|
أهل زوجتي يرفضون ان ارى زوجتي !!!
السلام عليكم ورحمة الله وبركاته .... واسعد الله صباحكم ومسائكم والف مبروك للمتزوجين وعقبال الخاطبين انا ولله الحمد والشكر مملك من شهر ونصف تقريبن ولحد الان لم ارا زوجتي حتى قبل الملكة !!!! اسمعوا قصتي تم الاختيار على هذه البنت بعد مشاورات وأراء وتفكير طويل ... قلت للأهل توكلنا على الله وخطبنا ولله الحمد بعد فتره وجيزه تمت الموافقه .... وقتها قلت للأهل كلموا البنت وأهلها عن النظره الشرعية .. قالو ماله داعي البنت مره تستحي وصغيرة حتى اهلها ماهي راضيه تكلمهم بعد الخطبه من شدة حياها وقعدوا يوصفولو جمالها واخلاقها ودينها الخخخخ ... ومن غبائي وافقت اتزوجها بدون لا اشوفها .... رحنا ذاك اليوم وملكنا وتمت الامور بخير ... ما حاولت اكلم البنت بعد الملكه مباشرة لأنهم يبون يسافرون اليوم ألي بعده ... قعدت اتحراها لمن ترجع من السفر ودي اسمع صوتها اقل شي .. عمومن رجعوا وكان على عيد الأضحى قلت بس هذي افضل وقت عشان اسلم على زوجتي وشوفها .. ورحت وشريت ذيك الهديه لها وهديه لأمها (حركات تشبيك مبكر) ولحد الان مبسوط .. عمومن رحنا يوم العيد انا وكل الاهل عندهم كمناسبة خاصه بين اهلي وأهلها ... قلت خلني اعطي الهدي لأختي وتعطيها البنت وتقولها الرجال يبغى يشوفك ... وهذا اللي صار وبعد ما تعشينا ذيك الليله دقيت على أختي وقلتلها خلي البنت تجهز انا شوي وجي اسلم عليها ... لكن المصيبه الطامه انها قالتلي ان اهلها ألا وهم ابوها وأخوانها مو راضين وهذي مو """" عاداتنا""""" اي عادات اي خرابيط هذا شرع فوق كل العادات ... انصدمت ذيك الليله وما قدرت حتى اجلس بالمجلس ... بلعتها مع انها قوية وقلت يا رجال لمن تكلم البنت حاول تقنعها عشان تكلم اهلها .... متى كلمت البنت ؟؟؟ قبل أمس !!!!! من شهر ونص .. والله اني مقهور .. لأسباب اختبارات هذي ثلاث اسابيع وبعدها راحت تجهز من برا السعودية .. عمومن رجعت بعد ما مت الف والف مرة تمت بيننا رسائل بسيطه وكلمتها .. وعرفت ان البنت مشتاقه لي موووووووووت بس الاهل واقفين بيننا .. وزواجي باقيله 5 شهور .. كم مره راح اموت ... كم مره راح ابكي .. والله حتى الدوام ما اعرف اروحله ... افكر فيها مع اني ما شفتها ... احس اني اموت فيها .. الله حببها في قلبي بشكل رهيب ... ومتلهف على شوفنها يا اخواني ارجو ان القى الحل عندكم لاني والله ابي انجن او بالاحرى شكلي انجنيت !!! يا اخواني لمن اقرى مواضيعم الي عنده مشكله وش يجيب هديه ولي وش رسايل يرسل ولي ولي ولي وقتها اموت قهر ... كلن شايف خليله الا انا .. يعني ماراح اشوفها إلا يوم الدخله ............... أنجدوني أنجدوني أنجدوني ارجوكم ... بس لحد يقولي حاول مع اهلها لني حاولت وبائت بالفشل |
خليها ترسل لك صورة لها ع الايميل او الجوال!!!!!!!!
|
الاخر ...
أول شي الله يعينك ويساعدك وحاسة بمعانتك لانه انا مااتصور انه مااشوف خطيبي :29: كل اللي اقدر اقولك اياه انه حاول تخلى اختك نقطة وصل وتجيب لك صورتها وتوصل كلامكم حاول تعرف مكان بتروح وروح انت له بنفس الوقت :d ما عليه يمكن تحس كأنك ترتكب جريمة بس حلال وخلك من هالتقاليد البالية وصدقني خطيبتك بتفرح بهالشي |
الله يكون بعونك اخي
و لكن هناك ألف طريقة تستطيع إنك تشوفها من خلالها أختك تروح لها و تطلب منها صورة . أو إنك تروح لها في مكان دراستها أو عملها . أو تتصل فيها و تنسق معها تشوفها بعيادة ( مثلا إنها تدعي المرض بعيد الشر عنها ) . أو إنك تستلطف أحد إخوانها و تقول له نحنا شباب و ما يصير كذا و تقنعه بأنك تشوفها . و هو راح يساعدك لما يحس إنك صادق معه . أو إنك تركب رأسك و تهدد بالإنفصال إذا ما شفتها . أو إنك تصبر و تعجل بالعرس و الدخلة و ربنا يعينك |
السلام عليكم
صادق عندنا الوضع كذلك وبعض الاحيان يجيبلك اختها الصغيرة (5 او 6 سنين ) ويقولك زي هذي ندخل لصلب الموضوع اما الصور باي طريقه فانا ضدها وضد انك تروح وراها لمكان عملها او دراستها اذا ايش الحل: ياخي خلك صريح وروح لرحيمك ( ابوها ) و اخوانها وقولهم هذي زوجتي هالحين مافيها شي لو شفتها و جلست معها حتى نرتب للعرس وصمل انك لازم تشوفها حتى لو كان ابوها موجود او اخوانها ( هذي اول مره حتى تكسر الحاجز) اعانك الله |
الله يعينك بصرااااحه صعبه
المفروض انه البنت بعد يكون لها دور في اقناع اهلها لانه من حقها انها تشوفك هذا الشرع |
كلمهم بصراحة و إذا مررررررررة عندوا
لمح لهم إنك بتنفصل عنها بطريقة ماتهين فيها كرامتهم و هم ماراح يرضوها على بنتهم عشان أمر يخالف الدين و الشرع |
الله يعينك أنا أؤيد كلام الأخ فهد و أقولك لازم تكون صريح مع الأب بذاته
خلك رجال و قل أبي أشوف زوجتي و اله و شرع الله معاي تحياتي الحظ |
شفها من عند الباب بسرعه واهلها مشغولين او ماهم موجودين
او الصور احلى وافضل طريقه اما الانفصال ماله داعي ترى بتطلعلك مشاكل مالها داعي |
اقتباس:
فحتما لا تعلم ما مخاطرها وبكل أسف عندنا في مجتمعاتنا العادات والتقاليد قد تطغى على الدين للأسف يحرم الحلال بحجة العادات والتقاليد ليس أمامك إلا طريقة محاولة إقناع والدها وأيضا أطلب منها هي أن تسعى لذلك |
أخي الفاضل..الأخر..
ألف مبرووك لك الملكة وأهلا بك معنا.. أرى أخي أولا أن تطرق بابها عن طريق أختك أن تحادثها وتأخذ منها صورة وأرى إن شاء الله أن زوجتك لن تمانع فهذا من حقك.. وإذا لم يحصل ذلك.. فإجلس مع أباها وأخبره إن الإسلام أحل النظرة الشرعية وأنت لم تطلب النظرة الشرعية وتزوجتها ..والأن هي زوجتك وتريد فقط رؤيتها والحديث معها ..وأرى أن تجلب له فتاوي العلماء بهذا الخصوص وسأعود لأرفق لك رابط للفتاوي وتقنعه بالحجة والدليل وبإذن الله ستتيسر أمورك.. الله يسعدك أختك حائزة الأمل |
|
بالعكس أنا ماشوف اي ضرر في ان تبعث له صورة تخصها على موبايل زوجها ياناس مالك عليها يعني زوجته حلاله ... الرجل يقول مالك يعني تعدى مرحله الخطوووبه ثانياً بصراحه يا أخوي هي فعلاً مشكله بس ماعتقد انها مالها حل عجل الزواج ولو كانت ظروف تمنع زواجكم السريع يوجد عدة طرق أقعد مع أهلها أو أبوها قول لهم أنها زوجتك ويحق لك عالأقل تشوفها :24: شو هذا الحكم حرام .. الرسول عليه الصلاة والسلام شرع للخاطب أن ينظر لخطيبته فما بالكم وهي زوجته والله انه قهر ..... :( أخي الآخر بالنسبه تقول انك تنقهر لمن تشوف اللي يرسل هدايا لخطيبته ..... :d .....الخ ليش ياخوي مافي داعي للقهر بامكانك تبعثها باستمرار عن طريق أختك :22: .. وياليت لو تطلب من أختك تجيب صورة زوجتك لك عشان تشوفها :28: معقوله للحين ماشفت ملامحها : :( وبعدين ان شاء الله بعد الزواج راح تشبع من شوفتها لاتستعجل دام هذا طبع أهلها اصبر فات الكثير مابقى الا القليل ياخوي :25: :14: ومبروووك مقدماً :14: |
قال عادات قال
الف مبرووووووك :14: ويارجااااااال لاتضيق صدرك وبيني وبينك انا مرت على قصص مثلك بعض القبايل لو ولد العم خطب بنت عمه ما يشوفها ويقلك عادات وتقاليد دخلنا 2006 ولسى فى عادات وتقاليد منافيه للشرع
والى أعظم من كذا ان بع القبائل اذا ملكت حتى امك او اختك ما يخلوها تشوف البنت أبد ( يقلك عشان ماتوصفها لك) يعني تخيل حريم يتغطو عن بعض المهم ولا أطول عليك خل اختك بس تعزمها فى البيت وشوفها والى يصير يصير هاذى زوجتك وأقعد معها بلا عادات بلا خرابيط اما انك تقنع ابوها صدقنى ذولا الشياب متمسكين بهالعادات بشكل غريب وما الومهم لانهم كذا تربو وعاشو فلا تتعب نفسك لان هالشئ عيب بالنسبه له (أبوها ) واهانه له :11: أرجع وأقول لاتضيق صدرك ومابقى شي على الصيف وصدقني هالسالفه راح تتذكرها دايم بعد الزواج وتضحك عليها انت و زوجتك الله يوفقك وعطنا العلوم اذا سويتها تحياااااااااااااتى لكل واحد يبي يشوف زوجته :d |
السلام عليكم .......اعذروني بصراحة لكن ماهي العادات التي تمنع الزوج يشوف زوجته ؟؟؟ والله انا من خطبني وصار بيننا عقد زواج جلس معي ليلة كاملة وبعدها جا اليوم الثاني وجلس وطلعنا مع بعض وعاااادي ومرت الخطوبة تقريبا كل يوم اشوفه وكل شي يحصل بيننا عاادي بدون تدخل الاهل لان انا زوجته .........وما له احد الحق يمنعه يشوفني ونجلس بمفردنا ................زما اقول الا الله يعينكم ...اذا هذي هي العادات ...كيف يتم التوافق ........اساسا الخطوبة هي الاساس اللي يخلي الزوجين يتفاهموا ويزيل بعض الخجل والخوف من الفتاة حتى ليلة الدخلة لاتكون مرررة خايفة لانها بتكون عارفة زوجها وطريقته .......مادري ممكن كلامي غريب بس هذا اللي عندي واتمنى ان ماحد زعل من كلامي ........اختكم الحائرة مرااات:25:
|
أخي العزيز ...... هل ما زالت في بلادنا هذه العادات؟؟؟؟؟؟
كنت أسمع في القديييييييييم جدا كانت هناك مثل هذه العادات ..... لكن الناس أصبح لديهم ثقافة ووعي بأمور الدين بعيدا عن العادات والتقاليد ..... حتى في عهد جدتي لم يكن هذا الأمر موجود .... بل كان زوجها يراها بعد العقد وقبل الزواج ... اسمح لي أخي الكريم ..... ما هذه العادة السيئة التي تمنع الزوج أن يرى زوجته .... ولماذا؟؟؟؟ للأسف هذا الأمر ربما يطبقونه على بناتهم وأخواتهم ....لكن لو أراد أحد منهم أن يتزوج .... سيطلب أن يرى خطيبته ويجلس معها أرى يا أخي ان تخبر أهل زوجتك بهذه الفتاوي بأن تحضرها لهم وبالدليل القاطع ..... وأن يتم التدخل من أحد الأفراد من عائلتك ..أو عائلتها ... تأكد أنه من أبسط حقوقك أن تراها .... وأصر على ذلك حتى تراها .... هل تسمع ... أصر على أن تراها .... الرسول (أمر )الصحابة بالنظرة الشرعية ..... عندما أراد أحد الصحابة وفي رواية أخرى أنه ( جابر) رضي الله عنه ان يخطب فسألة هل رأيتها قال لا ...فقال له النبي "اذهب إليها فإن في أعين الأنصار شيئاً" لابد أن يسمح للخاطب أن يرى المخطوبة وللمخطوبة أن يراها الخاطب، هذا هو ما جاء به الإسلام، النبي عليه الصلاة والسلام قال للمغيرة بن شعبة وقد جاءه يقول له: خطبت امرأة من الأنصار، قال: "هل نظرت إليها؟" قال: لا، قال: "اذهب فانظر إليها فإنه أحرى أن يؤدم بينكما" فلِم يحرموا ما أحله الله ؟؟؟!!! |
مادام هم عاداتهم هيك فاعتقد ان محاولات الاقناع فاشلة ولكن حاول ان تقنع امك بان تحاول ان تقنع امها بان تراها بحضور الاهل جميعا !!!!!!!!
يعني حاول عن طريق النساء 0 وحاول انت ان ترى امها اولا 0 سؤال هل رايت امها ؟؟؟؟؟؟ يعني اذا شفت امها اوكلمتها حاول ان تتودد لها وان تطلب منها رؤية زوجتك وقل لها اعتبريني ابنك وشوفي شلون حالتي !!!!!!!!!!! وانك ما تطلب ان تختلي بها (لاني اعتقد ان هذا مستحيل) وانك فقط تريد ان ترى زوجتك وادعوا الله ان ييسر لك امرك وانصحك ان تعجل بالزواج مادام مافي لا فوتة ولا طلعة |
مشكوريييييييييييين جداً يا اخوان على ردودكم السريعه واللتي جداً جداً ساعدتني اني اشعر في احد يحس في معتناتي التي امر بها ....... صراحتاً اخجلتموني جداً بتعاونكم وتعبكم معي ..... لاكن من الردود التي قرئتها منكم اخذت الفكر المناسبه الي احس انها تنفع ونتم قولولي وش رايكم ... 1- احاول اقنع الوالد انه يكم ابوها واخوانها بطريق وديه 2- اكلم البنت وقولها اركبي راسك وقولي ابي اشوف زوجي مع انه يبي يصير عليها احراج بس التضحية مطلوبه 3- اكلم احدى اخوانها القريبين الى ابوها واحاول ان اقنعه بطريقه علمية وشرعية 4- اخلي الوالده تقنع ام البنت انها تزن على راس زوجها واذا لم تنفع الطرق السابقه اكلم الاهل وخليهم يسوون عزومه بالبيت واخلي البنت تجي ووقتها قلي منو اللي راح يدري لا يمنعني ... ووقتها تكون امها تدري لاكن ابوها خله يتقهوا مع الرجاجيل .... في بعض الطرق التي اثارها الاخوان عجبتني لكن احس انها شوي حركات "واحد وخويته" واحس انها اهانه لنفسك مثل تروح مكان وشوفه ولا تروح الطبيب ولا عند باب بيتهم ... والبنسبه للصوره هذي جداً سهله لكن الصورة ما تعبر إلا عن الشكل .. انا محتاج احس فيها ... وشغلت اني اهدد بالانفصال يرحم امهاتكم لحد يجيب طاريها لأني من افكر فيها احس اني ابنتحر ... وعلى فكره ام البنت لأ ما شفتها لأن بعد من عاداتهم ان ام البنت هي اللي تجي تسلم عليك يوم الزواج هذا كل اللي عندي وعطوني رايكم الكريم |
أخي الأخر نصيحة لا تهملها
السلام عليكم ورحمة الله وبركاته أسعد الله أيامكم بكل خير وسعادة أخي الأخر راح اقولك نصيحة وخبرة من تجارب شفتها من أخوة وأصدقاء وراح لما تتجاهلها تصدق كلامي بعد ما يطيح الفاس بالراس قول لي كيف؟؟ أهلك لهم نظرة في البنت وأنت لك نظرة مع احترامي للجميع الصورة ماتنفع لما تحصل عليها أختك لكن النظرة على الطبيعة من دون مكياج وتجمل هي الأساسية لانها على أقتناع منك فشوف عندك حل وأحد قبل دخولك على البنت وندمك بعد فوت الفوت روح وأجلس مع أهلها والدها واطلب شوفت البنت الشرعية ولا تراجع بسحب مهرك والله يستر على الجميع أو خلي هذه الرسالة توصل عن طريق اهلك إذا تستحي بأن الولد مصر يشوف زوجته قبل الدخلة ولا بصراحة بينسحب ممكن يزعلون اهلك واهلها لكن صدقني أنك راح تموت أمرار لما تصدم بالفتاة بأنها غير الصورة وتجلس تفكر في خسارة الزواج ومعرفة الناس بانك تزوجت وغيره إذا دخلت بها راح يأنبك ضميرك لكن الطريق راح يكون في أكثر الأحيان الطلاق لان العيشة تبنى على الصراحة والأعجاب. خليني أسئلك سؤال وأتمنى الصراحة في الرد الحين أنت جالس تجهز للزواج واشتريت غرفة النوم وحصل واني اتصلت عليك وانا في السوق وانت ناقصك إبجورات قلت لي جيب لي ابجورات راح اسئلك عن مواصفات معينه مع علمك باني راح استلم المبلغ عند التسليم ولا لي شغل بعد كذا هل تظن أن الابجورات راح تعجبك هذا ذوقي طبعاً او ممكن نقول تناسب الغرفة والله والله انك ممكن ترجع وتبدلها من السوق هذا إذا في السعودية لكن إذا في الامارات راح توزعها لكن مع البشر هذا صعب انك تبدل زوجتك بعد العرس أو ترجعها مالم تتحرك الحين والله يوفقك لما فيه الصلاح لانه واضح انك معجب بشيء من وصف اهلك بالبنت وهذا خيال والواقع يختلف لان النساء فيهم طبع غريب تنظر لاعجابها بأهل البنت وتجمل لك في البنت وثانياً التعاطف منهم تجاه البنت ومين يروح في زبادي الشاب مسكين يطلب 100% يحصل على 20% هذا اكيد بالذات إذا شافتك البنت وانت ما شفتها:14: هههههههههههه راحت عليك يا صابر اعجاب من طرف باقتناع والطرف الثاني متمايل فأحفظ ماء الوجه وحسن السيرة بطلب حقك وإلا السلام لانه يتضح بأن الذي يتكلم كثيراً لا يفعل لا تسير خلف النساء لانه حقك وهو بسيط رؤية الفتاة وهذه سنة الحياة تجلس معها وتناظرك وتناظرها وتقدم لك المشروب وتراء ما يعجبك وان سمح لك كلمها ولو بسلام لكي تسمع صوتها ( بس أنتبه لا تنضرب من أهلها) والله هذا المجتمع مشكله بصراحة تعرف ليه انا اقولك هذا الكلام لانه عن تجربة أخي مر فيها نفس موضوعك جلس يفحط واخر شيء لم يفعل والنهاية مشاكل لانها تختلف عن الصورة ( انا مستحيل اتزوج من غير ما اشوفها نصيحة من أخوي) بالذات لما تخسر جوانب بحيث انها ما تسرك إذا نظرت ولا تطيعك إذا امرت ولا تحترمك هذه مشكله مو قصدي أخوفك أو اشكك في كلام اهلك لكنك اكيد تعرف ايش تبغى الخلق والدين والتربية الحسنة والجمال والطبيخ صح اتمنى ان ييسر الله أمورك وتهتدي للحق بالذات بعد الاستخارة ايش شعرت فيه لانك استخرة على شيء مجهول شعور راحة ولا ما شيء لان الاستخارة عند الاقدام على هذا المنزل وبعد الرؤية الشرعية وهذا الصحيح وليس استخير يا ولدي إذا ودك تشتري السمك بالبحر ولا تصيده من الهواء الله يكون في عونك صلي الفجر وحافظ على الفروض الاخرى واستقر على راي واحد تكمل وتاكل عيش:18: ولا تشوفها وتعيش.:17: والسلام عليكم صديق لم تروه |
سفير الحرمان مشكور جداً على هذى الرد القوي والمفيد لي ولجميع الاخوان ... احترم رايك وخبرتك ... لكن انا ودي اشوفها مو عشان احكم على شكلها .. لأ .. فقط لأحس فيها ... الشكل مو اكبر همي او بالاحرى اخر همي ....
تحياتي |
الدين النصيحة
حاول وإذا ما قدرت استسلم للي انت تبغاه
وشكراً |
أخي الآخر
أرجو إنك تبدأ معهم بأخر حل وضعته و هو العزومة في بيتكم لأنك لو عملت هذا آخر شيء بعد الزن عليهم راح يشكوا و ممكن يلبوا العزومة و ما يجيبوا العروس معهم و هيك (( بس أتخيل هذا الموقف حصل )) لا أتمنى ذلك . الله يناولك بإللي في بالك و يسعدك و يحقق لك أحلامك |
شكله الحل الاخير على طول ... ان شاء الله ابي ابلغكم بأخر المستجدات
ادعولي .. ادعولي .. ادعولي الله يفتحها عليكم بالدنيا والاخره |
الله يوفقك وييسر لك امورك ويجمعك بمن تحب ان شالله..
اخوي لايوجد مشكله ليس لها حل وهذي ان شالله ماهي بمشكله .. اذا مانفع معك الرجال او مافي احد اقتنع انا انصحك بالحريم لان الحريم تقدر تحرك مشاعرهم وتأثر فيهم اتفق انك تشوفها من غير مايدرون الرجال.. اخوي روح لأصغر واحد من اخوانها واشكيله همك وبين معاناتك له بكل صدق وان شالله يكون هو الواسطه بينكم.. واااخر شي اذا تعرف شيخ قريب لكم روح له واشكيله ماتمر به بحيث انه يتوسط لك عند اهلها بشوفتها وبكذا انت تجبرهم بالشرع .. وان شالله يااارب تنفع.. ننتظر النتاااائج بفارق الصبر اخوي.. والله يجمعكم ان شالله وتكحل عينك بشوفت الحبيبه.. |
اوووووووووووف لسى هذولا الناس عايشين؟؟ انا فكرتهم انقرضوا
والله معاناااااااااااااااااااااااااااااة بس عجبني راي مصطفى محمد كلم احد اخوانها قولهم ياخي ارحمة حلوة ايش هذا لو هي بدلة بشتريها كان تفرجت فيها ماعاد حرمة راح اعيش معاها ؟؟ بس عجبتني العبارة هذي من كلامك {كم مره راح اموت ... كم مره راح ابكي .. والله حتى الدوام ما اعرف اروحله ... افكر فيها مع اني ما شفتها ... احس اني اموت فيها .. الله حببها في قلبي بشكل رهيب ... ومتلهف على شوفنها } والله الرجال لاحبوا حبوا بقوة ولا كرهوا كرهوا بقوووووووووووووووووووووووة :) |
أخر الانباء
الحل الاخير الذي كنت اريد ان اتبعه باء بالفشل الذريع لأنه طلع من العرف والعادات ان البنت لا تستطيع دخول بيت اهل زوجها الى ما بعد الزواج بأي حال من الاحوال .. ليه؟ يقولك "عيب" اها وهل الزواج عيب؟؟؟ حيروني!! سوف اتجه للحل الاول وهو المحاوله مع اهلها لمن يملون بس انا عندي فكرة صغننه بس خايف منها شوي ... ابو البنت واخوها الكبير مسافرين بكرا خارج السعودية .. تتوقعون فرصه حلوه؟؟ فاهمين قصدي ؟؟ استغفر الله العظيم والله لو اني مسوي شي حرام ............... |
الله يوفقك اخووووي
وعلمنا ايش بيصير معااااااااااااااك ودمت لنا |
أخي الآخر..
أنا معك بالموضوع.. أغتنم الفرصه:22: .. ممكن تحاول تكلم أم البنت.. وتحاول تكسر خاطرها.. لأن النساء دايما عاطفيات.. وممكن تخليك تشوفها .. حاول حاول حاول... بجد الله يعينك... ولما تشوفها إن شاء الله .. سلم لنا عليها كتير :d تحياتي,, |
اغتنم الفرصة طبعا
خلي امك تكلم امها 000000والله هذا حقك الشرعي لا تتردد ابدا ولكن هنا اريد ان اهمس بكلمة في اذن كل اب وام لماذا تجبرون ابنائكم على مخالفتكم اذا أردت أن تطاع أطلب المستطاع وشكرا |
يا جماعه انا ودي بس اذا سويت هالطريقه احس اني راح اناظر للبنت ونا مالي وجه ... احس اني ذليت نفسي
|
مافى حل الى الصوره خل اهلك يصوروها لك او ترسل لك صورتها على الجوال0000000صحيح الصوره غير
لاكن وش تسوي هاذى ضروفك أو أستغل وضع سفر أخوها وأبوها وكلم امها 000انا معك انها شينه شوي الحركه لاكن تذكر انها حلالك وهذا حقك وش تسوي حدتك الضروف تمنياتى لك بالتوفيق وعطنا العلوم |
" والله لو إني مسوي شيءحرام "
مسوي حرام ؟؟؟؟؟؟؟؟ لا ياأخي من حقك الشرعي ولاااااااازم تشوفها ..... " احس اني راح اناظر للبنت وانا مالي وجه ... احس اني ذليت نفسي " مالك وجه ؟؟!! وكمان ذليت نفسك ؟؟؟!!! لماذا يا أخي أنت لم تفعل أمر محرم أو منافي للشرع ... وأنت لم تذل نفسك ... بالعكس هذا دليل أن لك رأي تعبر عنه وشخصية مستقلة ..... حاول أن تراها واخبرنا بآخر المستجدات .... توكل على الله وافعل ما تريد ... |
تخيل وكأنك في تحدي او مغامره حتى لا يدخل الهم لقلبك
اخبرنا باخر المستجدات |
إنما يبكي على الحب النساء ..
ركادتك ورزانتك في هذه الفترة مطلوبة وهي التي سترتقي بشخصيتك أمامها وأمام أهلها وأهلك وحتى على نفسك .. ولعك بها ليكن في قلبك وليس على جوارحك , حتى لا يظن بك أنك خفيف , ومنساق وراء عواطفك .. لن تعرف مقدار كلامي الا بعد الزواج , ولكن بعد فوات الآوان , بعد أن تم تقييمك امام الجميع وانزالك منزلتك التي سيتعاملون بها معك .. وستعطى درجة الرجولة ..وعليك ستقعد الى التقاعد .. |
قررت ان انسى موضوع الشوفه وخليها ليوم الدخله تجنباً للمشاكل الاسرية ..... وبسبة يا اخ "جمر" انا ماخذ بالاعتبار هذه الاشياء ولم اهن نفسي ولا اقدر اخذ صورتها ولا حتى اشوفها في اي مكان او حتى في غياب اهلها لو ابغى لكن مثل ما سبق قولي لا اريد ان احسن بالمذله وبعدين وشو خلك رزين وثقيل وشخصية .. هذي زوجتي لابد ان اوصل لها شعوري تجاهها لكي تعرف مقدار الحب الذي اكن لها ولا اني اعيشها في نفسية ما تعرف الرجال الي راح يدخل عليها .... يا اخوان "ثقيل" حتى بالحب .. مصيبه ..
شكراً لتعاونك وجهودكم معي .... وارجوا دعواتكم ... أخوكم الآخر |
الله يوفقك ياخوي "الاخر"
وزوجتك انت تحبها سواء شفتها ولالا حبك لها ماتملكك وهذا المهم تمنياتي لك بحياة زوجية سعيده هانئة باذن الرحمن ودمت لنا |
يا أخي قل لابوها بكل صراحة أنك تبي تشوف زوجتك
|
اقتباس:
بما انك اخي توصلت الى قرار بالانتظار فلم يعد هناك مشكلة الان ، يغلق مع امنياتي لك بالتوفيق . |
| الساعة الآن 12:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©