|
كيف أنه خالي يريد أن يقبلني ؟
بسم الله الرحمن الرحيم
لا اعرف من أين ابدء سرد المشكلة هي ليست مشكلتي لكن هي مشكلة إحدى قريبات صديقتي العزيزة و هي محيرة انقل لكم على لسان صديقتي و قريبتها (ع) هل رايتي ماذا فعل (ج) (ي) لا (ع) اشر إلي وهو عند الباب إن اتصل عليه على الموبيل (ي) لم افهم يعني شنو قصده كانت (ع) تكره (ج) و دائما تذم فيه و لم توضح سبب لذلك من قبل سوى انه ثقيل دم لكن هذه المرة أفصحت بما في داخلها لـ(ي) و قالت قصده غير شريف (ي) كيف غير شريف لكن (ج) خالنا ، ماذا فعل ؟؟؟؟؟؟ (ع) منذ قليل عند خروجه أعطاني إشارة لكي اكلمه على الموبايل و غير كذا له حركات ثانية يحاول يستفرد فيني لحاله دائما يأشر ألحقه عن الباب الخارجي لكن أنا اطنشه لأنه من خمس سنوات تقريبا سوى هذي الحركة لكن أنا طنشته لكن الوالد أمرني أروح أغلق الباب الخارجي لان الوقت تأخر و سوف ننام فوجئت به عند الباب مع انه خرج من خمس دقائق من الصالة و قالت له مابك لم تذهب قال في خاطري شيء أريد أن أقوله لكي و هو انكي أفضل بنات أخواتي و أنتي تعامليني زين حيل و ..و ...... ثم قرب مني يريد أن يقبلني فدفعته بقوة و أغلقت الباب على يده بقوة لدرجة ترك علامة على يده لكنه لم يكتفي بذلك فذهب إلى زوج أختي( الذي هو ابن خالتي (ق) لان علاقته معهم قويه و دائما عندهم في المنزل ) و قال له أني (ع) حصرته في زاوية و قبلته و أختي قالت لي ذلك فقلت لها الحقيقة و صدقتني لأني قلت لها عندي دليل علامة على يده ولان أخوات زوجها دائما يقولون عنه انه كريه و قالت إحداهن انه حاول الاستفراد بها مرة اما ألان علاقته بهم شبه مقطوعة بسبب خلاف مع أخته (خالتي ق) (ي) قلت ولما لم تقولي من قبل أنا فكرت انك تكرهين لأنه ثقيل دم ولم اعلم انه شاذ شوفي أنا ألان عندي حلين 1_ يا انك إذا جاء البيت حدك تسلمين عليه و تصعدين غرفتك و تقفلين الباب عليك 2_ أو انك تكلمينه على الموبيل تسايرينه لكي نكشفه و عن طريق زوجي (أخ (ع) ) يكلمه و نقطع رجله من البيت أنا أخاف عليك تكونين في البيت لحالك و يستفرد فيك 3_ ننتظر بعض الوقت يمكن نحصل حل آخر و هذي رسالة أرسلتها (ع) لزوجة أخوها (ي) شوفي أنا في البداية كنت معاك بس أنتي قلتي تبين إثبات على نيته يعني وش هي نيته المهم أنا معاك بس بعدين فكرت فيها أنتي قلتي علشان تنقطع رجله عن هذا البيت أحنا ما علينا منه يخاف يموت تجيه جلطه كيفه بس أنا عندي أهم شي ماما وبابا أولا ما نبي مشاكل ولا ظوغطات على أمي تتأثر من أخوها وترى اهو قصده مو زين ومن زمان وأنا ادري ما يحتاج شنو تسمين إن يقول لي أدق عليه من ورآكم؟؟؟ وبصراحة أنا ما أبي اعور قلبي بالاتصال ولا أبي اشغل بالي بمشاكل وأخاف من اللي ببقوله ما أبي اسمع كلااام قوي أو اكبر مني وأنا خوافة ولا أبي أفكر في هذه المشكلة ( بطنشه يولي) وهذا أنا دايم جنب أهلي يعني لا تخافين علي يعني لو تخافين من آن يجي يوم ويحصل فرصه يكلمني أنا رجال وازيد من الرجال يمكن ارتبك في البداية ممكن ..لكن ما عليك أنا رجال يخسي يسوي شي ما اعطيه فرصه يدخل في أشياء يبغيها لو كان هذا قصده هذه ... هو كم مره يحاول يقول لي أشياء بطريقه غير مباشره بكلامه الغاز ومن هالحركات بس أنا خلاااص أحط في بالي أن هذه الأشياء عاديه ولا نه هذا خالي ما راح يغلط علي أو بيقول شي مو زين مو اهو خالي مهما قلت دمه ثقيل وأنا أبي افهمه أني بنت أخته مو وحده يبي يلعب عليها يعني من حركاتي وكلامي بيفهم أني اكلمه كلام بنت أخت لا خاااالها وبس بس الظاهر هالاشكال ما تفهم وأحسن حاله بدون ما أأثر على ماما ولا بابا ولا الأهل كلهم وأنا بعد ما أبي يصير الكلام علي .. ولله مو علشانه مثل ما قلت لك علشان ماما وهذه اخوهااا وما أبي اكبر السالفة أحسن شي أني اطنش وما علي منه ه ه ه ه وبس والكل يشهد على حركاته الخبيثة يعني ما يبغى لها تفسيررر وبس أبي اشهيل هالكلام من راسي الله يلعن أشكاله أنا قلت بكتب لك أحسن يمكن أن الكتابة أوقات أحسن من الكلااام وخاصة لي أنا يمكن أفكر ومع التفكير انسي نص الكلام اللي أبي أجهزه وأبي أقوله ولأني من مساعه أفكر وش نسوي بس أخاف تنقتل الأفكار من راسي والماما وخالتي الى الحين ما طلعواا فقلت اكتبها وأرسلها لك علشان تقرينها عادي لو أقولها لك بس علشان ما انسى وعلشان اف ارتاح ولا تخااافين ولله ما يهزني ولا اهتم له يخسي يخوفني هال ... الكريه يلا امسك نفسي وفوق كل اللي قلته لك خلاص أنا حطيتك في الصورة وقلت لك علشان اي شى يصير انتي تعرفين بالموضوع هذه هي المشكلة و ابغي أشوف حلولكم أو تأييدكم للحلين المطروحين |
لا حول ولا قوة الا بالله ينقل الى عالم المفتوح مكانه الانسب لإيجاد الحلول المرضية احترامي |
شكرا وجه الخير على المساعدة
|
انا اشوف الحل انك تكلمين ابوك من غير ماتعرف امك
وابوك سوف يكون حكيم بقطع رجله من البيت لانه كلما صار الامرمخفي عن ابوك سوف يتمادى اكثر |
السلام عليكم ورحمة الله و بركاته
مشكورة اختي حنونه الدلوعه على نصيحتك بس ام واب (ع) من النوع الحساس جدا من اي شي و هم مرضين بالسكر و اخاف هالخبر يصير فيهم شي لا سمح الله
|
بصراحه قصة غريبة حتى الخال ماعاد ينخاف منة
بس لازم لازم يدري احد كبير واذا درت الام هذا اخو ماينتشرف فية القطاعه ارحم الي ماخاف على شرفه انا اقول تعلم وتوقفه عند حدة |
شوفي حبيبتي
انا مريت بهذا الموقف ومو بس انا.... كمان بنات خالتي الثنتين تعرضنا لتحرشات من خالي الله يهديه ويكفينا شره كان يستغل اللعب معانا واحنا اطفال مو كبار يعني اعمارنا بين الخمسه والعشر سنوات المهم في ذاك اليوم بعد ماطلع من عندنا كانت امي تطبخ قلتلها (ياماما هذا خالي يسوي كذا وانا ماأحبه) فجمعتني أمي مع جدتي الله يرحمها وبنات خالتي وتأكدوا من الكلام ولما جاه مره ثانيه امي تكلمت معاه وجدتي كمان بعدها ماتجرأ علينا لكن الى يومك هذا واحنا حدنا نسلم ونختفي من وجهه الين يروح حبيبتي ضروري جدا تكلموا أمك او اختك الكبيره بحيث انه يعرف انهم عارفين عشان مايتعرض لكم مره ثانيه خذيها نصيحه يعني قولي لأمك بعد مايخرج من عندكم ويعمل حركه ملفته أمي بصراحه خالي عليه تصرفات موطبيعيه وأنا اخاف منه اذا سألتك مثل ايش لاتوضحي بس قولي لها ياأمي ياريت تنبهيه ان يحترم نفسه وانك عارفه كل شي وان شاء الله خير استودعتكم الله |
مشكورة اختي امي منيرة و روح الغالي على تفاعلكم بس مسألة ان نخبر ام (ع) صعبة جدا لخوفنا عليها يجرى لها شي من الصدمة هي حساسة جدا هي و ابو (ع) و لو لمحنا لها اكيد بتسوي تحقيق و هي من ما تتحمل صدمات و بالنسبة لاخت (ع) الكبيرة هي عايشة بعيد عن العايلة ، و(ع) خبرت زوجة اخوها (ي) و هي اقترحت الحلين بس محتارة و للحين تفكر في خيار ثالث
و على فكرة (ع) عمرها 19 و هو من زمان تحرش فيها و الخال (ج) متزوج و عنده اطفال بعد |
فوق الثلاثمئة قرؤا المشكلة
و بس ثلاثة اللي ردوا على الاقل ايدوا الحلين المطروحين ارجوا المزيد من التفاعل:29: |
انا اقول من الافضل انها ماتسكت
اذا ببيت ابوها ماتحس بالامان وين تحسة ببيت الجيران اول شي اذا حاول يتعرض لها تحذرة انها بتعلم اهلها اذا مانفع معة تقول حق اخوها او عمها اذا هناك مشكلة على ابوها وامها لان الموضوع ماينسكت علية انا اذا اشوف واحد يغازل ابي ادوسة وهذا مين خالها والله عالم عجيب |
انا اقول من الافضل انها ماتسكت
اذا ببيت ابوها ماتحس بالامان وين تحسة ببيت الجيران اول شي اذا حاول يتعرض لها تحذرة انها بتعلم اهلها اذا مانفع معة تقول حق اخوها او عمها اذا هناك مشكلة على ابوها وامها لان الموضوع ماينسكت علية انا اذا اشوف واحد يغازل ابي ادوسة بالسيارة :18: وهذا مين خالها والله عالم عجيب :( بس نصيحة اذا اليوم تحرش بكرة الله يستر من الي بيسوية لان الايمان بقلوب الناس هذي اليومين معدوم مافية ذرة رحمة والشي الثاني تبتعد عن الملابس الضيقة او المثيرة لانة بيكون سبب من الاسباب |
اختي لازم تعلمين اخوك او عمك ويكون قريب منك علشان يفهم الموضوع صح ويقدر يتصرف مع خالك الله يهديه
|
صحيح يا خوي علاوو عالم عجيب هو من النوع اللي يزيف في الحقيقة و وقح جدا لدرجة انه السالفة اللي حاول يبوسها قلبها على البنت و طبعا احنا في مجتمع يحط اللوم على البنت و يصدقون الرجل
نبغي نمسك عليه مستمسك قوي لكي لا يقدر انه يلفق سالفة و يصدقونه و حتى لو النت مسترة اللي فيه ابليس يسوي اللي يبغاه و ثانيا حتى لو عارية مفصخة هذا ما يفهم انها بنت اخته مو وحدة من الشارع ؟؟؟ |
مشكور اخوي moonsudi بس مثل ما قلت لاخوي علاوو نحتاج دليل ولا بتنقلب على راس البنت
|
أكيد أختي أم النورى راح نأيد أي حلول تطرح سواء منج أو من الأخوة الأعضاء لوقف وفوراُ هذه المهزله وقلة الأحترام
أسمع كثيراُ عن مثل هالقصص وأستغرب وين راح الضمير ؟؟!! يعني ماشئ بنات في الدنيا كلها تحط عينك على بنات أختك ..... حسبنا الله ونعم الوكيل أختي تصرفي وبسرعه لأن شو يضمن لج أنه مايلعب بعقل أختج الصغيره مثلاً ويتمادى اذا لم يتم توقيفه وتأديبه لما يحصل ....... ومااعتقد امج راح تزعل لأن مستحيل هو يكون أهم من ضناها ......... ومع احترامي لج خالج قليل الإيمان والنخوة |
أنا لو منك على طول أعلم أحد كبير أثق فيه وفي أعصابه وانه ما يعمل مشكله بس يوقفه عند حده وما يتجرا يعيدها أبدا ابدا
أنا أكتب لك وانا منغاظة منه ايش اقول بس الله يهدييييييييه ((((((((خصوصًا انه هذه مو اول مرة )))))))) والله يوفقك ًًً |
اقول يا ام النوري: هالله هالله على...الجد..والجد... هالله..هالله ...عليه
هذا شئ ماينسكت عليه......بس بحكمه وتروي..... وممكن تخبري الوالده ....اوتوصلي لها الخبر بطريقه غير مباشره,,,, او عن طريق طرف ثالث...افضل من اخبار الوالد.. امى السكوت...يشجع ....هاذا الخال المنحط......ولاتستبعدي ..ان يقوم هاذا المنحط.....بتشويه سمعتك :( :( :( زمان يقولون الخال والد.....والحمو الموت.والحين كلهم اطقع من بعض:( :( :( اللهم استر واحفظ اخواتنا وبناتنا وزوجاتنا وعورات جميع المسلمين.وابعد عنهم ابناء وبنات الحرام...امين...امين للافاده::: الحمو ...اخو الزوج |
أختي الحل بان تبلغ أمها فقط بدون علم ابيها عن ما يفعلهاخيها وهي سوف توقفه عند حده أن شاء الله وأن لم ينفع ذلك فلتخبر ابيها بذلك الامر أعتقد بان هذا الخال مريض وعنده شذوذ
|
ارى ان تبلغي اباك عن هذا الموضوع وتشرحيه له بالكامل حتى يمكن يتفاهم معه ويقطع رجله عن بيتكم
والله يحميكي إن شاء الله |
تقول حق اخوها ، أو عمها ، أو عمتها ، أو عيال العم ، أو أي قريب ثقه ، اذا هناك مشكلة على أبوها وأمها
لأن الموضوع ماينسكت عليه . |
السلام عليكم و رحمة الله و بركاته
مشكورة اختي ناقصه خبرة صحيح هذا اكيد ضميره هاجر عنه يوم حاول يبوسها و الحقير بعد يروح يألف عليها عند زوج اختها و المشكلة انه في البداية صدقه علشان كذا نبغي عليه دليل قاطع لكي لا تنقلب فوق راس البنت لانه اكيد بيصدقون خالها الرجال امحق رجال والله
و انا خايف يمر الوقت ولا نمسك عليه شي و الله اني خايف عليها البنت قامت ما تحس بالآمان تصوروا احيانا اذا نامت في الصاله و احد دخل تقوم مذعورة انه هو اللي يدخل :30: و مشكورة اختي danya111111 و الله اني منغاظه مثلك و جاني الارق ما اقدر انام بسهوله بس وش اسوي ما عندي دليل آآآآآآآآآآمين اخوي ولد الدحو و مشكور على تعليقك و دعائك اللي من قلب واكيد هو بيشوه سمعتها اذا كلمناه و ما عندنا دليل ضده مثل اول مرة فقط محتاجين دليل لكي اذا تكلم بكلمه وحدة نجمع عليه خوالي و العايله و مشكور sfy اكيد شاذ و لا كان ما فكر في بنت اخته كأنها وحدة من الشارع ولا خاف على شرفه و عرضه و مشكولر اخوي ابن الربيع و mhdjuhani زي ما قلت لاخواني احنا محتاجين دليل و خطة عشان ما يقدر ينكر او يشوه سمعت البنت |
احسن شئ هو انك تخبري والدك فقط بطريقة ما ولك الحذر من الاتصال به نهائيا لانه ممكن يتمادي في ذلك والموضوع يتحل مع والدك
|
ما عندها خال غيره تطلب منه يوقفه عند حده؟؟
ما حتاج دليل..إيش تبغى تسكت لين يعمل فيها شي ويكون هو الدليل؟؟؟ لا تسكت أبدا ولا تسوي شوشرة وتكلم أكثر من شخص..شخص كبير في العيلة له كلمته حتى لو برساله بالجوال وما يحتاج التفصيل..مجرد إن أكثر من بنت من بنات العيلة متأذيات منه والسلام.. لا تسكتي حبيبتي مثل ما سكتّ..عانيت الأمرين من خالي الله يهديه ويسامحه.. صحيح من زمان بطل هالحركات بس لين قريب وأنا فقلق لا يكون سوا شي وأنا ما أدري أدفع ضريبته ليوم الدين وأنا مالي إيد فيه لأني في يوم كنت نايمة فجأة صحيت ولقيت خالي ماسك لحافي بيده،طبعا لقلة خبرتنا بأمور غشاء البكارة وأنا أخشى أن يكون سوا شي وأنا ما أدري..عشت في قلق وخوف ما أدري أفاتح مين بالموضوع..وإذا تقدّم لي أحد أرفض لهذا السبب وإلا لأ؟؟حيصدّق إني ما لي يد وإلا حيحسبني بنت لعوب؟؟وأفكاااااار ذبحتني..لين عرفت إنه لو صار شي كان حسيت بألم أو لقيت دم..فالحمد لله ربي برّد على قلبي!.. وبالنسة لخالي تغيّر تماما وصاير يحترمني ويقدّرني بشكل..أحسه كل ما شافني قتله تأنيب الضمييير!! والله يهدي من خلق.. المهم لا لا لا لا لا لاتسكت..وزي ما قلت ما يحتاج التصريح لا منها ولامن إللي حيكلمه..ربما كثيرات من العيلة متأذيات منه وما تجرأن على الشكوى..فكوني أنت اليد الفاعلة في إنقاذ نفسك وإياهن..وتذكري أن الشهوة إذا عصفت بالشخص مع غياب الوازع الديني فلن يردعها شيء..والرجل قوي البنية قادر على إحكام قبضته على الفتاة مهما امتنعت..فلتسرع ..ولتتضرع إلى الله أن يعينها وينصرها ويكفيها شرّه.. |
انا اشوف ان اخوك الومرت اخوك يقدرون يساعدوك وخلي أخوك مرة من المرات من يجي خالك سوي نفسك لاحقته حتى تسكرين الباب وبعدين يجي أخوك ومن يشوفه يحكي معاه ويهدده [انه رح يقول لأمك واذا صار بيها شي فهو اليبب وانه رح يقول لمرته
وبعدين سبحان الله حتى الخال مافيه أمان؟؟؟ الله عليك ياخالي والله من أعز الناس وانا وياه أصدقاء وما يبخل عليا بالنصيحة ويذكرني بالصلاة ونتناقش في أمور الين؟؟؟ |
حسبي الله ونعم الوكيل... دنيا آخر زمن...
نروووح تكلم زوجته (زوجة خالها ) وتقولها على كل شي لعله يتعظ.... استغفر الله العظيم.. |
| الساعة الآن 07:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©