بالتوفيق

اشكرك يا قطرة مطر على تفاعلك

هنوفه تسلمين لي

السلام عليكم ورحمة الله وبركاتة


اختى العزيزة انا لا انصحك بلرجوع الفورى لانة لازم يفهم انة بيتهمك


فى اهم شىء عندك شرفك ومش حلو ابدا لما ابنك يكبر ويشوف دة بيحصل مع امة وحايطلع كمان شكاك

نصيحتى انك تدخلى كبار العيلة فى الموضوع اباة وامة حتى يضعة لة حد واتمنى لك التوفيق وربنا يهدية وترجعى بيتك على اساس سليم وربنا يبارك فى ابنك


ويجعلة خلف صالح وتعويض لك عن كل شىء




والسلام

أختي الكريمة .. أرجو الانتباه
لفظ الجلاله ( الله ) يكتب كما هو موضح بين الأقواس فقط . شكرا لكِ
المشرف / النور والحنان

أختي الكريمة

يتضح من موضوعك بشكل جلي أن زوجك مصاب بدرجة من درجات الوسواس القهري ومايؤكد هذا هو قولك عن تخيله بأن أحداً ما دخل الغرفة أو فتح باب المنزل , وهو مرض نفسي معروف ومشهور .

ومما يزيد التأكد هو قولك أنه في بعض الأوقات يدللك ويحسن معاملتك بشكل مبالغ فيه , فالوسواس القهري عبارة عن نوبات فإذا جاءت النوبة إتهمك وبالغ في شكوكه فإن ذهبت شعر بخطأه وحاول تعويضك بهذا التدليل المبالغ فيه ولكنه أبداً لا يعتذر فهذه سمات المرض , ومع مرور الوقت فإن النوبات تتلاحق وتزيد وتقل فترات الهدوء ولعلك تلاحظين أن فترات تدليله لك تقل مع الوقت وشكه يتطور من سيء إلى أسوأ , فهذا هو الوسواس القهري ولا شيء سواه .

وللأسف لا يمكن أن يزول المرض أو حتى تتحسن حالة المريض بالوسواس القهري إلا عن طريق العلاج الفعال .

وللأسف مرة أخرى فإن الحالة تسوء أكثر بتجنب العلاج والتأخر فيه , ولو تذكرتي جيداً فستجدي أن ظنون زوجك تزيد وتتطور مع الوقت , واليوم يشك فيك , وغداً يشك في أولاده .... وهكذا .

نصيحتي لك أختي الكريمة أن تحاولي إقناعه بالذهاب إلى طبيب مختص وإن تجعلي هذا شرطاً للعودة إليه , فإن لم يقبل فلعلك تستعينين بأحد من الأهل عليه . فإن إستحال ذلك فإنت أمام خيايرين الأول أن تعودي له ولكن على أساس أنك ستعيشين عمرك كله مع إنسان مريض دائم الشك , والثاني هو أن تطلبي الطلاق وتنجي بنفسك إن كنت لا تحتملين إضاعة العمر مع مريض نفسي يسوء حاله مع الوقت .


ومن المهم جداً فهم الأمر على أنه مرض يجب العلاج منه , وليس مجرد خلاف بينكما حتى تغضبي منه أو ترضي عنه وتقبلي العودة إليه , فهو لم يخطىء في حقك أو يرميك في شرفك كما قد تظنين فالرجل مريض ولايملك أمره , ويجب أن يقتنع زوجك بذلك لينجح العلاج ويجب أن لايخجل أبداً من ذلك فما به مرض مثل آلاف الأمراض الأخرى وهو ليس جانياً أو مذنباً في أن الله إبتلاه بهذا المرض ............ ولا بد أن يفهم ذلك فإن الله كما خلق الداء خلق له الدواء .

وزوجك إن إقتنع بذلك ووافق على طلب العلاج عند طبيب متخصص ماهر فإن العلاج سينجح إن شاء الله و إما إذا كان غير ذلك لاقدر الله فستسوء الحالة للأسف الشديد ولن تتحملي الحياة معه .

أسأل الله أن يشفي زوجك وأن يهديه وأن يسعده ويسعدك في الدارين
وتذكري أخيراً إن ما أنت فيه هو إبتلاء من الله يثيبك عليه بإذنه بمقدار صبرك وهو القادر على أن يجعل لك بعد العسر يسرين بإذنه تعالى .

بارك الله لك ووفقك إلى الخير

ياأختي زوجك بسم لله وماشاء الله عليه فيه محاسن حلوه

وتبين رأئي ونصيحتي ار جعي لزووووووجك لان مالك في الدنيا غيره ومسأله الشك هذي

حااااااااولي قدر ماتسطيعين انك ماتسوين ولاتقولين اي شئ الا قبل ماتفكرين فيها

بس عشان مايصير بينكم مشاكل وعسى تكون حياتكم كلها سعاده


اختك وريثه الجروح