تدخل سافر
 

مرحبا إخوتي
عذرا فأنا جعبتي مليئة بالمشاكل وأتمنى من الله أن تؤدي إلى خير.
قبل أيام حدث موضوع بيني وبين زوجتي وكان الموضوع داخل البيت وهداها الله أعلمت أحد إخوانها بالأمر وقالت لن يخبر أحدا وللأسف نقل الموضوع لأمه التي حدثت البنت وسين وجيم وتهديد أنظروا تهدد زوجتي وكأنها لديها بالبيت بالضرب وأشياء أخرى وبعد دقيقة انتشر الخبر ووصل إلى الجدة التي كلمتها هي الأخرى ولم نلبث قليلا إلا والخالة بعدهم أنا انذهلت من هذا التدخل السافر في أموري فقلت لها اخبريهم الا يتدخلوا تصدق انهم لم يلقوا لها بالا وفي اليوم الثاني أنا وأياها جالسين أمام الشاشة اتصلت أختها التي لم تتزوج وسألتها عن الموضوع ثم أمها عندها لم أستطع التحمل فواضح أنهم لم يفهموا من عند بنتهم فأرسلت لهم رسالة بالجوال على كل العائلة لست جوالات لهم رسالة ناريه ومن سخونة الغضب قلت فيها : (اتركوا الخلق للخالق مالكم ومالي ان كانت بيتكم عامر فلم تريدون هدم بيت غيركم وخلوا عنكم اللقافة):11: وختمتها مع فائق تقديري واحترامي ،
واخبرتها بأن ارسلت لهم هذه الرسالة فلم تصدق أني سأرسلها ولكن ماذا أفعل يتدخلون حتى في راتبي أين أصرفه ؟:29: عندها قالت أنت خسرتهم وسيأتي اليوم الذي تفتقدهم فيه
من المخطيء ؟ أنا أم هم

هم طبعا الغلطانين واعتقد ان زوجتك هي الي فتحتلهم المجال علشان يتدخلون في حياتكم ....

اخوي لازم تجلس مع زوجتك وتقولها بهدوء وحزم انها ماتفشي اسراركم وماتسمح لأهلها يتدخلون بحياتكم ولازم هي الي توقفهم عند حدهم لأنهم ماراح يرتدعون الا اذا شافوها هي متضايقة من تدخلهم ولازم هي الي تطلب منهم عدم التدخل وقبل كل شي تتوقف عن الشكوى لأهلها ..........

الله يوفقكم ويهدي سركم ياااااارب

السلام عليكم ورحمة الله وبركاته
 

طبعاً هم الغلطانين

ورسالتك في محلها علشان تحط النقاط على الحروف وما حد يتدخل في حياتك

سبحان الله فيه ناس يحبون يزنون على خراب عش بناتهم

وراتبك ذكرني في راتب أختي قبل تتزوج ما كنّا نعرف كم راتبها لأننا ما نسألها كم هو وكيف تتصرف فيه وبعدها بسنه عرفنا كم راتبها من أهل زوجها ما سألناهم هم اللي كانوا يسولفون عنه هههههههههههههههههه

والله عيـــــــــن العقـــــــــــــــــــــــــــــــــــــل ..


وفهم زوجتك ان مو كل شي ينقال ..



وانا استغرب انو في ناس به الطريقة تفكيرهم..


لا مو الاخ بس ......الام بعد


والجدة

والاخت

الله يعينك حتى الراتب .. لايكون تاخذ الراتب قطه منهم ....... ههههههه



،،،،،،،،،،،،،،،،،،،،،،

الله ييسرلك امورك ...... ويصلح لك زوجتك ..

فهم زوجتك لا تتعاودها وانت صح ماعليك منهم

قطرة مطر:
اشكرك جدا ، هم ما يعطونها وجه أصلا(وهذا له موضوع ثاني) بهذا الطريقة اللي قلتها إي والله والا هي هزأتهم مرة قبل فترة ويكرروا ثاني مرة ما ادري كيف يرضونها لنفسهم؟

.........................
حدث قريب من هذا النوع لما جيت أخطب سألني عمي عن راتبي وقلت له زعلوا أهلي وقالوا ليش تقله علشان ما يطمع فيك وش رايك من الحقاني؟
؛ المرة الثانية زوجتي أخذت من أهلها فلوس وقالت زوجتي بيردها لكم لما يستلم الراتب قالوا يستلم كاش ولا شيك وكم :25: ؟
صحيح المشكلة في زوجتي لأنهم والله يدرون بكثير من الأشياء في البيت واهلي إلى الحين حتى أمي ما تدري كم راتبي بس الله يهديهم.

لك الحق تقولي كذا لكن والله بأفعالهم أخذت منهم موقف اش يتدخلوا علي بكل شي ويكذبوا علي وعلى زوجتي وانا ما أرسلت الرسالة الين فاض الكيل بس هي تقول أنك خسرتهم وما راح يوقفوا معك في يوم من الأيام صحيح؟

أصغر أخواني:
ههههههههههههه حلوة لا فض فوك ولا عدمك محبوك.

وأنى أتمنى لك حياة أسعد من السعيد. ارفع قبعتي تحية لك.

لازم زوجتك ما تقول شي لأهلها من خصوصياتكم إذا كانوا أهلها من النوع اللي يحب يتدخل في كل شي..

والله غريب إنه في ناس هيك....

الله يهنيكم ويسعدكم..

تحياتي,,

؟!!!!!!!!!!!!!!!!!!!!!!!!!!!!!!!!!!!!!!!!!!
 

يا أخي هي الغلطانه والمرأه يجب ان لا تخرج اسرار البيت فما بالك بالراتب؟؟؟؟؟؟؟؟؟

والله ان المشاكل بين الزوجين شئ طبيعي والمفروض انها تحلها معاك بس واذا احد بغى يتدخل المفروض اهي توقفه عند حده

الا اذا كانت المشكله كبيره والعياذ بالله تدخل شخص من حكماااااااااااء العائله من يحفظ السر



لا زم توظح لزوجتك هالنقطه لانها مبين عليها كلمه توديها وكلمه تييبها


والله ولي التوفيق

المشكلة اني ما أعلم اهلي بشي
بس وشهو الحل لأني أحس أنها تعلمهم

اخوي الله يسعادك يارب فهم زوجتك ان ذي خصوصياتك انت وياها وماينفع كذا
انت فهمها باسلوب ان هذي حياتنا احنا حرين فيها وانها هي اساس البيت

وانت كذا مارح ترتاح لها

انت خذها باسلوب نقاش بهدوء وبدون تعصب ...

والله يوفقك..

أهل الزوجه مخطئين وأكثر الطلاقات بسبب تدخل الأهل ...

فعلا تدخل سافر وهم غلطانين في التدخل ولو كان هدفهم حماية بنتهم لكن للاسف بطريقة عشوائية
كان المفروض لم الموضوع بينك وبين زوجتك او حتى بينك وبين حماتك او عمك
وبعد انت غلطان في ارسال الرساله المفروض تكلم امها وتحاول تهدي الموضوع قدر المستطاع والا رجع البنت لاهلها وخلها يوم والا اثنين عشان تتأدب وعلم اهلها ان لو تدخلوا بعد كذا راح يخربون على بنتهم
وانا ارى انه لو زوجتك كلمت امك او ابوك كان افضل من اهلها ...