|
وسامة زوجي حولت حياتي جحيم
اعذروني اخواني الاعزاء عارفة اني وجعت راسكم بمشاكلي بس وش اسوي مالي الا الله ثم انتم
مشلكتي الثانية يمكن البعض بعتبرها ميزة او يسخر مني و هي ان زوجي ما شاء الله عليه وسيم جداً جداً و هذا كان من الأشياء اللي جذبتني له يوم تقدم لي طبعاً بالاضافة الى طيبته و اخلاقه و سمعته الطيبة ,,,, انا الحمد لله ما اشك في زوجي و اثق فيه ثقة تامة بس وش اسوي بروحي يا ناس و انا اشوف الحريم و البنات يتميعن و يتدلعن قدامه و هي اساليب نعرف حنا الحريم ايش معناها , و الله اني كرهت الطلعة للاسواق و الاماكن العمة بسبب هذي السالفة و هالحريم و البنات اللي ما يستحين على وجيههن و ما يخافون الله و يسرقون ازواج المسلمات ,,, هو يطمني دايم انه ما يعيرهم اي اهتمام و اني انا حبه الاول و الاخير بس انا اخاف و الدنيا هذي ما فيها امان و لاني اسمع كثير انه الرجال مالهم امان |
حبيبتي يا بنت رجال
انايوم قرات موشكلتك انا بعرف رجال تغار مش نسوان وخلي ثقتك فيكي كبيرا خاصة قدامة انا عندي نفس مشكلة وكرهت طلع بس عكس مشكلتك انازوجي يغار علي بجنون يقول اني حلوة بس انتي لا توري انكي تغاري على كثير بعدين يشوف حاله عليكي ورجال يا عمري مو بشكل وبس |
الله يكون في عونك...
بس فعلا انصححك لاتظهري غيرتك بشده لأنه ممكن يشوف نفسه عليكي... |
أعانك الله اختي ..
ربما تكون تلك مشكلة ولكنها صغيرة .. و نصيحتي لك .. لا تكبريها .. و لا تشعري زوجك بذلك كثيرا .. فربما لا يكون ملاحظ ذلك .. وانت تنبهيه على هذا الشي .. و بعدين يا أختي زوجك لك .. وهو عندك .. فلا تغاري عليه بأكثر من الشكل الطبيعي .. فالغيرة الوسط هي نصيحتي .. |
خليكي واثقه من نفسك وبالعكس خليه يعرف انك تغارين عليه بس باعتدال يعني اذا كل طلعه تذكرينه انك تغارين هو بنفسه حيكره الطلعه معاك...اعتدلي في الغيره ولا تنسين ترتبين نفسك له في البيت وترتبين شكل عبايتك وبكذا والله لو غيرك تبوس ارجوله علشان يطالعها ما يطالعها لانه مكتفي بك عن العالم .....ولا تنسين الدعاء لكم بان يحفظكم لبعض ولا يحرمكم من بعض ويعصم كل واحد منكم للثاني...واذا عندك اطفال...خليهم يدعون لكم لان دعوة الطفل مستجابه....الله يسعدنا ويسعدكم يارب..
الأخت المباركة . أرجو الابتعاد عن الكلمات العامة الصرفة التي لا تكون مفهومة لدى الجميع أخوكِ المشرف / النور والحنان |
اخواتي جزاكم الله الف خير خففتوا علي و هونتوا من مصيبتي
انا احاول اني امسك نفسي قدر المستطاع بس من داخل قاعدة احترق من هذا اللي قاعد اشوفه و محاولات بعض المنحطات حسبي الله عليهن سرقة زوجي الحبيب مني انا مو مقصرة معاه ابد بشاهدته هو بنفسه كل يوم البس له شكل و انا الحمد لله الله عطاني جمال باهر بشهادة الجميع بس لازلت خائفة و من زود خوفي خليته يحلف على المصحف انه ما يعرف اي وحدة غيري و اقسم لي بانه ما عمره لمس وحدة في حياته غيري و انه ما يحب غيري و انا مصدقاه لاني اعرف زين اذا كان صادق و لا لا .,,,, لكن اخشى عليه من الفتنة خصوصاً و انه ما شاء الله عليه جمع بين الجمال و المال و المنصب و الذكاء و النساء و الفتيات يتهافتن عليه و هو امامي فمالذي يحصل من خلفي يا ترى صدقوني صرت اداري الموضة و البس زي لبسهم و عباياتهم عشان ما يناظر فيهم بس ما في فايدة شكلهن محترفات تصيد رجال و الرجال يحب التجديد و عينه زايغة على كل الحريم الا زوجته لو تسوي اللي تسويه ما في فايدة لا اقول الا الله يصبرنا و يبعد عنه هالشريرات |
نفس مشكلتي بداية زواجي
بس انا مابينتها لزوجي اطلاقا وبعد سنه زواج التزم زوجي ولله الحمد واطلق اللحيه وشفت بعدها الهنا صراحه انا إزرته على اطلاق اللحيه مو لغيرتي ولكن لحبي ان يكون مقتديا بالرسول الكريم عليه افضل الصلاة والتسليم مع الوقت حسيت ان جمال زوجي بهت ممكن تعودت عليه وممكن اني مو حاسه انه يفوقني جمالا وممكن اختلاف في اهداف الحياه مثل الانشغال بالاسره وتوفير المستلزمات والسعي لتكوين راس مال وووو اشياء كثيره ممكن تكون السب في اخفاء جماله وصفاء لونه المهم في النهايه انه مقبول طولت عليك بس الخلاصه كل من قربت زوجك لربه اكثر واعنتيه على الطاعه بتشوفين نتايج تسرك واكبرها الراحه اسفه طولت عليك |
نصيحه لالالالالالالالالالالاتحني عليه انا من نصيحه لالالالالالالاتروحين معاه السوق خاليه ينزلك ويروح اريح لك وبعدين انا صرات كذااسوي على شان الحين صارو البنات مايستحون يبون متزوجين عادي الطمع ذبحهم
|
بالنسبة لخواتي اللي يقولون اني غيرتي شديدة باقول لكم موقف و انتم احكموا
مرة جالسة معاه في كوفي شوب و اخذت لي وياه ركن عشان يصير عندنا شوية خصوصية ,,,, فجأة جت وحدة وجلست بالجلسة اللي جنبنا على طول هي و خوياتها مع ان الكوفي شوب كبير مرة و فاضي مافيه احد ,,,, مو بس كذا قامت اختنا في الله و شالت الطرحة و فصخت العباية (الكاب) و جلست بمكان بحيث اني انا ما اشوفها و تصير هي مقابلته على طول و طبعاً الشعر ما يحتاج مسشورته و بنطلون ضيق و عطر تفوح ريحته من كيلو و حركات مياعة و قلة حياء ,,,, زوجي جالس يناظرها و عينه شوي و تطلع من راسه و انا قاعدة اطالع فيه و انا احترق من جوة و الله ما اكذب عليكم اني بغيت امسك اي شي اكفخه فيه بس قلبي ما طاوعني لاني احبه و ما ابغى أئذيه بالله عليكم قولوا لي اي وحدة فيكم بتمر بهالموقف وش بتسوي ,,, تلوموني يوم اغير و احترق |
اوووووووووووووووه الله يهديه من هالعين الزايغه
بدون ما تحسسينه غيروا مكانكم اخترعي اي سبب واضح ان الاسلم لكم في الاماكن العامه البارتشن..اللي هو العازل اللي ينحط بين الطاولات واخترعي له اي مواقف فهميه من خلالها ان الزوجه تكره الزوج اللي عينه زايغه ودايما ذكريه بالله...انا زوجي مريض بالشك ووالله اني اشوف انه يمرض بالشك فيني ولا يطالع غيري...الله يكون في عونك.. |
اختي الكريمه
شفي حبيبتي بهالزمن حتي لو كان الرجال قبيح ومافيه حلى هم راح يطالعونه ويتحرشون فيه... وخاصه اذا معاه زوجته يتعمدون .....فما بالج اذا كان حلو او وسيم...حطي ثقتج برب العباد سبحانه وشلون سخره لج واختارج من بين هالحريم كلهم...وانتي حبيبتي لاتروحين معاه الاماكن اللى فيها تجمعات حريم.....روحي معاه الاماكن العائليه.....واذا شفتي هالنوع من الحريم انتي ولاتسوين اى شى.. او يهزج شى بالعكس خلج دايما مبتسمه ومبسوطه ودايما حطى فى بال زوجك وخليه يشعر بجمالج...بالمدح دايما امدحي نفسج ...شعرج..جسمج..بشرتج...نعومتج...قوامج ...خليه يتشبع بهالكلام نفسيا راح يتأثر فى عقله الباطن حتى لو ماكانت فيج هالصفات؟ تدرين انا مره مع زوجي بمطعم تونا داخلين تخيلى والا ثلاث بناتاللى ستايلهم اللو وست التفتو عليناوقالت وحدهواى شحلوه هذي مرته؟ الثانيه تكلم زوجي وتقوله له ليش ماسك ايدها شنو بتطير منك؟تدرين شنو رد عليها زوجي؟قال لها اى ماسكها اخاف تنحاش مني ماقدر استغنى عنها؟البنت ماتوقعت هالرد على بالها بيضحك لها وانا عادى اضحك انا معاه ولا كأن فى شى...خلج طبيعيه. صدى اصيله |
غاليتي كان الله في عونك، وفعلا للأسف البنات الآن محترفات بسرق الرجال ، انا لا اريد ان اخيفك لكن هذا الواقع
اولا عليكي بالدعاء بان يحفظ الله لكي زوجك ويسخره لكي ثانيا تجملي دائما وتالقي بالبيت وخارجه ودائما حاولي التجديد واحرصي على عمل ما يعجبه زوجك ثالثا سامحي لي انتي غلطانه ، شكل زوجك من النوع البصاص، على فكره في رجال يقولون احنا ملتزمين لكن من تحت لي تحت،علشان هالسبب وعلشان ربك لا تذهبي الى اماكن مختلطه معه ،لا تشاهدي اغاني معه، صلي معه قيام الليل علشان يقوى ايمانه ويستحي رابعا لو كنتو بسياره اوا اتت مناسبه اهديه شريط يتكلم عن غض البصر والعفه خامسا انتي فعلتي اللي بيدك، المشكله مشكله زوجك ، اقصد لو هو راح يعطيهم جو ، مو تقصير منك بل منه وعلى فكره حطي في بالك انه زوجك وانتي زوجته، والبنات اللي اذا اعطاهم نظره فقط نظره متعه لا غير فلا تحزني، الرجال اغلبيتهم هكذا حتى لو ادعو الألتزام للأسف الرجال ما ادري شفيهم ادعي الله دائما ولا تياسي وادعي لي بزوج صالح |
بنت رجال معاك حق في غيرتك انه بعد نفس الشي صرت ماحب اطلع مع خطيبي من كثر البنات اللي يطالعون ..انه صار لي موقف كنت رايحه مع خطيبي نصور وكان الاستيديو زحمه وكنت اشوف وحده قاعده تخز في خطيبي.. والله ان مت قهر وكنت احاول الفت انتباهه عشان ما يحط باله لها .. حتى قلت له خلاص مابي اصور بس قالي لا بنصور وبس ..يعني حالي من حالك ماحب اروح مكان زحمه وياه ولا مجمعات ولا مكان...بس بعض الاحيان اكلم نفسي واقول ان هو لي يعني حتى لو قعدت تطالعه هو لي مو لها ....انه طبعا واثقه فيه بس ماحب احد يطالعه غيري
|
واااااااااااااااااو يا صدى اصيله اقسم بالله قنبله مو موقف عادي ......الله يصبرنا عليهم...
|
شكراً خواتي العزيزات على نصايحكم و اهتمامكم ,,,,
للأسف ((بعض)) النساء في هذا الوقت نزعن لباس الدين و الحياء و أصبحن يتحرشن بالرجال عيني عينك زي ما صار مع اختي صدى اصيلة و صار معي اكثر من مرة. سألت اخوي عن هالموضوع قال لي انه لاحظ ان الحريم اصبحوا يركزون في الفترة الأخيرة على الشباب المتزوجين ما تصدق الوحدة تشوف واحد و زوجته (او خطيبته) مبسوطين وش حلاتهم الا تحاول تغري و تثير رجلها و تسرقه منها بكافة الأساليب. انا اشوف ان اللوم الرئيسي يقع على الرجال لانهم الله يهديهم عيونهم زايغة و هم اللي يشجعون هالمنحطات على الاغراء و اللكاعة و المياعة ,,,, و الا لو ما احد يلقيهن وجه ما كن تمادوا و ما كان انتشرت هالظاهرة اللي تتشكى منها غالبية المتزوجات. |
اختي
المسؤليه تقع على الاثنين معا و على تربيتهما اذكر دوما والدتي حفظها الله تذكر لنا مثلا الي ما تحصنها ذيالها ما تحصنها رجالها ان الغفله التي نمر بها سبب ماسينا هذه الروابط تجدين فيها الحلول المناسبه باذن الله الشك , الغيره , العناد (حلول ) http://www.66n.com/forums/showthread.php?t=49157 الله يصلح حال بيوت المسلمين اللهم امين يغلق الموضوع |
| الساعة الآن 01:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©