|
استشارة عاجلة ( خطيبي ملتزم فهل يعني انه متزمت ؟ )
السلام عليكم ورحمة الله وبركاته انا عضوه جديده بالتسجيل ولكن لي مده اتابع منتدى المقبلين على الزواج (مجرد شفاحه=لقافه):d وانا سجلت عشان ابي استشيركم استشاره ضروريه بالنسبه لي كون فيه ناس متزوجين وعندهم خبره اكبر انا انخطبت لواحد (ملتزم) وعمره تقريبا 30 وانا 21 وظيفته تمام الحمدلله واخلاقه ان شالله كويسه بس المشكله في التزامه انا وحده احب الملتزين واقدرهم واتمنى واحد ملتزم عمري كله عشان نعاون بعضنا على الخير لكن لما جاء !!!!! مدري كيف حسيت انا ماراح نكون مبسوطين مع بعض لاني انا وحده صحيح الحمدلله اميل للالتزام بس مو كثير واحس ان (((بـــعـــض))) الملتزمين فيهم نوع من الشده واخاف مااقدر ارضيه واسمع كلامه كله خصوصا من ناحية اللبس والسفر الي اتوقع انو مستحيل بالنسبه له خاصه ان اهله مايسافرون والي سمعته عن شخصيته يثبت لي انو هو مثلهم بعد:29: واخاف يكون من النوع الجاد الي مافيه معاه مجال للرومانسيه !!!! واحس بعد انو كبير بيصير ثقيل وجاد كثير وانا اميل للهزل اكثر وهذا غير انه ساكن في المدينه الي انا ساكنه فيها بس كانت امنيتي ااخذ واحد يطلعني منها لاني مااحبها ابد ومو مبسوطه فيها ويرجعني المكان الي كنا ساكنين فيه والا مكان السكن مو مهم للسعاده في الزواج؟؟لاني كنت متاكده انو السكن بهالمدينه يعني زهق العمر كله وان السعاده في الرجعه لمدينتي القديمه فلما افكر بالتزامه بالتزامه وعمره ومكان السكن احس اني ماابيه وابي ارفض بس لما ارجع افكر بالدنيا كيف انها زايله وفانيه وماراح يبقى للواحد الا عمله الصالح احس انو باخذه بس عشان يعيني على الخير بس ماراح اكون مبسوطه معاه احيانا اقول بالعكس الي مستقيم عمره كله ويخاف ربي بيكون مع زوجته احسن لانو مايشوف غيرها ويخاف ربه من الحرام وغيره !!!! انا ااسفه اذا كان كلامي غبي وحوسه وضايق البعض بس من جد انا محتاااهره ومب قصدي ترى اسئ للملتزمين بالعكس!! انا وجهة نظري انو ممكن انا اغشه ياخذوني على اساس اني وحده مثله وراح اسمع كلامه وبعد كذا يصير اختلاف بينا فيكون احسن له لو كان ماخذ وحده مثله بالتزامه ماشالله ملاحظه: انا ابوي الحمدلله ملتزم وعشان كذا كنت ابغى واحد مثله لكن ابوي مو شديد الحمدلله وهذا الي اعرفه عن عايلتهم انهم شديدين شوي؟؟ ابغى من اهل الخبره يعطوني ارائهم لاني احيانا احس ان مخاوفي سخيفه واحيانا احس بالعكس ان الموضوع صعب جدا ياليت الي تعرف متزوجه من واحد ملتزم شدبيد شوي ومبسوطه تقولي عن تجربتها الله يخليكم لاتبخلوون علي بتوجيهاتكم لاني مالقيت غيركم استشيره البنات حولي كلهم يقولون ملتزم بتتوهقين ترى ومافي وناسه ولا سفر واهلي يقولون بالعكس هذا الي بتامنين على نفسك معاه لان اللي يخاف الله بيخافه فيك وماراح يظلمك وكل شوي انا اقتنع باراء جانب واترك الجانب الثاني وبعدين ارجع للجانب الي تركته :( اخاف ارفضه واندم خصوصا لما ااذتكر حديث سيد الخلق رسولنا محمد صلى الله عليه وسلم((من جائكم من ترضون دينه وخلقه فزوجووه الا تفعلوا تكن فتنة في الارض وفساد كبير)) واخاف اوافق عليه واندم اذا صار بينا اختلاف او ماانبسطت معاه شكرا مقدما لارائكم وتوجيهاتكم وابي دعوااااااااااااااااتكم لي بالتوفيق والهدايه اختكم |
احمدي ربك واشكريه ليلا نهارا وين احد يلقى لبنته او اخته ملتزم هالأيام وبعدين الملتزم يخاف الله يعني محد راح يخاف الله فيك مثله توكلي على الله ولا تفوتينها أنا اعتبرها فرصه على طبق من ذهب والله يوفقك
|
اذا جاءكم من ترضون دينه خلقه فزوجوه الا تفعلوا تكن فتنة في الارض وفساد كبير
يا اختي الدين لايكفي يجب عليك معرفة اخلاقه لكن والله ما راح يخاف عليكي زيه انا اعرف احد المشائخ والقراء المعروفين في جدة والله انه تقريبا كل ساعتين يكلم زوجته ويحبها حب شديييد وعلى فكرة ترى الملتزم الناس يدورونه وانتي ما تبغينه احد طلاب العلم عرض عليه 6 من الاباء بناتهم وبدون مهر |
واستخيري قبل كل شئ
|
اختي عسل ادعوا الله ان يكتب لك مافيه خير وصالح..اكثري من الاستخاره والدعاء.. . عزيزتي .. لا تحكمي على شخص سواء هذا او غيره من خلال اهله .. فكون اهله متشددين لا يعني بالضروره انه كذلك .. وهناك امثله كثيره في الحياه على هلنقطه.. المهم الدين والاخلاق من الاشياء الاساسيه في الخاطب ..ومع الاسف نادر ان تجديها الاثنان معا.. لكن وبدون الضغط عليك .. اذا رأيتي في الخاطب ما تجدينه مناسبا لك ..واذا صارت الشوفه الشرعيه وكان في ارتياح من الطرفين فهذا مؤشر جيد ..اما اذا لم يكن هناك قبول او ارتياح فاعيدي النظر وتقبلي تحيااااتي |
والله شوفي حبيبتي.......بعض الملتزمين تنصدمين فيهم بعد الزواج......لانك تلقين التزامهم مجرد صوره........والا هو انسان الله يستر.......اعرف ملتزمين بخلاء ولا يصرفون على زوجاتهم واهاليهم عناد......وغيرهم يرتشون ويشهدون زور.....ماقصدي اجرح بحد بس والله واقع مرير اللي قلته.......ونمامين وكذابين وحسوديين.......ما اقول كلهم ولكن شريحه لا باس بها منهم......لانهم اولا واخيرا بشر زيهم زي اللي مو ملتزمين.......واللي مو ملتزمين تلاقين فيهم ناس يلتزمون بعد الزواج....انا وزوجي بدينا نلتزم ولله الحمد......وحما اختي فك الالتزام تمااااااااااااااااااااااااااااااااااما بعد زواجه........وعمي خف التزامه بعد زواجه.........مو قاعده ملتزم او غيره........القاعده انك تصلين الاستخاره......وبعدها تقررين......استخييييييييييييييييييييييييييييييري استخييييييييييييييييييييييييييييري ثم استخييييييييييييييييييييري......اذا تبين الحل النهائي استخيري.........حتى لو سالتم لابد من الاستخاره.....
|
السلام عليكم ورحمه الله وبركاته
اتقى الله اتقى الله اتقى الله اذا الادمى ماتزم واخلاق احمدى الله فهى نعمه لك فى الدنيا والاخره لاكن هناك شى اذا انتى صليتى صلاه الاستخاره وقلبك مقبوض هاذا شى تانى ارفضى اما لو انه بس عشانه ملتزم فتقى الله فى نفسك وفى حياتك وفى هذا الرجال على فكره انى منى من الخبر متزوجه ومن المدينه المنوره اتمنى لك حياه سعيده شوفى نفسك وقررى انتى مو تخلى احد يقررلك لك فائق احترامى |
هناك مشكله ذكرتيها وهي انك تميلين للهزل وهو يميل للجد كثيرا .. واعتقد ما بيكون توافق بينكم في التفكير والتصرفات وحتى المواضيع التي تتناقشون فيها واذا قلتي شي يضحك يمكن ما يضحك طالما هو جاد!!! عموما الرجل يكون ملتزم وجاد افضل من كونه يميل للهزل والمرح ... والله اعلم .. استخيري افضل حل
|
الأخت الفاضله..
إن جائكم من ترضون دينه وخلقه....الحديث أركز على قضية الخلق..ومع ان الخلق جزء من الدين، لكن كان له ذكر مستقل! لأهميته أختي.. جميل ان يكون ملتزما وحريصا على دينه وهو الحد الفاصل في حياته القضية الا يصل الى التنطع والانغلاق والدوران في فلك سد الذرائع في كل صغيره وكبيره والحكم عليه انه شديد ولا لأ... مو بالسهوله هذي لأن كثير من الأزواج يكون شيء قبل الزواج ولكن يبان بعد الزواج.. وانا انصحك بأمرين 1- تعرفي على اسلوب تعامله مع أهله الاناث: الام - الاخت - العمه - الخاله.... لأن هذا سيعطيكي انطباع عن طريقة تعامله مع الانثى، هل برقه وحنان أم بشده وحزم.. وأحرّص على هذه النقطة، بتساعدك كثير في التفكير والتقييم 2- وهي الاهم.. الاستخارة حتى لو اكثر من مرة، والشعور بالتوكل على الله والالتجاء اليه. مع دعواتي لك بالزوج الملتزم الصالح الحنون الرقيق.. |
اختي وافقي والله مافيه احلى من الرجال الملتزم
اصلا الرجال الملتزمين يعاملون الزوجه احلى معامله انا كنت قبل لا اتزوج اقووول مستحيل اتزوج ملتزم بس بعد الزواج صحيح زوجي ماهو مقصر والله يخليه لي بس اشوووف عمي ملتزم وكيف يعامل زوجته مع انهم متزوجين من 25 سنه ماشاؤ الله عليهم تشوفينهم تقووولين معاريس وكمان صديقتي متزوجه من ملتزم ومبسوووطه ومتهنيه بحياتها نصيحتي لك لاتردينه صدقيني راح تندمين والله يوفقك |
يا اختي الدين مطلوب و الاخلاق مطلوبه لكن ممكن تتأكدي منه في فتره مابين الملكة الى الزواج انا ارى انه من نعم الله على الناس ان وضع الملكة ثم الزواج وانتي راح تحكمي بنفسك حاولي تطولي فترة الملكة قد ما تقدرين يعني ممكن تكون 6-7-8 شهور حتى تحكمي بنفسك وحاولي تشوفين نفسك هل انتي مرتاحه معاه لمن بيجي يزورك انا عارف انه قرار صعب لكن الاصعب ان ترتبطي بزوج قد يكون ماهر في فن التمثيل ...
وليس كل من قصر الثوب واطلق اللحية كان ملتزم ........وهذا ليس تجريح في الملتزمين الذين هم اخي وابي واخيك وابوك لكن ثقي تماما ان كل انسان لن يأخذ الا نصيبه.......... وصلاة الاستخارة مطلوبه ........ واذا كان له نصيب معكي فلن ولن يمنعه شي وسوف يتزوجك وهذا طبعا اذا كان نصيبك معه......... ولاتنسي حديث الحبيب عليه الصلاة والسلام عن أبي هريرة رضي الله عنه قال: قال رسول الله صلى الله عليه وسلم ": لا يفرك مؤمن مؤمنة إن كره منها خلقا رضي منها آخر" أخرجه الإمام مسلم وأحمد وغيرهما وقوله تعالى في سورة النساء 19 " وعاشروهن بالمعروف فإن كرهتموهن فعسى أن تكرهوا شيئا ويجعل الله فيه خيرا كثيرا " . هذا الحديث والآيه موجهتان للرجال ولكن ممكن ان يستفدن منه النساء كثيرا................ وفقك الله |
السلام عليكم ورحمه الله وبركاته اشــــــكـــــــــــــر جميع من شارك برايه ونصاائحه في الرد على تساؤلي ووالله ماتتخيلووووووون كيف كان تاثير كلامكم رحت لامي وقلت انا موافقه خليني اشوفه يمكن ارتاح له بعد ماكنت رافضه الفكره لما سمعت كلام البنات بالكليه خصوصا اني تاكدت من شدته تقريبا بس قالو لي ناس انو ممكن يتغير بعد الزواج مب شرطط شدة مع خواته تكون نفسها معاك الله يكتب الخير يارب لي ولكم اله يوفقكم يارب لاتنسووووني من دعااااائكم اشكركم من جديد والله مب عارفه اعبر لكم عن فرحي وبردودكم وتاثيرها علي اشكركم للمره الالف اختكم عسل |
اختي في الله
لو كان خطيبك غير ملتزم لقلتي زوجي يعاكس يرى قنوات فضائية زوجي يسهر مع اصحابه وغير هالكلام شوفي السفر والطلعات مو خاصة بغير الملتزمين انا شخص غير ملتزم متزوج من شهر ونص تقريباً قبل الزواج لقلت لزوجتي شيلي من راسك سفر بس مو للأبد يعني يمكن سنتين او ثلاث سنين وبعدها نسافر ان شاء الله |
من تجربه ان شاء الله انك بترتاحين
يكفي انه يطلع وانتي واثقه ان شاء الله انه ماراح يلتفت لفلانه او علانه وتروحين معاه السوق وانتي مرتاحه انه بدل مايتصيد لبنات الناس انه كاااارههم ويتمنى يطلع باسرع وقت .... يعني ان شاء الله ان فيه حصانه ضد المغريات الخارجيه ... بترتاااااحين ان شاء الله وبالتالي بتريحينه انتي والله يوفقك لما فيه الخير آآآآآآآآمين |
اجمعييييين يارب يوفقنا وييسر لنا ويسخرنا ويسخر لنا
بس ياجماعه ماقلتوا لي رايكم بالنسبه للعمر؟؟؟؟؟ بينا تقريبا 9 سنوات يعني هو حلو بس احس كذا بيكون جاد وبيستسخف ارائي وحركاتي على اساس انه اكبر مني!!!! وبالنسبه للسكن بمدينه انا ماحبها عااادي؟؟؟؟؟ !!!!!!!! ارجو منكم اجابه شافيه لاتنسوني من دعائكم |
الله يوفقك ويسرلك زوج سلفي من مدينه الي تبقينها
:23: |
اخت الكريمه ان كان بينكم انسجام فان اكثر الملتزمين هم شفافيين ورومانسيين واتاء الله بيوتم سعيده
|
تأكدي من أخلااااااااااااااااااااااااااااااااقه ................................
والله يهنيكم ان شاء الله |
نصيحتي اليك ان تتكلمي معه اكثر وتتعرفين عليه بطريقة شرعية. لا تتسرعي لكي لا تظلمي نفسك وتظلمينه معك. ان يكون على دين و خلق هدا هو الاساس و لكن تاكدي من دلك. تاكدي من انه يصلي الصلوات الخمس في المسجد بكيفية صحيحة و انه مسلم طمح و اجتماعي و انه حسن الطباع و انه الشخص الدي ترتاحين بالتكلم معه و مستعدة للتضحية.و قولي له ما في نفسك لكي تري ردة فعله.لا تتسرعي من فضلك. و استخيري الله و اتخدي الاسباب للتاكد من تدين و خلق هدا الشخص.والله الموفق
|
و كل السعادة هي في العيش مع شخص يتقي الله و لكن الطباع تختلف تاكدي من شعورك
|
الملتزم التزاما صحيحا (إن أحب زوجته أكرمها وإن لم يحبها لم يظلمها)
احمدي ربك واشكريه ليلا نهارا وين احد يلقى لبنته او اخته ملتزم هالأيام وبعدين الملتزم يخاف الله يعني محد راح يخاف الله في ك مثله توكلي على الله ولا تفوتينها أنا اعتبرها فرصه على طبق من ذهب والله يوفقك:17: الف مبروك مقدما :22:
|
الله يعطيكم العافيه اخواني ماقصرتي
ارائكم صحيح بمحلها بس ماتعتقدون انو بتصير مشاكلنا عند اشياء صغيره؟؟ مثل كثير بتصادم على اللبس على السفر الي مااعتقد انه راح يصير معاه :s عند الطلعات الكثيره ؟؟؟؟؟؟؟؟؟؟؟ والله محتاره ولي في الدقيقه الللف رااااي وراااااي اخاف ارفضه ويعاقبني ربي واخاف اقبل به وتصير حياتنا مو سعيده وغير كذا دايم احس الملتزمين يميلون للجديه وماعندهم اي رومانسيه !!!!! ان شالله يكون اعتقادي غير صحيح دعواتكم لي وافيديوني باللي تقدرون عليه اختكم |
اختي عسل، اسمحي لي انتي بدخولك للقفص الذهبي يجب ان تتركي أمور المراهقات من طلعات وسفر،
القضيه ليست قضيه انه ملتزم ولا يريد ان تخرجي كثيرا او يمنعك من السفر اي زوج، وانا اعرف شخصيا ازواج ((فري)) وكذلك يشترطون على نسائهم بلبس العباءة ويحذرون زوجاتهم من الخروج الكثير ان ما يأمرك به هو من حقوق الزوج الشرعيه المرأه بالعكس يجب ان تفرح اذا زوجها طلب منها ان تتستر بالنسبه لخوفك ان يكون جدي وجاف، هذا تستطيعين التعرف عليه عن طريق التناقش معه بعدما ياتي لخطبتك، كلمي اهلك انكي تريدين محادثته علىالأقل مره لوحدكما وتشوفي افكاره في رياييل ملتزمين شديدين مع خواتهم مع زواجتهم حنونين، وفي الشديدين ويظلون كذا بعد الزواج، بس الزوجه الشاطره هي اللي تعرف تغير زوجها ولو بيني بينك يبي لها السالفه انصحج بان تستخيرين الله بس اخذيها نصيحه من اخت تبي مصلحتك، ترى الزواج مو لعبه، لا تتوقعين ان طلعات وحفله وكلام حلو وبس، الزواج مسؤوليه ، ويحتاج للتنازل والتضحيه، وهناك حقوق للزوج يجب ان تضعيها باعتبارك |
اهم شئ دينه واخلاقه
اذا هي ممتازه .. حرام عليك اذا خليتيه يروح عليك وتعوذي من ابليس اما الامور الثانية مع الوقت راح يسوي اللي تبينه واللي يرضيك اذا حبك ومبروك مقدما :) |
أختي الكريمة
جزاك الله خير أنك تحبين الملتزمين بدينهم . لكن عندنا تصور خاطىء عن الملتزمين وهو نظن أنهم لايحبون اللبس الزين أو مو رومنسيين أو مو متحضرين وهذا فهم خاطىء جدااااا . الملتزمين هم أكثر الناس يحبون جمال المرأة ولبسها المغري لكن في الوقت نفسه لايحبون تبرج نسائهم أمام الناس في الاسواق والاماكن العامة . أنا رجل ملتزم أموت أن زوجتي تلبس لي البنطلون والضيق والمزلط والمغري والشفاف ,احب شم العطورات الفرنسية والشرقية فيها واحب المكياج الهادىء وأحب كل شيء تلبسه زوجتي ويغريني . توكلي على الله ولا يوسوس لك الشيطان فصاحب الدين يريد أن يجد في المرأة مايكفيه أن ينظر الى غيرها من النسآء يريد من تملىء عينه جمالا وبهاء ورقة وأنوثة . الله يجمع بينكما على الدين والمحبة آمين |
اقتباس:
انا اعرف كثير من الملتزمين والله انه يحب زوجته حب مو طبيعي :25: وعلى فكرة اختي مملكة من ملتزم ودائما القى في جوالها رسائل تنقط عسل :27: من خطيبها :) |
fafoo11
على فكرة لو تشوفي رسايلي لخطيبتي الجديدة تقولي هذا مو ملتزم هذا رايج في خرايطها ههههههههه |
السلام عليكم ورحمة الله
شوفي حبيبتي انا صار معي نفس الشي وكنت مترددة كثيرافي القبول لكن صدقيني ما راح تندمي ابدا لان الشخص الملتزم يراعي الله في كل كبيرة وصغيرة بخلاف الاشخاص الي مو ملتزمين مرات حاجات بسيطة تروح عن بالهم بس الملتزم دائما تلقيه حريص اكثلر من الزام وقبل كل شي استخياري وربي يقدم الي فيه الخير لكي |
نظريه خاطئة
الملتزم انسان كأي انسان في هذا الكون لكن هو حريص على الالتزام بما امر به الله ورسوله اما في امور حياتهم الاخرى فتجدينهم افضل من غيرهم |
حقيقا لاادري ما معنى ملتزم لكن بعضهم يسووون انفسهم ملتزمين من اجل تحقيق غايات وبعض الاخر فعلاايكون ملتزم
يؤسفني انا اقول ان نسبة 70% منهم مااااااااااااش بعض الملتزمين وانا اشدد على كلمة (((((بعض)))) يكون فعلا معقد لكن بعضهم الاخر يجي زي السمن على العسل يعني حاولي تتأكدي انه انسان مستقيم وبالتوفيق |
اقتباس:
أنا ولله الحمد ملتزم وأمشي مع ملتزمين كثير ومنهم مشائخ كبار والله ما وجدت عندهم التعقيد يمكن تقصدين بالتعقيد التمسك بالسنة وهذا بالعكس امر محمود والله اعرفهم زين زين والله بطلعاتهم وجلساتهم عندهم وناسة وضحك فوق ما تتصور أنا اسبوعيا اطلع معهم يا اما استراحة او البر او اي مكان وانبسط معهم اكثر من اصحابي في الجامعة اما 70% منهم ( ماش) !!!!!!!! انا اقولك الواحد ما يحكم على الملتزم من الدقن او الثوب اذا كنت بتحكم بالدقن والثوب فممكن يكون كثير (ماش) اما اذا كنت بتحكم عليه من دينه والتزامه بكل شئ من دقن وثوب وصلاة و الاخلاق وغيرها فانا اقولكم يمكن 2% منهم (ماش) انا اقول هالكلام من تجربة وامشي معهم كثييييييييييير |
حبيبتي
هم كلمتين بقولهم لك أولا:اللي يخاف ربه في كل شيء بيخاف ربه على بنت الناس وبيرحمها لانه يقتدي بخير قدوة وهو الرسول ثانيا:مافيه في الرومنسية الزوجية أروع من المحافظين الملتزمين لان مشاعره عمره ماعطاها لاحد بالحرام ينتظر زوجته ليصب مشاعره فيها |
لا تخافين ممن يخاف ربه
وتوكلي على الله والف مبروك |
الله يعطيييييكم العافيه ومشكورييييييين على نصائحكم الرائعه وتواجدكم الاروع
واعتذر عن تاخري بالرد لظروف طارئه حالت دون دخولي للمنتدى واحب اقولكم انو بفضل الله ثم بفضل نصائحكم الي ماتتوقعون كيف كان تاثيرها علي وافقت على الخطوبه مبدئيا وراح يجي يشوفني ان شالله دعوااااااتكم تكفون ربي لي بالتوفيق والصلاح والسعاده دنيا وااخره الله يوفق الجميع وييسر لهم امورهم وينولهم الي ببالهم والف شكر من جديد لكل من لم يبخل علي بنصائحه الثمينه ودعواته الصادقه اختكم عسل |
اقتباس:
والله يعينك على مقابلته احراااااااااااج :24: |
اي والله احراج ....
بس انا عندي يهوون هو بس اهله !!!!!! اليوم بيجون بعد المغرب ومن صليت الفجر ماعرفت انام من الخرعه ادعوا لي تكفون مااتكرفس في حظن امه |
|
الله ييسر لك
وكوني طبيبعية بلاش تكلف وتصنع |
الله يعطيكم العافيه
ان شاء الله تمشي الامور على مايرام وابشركم بالخير يارب |
عزيزتي .... تاخذين شخص إذا أحبك ...رعاك وإذاأبغضك.... لم يظلمك
أفضل من شخص لا يتقي الله فيك إذا أحبك... اتبعك في كل شيئ ولم يعنك على الخير وإذا أبغضك .....ظلمك فالمهم.. تقوى الله سواء ملتزم أو لا والاستخارة(وكأني قرأت أنك تشعرين بالقبول أو الرفض بعد 7استخارات) وبعدين مو معنى انك تميلين الى الهزل لن تتفقي مع الشخص الجادفالزواج غاليتي شراكة كل واحد يكمل الثاني دعواتي لك بالتوفيق والسداد... |
| الساعة الآن 09:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©