|
لا استطيع نسيان ما حصل
هذه اول مشاركه لي في هذا المنتدى
بمااني دايما ادخل عليه اعرف ان الاخوه والاخوات عنه ماراح يقصرون في حل مشكلتي موعارفه هل هي مشكله كبيره او صغيره كنا انا واخت زوجي (خطيبي )راجعين من زواج تقريبا الساعه 12 مع السواق والشغاله(زوجته) في طريق رجعتنا للبيت لازم نمر في شارع فاضي مافيه احد تقريبا طول الطريق كنت ادعي الله ان نوصل البيت بسلامه عندي خوف شديد من الشوراع الظلمه مادري ليه دايما اتخيل ان راح يصير فيها جرايم وطول الطريق ماسكه الجوال في يدي استعدللخطر يمكن يصير شي لاسمح الله واخت زوجي تتكلم عن مكياج فلانه وفستان علانه وانا مو معاها ابغى نوصل البيت وفجأه تجي سياره وتسد الطريق على السواق ويطلع منها واحد ملثم ويروح جهه السواق ويقول اطلع من سياره ويصارخ عليه في هذا الوقت مو قادره استوعب الموقف اقول يمكن قاعده اتخيل وطلع السواق من السياره مع الشغاله وقال له الرجال المتلثم اخذ سيارتي وروح البيت وفي السياره مبلغ 100 الف اخذها وسافر مع زوجتك ومابغاك تقول لاحد عن الي صار خل البنات هنا واخذ الشغاله وامشي بعد مامشي السواق والشغاله صار ماحد في الشارع الا انا واخت زوجي والرجال لو اكتب لكم شنو كان شعوري ماراح اقدر اوصفه ابدا جاء ناحيه الجهه الي انا فيها وفتح الباب وقام يصارخ ويقول لي نزلي بسرعه في هذه اللحظه بجد احس ان رجولي نشلت مو قادره احركها سحبني من ذراعي وبعدها طلع سكين صغيره وقال لي خليني اشوف وجههك ابغى اصارخ احس ان صوتي راح مو قادره حتى اتكلم كشفت وجههي وفي نفسي مليون سؤال الحين اذا عرفوا اهلي وزوجي شنو راح يكون موقفهم وموقف الناس شنو راح يكون اذا عرفوا؟؟؟ كنت اقول يمكن كابوس وبعدها راح اصحى منه قرب السكين من وجهي وقال لي ماعرفتيني!!!!! وشال الشماغ عن وجهه في البدايه من الصدمه ماكنت مستوعبه شي بعد مادققت عرفت انه زوجي في هاللحظه بجد انهرت جات له حاله هستيريا من البكاء هو يهدي فيني ويقول والله حبيبتي كنت امزح معاكي خلاص انسي كان هو متفق مع السواق واخت زوجي على هذا الشي طول الطريق وانا منهاره وهو يهدي فيني ويسكتني ويقول انها مزحه بالله عليكم في احد يمزح بهالطريقه الدفشه كلما افكر في الموضوع تجي لي حاله رعب ماقدر انسى الي صار لانه بجد عشت حاله رعب في حياتي كلها ماعشت مثلها وصلت البيت وانا تعبانه نفسيا على طول دخلت غرفتي وطول الليل يدق علي وانا ماررد عليه هو صحيح اعتذر لكن مو قادره انسى المقلب السخيف الي عمله |
ليش اسوي فيكي كذا :( :( :(
هاذي مزحة!!!!!!!!!!!! |
الصراحه الموقف صعب جدا
والمزاح بحدود فرضا حاولت ان تضربيه بشىء حاد مثلا كونك صدقتى التمثيليه وقتها |
الله يعينج من أولها جذيه.....بعدين شو بسوي
حاولي تنصحيينه ما يسوي جذيه مرة ثانية بعدين ما بتصدقين لو إستوى صدق ما كانت مزحه الله يهديه إن شاء الله |
أنصحك تردين عليه بمزحة أثقل منها حتى يعرف صعوبة الموقف الي حطك فيه. لأنه في بعض الناس ما تفهم إلا الدروس العملية.
طبعا لا تروحين تفخيخين سيارته أو تذبحين أخته لأني أحسها شوي ثقيلة، لكن أقترح إنك تأخذين جواله وهو ما يدري و ما تعطينه إياه إلا يوم الزواج حتى يحس بثقالة دمه. |
باقة ورد
هي مزحه من وجهه نظره لكن في الحقيقه لا مزحه ولايحزنون شكرا على المرور الاخر اقتباس:
واذا على زوجتك راح تشوفها عاجلا او اجلا لكن هالضعيف راح تصير له عقده في حياته الله يوفقك في حياتك mona [QUOTE] فرضا حاولت ان تضربيه بشىء حاد مثلا كونك صدقتى التمثيليه وقتها[ /QUOTE] ماعرفت حتى اصارخ واتكلم ياعمري ياانا والله كنت اكسر الخاطر شكرا على المرور جورجي اقتباس:
ceh [QUOTE][لكن أقترح إنك تأخذين جواله وهو ما يدري و ما تعطينه إياه إلا يوم الزواج حتى يحس بثقالة دمه. /QUOTE] اخذ جواله مايعتبر شي جنب الرعب والخوف الي عشته في ذاك الوقت شكرا على المرور والرد |
مزحه ثقيلة بس لاتزعلين لانها مزحة ورديلة اقوى منها وفكري من الان ....... اتمنى لكم السعادة. دوما.
|
تبين الصراحه وبدون زعل
مزحته سخيييييييييفه وانا لو منك بجلس اسبوعين زعلانه ... وبمزح معه مزحه اكبر اللي هي : اقول لاخواني وعيال اخواني المهم يكونوا مجموعه يجتمعون عليه بالشارع بنفس المكانفي السياره ويهددونه بالاسلحه ( السكين ) انه يسلمهم اخته ويحاولون ينزلونه واذا مره بيموت الا شوي من الخوف .... يقولوا له المزحه والله بيحرم يمزح هالمزح الثقيييييل..... والله يعينك عليه |
ملك بلاملكه
اقتباس:
الله يسعدك وويوفقك هايدي اقتباس:
اقتباس:
هو طبعه دايما يحب المزح لكن تكون مقالب خفيفه ماجاء على بالي ان راح يتمادى الى هذه الدرجه كلما اتذكر الموقف احس بخوف بالله في احد يمزح بهالطريقه ؟؟ شكرا على المرور |
السلام عليكم ورحمة الله وبركاته
صدق مزحة ثقيلة بس حاولي انك ماتزعلين منه وانسي الموضوع :( تحياتي ... تيناوي |
تيناوي
اقتباس:
شكرا على المرور |
النجمه المسافره..
والله مادري وش اقولك يااختي.. بس اللي سواه ابدا ماينهضم ابدا.. ولايمكن اعتبره مزحه هذا قلة عقل اللهم لك الحمد. وبعذرك للحين تعانين لو احد غيرك فسخ الخطبه على طول.. وش قصده يعني من هالمزحه!!!!!!!! |
:( هاي مزحة ؟؟؟ لو صار لك شي لا سمح الله ... شكله خطيبك مفكر انه يمزح مع واحد من ربعه أنا رايي تردي عليه بس بدووووووون اي تفاعل وتبيني بصوتك وكلامك انك بعدك منهارة ومحتاجة تظلي بروحك كم يوم انتبهي لا تضحكي معه ولا تقولي كلام حلووووو كم يوم عشان يتعلم والله يعينك |
صحيح انها ثقيلو وبالحيل .. لكن ..
يظهر انه قلبه أبيض وومنشرح الصدر , أحسن ما يكون نكد وضيق الصدر .. قولي الحمد لله ..على هذه النوعية من الرجال ..ما بتعرفي قيمته الا بعد الزواج .. وفي أحلك المواقف .. |
والله مزحة واحد سخيف وابله ....طيب ما فكر لو صار لك شي لو طار عقلك ......هل يعلم هذا السخيف ان الخوف المفاجئ يجيب مرض السكر .................ويشيب الشعر ................الله يعينك عليه ...ووالله لو منك ماارجع لو يعتذر طول حياته
.................................................. ...................................واحد مغفل وساذج وسامحيني علي التعبير لان الحركه نرفزتني مرررررررررررررررررررررررررره . |
لا شرعا و لا عرفا يصح مثل هذا المزاح بين الأصدقاء فكيف به مع الزوجة؟؟؟؟
حقيقة لازم تفهمي زوجك أنه المووضع ما كان سهل و أنك لست كأصدقائه الشباب اللي يمكن يمزح معهم بنفس الطرق. المشكلة أن كتير من الشباب يفهم متأخرا الفرق بين الفتاة و الشاب, و ذلك بحكم أنه لم يتعامل مع الفتيات من قبل. أخته هداها الله أخطأت. كان عليها أن تعترض لا أن تشارك. المهم واضح أن الرجال حب يعمل مقلب (رومانسي) لكنه ما نجح.. على العموم مشيها.. الدنيا ملئية بالمصاعب اللي راح تتحمولها مع بعض. فلا تجعلي (مزحة) تأثر على علاقتكم. |
ليش الحكم علية بالقسوة رديلة وماعليك من العذال @@@@@ بالمثل وسوي نفسك نسيتي وخلية ينسى ورديلة
|
هلا بيكى نجمه مسافرة فى عالم ومنتدانا الرائع
هى عن جد مزحة حلوة بس تقيلة ولكن لازم اتفهميه ان ممكن يجيكى سكته قلبية من شدة الصدمة ازعلى منه لكن حاولى انك تسامحية لانه مو قصدة شئى لانك ابتحكى انه بحب المزح ةوهذا شئى اتعودتى علية ولكن اتفهمية انه بحدود وبعدها ما راح يعملها تحياتى الك وربى يسعدك |
قويه ..................................... قويه
وانامالي شغل بالسالفة انقهرت .................. وهاذي بدايتها .................... بس لازم تسويله وحده ماينساهـــــــــــــــــــــــــــــــــــــــــــ ـــــــــا ................ |
مززززززززززززززززززززززززززززززززززززززززحه ثقيييييييلة وسخيييييييييييييييييفة ....... :(
حبيبتي نصيحتي انك تزعلين يومين وماتردين على مكالماته وبعدين ردي عليه وفهميه انك كان ممكن يصير لك شي بسببه وكان ممكن تضربينه وتضرينه لسمح الله ( وانا عارفة انك كنتي خايفة لدرجة انك ماقدرتي تتكلمين لكن فهميه انه كان ممكن تصير ردة فعلك غير كذا ) عموما واضح انه مغرم فيك ويحببببببببببك مررررررررررررة الله يوفقكم ويسعدكم يااااااااااارب:14: |
ليست مزحة ثقيلة .... بل بالعكس هذا النوع من الرجال نااااااادر ....
يبدوا أنه ماشاء الله علية خيالة واسع حاب إنه يفاجئك بأمر غير مألوف ... أرى أن الأخوه باااااالغوا جدا في الإتهام ... ولا تظهري له زعلك وتعلني اضرابك عن الحديث معه لأنه لم يريد إيذائك أبدا .... ومثلما قال الأخ أو الأخت جمر يبدو أن قلبه أبيض ومنشرح الصدرأفضل من النكدي ضيق الصدر .... لا داعي للقلق فما فعله فقط لأنه كان يريد أن يعمل لك ( أكشن ) فلا داعي أن تضخمي الأمور أكثر من اللازم حبيبتي .... أعلم بشعورك ... لكنها مزحة والله ... تحياتي عزيزتي |
والله زوجك هذاا رهيب ذكرني مره بوحده تحب تسوي بزوجهااا مقالب عفست البيت وتركت بابه مفتوحه
كانه دخل به حراامي وتخبات هي تحت كرسي دخل هو البيت جاي من الدوام وجن جنونه يدور المره وينهااا فجاءة طلعتله قالت بخ هههههههههههههههههههههههههههه والله يااوخيتي مشت الحيااة وش يسوي يطلقهاااا سويهاا فيه بكره هههههههههههههههه بالتوفيق |
واحة الاحزان
اقتباس:
شكرا على المرور لك كل الحب اقتباس:
اذا سمعت ان بنت انخطفت دايما اقول ليش ماتصارخ ليش ماتنحاش لكن بعد مانحطيت في هالموقف(وان كان مزحه) حسيت ان الي يسمع غير كثيررر عن الي يعيش الموقف شكرا على المرور جمر اقتباس:
ودايما يعمل لي مقالب لكن مو الى هذه الدرجه احس انه تمادى كثير شكرا على المرور الفداء حمدت الله ان ماجات لي سكته قلبيه او صرت مشلوله شكرا على المرور مسلم في الغرب اقتباس:
الله يهديه مزحه احيانا يكون مبالغ فيه ومايحسب العواقب الي راح تصير شكرا على المرور |
ملك بلاملكه
اقتباس:
المفروض يعرف ان المزح له حدود شكرا على المرور همسات في القلب اقتباس:
شكرا على كلامك الله يسلمك ويسعدك اصغر اخواني اقتباس:
ودايما نسمع عن ناس جات لهم سكته قلبيه بسبب مقالب شكرا على المرور قطره مطر اقتباس:
شكرا على المرور الله يوفقنا اجمعين يارب |
فرفورة انا
اقتباس:
عارفه ان قلبه طيب واخلاقه عاليه لكن احيانا مايعرف عواقب مزحه والناس تختلف في تقبلها للمزح شكرا على المرور هنوفه دوت كوم الاسف فيه ناس ماتعرف تمزح يكون مزحها دفش وثقيل مرررره وتعتقد ان خلاص مزحه وانتهى الموضوع عاد مو المهم ان الطرف الثاني انهارت اعصابه ومابقى الاقليل وتجي له سكته قلبيه بالله في احد يمزح بهذه الطريقه مثل مزح زوجي ومثل زوجه الضعيف الي توقع ان احد خطف زوجته شكرا عزيزتي على مرورك |
والله إنه رهييييييييييييييييييييييييييب و حركه كتير حلوه...
حراام عليكم... ليش هيك حكيتوا على الرجال؟؟ تخيلوا كيف قعد يفكر بالخطه ويعمل ويسوي عشان يفاجئها .. يعني من باب المداعبه.. ومن حبه لها.. أنا رأي إنك تشكريه وبنفس الوقت تبينيله إنك ما بتحبي الحركات اللي فيها خوف ورعب وأكشن زياده.. وخلي يحول مهاراته لمفاجآت رومانسيه.. الله يسعدكم يا رب... ولا تكوني قاسيه عليه لأنه فكر إنه يفاجئك من حبه لك... ويكفي إنك تتخيلي تعذيب الضمير بعد ما بكيتي قدامه.. وما كلمتيه.. حرام والله.. |
بودي لو تكرمت الاخت كاتبة الموضوع بتوضيح عمر زوجها وعمرها ايضا للفائدة ايضا اتمنى من الاخت الكريمة ان لا تجعل من الموضوع سببا لتعكير صفوا مرح زوجها واقصد ان تزن الامور وان تتنبة الى انه قد لايتقبل منها مزحة مثلها من النوع الثقيل فتنقلب حياتك تعاسة فالشيطان يحضر ويؤجج المشاعر وقد يكبر في نفسة ان تعاملية بمثل معاملتة لكي. ما انصحك به ان تستثمري الحادثة بامر ايجابي وان تبيني له خطورة المزح الثقيل واثرة النفسي عليكي وخطورتة وان المزاح له ضوابط فكم من مزاح جر احزانا ومصائب فاحدهم مات بسكتة واخر نجا بمرض نفسي يلازمة ولاباس عليكي ان شاءلله لكن من المهم ان تبيني له اثر مزحة الثقيل وايضا لا اغفل الجانب الايجابي في زوجك من حبة للمرح وادخال السرور الى قلبك فما فعله يحصل بين الكثير من الشباب بطرق ولو اني اراه في بعض الحالات دليل على الفراغ الكبير والبحث عن التجديد اختي الكريمة زوجك زوجك زوجك ايضا من الجميل القراة والاطلاع على المواضيع التي تتحدث عن ضوابط المزاح بين الزوجين وطرقها والمناسب منها اسال الله العظيم ان يحفضكم وان يبارك لكم وان يجمع بينكم على خير |
مزحة سوبر إكس لارج !!!
المزح بحدود بس .. شو هاد !! |
[باين دموا ثقيييل مثل مزاحوا :( :( :( :(
كان من الممكن يجيك انهيار عصبي:18: من شدة الخوف لكن الله ستر . على العموم تعيشي وتاكلي غيرها:22: |
الله يعينك على مزاحه الى يخوف
هذا ونتو بعدكم ما تزوجتو |
صراحه دمه ثقيل من جد
الله يعينك عليه يااخي مافي غير هالطريقه تمزح مع زوجتك |
dandoon
اقتباس:
اقتباس:
شكرا على المرور اخو فهده اقتباس:
اشكرك على كلامك وردك الله يجزيك كل خير طنبرجي اقتباس:
شكرا على المرور |
hidaya
اقتباس:
شكرا على المرور الحباره اقتباس:
ماتوقعته ان يوصل مزحه الى هذه الدرجه كلما اتذكر الموقف تجي لي رجفه شكرا على المرور قزم بس عصبي اقتباس:
شكرا على المرور |
اعوووووذ بالله شنو هالمزحة بس
الحمد لله ان الموقف عدى على خير وما صار فيكي شي من الخوف هذي النوعية من المقالب السلبية ممكن لا سمح الله تاتي بنتيجة لا يعلم بها الا الله كيف يجازف ويتصرف بهالطريقة ما فكر باللي ممكن يصير من هالموقف الصعب صراحة شي جنوني وما ادري لو كنت مكانك شنو كان ممكن يصير فيني اذا ما وقف قلبي ساعتها لان هذي الامور بصراحة ما فيها مزح ولا تحتمل العبث فيها بهالطريقة ما اقول الا لا حول ولا قوة الا بالله اختي حاولي تغيرينه وتفهمينه بخطورة الشي اللي سواه لانه يمكن ما يحس انه غلطان او يمكن لانه متعود على هالاسلوب من لما كان صغير والحين دورك انتي تزرعين فيه السلوكيات اللي تحبينها وهو راح يتقبلها منك اذا كان يحبك واهم شي انك تاخذين موقف قوييي من اللي صاااار وتحسسينه انك تضايقتي وبقووة وتخلينه يحس بالندم ويعترف بالخطأ ويوعدك انه ما يكررها مرة ثانية ... واتمنى لكم التوفيق والحيااة السعيدة باذن الله تحيـــــــــلتي |
بصراحه مدري اضحك والا اعصب؟
من جد مزحه ثقيله مره مره ربي ستر عليك انك ما انجلطتي والا ابيض شعرك الحمد لله ربك ستر بس لازم تفهمينه هالشي وعندي كم سالفه عن المزح الثقيل وحده توها متزوجه وحياتها مره روتين زوجها جدا ثقيل يعني ما يبتسم الا بحساب فكرت فكرت واخير لقت فكره يوم وهو طالع للصلاه نطت على ظهره يعين زي عكه مكه اذا تعرفونها هو طبعا تفاجئ وطاح هو وهي من الدرج تخيلوا وتجبست رجلها وكان من بعد يومين زوارتها :) ------------------- وواحد مزحه ثقيل زي خطيبك جاء في الليل وزوجته مسكينه تعبت وهي تستناه فغفت في الصاله الرجال لما دخل شافها نايمه قام دق من جواله وقالها انا قريب طبعا هو كان بالبيت بس بيشوف وش تقول طبعا هي قالت انا صاحيه استناك قامت مسكينه تغسل وجهها من اثر النوم لما قربت من الحمام ويطلع لها هي طبعا مع النوم والروعه ما عرفته قامت تصرخ صراخ مو طبيعي وصوتها ارتفع هو طبعا سكر فمها بقوه وعضتك بعد شوي استوعبت انه زوجها ناتج المزحه انتفاخ في الشفه العلويه للزوجه بسبب اغلاق الفم بشكل قوي ومقاومه الزوجه بالمقابل بالنسبه للزوج عضه على كف اليد :) هذي اثار المزح الثقيل تحياتي دلوعه زوجي |
الله يعينك والله مزحة ثقيلة حيل
انا لو مكانك كان صادتني ازمة قلبية ........ الله يعينك والله موقف صعب انا مرة بعد كنت مروحة من عرس و ركبت بالغلط في سيارة تشبه سيارة زوجي وقعدت اسولف ويا الرجال واقول ياللا امش اشفيك واقف يوم اسمع صوته واطالع بوجهه الا طلع رجال غريب ما تتصورين اشكثر خفت بغى يغمى علي من الخوف بس تمالكت نفسي وطلعت من السيارة ركض والله هالموقف ما انساه ولما اذكره اذكر الخوف اللي صادني في ذيك اللحظة وبعد اضحك على نفسي شر البلية ما يضحك بالنسبة لزوجك ..........عاتبيه اختي اشلون لو صار فيك شي خطير الحمدلله اللي الله حفظك من الشر على نيتك ونيت زوجك الله يسعدكم بس عاد ما يكرر هالمواقف المرعبة ترى تسبب الامراض تحياتي لكم . |
خخخخخخخخخخخخخخخخخخخخخخ حلوة !!!
يا الله يالحريم تموتن في النكد ....: d :23: :d :23: :d يحليه الريال يبى يسوي فيج مقلب :18: ، عشان يظحكج مسكين :17: ؟!!! مب عشان يخوفج...:29: هلكني من الضحك بصراحة ، خخخخخخخخخخخخخخ ..... ..... والله بتذكرون هالأيام وتموتون من الضحك ... :22: :17: :d بس نصيحة رديله الصاع صاعين ليلة الدخلة ؟!!!!:25: :14: |
شر البليه مايضحك
وربي موتيني ضحك:d ... من جد دمه خفيف بس ثقيل شووي << وشلون تجي الله يعينك على مقالبه ..بس شوفي هذى في البدايه بس بعدين بيتغير يعقل .. حاولي تردين له المقلب ..والى اقولك ماله دااعي اخاف تروح حياتكم كلها مقاالب :d والله يوفقكم ويسعدكم ويخليكم لبعض ... |
اختي الحمدلله على سلامتك
والله يوفقك مع زوجك وحبيب قلبك انا مو مع الاخوان الي قالوا ردي له المقلب انتي بنفسك عشتي الموقف وشفتي وش كثر اضراره ممكن يؤدي الى جرائم قتل وغيره بس على فكرة ترى حتى هو هالمقلب عطاه درس لانه اثر في اعز الناس عنده وخصوصا انك زعلتي منه فحس بحجم خطورته لذلك انا انصحك تزعلين كم من يوم زيادة ثم تردين على اتصالاته وتبينين له خطورته وتقولين اذا تحب تزين مفاجات زين مفاجات رومنسيه مو اجراميه دعواتي لك بالتوفيق اختك طبيبة بمشيئة المولى |
استمري في زعلك منه كم يوم لين تحسسيه بخطأه .. أبدا ماتردي عليه بمقالب من هذا النوع
الله يسعدكم يالعرسان |
| الساعة الآن 06:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©