|
إحترت مع خطيبي
السلام عليكم ورحمة الله وبركاته
هذي أول مشكله اصادفها من إنخطبت مع خطيبي أتمنى أجد حلها عندكم وأكون شاكرة لكم من قلبي .. :( المشكله هي إنه من ثاني مكالمه هاتفيه بيني وبين خطيبي طلب مني أروح النادي أسوي رياضة على قولته علشان أكون ريشة علما باني مو متينه بس على قولته يبيني ريشة .. فعصبت انا بعد وقلت له لكن بكل هدوء انه لو انت تبي وحدة ريشة مثل ماتقول كنت خطبت وحدة ريشة غيري ريشة يعني (عصقول او ضعيفة وااااااايد) وانا كان قصدي غشمرة مو صج .. ومن يومها زعلان ومايرد على اتصالاتي سالت امه ليش مايرد قالت انها هي بعد متضايقه من تصرفاته وانه مايرد لانه زعلان مني لاني قلت له هالكلام .. انا قلت في نفسي بتحصل اشياء وايد كبيرة في المستقبل اذا على هالشي ء التافه زعل فالجاي أعظم ... الحين شسوي انفصل عنه احسن ولا شسوي ؟؟؟ دام اني على البر ليحين ماانكتب كتابنا .. وللعلم اني سويت استخارة وايد قبل موافقتي عليه والكل ايضا كان يمدح فيه وفي اخلاقه فما الحل ؟؟ لاني عجزت اتصل لي 3 ايام ومايبي يكلمني شسوي اعتذرت له وايد بس ماكوا فايده وسالته تبيني ولا لاء بسمج بعد مايرد :( |
خلية يغور فى داهية دة تافة
|
اشلون اخليه يغور في داهية بعد ما الناس اعرفوا واحنا عندنا العادات والتقاليد اذا ترك واحد خطيبته اكيد بيكون فيها شي .. وانا ماابي الناس تتكلم علي .. احترت وتعبت نفسيا :(
|
بسم الله
اختي اذا هو مارد على تلفوناتك طرشيله مسج صريح تقولين فيه: آبي اتكلم معاك ممكن ترد علي أو تتصل لما تهدى شوي وشوفي شو رده.... وبعدين ناقشيه وتحاوري معاه بكل صراحه في مواضيع أكثر اهمية من الرشاقة ومثل ماقلتي في المشاكل الكبيرة شو بيسوي الزعل مو الحل وبعدين المفروض البنات اللي تزعل مش الشباب واذا كان مصر على سالفة الاشتراك بنادي عادي مافيها شيء قوليله انا بتنازل هذه المرة علشان خاطرك وعلشان هذا أول طلب طلبتوا مني واشتركي لمدة شهر أو اسبوعين بس الله يوفقك |
أختي العزيزة..إن الرجل يتمنى في زوجته اشياء وهي تتمنى بمقابلها اشياء..
وهو يسعى لأن تملأي عينيه فلا ينظر لأخرى سواك..فطلب منك أن تقومي بالرياضة لأنه يعجبه أن تكوني أضعف مماأنتي عليه..فلما أجبته بجوابك القاسي؟ لو كان هو أيضا اسمن مما تريدي ألن تقولي له قم بالرياضة؟ كان من المفروض أن تكوني ذكية وتقولي له اني اظن اني لااحتاج للرياضة ولكن لأنك طلبت ذلك سأفعله.. هو لم يخطأ في موقفه الأول وأنتي من أخطأتي..لأنك لم تتصرفي بحكمة.. ولكن في أنه لم يرد عليك فهو مخطأ وهذا من البداية!!! أنه واثق من نفسه جدا!!! أرسلي له رسالة نحن على بر الأمان للأن إذا لم تغير من تصرفك وتتصل لنتفاهم أعتبر خطبتنا ملغية.. ومن لايرد عليك اليوم لأمر تافه غدا ماذا سيفعل؟ الله يسعدك أختك حائزة الأمل |
مشكورة ام اليمان على ردج .. المشكله اني مسجلة في نادي مخلصة امي تقول يعني تبين تموتين نفسج قلت معليه شنو بصير ريشه علشان خاطره علما باني خلاص مااكل حتى من القهر وضغطي كله نازل وصادني هبوط وهذا كله والاخ مايدري طرشت له مليون مسج اقوله خلنا نتفاهم مادري اشفيه وين حاذف موبايله ومايدري عني :(
|
شكرا اختي حائزة الامل على ردك .. بس للاسف ياريت انه رشيق وايد ولا ملك جمال علشان يسوي الي سواه .. انا اقول في نفسي رضيت بالهم والهم مارضى فيني علما باني احلى واضعف منه بكثيييييييييييييييير :(
|
مشكلة بعض الرجال يتشرطون و يحن على خطيبته من دون ما يشوف نفسه. تلقينه يقولها ابيكي تنحفين و تروحين نادي و هو اسمن منها بمية مرة. طيب ليه ما يروح نادي. انا في رأيي انك ما اخطيتي عليه و ان كان يفترض تكونين اكثر مرونة لكن على اي حال تصرفه غريب و ماله داعي و اذا بيتغلى من الحين وش بيسويلك بكرة يوم تصيرين على ذمته ,,,, أفضل حل هو انك تتنازلين و تروحين النادي عشان تراضينه و في نفس الوقت تكلمينه و تقولين له ترى اسلوبك مو صح و اتمنى انك ما تعيد حركتك ثاني و قولي له بعد شوف رغم كل اللي سويته فيني و رغم اني مو مقتنعة رغم كل ذلك بروح النادي عشان ارضيك انت بس.
|
بنت رجال تسلمين على كلامج كله صج مايشوفون حالهم يالله كل شي علينا ولا يتشرطون بعد :(
المهم مشكورة اختي على مرورج وردج الصريح :) |
طنشيه لمدة اسبوع
وشوفي يمكن يرجع لج الحين في خاطره بيقول هذي ميته علي وانا بطنشها عشان جذي انتي طنشيه وخليه يموت قهر ويوم بيرجع لج هني استلميه وخليه يحس بتأنيب الضمير عاللي سواه واذا لمدة اسبوع ما رجع لج طرشي له مسج اخير .. قوليله الحياه مستحيله معاك بهالطريقة ومع السلامه |
روحي حزينة مشكورة اختي الغالية على ردج ان شاء الله بسويه ويفتهم .. مع انه امي دخلت علي توها وقالت لي يابنتي اذا منتي حابه تصرفاته دام انج ليحين على البر مافيها شي لو ماتبينه وكلامها خلاني افكر غير واحتار اكثر .. المهم تسلمين اختي على مرورج
|
بصراحه انتي كلمتج قويه مب سهله يعني حسستيه بسهولة الاستغناء عنه وانه بعد ماختارك زوجه له تقوليله
شوفلك وحده بالوصف اللى تريده يمكن هو حساس وتحسس من الكلمه بزياده ......... اعتذري من هالكلمه بمسج وقوليله مهما طال الغياب لازم تواجه ونحل سوء تفاهم البسيط هذا نحن ورانا حياه زوجيه كامله لادقر عالشيا البسيطه بعدين انتي تعلمي وشوفي طبعه اذا حساس لاتييبيله شي من الكلام هذا وانا من رايي ماتفصخين الخطبه على سبب سخيف بعدكم لاحقين بتتعودين على طبعه وبيتعود على طبعج بلبدايه لازم الحركات هذي بالتوفيق ان شاءلله . |
مشكور اخوي ضاحي كلامك عدل وانا يمكن مافهمته .. اشكرك اخوي على الرد والله يكتب الي فيه الخير
|
إلحقوني إحترت مع خطيبي
إلحقوني أمي خبرتني انه اذا اليوم مااتصل خلاص نفصخ الخطبة شسوي دلوني ياناس مانمت من كثر التفكير :( شسوي امي تقولي منتي رخيصه والف واحد يتمناج وانا خايفة اذا انفصلت الناس تتكلم ومااظمن حد بيخطبني بيقول اني كنت مخطوبة وانفصلت اكيد فيني عله او شي والله صكت فيني الدنيا :(
|
اختي الغاليه، انصحك بان تصلي الأستخاره مره ومرتين، ومدام لي حين ما عقدتوا قرانكم، وحسيتي انكي مو مرتاحه نفسيا، طبعا لا اقصد من هذهالمشكله
اجلسي مع نفسك وتذكري ايجابياته وسلبياته، وصلي استخاره وشوفي هل تستطيعين البقاء معه العمر كله بالنسبه لموضوع النادي، اختي بصراحه شوي كان ردك قاسي ولأنه يعزك زعل منك، انتي لازم تراضينه طرشي له مسج ولا تطنشينيه باعلكس لازم تبينين اعتذارك له بس انا ما عندي هالسالفه مهمه الأهم هل تستطيعين معه الأستمرارـ اذا نعم فيجب ان تتاقلمي معه وتتعاملي معه بذكاء واذا لا، فالله بيعوضك ولا تهتمي لكلام الناس لأن انتي بتعيشين وياه في بيت واحد مو هم زاذا تبين رايي، اذا كان خطيبك خلوق وطيب لا تخسرينه |
عزيزتي:
أنا أدري أن البنت ما تحب خطيبها يقولها روحي إلعبي رياضه.. لأنها هيك بتحس إنه شايفها مو حلوه ودبه.. وأنا معك 100% في الكلام اللي قلتيه.. بس أخالفك شوي بالأسلوب.. كان ممكن تيجيه بطريقه أسلس شوي.. على العموم بعد ما حكيتي اللي حكيتيه.. برأيي ما كان لازم أبدا أبدا إنك تعتذري وتبعثي له مسجات وتحاولي تكلميه.. لأنك بهالطريقه بينتي نفسك إنك غلطتي عليه.. ولو ما كان زعلان من الكلمه اللي قولتيها.. الحين بيزعل ويثقل.. كان لازم تتمسكي بموقفك وتبعتيله مسج واحد.. ( أنا تضايقت من كلمتك.. لما تهدى كلمني) وبهالطريقه تحسسيه إنك لازلتي على موقفك وإنك متضايقه من الكلمه اللي قالها.. وبنفس الوقت تعطيه مجال للإتصال فيكي.. وأيضا تكوني رميتي الكره في ملعبه.. عموما: نصيحتي لك الآن: لا تكلميه...ولا ترسيلي له أي مسج... يعني إنقطعي فجأه... ولكن.. إذا إتصل فيكي بعد فتره.. كلميه.. وكلميه عادي.. بس لا تراضيـــــــــــــــــه.. لأنه بياخذ هذا الأسلوب منهج لحياتكم.. وأي شي بيصير وأي مشكله بتصير بينكم بيصير يزعل وينتظر منك تراضينه... الله يوفقك ويقدملك اللي فيه الخير... |
يمكن يتدلع شوي
|
اختى العزيزه حنا الرجال لما نشوف الخطيبه هى الى تجرى وراى بتغله عليها000 بس لو انك ذكيه طنشى خطيبك حتى لو هو الى اتصل فيك لا تردى عليه 00داويه بلتى كانت هيه الدأو
|
طنشييييييييييييييييييه ماسويتي شي غلط واللي سواه صغر عقل وانتي صادقه وكنتي تمزحين وبعدين حتى لو رجع لك وكرر الطلب قولي له بشرط انك انت كمان تشارك بنادي ... احراج صح له؟! ههههه المهم سلوبه غلططط هذا للي ابي اقوله .
|
اقتباس:
|
اقتباس:
|
اقتباس:
|
اقتباس:
|
اقتباس:
|
أعتقد أنه أنتوا الأثنين غلطوا أنتي غلطتي في ردك وهو غلط في عدم الرد عليكي يعني المفروض أنتوا الأثنين
تجلسوا مع بعض وكل واحد يعتذر عن غلطته والموضوع مايستاهل الأنفصال . بالتوفيق لكما |
الادمي ماغلط لما طلب منك تسوين رياضه بالعكس كان اخذتي واديتي معاه وردك ما كان سليم ابدا ابدا ابدا...الادمي ما طلب شي غلط...وعموما انتي مستقبلا لو طلبتي منه شي يتعلق بشكله حيصد عنك ويتعامل معاك بالمثل بس ما يستاهل الموضوع ان يهجرك كل هذا وحسسيه انه بالغ في ردة الفعل بما لا يتناسب مع الموقف...........والثقه بالنفس زينه ....خليكي ذكيه...
|
اقتباس:
|
اقتباس:
الحين صار الي صار وادري اني غلطت واعتذرت لكن ماكو فايدة عنيد :29: والحين افكر في الانفصال واتفادى المشاكل احسن ؟؟؟ :( شكرا على المرور .. لك تحياتي |
السلام عليكم
اختي فجر من كلامك احسست ان كلاكما في عمر صغيرة و تحتاجان لخبرة اكبر اول شي اوصيك بالهدوء و ضيط النفس لتجدي حلا للمشكلة ثانيا اوقفي الاتصال به لانه بهذه الطريقة سوف يغاند و يصر على عدم الرد لذا لا تتصلي به و دعيه يلملم افكاره و ستجدينه يتصل بك و استفيدي انت ايضا من هذه الفترة و ركزي على ما تريدين و ما الاشياء التي تستطيعين التخلي عنها للارتباط به اهم شي انك تستخيري الله فلا خاب من استشار و لا ندم من استخار سيلهمك الله الحل و التصرف الحكيم باذن الله و ادعو ربي ان ييسر امرك و يحلل همك و يملا قلبك بالسكينة اختك دموع الليل |
اقتباس:
|
ليس كل من صغر سنه فهو ذو عقل كبير
على العموم خليكي واقفة اتصالاتك و داومي على الاستخارة و عليك بدعاء الكرب يا حي يا قيوم برحمتك استغيث اصلح لي شاني كله و لا تكاني الى نفسي طرفة عين الله يفرج همك اخيتي |
اقتباس:
|
حلوا مشاكلكم بينكم ولا دخلين أهلك بينكم , والا سيدمرون علاقتكم وترى الأهل هم سبب تكبير الموضوع ..
|
اعتذرتي له .................سويتي اللي عليك
الحين انتظري ...............لا تتصلين عليه ولا على هله خليه يحس انك تفكرين بالانفصال وشوفي اش بيسوي ............... عاد لو يعزك ويحبك وانتي غالية عليه بيرد لك وان كان غير ذلك راعي مشاكل ووو ..........فالله يقدر اللي فيه الخير نصيحتي اكثري من الاستخارة هذه الايام ............ والاستغفار والدعاء . |
اقتباس:
|
اقتباس:
|
اختي اذا لحد هسه مارد ولااتصل انصحك نصيحة اخت لاختها الحياة تنازلات ومهما صارت التنازلات اذا تحبيه فعلا لازم كثير تتنازلين ويعدين احتمال هو من النوع اللي يقول في نفسه باخليها كم يوم حتى تتادب وما تتكلم معي هيك اسلوب ولاتعلي صوتها علي وفي كثير من هاي الانواع فنصيحتي اعملي مسج اله وقولي له انا رايحة الان لنادي الرشاقة وفعلا سجلي في النادي شو فيها من زوجك اذا بده منك ان تكوني احلى من كل البنات وست البنات لان الرجل من طبيعته عينه زايغة يعني اذا انتي شوي سمينة وشاف وحدة رشيقة راح تعجبه اكيد ليش تخليه يدور في غيرك صيري انتي كل البنات صيري ب100 وجه اذا بده الحلوة والرشيقة والانيقة والطفولية والمرأة والجذابة .........................الخ.
|
اقتباس:
|
| الساعة الآن 03:25 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©