عطر رجالي شرقي رهيب
 

السلام عليكم
بما ان اخوكم عاشق للعطور بكل اشكالها ومتذوق لها فحبيت تشاركوني عطري الحالي
انا اليوم توني شاري عطر بخاخ ---- سعرة في الكويت 20 دينار بس ثااااااااااااابت بشكل رهييييييييب حاطة من اكثر من 5 ساعات ولازال يفوووووووووووووووح شذاة وريحتة جميلة جدا (فقط للمهتمين بالعطور الشرقية ):22:
ريحتة دهن عود على ورد طائفي
وعلى فكرة عندهم عطر اسمه نواف بعد جميل جدا وحلو مجربة من زمان
جربوهم وادعولي

انصحك تجرب عطر اسمه حجر ......

رهيب جدا ...........وسعره رخيص

أنا أنصحك بعطورات "جنيد" رووووووووعه أنا شاريه واحد من الكويت...
المجموعة الأولى على شكل كريم في علب مزخرفة وعليها فصوص كرستال ومربوط معها خيط تقدر تعلقه في أي مكان...رووووعه للهدايا..
وتجي مجموعة ثانية وهي عطورات شرقية في قوارير زجاج بس كل المجموعتين روعة بس في التركيز المجموعة الأولى والله لوتحط منه في أصبع واحد تجلس الريحة في أصبعك أسبوووووع كامل وأكثر...
والله صدق أنا نظفت فنجال القهوة حقي أكثر من سبع مرااااات وبرضوه ماراحت الريحة !!!!تخيل الفنجال أكتسب الريحة فقط من مسكة يدي مرة وحدة....

شكراااااااااا على موضوعك الحلو...وننتظر جديدك وأهلاً بأهل الكويت ...ذكرتني بحبايبي هناك ورجعتني للأيام ورى وذكريات حلوووووووه... الله يسعدك يارب...

الفدا عطر حجر ؟ مامر على هالاسم ! وين ينباع ؟ مشكور على المرور
هو في قلبي جنيد ماعلية كلام وفي رأي انة ملك العطور الشرقية عندة مخلطات مهب صاحية تدوووووووخ بس اغلبها نسائي :( بالاضافة الى انة مركز لدرجة تصدع الرأس لذلك انا مااستخدمه ابدا في الصيف لان تدرين مع الشمس تزيد الرائحة جدا وممكن تؤدي الى التهاب مزمن في الجيوب الانفية (معلومات مؤكدة منالدكتور)
-----

مشكورة على الكلام الحلو وعلى ذوقك والكويت ترحب فيج دايما

يعطيك العافييه ابو رشرش

يعافيك الفارس ان شاء اللـه يعجبك العطر

جنيد انا جربته روووووووووعه


بس الغريب ان شاء الله نجرب ونشوف


ويعطيك العاافيه اخووي

كويس
زوجي يحب العطور الشرقيه واحترت ماعرفت ايش اجيب له
شكرا لك جزيل الشكر اتوقع انهحلو من قبل ما اشمه العربيع للعود عطورهم حلوه

بسم الله والحمدالله والصلاة والسلام على اشرف خلق الله نبينا محمد صلى الله عليه وسلم


الحقيقه يا جماعه انا اكره العطورات الفرنسيه والغربيه بشكل عام , لأنها مركزه بالكحول وتقلب مزاج الواحد من سعيد الى عصبي ومتوتر حالته حاله وحدث وان شئت ولا حرج

اما الطيب العربي الأصيل

يجيب السعاده والأنشراح والسرور والفرح على النفس وسبحان الله له فؤائد صحيه

مثل الدهن العود المعتق والمسك والعنبر

ودهن عود كمبودي

انا بغيت اشتري عطر عربي جميل جدا وفواح ولطيف ويقعد بالملابس ثلاث تيام مو خمس ساعات

ثلاث تيام لدرجه انه رشه على كلنكس ( منديل ) بخه وحده بس وعطاني المنديل وحطيته بمخباتي الي فوق صراحه يا جماعه الريحه فواحه وتعلقت بدشداشتي

وهو عباره عن مسك وعنبر وزعفران

وسعره حلو 15 دينار كويتي بس الي رادني عنه انه عطر رجالي نسائي للأسف

انا ابيه رجالي بس

ان شاء الله بقول لزوجي يجربه...

شكرررررا

شكرا على مرور الشباب والشابات بعد !
الفقير الى اللة حبيبي انت بكتبلك عن نقطة مهمه جدا لكل رجل يحب العطور
العطور الفرنسيه والغربية الرجالية المصدرة الى الخليج تركيزها يختلف تماما عن تركيز العطور النسائية واسأل اي خبير !
العطر الفرنسي او الغربي للرجال (بالذات ) يكون تركيزة مخفف جدا (ماء تواليت )؟؟ ليش ؟؟ لاتسألني ؟؟ يعني بينما تدوم رائحة العطر الفرنسي النسائي لاطول فترة ( واكيد الجميع خصوصا المتزوجين لاحظ النقطة هذي ) فأن العطر الفرنسي الرجالي تكاد تختفي رائحته تماما بعد ساعه على الاكثررر !!! لاااااااااا تقولولي مالاحظتوا !
يعني نادر جدا ماتلاقي عطر رجالي فرنسي مكتوب علية parfume عطر دقق بالمكتوب علية وراح تتأكد
كل العطور يكون مكتوب عليها aou di taolit او ماء تواليت !!
وصراحة هالنقطة بالذات خانقتني !! ليش المرأة عطرها مركز والرجل لأ ؟؟ علما ان اسعار هذة العطورات ليست رخيصه ابداا ! يعني واللة حاس انهم يستغفلوننا شباب !! حاس انهم يقولون العرب هذول مايفهمون بالعطور !! ابعثولهم المترديه والنطيحه وسيدفعون المال فهم اغبياء (اعذروني بس اكاد اجزم ان الاجانب يقولون عنا هذا الكلام !)

وهذا من اهم الاسباب اللي دعتني للاتجاة الى العطور الشرقية فهي ثاااااابتة وتطول رائحتها لمدة طويلة بالاضافة الى انها جميلة الرائحة والسعر متساوي وربما ارخص من الفرنسيه !
اضافة الى ان الغالبية من العطور الشرقية (من الشركات الكبرى مهب من بياع ابو شنطه ) لاتحتوي على مادة الكحول وهي مادة محرمه علينا كمسلمين اضافة الى ان الابحاث اثبتت انها تسبب حساسيه جلدية وصداع وخصوصا في الشمس

وبسسس خلاص !

مشكور على العطور الحلوه
الله يسعدك

الله يعطيك العافية راح اجربه ان شاء الله

مشكور أخوي أبو رشرش.

جرب عطر كرد هو ممكن قديم شوي

بس ريحته روووووووعه ويبقى مده طويله بالثوب



يعطيك العافيه على الوضوع

الحريم اذا سمعو ان فيه شي جديد طلع راحو شروه قبل لا تجي وحده ثانيه وتاخذه ويخلص همن عاد تجيها غلقه:30:

اكيد بيقولون ما ورا الحريم خساير :22:

طيب ممكن لو سمحتوا نبغى اماكن في السعوديه وخصوصا في القصيم

يا شباب انا بعدني ما عرفت اسم العطر اللي يتكلم عنه اخونا ابو رشرش ومن وين احصله????????

أخي ابو رش رش وش اسم العطر لو تكرمت

اي صحيح وش اسم العطر يا ابو رش رش ومن وين خذيته من اي محل بالكويت

يا ليت نعرف أسمه لو تكرمت