![]() |
شلون اتصرف مع خالتي ؟؟
انا اقيم مع زوجي في بيت اهله ( للأسف )
ومتحملة من هالشي وايد اشياء صوتي كله يطلع عندهم سواء اذا صرخت او ضحكت يعني تنعدم عندي الخصوصية وازعاجهم وازعاج عيالهم كله عندي وللأسف مالي امل استقل في بيت بروحي لان زوجي قاعد يبني دور لنا في بيتهم عشان نطلع من شقتنا الصغيرة بسبب الضيق مع وجود الابناء ونصعد الدور اللي قاعد يبنيه لان ابوه عارض انه نستقل بروحنا بمكان ثاني مشكلتي مع خالتي ام زوجي انا احاول كثر ما اقدر اني اكون قريبة منهم في كل مناسبة بالوفاة اقوم مع خالتي وحمواتي بالواجب واذا وحده ولدت اروح معاهم واذا احد زارهم بالبيت اكون معاهم وادخل معاهم المطبخ حالي حالهم واي طلب تطلبه مني خالتي ما ارده ولكن لا تقبل مني اي ظرف يصير لي من فترة زارتهم وحده وقالت لي نزلي من شقتج عندنا وحده زايرتنا ( مع انها كانت هم بتزورنا في اليوم التالي ) كانت اليوم موجوده على العشا وباجر بتيي على الغدا وكلم زوجي خالتي واعتذر لها بالنيابة عني اني ما اقدر انزل معاهم لاني كنت بالشهر التاسع من حملي وكنت وايد تعبانه وويهي متفخ من البجي كان ماسكني عوار حزتها تخيلوا ثاني يوم خالتي ما تكلمني اعتذرت منها وبست راسها وقتلها بالعوار اللي فيني اللي منعني من تواجدي معاهم عطتني ظهرها وقالت لي كان المفروض تنزلين لو 5 دقايق وتردين شقتج واني فشلتهم لاني ما كنت موجودة معاهم !!!!!!!!! قتلها اوكي بس اليوم انا بقعد مع نفس الضيفة على الغدا يعني اذا هالضيفة ما قعدت معاها على الغدا بقعد اليوم معاها على العشا؟؟؟؟ ردت علي ولو ؟؟ المفروض باليومين تتواجدين حتى لو عندج ظرف !!!!!!!!!!!!!!!!!!!!!!!!!!!!!!!!!! امس نفس الشي بنتي حرارتها 39 ووايد تعبانه وتكرمون بس تستفرغ وبنتي الثانية كنت ابي اعشيها وانومها عشان المدرسة وكانت الساعة 7.30 بالليل ... جان تدق خالتي على زوجي وتقول له خل زوجتك تنزل مع اليهال عمتك يايه بالطريج عشان بتشوف اختك ( لان حماتي والده وبالنفاس الحين ) قالي زوجي هالخبر قتله شلون انزل ؟؟؟؟ انت بتطلع ،، وشلون انزل بنتي واهي مريضة وشابه نار وبنتي الثانية لبستها بجامتها وبنومها حتى ان امك ماقالتلي قبلها بوقت عشان اتزهب واتعدل فجأة جذي تقول ؟؟؟؟؟؟؟ لما قال لامه زوجتي ما تقدر تنزل عشان اليهال والمفروض تعطونها خبر قبلها بوقت جان خالتي تزعل وتطنقر وتقول يعني ما تقدر تنزل 5 دقايق ( خالتي ذابحتها هال 5دقايق ) بدراعة وملفع !!!!!!!!!! :( عاد انا عصبت وقلت لزوجي امك تبيني انزل جذي ؟؟؟ من متى وانا انزل ابهالشكل انا ما انزل الا وانا لابسه وكاشخة وحمواتي دايما يسألون عن لبسي وشلون خواتك كلهم عندهم خبر ولابسين وعاملين حسابهم وانا انزل امبهذله.. وبعدين عمتك يايه عشان اختك انا مو ملزومة ارز ويهي لكل داش وطالع في بيتكم :11: والله حدي انقهرت المشكلة اللي ابيلها حل الحين ان مثل ما عرفتوا انا دايما مع اهل زوجي بكل مناسبة بس من تصير مناسبة وحده ويكون عندي فيها ظرف تقوم القيامة على راسي وتمدلي خالتي بوزها ولا تقدر ظرفي :( تخيلوا اني مرة قاعده في بيت اهلي جان تدق علي وتقولي فلانة الحين بتييلنا تعالي قتلها خالتي من اسبوع مو شايفة اهلي توني قاعده عندهم وكلنا متيمعين مع خواتي وزوجة اخوي قالتلي ميخالف عوضي زيارتج لبيت اهلج وقت ثاني ورديت شقتي وانا ابجي ونزلت عندهم وانا منقثة شلون اخليها تراعي ظروفي ؟؟ وانا وتقدر وضعي ؟؟ والله اني قمت اصير مجبورة على تواجدي معاهم مو من طيب خاطر بس عشان ابعد عن المشاكل شالحل :19: |
اقتباس:
: فيه ناس غاويه المشاكل لأولادها ، كثير من حالات عدم إستقرار الحياة الزوجية بين الزوجين بسبب أهل الزوج أو أهل الزوجه ، يا ناس إعقلوا وخلوا أولادكم يعيشو حياتهم وكفاية سيطرة عليهم 0 |
|
ينقل الموضوع للثقافة و التوجيهات الزوجية
تحياتي |
الأخت الغالية أعانك الله على ما انتي فيه
ولكن انت تعلمين محبة الام لولدها وأنصحك بعدم جعل زوجك يعتذر لأمه بالنيابة عنكي لان هذا الامر يؤدي بسخط امه عليه واسوق اليك هذه القصة لمعرفة اهمية رضا الوالدة عن ولدها بسم الله الرحمن الرحيـــم حكى أنه كان في زمن النبي صلى الله عليه وسلم شاب يسمى علقمة ، كان كثير الاجتهاد في طاعة الله ، في الصلاة والصوم والصدقة ، فمرض واشتد مرضه ، فأرسلت امرأته إلى رسول الله صلى الله عليه وسلم : إن زوجي علقمة في النزاع فأردت أن أعلمك يارسول الله بحاله . فأرسل النبي صلى الله عليه وسلم : عماراً وصهيباً وبلالاً وقال امضوا إليه ولقنوه الشهادة ، فمضوا إليه ودخلوا عليه فوجدوه في النزع الأخير، فجعلوا يلقنونه لا إله إلا الله ، ولسانه لاينطق بها ، فأرسلوا إلى رسول الله صلى الله عليه وسلم يخبرونه أنه لا ينطق لسانه بالشهادة فقال النبي صلى الله عليه وسلم : هل من أبويه من أحد حيّ ؟ قيل : يارسول الله أم كبيرة السن فأرسل إليها رسول الله صلى الله عليه وسلم وقال للرسول : قل لها إن قدرت على المسير إلى رسول الله صلى الله عليه وسلم وإلاّ فقري في المنزل حتى يأتيك . قال : فجاء إليها الرسول فأخبرها بقول رسول الله صلى الله عليه وسلم فقالت : نفسي لنفسه فداء أنا أحق بإتيانه . فتوكأت ، وقامت على عصا ، وأتت رسول الله صلى الله عليه وسلم، فسلَّمت فردَّ عليها السلام وقال: يا أم علقمة أصدقيني وإن كذبتيني جاء الوحي من الله تعالى : كيف كان حال ولدك علقمة ؟ قالت : يارسول الله كثير الصلاة كثير الصيام كثير الصدقة . قال رسول الله صلى الله عليه وسلم: فما حالك ؟ قالت : يارسول الله أنا عليه ساخطة ، قال ولما ؟ قالت : يارسول الله كان يؤثر علىَّ زوجته ، ويعصيني ، فقال: رسول الله صلى الله عليه وسلم : إن سخط أم علقمة حجب لسان علقمة عن الشهادة ثم قال: يابلال إنطلق واجمع لي حطباً كثيراً ، قالت: يارسول الله وماتصنع؟ قال : أحرقه بالنار بين يديك . قالت : يارسول الله ولدى لايحتمل قلبي أن تحرقه بالنار بين يدي . قال ياأم علقمة عذاب الله أشد وأبقى ، فإن سرك أن يغفر الله له فارضي عنه ، فوالذي نفسي بيده لا ينتفع علقمة بصلا ته ولا بصيامه ولا بصدقته ماد مت عليه ساخطة ، فقالت : يارسول الله إني أشهد الله تعالى وملا ئكته ومن حضرني من المسلمين أني قد رضيت عن ولدي علقمة . فقال : رسول الله صلى الله عليه وسلم : إنطلق يابلال إليه انظر هل يستطيع أن يقول لا إله إلا الله أم لا ؟ فلعل أم علقمة تكلمت بما ليس في قلبها حياءاً مني ، فانطلق بلا ل فسمع علقمة من داخل الدار يقول لا إله إلا الله . فدخل بلال وقال : ياهؤلاء إن سخط أم علقمة حجب لسانه عن الشهادة وإن رضاها أطلق لسانه ، ثم مات علقمة من يومه ، فحضره رسول الله صلى الله عليه وسلم فأمر بغسله وكفنه ثم صلى عليه ، وحضر دفنه . ثم قال (ص) : على شفير قبره (( يامعشر المهاجرين والأنصار من فضَّل زوجتـه على أمُّه فعليه لعنـة الله والملا ئكة وا لناس أ جمعين ، لايقبل الله منه صرفاً ولا عدلاً إلا أن يتوب إلى الله عز وجل ويحسن إليها ويطلب رضاها . فرضى الله في رضاها وسخط الله في سخطها )). |
الله يعينك يا اختي بس من يوم رايح اعتذري او انك تذهبين لزيارتهم وتنسحبين بسرعه وانتي غير ملزومه تكونين بكل مناسبه معهم ويجب ان تفهمين زوجك بهذا ويقتنع بكلامك
الله معك |
اختي الكريمه متزوجه ولكن
ستبقى المشكله قائمة طول ما انتي مع خالتك بنفس السكن افضل حل هو السكن المنفصل لك ولزوجك او الانفاصل عنهم في بعض الامور مثل الاكل وغيره وعدم الالتزام بجلساتهم والانفصال تدريجيا عوديهم على ذلك حبه حبه تمنياتي لك بالسعاده |
ادعي ربك
وكمان طنشيهاواذا جاها احد اجلسي خمس دقايق على قولتها وروحي ولاتجاملين الناس على حساب نفسك |
والله يا اختي انتي سويتي اللي عليج وانتي ما قصرتي ولج اجرج عند الله وهذي مره كبيره مثل امج ولازم تتحملين عشان زوجج واعيالج والله راح يفرجها انشاء الله
|
والله هيك الي تسكن مع اهل زوجها بصير فيها اسئلي مجرب الله يفرجها علينا ونسكن بروحنا
|
بسم الله الرحمن الرحيم...
اختي العزيزه, حسيت من كلامج صدق مشاعرج وادبج الجم في التعامل مع أهل زوجك. اختي العزيزه اسمحيللي اني اقولج انج السبب الرئيسي في زعل ودلع اذا صح التعبير ام زوجك معك. لأنج الغاليه عودتيهم انج مفروض تنوجدين تحت الطلب, واذا حصل في يوم انج اعتذرتي لأي سبب كان عن الحضور أبديتي احساسج انج غلطتي في حقها وهذا السبب الرئيسي في زعلها. من خبرتي في هذا الموضوع حابه أوضحلج انه في الحياه اذا عودتي الناس تعطينهم وايد بياخذون الوايد وبيطلبون زياده وبيحسسونج بالتقصير اذا ماعطيتيهم . اختي اتبعي خطه بعيدة المدى علشان تحلين مشكلتج, في البدايه اذا كنتي تزورينهم كل يوم خليها يوم وترك, بس كوني حريصه ان زوجك يسير لهم كل يوم. نوعي في أوقات الزياره يعني لا تلتزمين في وقت علشان ما تنجبرين في هذا الوقت. أحيانا خلي سيرتج خطافي توديلهم حلاوه او عصير, المهم ما تطولين. حبي نفسج واهتمي فيها وخليها من أولى اهتماماتج سواء تطويرها دينيا ودنيويا. لا تعطين للأخرين فرصه انهم يمتلكون عواطفج ويضعفونج فإذا حسيت ان ام زوجك زعلت على شي ما يستاهل كلميها عادي حتى لو عطت ظهرها ومسيرها ترضى. شجعي زوجك على برهم لأنهم أولى الناس ببره وصدقيني الله بيعطيح على قد نيتج. |
بصراحه إنت إليي طمعتيها فيك يعني معقوله تكوني جالسه مع أهلك وتقولك أتركيهم وتعالي ليش هي ما عندها بنات يقومون بالضيوف إنت قلت عندك حموات يعني عندها بنات ومش متوهقه في الضيوف ... الواضح من خالتك أنها حرمه مسيطره وتبغى كل شي تقوله ينفذ بدون مناقشه وإلا راح تبوز.......:(
أحسن شي تطنشيها بالتدريج ولما يكون عندك ظروف لا تدوسين على روحك علشان خاطرها إنت كمان عندك حياه وزوج وأولاد ومسؤليات مش فاضيه كل يوم زياره وعزيمه وخرابيط ..... بصراحه حريتي قلبي لأني أكره هذا النوع من الخالات (((( وعندنا نسميهم العمات ))) والله يريح بالك ويهدي خالتك |
والله الأمر مو هين او سهل من تحس مافي خصوصية في حياتك وانت كل ساعة زي الطفلة تعالي وروحي والله مصيبة والله يصبرك ويصبرنا
وبعدين اللي رد وقال شلون الرجال يفضل مرته على امه هاالكلام مو مناسب للموضوع هذا ابدا فالرجل شايف الصواب من الفغلط ومو مفضل مرته على امه ومهما كالن هي ام عياله وسنده في الحياة |
اشكرك تجاوبكم الكريم ولكن الموضوع ماله علاقة ببر الولد لامه يا اخ ديسق
شالعلاقة بين ما يحصل لي وبر الولد لامه
ما علاقتي بكل داش وطالع ببر زوجي لامه هل يظهر بره لها بأنه يقولي قصبن عليج سمعي كلام امي ويسحبني من شعري وينزلني لضيوفهم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!! تربيت في بيت اهلي على حرية الرأي والديمقراطية المطلقة مدام ان ما نقوم به صواب اما اسلوب القصب والزعل والدلع اللي تتبعه خالتي فخل تقصب بناتها وتتدلع عليهم انا مو ملزومة امشي على شي اهم متربين عليه لاني ما انافق |
في بدايه زواجي كانوا اهل زوجي منظمين اجتماع كل اثنين وخميس وكنت اروح واجاملهم مع ان بيتي بعيد عنهم
بس بعدين صار عندي اطفال ومثل ما انتي عارفه متطلبات الاطفال واحتياجتهم مو بسيطه . عشان كذا تركت جمعتهم يوم الاثنين واكيد ازعلوا وحاولوا يخلون زوجي ياثر علي بس ما فيه فايده وقلت بنفسي اذا انا ما اهتميت باولادي والله ما راح احد يهتم لهم اهم ما عليهم تقابلينهم وتعاونينهم وبس مع الوقت قبلوا بالامر الواقع .. |
الله يعينج ... أنا بعد أسكن ف بيت أهل زوجي..و زوجي ف منطقة ثانية يجي بس يومين ونص ..
والله لا يراويج أسمع إهانات بس مب قدام وجههي .. أسمعها تكلم الحريم وبناتها..وعيالها حتى إني مرة كنت أكلم أختي في الماسنجر وهي في أمريكا قبل يومين قامت قالت للحريم الله يعلم من تكلم؟؟؟ وبطريقة فظيعة ؟؟ كيف تقول كذي عن حرمة ولدها .. الله يسامحها وأنا ما أقول حق زوجي شيء لأنه مستحيل يصدقني ويكذب أمه .. أنا معاه إن الطاعة واجبة .. بس عالاقل لا يظلمني بعد الظلم حراام؟؟ وأنا الحين أطنش كل سالفة أسمعها .. وأحيانا أبكي بيني وبين نفسي ..وأدعيلها .. لأنها بصراحة طيبة واعتقد إنه من حرصها على ولدها تسوي معاي جذي ..(((التدخل الشخصي المفرط))) عالعموم الله يساعدج ولا تنسي الدعاء .. ولا تظهرين إنج متضايقة ترى هالشي يفرحهم .. |
اعوذ بالله من الشيطان الرجيم
ايش هذه من خاله هذه مش خاله هذه عدو والعياذ بالله انا مش عارف كيف تقدري تصبرين على هذه العيشه قدك في بيتكم احسن من هذا العذاب والسيطره |
خليكى على موقفك فان كان الظرف يناسبك شاركيها استقبال الزوار
واذا استعصى عليكى هذا فتصرفى وفق طاقتك ولا تحملى نفسك مالا طاقه لك فيه وافهميها وافهمى زوجك هذا الكلام وبالنهايه سوف تتفهم موقفك وتحسب لك حساب فليس من اول تلفون تنزلين لها انما تراعين ظروفك |
بكل بساطة طنشي الموضوع وطنشي زعلها ولا يهمج شي اذا زعلت
واذا شافت الفرق في التعامل السابق والحالي ( التطنيش ) بتحس ولا عاد تزعل من غير سبب .. ودعواتي لك بالتوفيق.. |
حبيبتي انت الغلطانه تدرين انه من الاساس تحطين خطوط حمراء
انك ما تعودينها انك تكوني معها اول باول يعني من الاول الاولويه لزوجك ونفسك وبعد كذا يصير خير |
تسلم ايدكم على مروركم
بس اللي صار معاي اني من تزوجت حاولت اني اكون قريبة من اهل زوجي بكل شي كنت اب احسسهم انهم مثل اهلي
بس اللي صار انه انقلب كلشي علي وقامت خالتي تعاملني بطريقة حتى امي ما تعاملني فيها امي اللي اهي امي تعذرني بظروفي وتراعيني وام زوجي تيي تتزعل وتتدلع فوق راسي الغريبة انها ما تعامل بناتها جذي يعني ما تتزعل عليهم حاطة حرتها فيني انا !!!!!!!!!!! |
اختي ..............
انصحك انك تخفين رجولك عنهم ولا تزورينهم كثير علشان يحسون ان لكل انسان خصوصياته واذاكنتي تقدرين تطلعين بشقه وتقنعين زوجك خير وبركه..............ابعد عن الشر وغنيله.................... ويادار مادخللك شر وفيه ناس ماينفع معهم لا الصيبه ولاالهدايا ولاغيره .............ومثل مايقال اتق شر من احسنت اليه................ وامهات الزوج مدري متى بيجي اليوم اللي يفكون شرهم منا ....وغيبي عنهم كثير حتى يعرفون قيمتك. .وام زوجك هذي يبي لها تروينها العين الحمرا مثل ما وريتيها طيبتك......... الله يحقق لي امنيتي اني اطلع بشقه لو في الكويت عندكم .امووووووووووووووت واطلع والله لوعندكم في الكويت المهم اعيش مرتاحه ونصيحه للشباب اللمتزوج واللي متزوج ريحو اااااااااااااااااااااااااا زوجاتكم وطلعوهم بشقه من البدايه ولاتكرهونا في حياتنا ونقبل على الحل الوحيد وهو الانتحاااااااااااااااااااااااااار ويرتاحون امهاتكم منا الى الابد ومش بس خواتكم اللي يرتاحووون ...........واحنا االي بالعين النكد وااللي امهاتكم مايرضونه لبناتهم ويبون السعاده لهم لايرضونه لحريم عيالهم والله مقهووووووووووووووووووووووووووووووووووره |
الله يعينك فعلا السكن مع اهل الزوج مافيه راحه وخصوصيه المشكله انك عودتيهم من البدايه بتواجدك معهم -راي اذا صار زي ك
|
الله يعينك من البدايه انت عودتيهم انك معهم دائما -بس بما ان خالتك حريصه على حضورك قعدي معهم لو خمس دقائق علشان يشوفون وضعك ويعذرونك واذا تبغين تعتذرين نصيحتي انت اعتذري بنفسك لاتخلين زوجك يعتذر لانهم اتوقع ماراح يصدقون داريهم مادام مافيه امل تسكنون لحالكم علشان ماتدخلين بمشاكل دائمه
|
دا اسوء شيئ فالدنيا انك تسكنى مع اهل زوجك فنفس السكن وعموما كل حاجة وليها حد يعنى خلاص اتركى معملتك القديمة لها وابدئى غيرى من معاملتك و الى يجب ان تفهمية جيداااااا وتستوعبية وكل اعضاء المنتدى ان من النوادر ان تجدى ام الزوج امراءة عاقلة تعرف كيف تزن الامور عموما طالما البعد عن السكن اصبح مستحيل فارجوكى وارجوكى ان تغيرى معاملتك لن يجنى حصادها غيرك واعلمى انهم ليسوا اهلك ووفقك الله
|
اختي العزيزة
اسال الله يفرجها عليك فكري انها مرأه كبيره وحسبيها ابمقام امك صدقيني المرأه الكبيره في البيت تزيد البيت بركه وخير وحاولي انك تتغاضين عن المواضيع كلها ما تستاهل انك اتعكرين حياة زوجج حاولي اتجاملينهاااااا بالي وتضغطيت على نفسج ولا تقولين حق زوجج يروح يقولهاااا علشان لا تفكر انج امشيه زوجج على كيفج اهي مره كبيره ابسط شي بتقول والله مو منها من ولدي وفكري لو زوجت اخووج ابتعتذر من امج كل مره اكيد انتي ما ترضين واعرفي شي واحد الي مافيه خيـــــر بامه الي ربته وتعبت عليه ما راح يصير له خير لج انتي لا تزين ولدها وايد يتعذر منها لو بتسمعه اقل كلمه بقول كلخ منج لو انج نازله خمس دقايق وماخذه الي بخاطرها جان ما صار الي صار والله يهديج وهيهديهااااااااااااااااا لج ويحنن اقلوبكم على بعض |
الساعة الآن 09:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©