|
16 سنة زوجتي ولا مرة عزمت أهلي على وجبة ... !!!
أهلي ناس طيبيين جداااا والله لاأبالغ ليس فيهم حقد ولا حسد ولا بغضاء لأحد يحبون الخيرلكل الناس يتمنون لي لزوجتي الحياة السعيدة معي لكن هم زعلانيين من تصرفات زوجتي معهم إذا حصل لهم مكروه لاتأتي إلا متأخرة وإذا جآءت بسرعة تخرج وإذا عندهم ضيوف لا تقوم بالخدمة معهم ماعودت عيالي على حب وزيارة أهلي ( همها أهلها إخوانها أخواتها ) وكلهم متزوجين أمها وأبوها ماتوا . لاتسأل عن أهلي قليلةالإتصال بهم ولا مره عزمت أهلي على وجبة مع أنهم يعزمونها إحدى خواتي خرجت من المستشفى كنت ناوي أعزمها قومت علي الدنيا أنها ماتستطيع أن تقوم بالواجب قلت لها كل شيء على حسابي والمطعم هو الذي راح يقوم بالواجب بحقه. كيف أتصرف . مع أني أحب أهلها أزوهم أكرمهم إذا جاوا إلي وأذبح لهم الذبيحة لكن ذا الحرمه مع أهلي ما أدري كيف !!!!!! ؟؟؟؟
|
مو لازم توافق انها تعزم اهلك اذا كان كل شي من برا..
وخليها امام الامر الواقع بتستحي من حالها ... ولاتستنى زوجتك عشان تعزم اهلك .. لا بالعكس مره يجون يشربون شاي ومر ه غدا ومره زياره خفيفه وكذا لما تتعود والله يعينك ... |
[grade="FF1493 FF1493 FF1493 FF1493"]الله يكون بعونك اخوي.. لاتنسى تتذكر الجوانب الإيجابية فيها
ومافيه انسان كامل.. ومعك حق بكل كلمة كتبتها والمفروض واجبها كزوجة تعامل اهلك كأنهم اهلها وتحبب اطفالها بأهلك لأنهم أهلهم ومنتسبين لهم.. اخوي توكل على الله واعزمهم وبلغها مو شرط توافق هي. هذا واجبك نحو أختك وحتى لو زعلت مصيرها ترضى ولازم تجلس جلسة مصارحة وهدوء معاها وتتفقو على كل شي وبالنسبة لعيالك اخوي كل يومين لما تروح لأهلك خذ أولادك معاك بدونها لازم انت تحبب اطفالك بأهلك مو هي واذا راحو معك وكان عندك مشوار خلهم عن اهلك ياكلون ويلعبون البيت بيتهم واذا خلصت مشوارك ارجع خذهم الله يسخر زوجتك لأهلك يااااااااارب[/grade] |
اسمح لي اخي الكريم , فانت عودتها و تركتها على راحتها و الا المفروض انك من اول يوم في زواجك عودتها على احترام اهلك و حاولت تدمجها معهم تدريجياً بدون ما تمس بمساحة الخصوصية و اللي هي في تصوري اكثر ما يخوف الزوجات من اهالي ازواجهم فالزوجة تخاف من اختراق اهالي زوجها لهذه المساحة فلذلك تتحسس منهم.
حاول ان تحتفظ بمساحة الخصوصية بينك و بين زوجتك و تطمنها بانك لن تسمح لاي احد اياً كان من اختراقها. بهذه الطريقة ستحس زوجتك بالامان و ستزول الحساسيات مع اهلك تدريجياً. حاول ايضاً ان تعزم اهلك كل فترة و في المقابل اعزم اهلها حتى تحسسها بانك تحب اهلها و انك غير منحاز لاهلك. اخوك Romancy |
اهلك طيبين جدا و يريدون سعادتكم و لكن يقولون لك جوانب زوجتك السيئه !!! يا اخي اتقي الله اذا كانت الزوجه تقوم بالواجب ف ما المشكله ... ممكن ما تحب الاختلاط و ممكن جدا انها خجوله و ممكن ايضا انها ما تحب تاخذ و تعطي بالكلام على شان محد يفهمها غلط و ممكن جدا جدا انه اهلك طيبين جدا معاك بس معاها ممكن لهم نظره اخرى و انت لا تحس بهذا الشيء ... لا تخلي اهلك يتدخلون اب اي شيء و دور العذر لزوجتك قولهم زوجتي مشغوله او لاهيه مع الاولاد التمس لها العذر يا اخي لا تكون ضد زوجتك فهي بالنهايه الزوجه و مو لازم الذبايح ولا الزيارات الزايده ولا العزايم اذا اهيا محترمتهم و تزورهم بين فترات فهذا كافي يا اخي ...نصيحتي لا تفتح على نفسك باب لانه تدخل الاهل تدريجيا راح يفسد حياتك
اختك بني |
ياسبحان الله أين انت من اهلك طيلة هذه السنين...!!!!!
|
والله ياعزيزي هالمسائل مافيها حب هالمسائل واجبات وغلطتك من البدايه المفروض انك معودها مو بعد 16 سنه اخوى أعزم أهلك وأخواتك وخلها هى تطبخ لاتجيب أكل من برى لاتجبرها على حب أهلك لاكن اهم شي تحترمهم وتقدرهم وحب اهل الزوج من حب اهله ولا المره السنعه ماتسوي الى سوته زوجتك على العموم الله يهديها لك ولا تهتم بكلامى يمكن زوجتك تحبك أكيد لاكنها مو عارفه ان هالشئ من الواجبات
دلع حريم وربي تحيااااااااااتى لكل زوجه تحب اهل زوجها |
اسمع خيي كما تدين تدان والدنيا دوارة
احكيلها هالحكي بلكي تتعز مدري وش فيهن ستات اليوم راكبات راسهن |
bunney
أحسني الظن بالناس ( إن بعض الظن إثم ) لاتكوني عونا على الشر أهلي خييريين ملتزمين |
وتظنون أني ساكت طول ذا الفترة
راسلت أهلها بالرسائل كلمتهم بالتلفون تعبت معاها - نصائح - توجية - تحذير - ضرب أمثلة ماكوا فايدة |
كان الله في عونك
ياكثر الزوجات اللي مثل زوجتك وهذول دائما يحملون صفة الأنانية وشوفة النفس انصحك انك ماتتساهل معها |
قولها ابخذ وحدة مخصوصة لااهلى تكرمهم وتهتم فيهم ...
ترى الحرمة مايحرها غير حرمة مثلها..لاواحسن منها بعد.. |
بصراحة وبدون زعل ؟؟؟؟؟؟؟ الخطأ أساسا منك انت ولا 15 سنه ودووووووووبك تحس في أهلك انها ظالمتهم ولا تعبرهم أصلا ما يحتاج انك تاخذ رأيها في عزايمك لأهلك واذا كان عند أهلك مناسبة ويبغونها تروح وديها انت من بدري يا اخي عامل أهلها مثل ماهي تعامل اهلك ولا هي واهلها افضل منكم بايش يعني صراحة انت متعاطف معاها بزيادة تعاطفك معاها شيء واحترامها لنفسها مع اهلك شيء ثاني
جزاك الله خير انك مهتم في اهلك واطفالك دائما خذهم لأهلك أهلك عزوتك وعزوتهم الاطفال ينتسبون لأهل ابوهم مب لأهل امهم علمهم احترام عماتهم واعمامهم اعزم اهلك باستمرار ورح لهم باستمرار صلّح حق 15 سنه في الأيام القادمة طبعا مو في كل ما رحت لاهلك تاخذها معاك يعني لا افراط ولا تفريط مثلا لو رحت لهم مره كل اسبوع خذ عيالك معاك لكن هي خذها مره في الشهر اهلك طيبين لا تخسر حبهم بسببها وفقك الله الله يهدي لك زوجتك ويصلحها لك ............................ الاخت bunney يقول لك 15 سنه ما عزمتهم تقولي ناس مو طيبين زين منهم انهم سكتوا 15 سنه واذا هي هادية بزيادة تخلي هدوئها مع اهلها وصديقاتها مو مع اهله اليوم حصل لها عذر وبكره وبعده شو هاي العذر اللي يجلس 15 سنه حشا ولا مرض لا يرجى برئه بسلامة السامعين والمطلعين اعتذر على ردي الشديد لكن انا اتكلم من واقع زوجة اخوي حسبي الله ونعم الوكيل فيها وفي اشكالها الوحده إذا تزوجت تحط ببالها انها ماراح تتزوج زوجها بلحاله راح تتزوج زوجها بأهله خاصة لو كانوا طيبين |
سؤال: لما تسألها إنها تعزم أهلك... أو ليش ما تبي تعزمهم... شو يكون ردها ؟؟؟ شو تكون حجتها ؟؟؟؟
|
اخوي واصل اهلك واعزمهم
وودي طفالك عند جدانهم وخليهم يعرفونهم ان رضت به الامر نتمنى واذا مرضت انصحها وعاقبه خبر اهلها الين ماتتعدل وتخاف الله |
الله يهديك
16 سنه وتوك تفتكر ماينفع معاها الا انك تحرمها من اهلها وتخليها تخفف زيارات معاهم مثل ماهي مخففه مع اهلك وقولها اهلي هم اهلك ولو مافيك خير لهم مافيني خيرلك ولا اخليك تروحين لهلك وهددها لو عزمت اهلها لتطردهم طبعا تخويف بس وقولها اللي اوله شرط اخره نور بشرط ماتقاطعها وتخلي علاقتكم مثل ماهي بس وضحلها انك انت كذا مرتاح وكذا افضل لانك تعبت معاها من كثر ماتقنعها تواجب اهلك وان شاء الله تفييييييييد معاها والله يكتب اللي فيه الخير وصدقني الي بيروحون فيها الاطفال والله لو كبروا ماراح يواجبون اهلك لانهم تعودوا على هالشئ والسبب في ذا كله الام وبس الله يعينك اختك الكتكوته |
الله يصلحها ولكن واضح ان ما ينفع معاها الا ان تجعلها امام الامر الوااااااااااااااااااااااااااااااااااااااااااااااا قع............زوتفاجئها ان فلانه جايه تشرب شاي وهكذا
|
المعذر منك ياخوي ... زوجتك معذورة مالقت رجال ..
|
اقتباس:
|
اقتباس:
|
يا جماعه حرام عليكم... لا تقسون قلب الرجال على زوجتـــــــــــــــــــــه...
أستغفر الله العظيم... أخوي لا ترد على حد... إعمل الصح برأيك.... بما إنكم عشتوا 16 سنه متوافقين ولله الحمد فأنت أدرى واحد بالصح واللي مفروض تعمله.. ولا تقسى على زوجتك وإفهم منها... الله يرزقك السعاده... |
سبحان الله العظيم
قرات كل الردود الي جات لك كلها علقات ساخنه على راسك بس معليش تحملها انت الملام ولاحد غيرك فيه مثل يقول مادري اذا تعرفه والا لا الفرس من خيالها والمره من رجالها (المره = المرأه) بعد 16 سنه اقولك صباح الخير بعد هذا العمر اكيد عندك اولاد واذا سرت بعمر ابوك بيتزوج ولدك وحده مثل زوجتك وبتسوي مثلها تماما ساعتها ترضى والا لا ؟؟؟؟؟؟؟؟؟؟ فكر كل الامور بيدك لو بغيت |
وأنتو تظنون أني ساكت معها من 16 سنة . الله يسامحكم . والله والله والله أني لم أسكت دائما في جهاد معاها . أبوي الله يرحمه ويغمد روحه الجنة يمكن دخل بيتي 8 مرات يأتي مع سواقه يوصلها المستشفى ولا بيت أختها يعني حتى عزايم ابوي قليلة الله يطعمه من طعام الجنة . لكن ودي هي اللي تبادر وتعزمهم لإن إذا عزمتهم أنا وهي متضايقه ما راح هم ينبسطون و لايرتاحون . أحيانا هي تسافر لبلد أهلها خارج المنطقة واقول لأهلي ترى العشاء عندي يقولون ما ندخل بيت يابو فلان صاحبته مو موجودة إعذرنا ما راح نجيك. تظنون الواحد ساكت لكن نبي الستر ياجماعة الخير نبي جمعة العيال
|
:25:
اذا تحبك فتحب حتى تراب رجولك مو اهلك بس (وجه نظري) |
مرحب
انا انصحك تسوي زي زوجي ماشالله عليه دايم يقول ان اهله يحبوني وساعات يالف كلام بس هالشي حلو يالف القلوب بين بعض ونفس الشي بالنسبه لاهلك حاول تزين صورتها عندهم مهوب تمدحها لا مثلا تقول انها مشتقه عن صحتك يمه وهكذا والله يسمح الخواطر |
&***00(السلام عليكم ورحمة الله وبركاته)00***&
ماراح أقول انك انت غلطان لأن هالشي خلاص طاف عليه زمان .. بس اللي لازم اتسويه انك اتحكم ضميرك ، يا أخي مو لازم انها ترضى وتوافق على انها تعزمهم انت اعزمهم بس طبعا لازم يكون في تفاهم ووفاق بينكم قبل لا تعزمهم عشان ماتفشلك جدامهم .. والهون أبرك مايكون.. وعسى الله يسهل الأمور ويهديكم للي فيه الخير .
|
أخوي اسمحلي الغلط غلطك....."الخيل من خيالها والمراه من رجاهاا" اخوي انا مع الاخت الحلوه أنا في ماقالت.....ذولي اهلك ولولا الله ثم هم كيف تزوجتك....والله ثم والله يلي ماتبي اهلي - من دون غلط منهم- عشان ماهظم حقها فلاتجلس عندي دقيقه لو لي منها فريق كوره كامل مو ولد او ولدين......اسمحلي ان كنت قاسي المره بدالها مره ونا اخوك لاكن الاهل هم عزوتك .....انا متاكد ان في قلب امك الف حسره وحسره وتمناك زي فلان وفلان الي كل يوم عند اهلهم.....صكها بالثانيه واقبعها بوجهها وذا قالت ليش عاد مايحتاج الاسباب عندك والله الا ثاني يوم تقولك اش رايك تعزم اهلك
|
اقتباس:
تعجبني أنت 100% راح أسويها |
ياأخي الكريم ،، اسمح لي بسؤالين :
هل أنت وضعت مشكلتك هذه لتجعلها شماعة تعلق عليها سبب رغبتك بالطلاق أو التعدد ، فتبحث عن من يشجعك ؟ أم أنك وضعتها لتجد لها حلا ، وتبحث عن من يساعدك ؟ أحتاج إجابة صريحة وصادقة .. ولكن اختصارا للوقت سأجيبك عليهما كليهما وخذ مايناسبك (وأنت بنفسك أعرف) : على اعتبار أنك تريد أن تطلق أو تتزوج ثانية ، ولذلك تبحث عن شماعة تعلق عليها سبب طلاقك لها أو زواجك عليها ، فدعني أقول لك ليس هذا سببا وجيها لطلاقها ولاحتى الزواج عليها .. نعم إذ هي غير مطالبة شرعا وعرفا (ببر والديك) ، ولكنها مطالبة شرعا وعرفا (أن لاتمنعك من برهما و أن لاتحرضك على عقوقهما) .. وعلى اعتبار أنك تريد حلا لمشكلتك ، فدعني أقول لك (صح النوووووم) وإن كنت قد جئت متأخرا فلابأس أن تفتش وتبحث عن الأسباب إذ لادخان من غير نار ، وربما السبب في وجهة نظري وبعد التأمل لايخرج عن ثلاثة أمور : - انشغال زوجتك الشديد بمسؤلياتها الداخلية (في بيتك) ، ومسؤولياتها الخارجية (وظيفة ، أو أخوات لها أخذت هي على عاتقها مسؤوليتهن وكانت لهن الأم والاب خاصة مع وفاة والديها) . - شعور زوجتك بعدم تقبل أهلك لها أو عدم حبهم (وغالبا سبب عدم تقبل أهل الزوج للزوجة غيرتهم على ابنهم منها). - تأثر زوجتك سلبا بأسلوبك الغير محبب لها في محاولاتك إقناعها بدعوة أهلك ، أو اختيارك أوقات غير مناسبة لهذه الدعوة بالنسبة لها .. وبعدين ياأخي البيت بيتك وأنت رجل البيت : اقطعها وهي قصيرة ولاتنتظر مبادرة زوجتك ، اختر الوقت المناسب الذي يغلب على ظنك فراغ زوجتك فيه واستعدادها واعزمهم ، ولاتكبر السالفة وهي صغيرة ..! وفقك الله .. |
بصراحة انت 000000
تعرف زوجي مر عزم اهلو وانا كنت مريضة جداااااااااااا وقلت خليها اسبوع جاية تعرف وش سوه طلقني وقالي الي ما يعرف قيمت امي واهلي ما يصلحلي وعلى فكر زوجي يموت علي موت بس عند اهلو مرررررررر شديد يوم عرفت خلاص ما في فايدة الحين اتمنى رضى اهلو ورضى امو عشان زوجي والحمد الله اهلو يحبوني كثيررررررررا رجاءً إنتقاء الألفاظ قبل كتابتها |
اقتباس:
الله يجزيك ألف ألف خير على هالكلام.... هذا الكلام الصح والمظبوط والله.... وعتبي أشد العتب على كل من حاول أن يحرك شيئا في نفس الرجل على زوجته بعد كل العشره بينهما.... بالتوفيق... |
والله زوجتك راسها يابس اجل 16 سنه تقنعها؟؟؟؟؟؟
شوف فيه ناس يشيلون هم العزايم وطبعهم يحبون ينعزمون ولا يعزمون يعني يحبون يكونون ضيوف دائما بدليل انك تقول لما تروح لاهلك ما تساعدهم طبعها يمكن كذا بس لازم تغيره وانت قل لها اهلي يعجبهم طبخك مثلا والا ترتيب سفرتك وانت تعرف الشي الي تتقنه زوجتك وابد اول مره اعزم واحد من اخوانك مو من خواتك لان عزيمه الحريم اصعب ميه مره من عزيمه الرجال المهم اعزم واحد من اخوانك مثلا ما بعد تزوج او زوجته سافرت وبعدها قل لها انه انهبل على الاكل وقعدت يمدحه لاهلي وقالت امي يا سلام وش معنى ما نذوق الزين فقلت لهم ابد الاسبوع الجاي عشاكم عندي :) اتمنى ربي يوفقك واهم شي اهلك اولا واخيرا وزوجتك لو تحبك دورت رضاك ولو اهلك مو طيبين معها كيف وانت تقول انهم طيبين؟؟؟؟؟ تحياتي دلوعه زوجي |
dandoon و زرقة البحر
أولا : لن أطلق ولم أفكر في الطلاق ثانيا : 000000000هذا الموضوع أنا المعني به فقط أنا أردت من أخواني وأخواتي مساعدتي في الحل |
ردى مزيج من ردود هايدى وشوبارد ورومانسى
وهى باختصار ادعو اهلك واجعلها عند الامر الواقع كونك سوف تجلب كل شى جاهزا واطفالك خذهم بنفسك لاهلك وسبب هذا التصرف منها خوفها من تاثير اهلك السلبى عليك |
انا ما ادريي ليش اهل الزوج دايم منبوذين
يعني كوشت على ولدهم ,,,,وخلاص بس صراحة الشرهه مو على الزوجة الشرهه على اللى قاعد يسايرها والله لاعزمهم.....وخلها تمد بوزها......لاحرمها من شوفة اغلى ما تحب .................................................. ............................................... |
اقتباس:
والنعم فيك وفي اهلك....والي يقول هالكلام والله عداه العيب والخطأ....زي ماقلتلك كلمها وذا مارضت عن طيب خاطر قلها " ان شاء الله بتجي الي تعزمهم قريب وفي هالبيت" ....اولادك لازم يحتكو في اعمامهم وعيال عمهم زي ماهم عند خوالهم..... الله يرزقك ويريح بالك من هالمشكله.... |
اقتباس:
أخي الكريم،، لم أتمنى أن تفهمني بهذه الصورة ، ورجائي أن تعيد قراءة كلامي بتأن وستجد الحق كل الحق في ثناياه ، أخي ثق ثقة تامة أن زوجتك (لايجب) عليها شرعا بر أهلك ، فهي تزوجتك ولم تتزوج أهلك ، وقد أخذتها أنت ودفعت لها المهر بحق الاستمتاع لابحق (دعوة الأهل إلى وليمة عشاء أو غداء ) ،و لكن في الوقت ذاته (يستحب) لها فعل ماتطيب به نفسك ويرضيك من صلة أهلك .. أخي الكريم،، وثق أيضا أنني لاأكتب من عندي بل مستقاي في كل ماأقول (كتاب الله وسنة نبيي وأقوال السلف الصالح) .. أخي الكريم،، فقهنا بالأحكام الشرعية في تعاملاتنا الخاصة بعلاقاتنا الزوجية يساعدنا كثيرا على وزن الأمور بموازينها الدقيقة وعدم تحميل أخطاء أحد الزوجين مالاتحتمل .. ! وفقك الله أخي ، وأصلح شأنك وياحبذا أن تستفي عالم فقيه ، فالناس وإن أفتوك فقد يجهلون الأحكام الشرعية المعتبرة و يجهلون كثيرا من تفاصيل مشكلتك التي ربما كانت مهمة .. واعذرني ايضا فقد آليت على نفسي أن أكون صريحة حتى وإن كانت صراحتي موجعة لكنها مفيدة بإذن الله.. |
اسمحلي يا أخي أقولك انك ضعيف شخصية !
16سنة 00000ما فكرت يوم تعزمهم العيب مو فيها العيب فيك أنت المراة ما تنترك على كيفها وعلى حسب مزاجها والله عيب ان أهل زوجك يتمتعون بحلالك هؤلاء الغرب واهلك لحمك ودمك ما يعرفون حتّى شكل بيتك يا أخي كما تدين تدان والجزاء من جنس العمل وزوجات ابنائكم غدا سيفعلنا ما فعلته زوجتك الآن يا أخي هذا قطع لصلة الرحم حتّى ابنائك لا يعرفون أهلك (حسبي الله ونعم الوكيل )على هذه النوعية من الزوجات المشبعات بأفكار غريبة ودخيلة على مجتمعنا الطيب المحافظ 00زوجي دائما يقول لي (اللي ما فيه خير لأهله ما فيه خير لبنت الناس )وياليتك تقولها أنت لزوجتك والوقت ما زال قدامك قبل ما تندم والسلام عليكم أختك في الله \بعض إنسان الرجاء البعد عن تجريح الآخرين |
بعض إنسان
أنت لا إنسان 0000. أنا ذكرت هي لاتعزمهم مو أنا . أنا أعزمهم دون شورها هي ماتبادر ثم كلمة ظالم 00000 |
على فكره اناملاحظة ردود بعض الاعضاء مرررره قاسي
اعتقد مافي اي احد فيكم مهما يكون تنقاله هالكلمة والرجال عارف خطااااه ويبي شوركم والرجال هنا طلب منكم مساعدته ونصحه مو لومــه وتجريحه الله يهديكم بس تنبيه إداري عليك سرعة التعديل على التوقيع لمخالفته تعليمات الكتابة في المنتدى ولكي لا تتعرض عضويتك للإيقاف المراقب / وجه الخير |
| الساعة الآن 10:30 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©