|
أمس فسخت الخطوبة
السلام عليكم ورحمة الله وبركاته حبيت أفضفض لأحد مالقيت غير هالمنتدى العزيز جدا على قلبي .. انا كنت مخطوبة لمدة 6 شهور بدون عقد وأهلي في بداية الخطبة كانو مرتاحين ولكن مع مرور تقريبا شهرين أو ثلاث بدأوا يشعروا بالضيق من أهل خطيبي لأنهم ماكانو يكلمونا أبدا وماكان فيه اتصال بيننا حسوو أهلي انهم مطنشينا ومن وقتها بدأوا يترددوا في الموضوع قالوا ان أهله غامضين مع انه مدحو في الولد وقالو انه محترم بس المشكلة في أهله منغلقين على نفسهم وكانو أهلي يحاولو يفسخو الخطبة بس كانو شايفيني مرتاحتلهم .. وقالو احتمال ان أهله يكونو مسيطرين عليه ومايكون له رأي ..المشكلة اني كنت مرتاحتله هو وأهله بالرغم من ان أهلي كانو متضايقين منهم كنت مرتاحتله بشكل مو طبيعي طبعا بعد صلاة الاستخارة أكثر من 20 مرة كنت اصليها بعد كل فرض.. لين أمس شفت أهلي مو مقتنعين فيه علشان أهله رحت لأبوي وقلت له الي تشوفه صح سويه اهلي ماصدقو وكأنهم منتظريني من زمان أقولهم وكلمو أهله وقالولهم (( انتم من طريق واحنا من طريق )) امه اتصدمت واتفاجأت لأننا فجأة وبدون مقدمات طلبا منهم فسخ الخطوبة .. ومن أمس وأنا أحس راسي حينفجر من كثر ما افكر في الموضوع كنت بجد مرتاااااااحتله مرررررره بس طبعا الأهل عندهم بعد نظر وعلشان أرضي أهلي .. مع اني الى الآن متعلقة فيه وبدأت أشعر بالندم بس فكرت الي فيه الخير حيصير ..وخصوصا انه كان باقي ع الزواج 4 شهور بالتمام .. وكنت دائما أقرأ عن الحياة الزوجية وعندي ثقافة كبيرة عن الحياة الزوجية .. وبدأت في التجهيز وكان باقي لي نص الأشياء ..شعور صعب بعدما كنت متهيأه نفسيا اني اكون بعد شهور زوجة .. هذي مشكلتي باختصار والله يكتب الي فيه الخير نصيحة لكل خاطب خليك على اتصال مع أهل خطيبتك انت واهلك .. يعني لاتطنشوهم لأنهم راح يطفشو زي ماصار لي ولأهلي .. ولا تكونو غامضيــــــــن تحياتـــي لينــــــــــــــا |
الله يعوضك يارب ويرزقك لكن انا ماشوف انه فيه سبب مقنع يخليكم تفسخون الخطوبه
|
الله يعوضك ان شاء الله اختي ترى انا صارلي مثلج صدقيني ومن فترة بسيطه فسخت خطوبتي لكن قلت اكيد الله كاتب لي هالشي واكيد انه خير لاني مثلج صليت استخارة وايد .. تاكدي انه خير ولا تزعلين .. اتمنى لج التوفيق اختي .. تحياتي لك .. فجر
|
ياهلا فيك لولو الكبيرة .. أنا برضو كنت أقول كذا لكن شفت أهلي كلهم ضدي وأخواني وأخواتي .. مع انهم كانو يمدحو في الولد وقالو انه مايتعيب بس قلت مو معقول هم غلط وأنا صح .. قالولي انهم خايفين علي من أهله بسبب غموضهم وأنهم مايعرفو شخصياتهم.. وكانو يقنعوني بهالشيء بس كنت اقولهم لا .. في النهاية قلت مايصير اتزوج وأهلي مو راضيين .. تحياتـــي لينـــــــــــــا |
اتمنى لج التوفيق اختي .. تحياتي لك
|
شوفي ..
يمكن يكون هالموضوع خيره , يعني مثلا لو انه صار زواج , كان يمكن يصير فاشل أو فيه مشاكل لا سمح الله. الخيرة فيما اختاره الله وأحسن الزواج هو اللي يكون الكل مرتاح له , الأم الأب الأخوان الأصدقاء , ألأقارب .... وأهم شي أهم شي هو انتي انك تكوني مرتاحة. وترى سبحان الله .. الأب والأم أحيان تكون عندهم نظره أشبه بأنهم يحسون باللي رح يصير واللي رح يفيد أولادهم , فطره الله سبحانه وتعالى. |
ياهلا فيك Fajer202 شعوووور صعب صح ؟؟ كم قعدت على ماتتعودي على الوضع من جديد ؟؟ والله صورت خطيبي ماتفارق خيالي أبدا من بداية الخطوبة .. ماأتخيل نفسي لأحد ثاني أبدا كنت مقتنعة فيه 100% .. تحياتـي لينــــــــا |
الله عوضك خيييييييييييييييييييير
وهذا من فوائد الاستخارة احيانا الزواج يتم على اهون سبب واحيانا يتفركش على ابسط سبب فلا تزعلي يا غاليه الخيرة فيما اختاره الله .......... |
ياهلا فيكم بنت شام - More Than a MAN More Than a MAN صحيح كلامك أنا فكرت في كذا انه فيه خير من كل النواحي مدام اني صليت الاستخارة .. وصحيح ماينفع زواج والأهل مو راضيين أو مقتنعين .. بس تبغا الصراحة أنا بدأت احس بالندم بعد ماقلت قرار زي كذا تحياتــي لينـــــــــــا |
ياهلا فيك hanooonah
على قولك الخيرة فيما اختاره الله .. بس بعدما فركشنا الخطبة أحس اني خلاص ما أبغا أتزوج .. لأن الفترة حسيتها طويلة شوي يعني نتيجة الاستخارة مابانت من بدري |
اقتباس:
أكيد صعب أختي وايد .. أنا ماكنت مصدقه إني خلاص فسخت الخطوبة .. قعدت يمكن اسبوع صياح وبس علشان استوعب الي صار .. وبعد كنت اصلي وادعي ربي انه يساعدني ويصبرني والحمد لله .. بس تدرين اختي حسيت باحساس غريب لما فسخت الخطوبة قلبي كان مرتاح وايد .. يعني لما كنت مخطوبة كله متوترة وعلى اعصابي بس بعدين ارتحت وجاتني راحه غريبه من الله .. وصدقيني فسخت الخطوبة بسبب تافه بعد .. لكن الله لازم يحط سبب وصدقيني مهما يكون السبب صغير لكن علشان انتي استخرتي الله والله يبيلج الخير فبيبعد عنج هالشخص ولو بموضوع تافه او بسيط .. والله يصبرج اختي .. اتمنى لج التوفيق |
اهلين لينا
حبيبتي لا تتضايقين الحمد لله ان فسختي خطوبتك من البدايه احسن من انه يصير زواج وتتطلقين بعيد عنك الحمد لله ع كل حال لا تزعلين وان شاء الله يجيك اللي احسن منهـ اكيد بتكرهين انك تبغين تتزوجين لان جات فترة خطوبه كبيرة وفكرتي تسوين اشياء واجدة وشريتي نص اغراضك بس انتي احمدي ربك ان ربي من بعد فترة طويله وان قرب وقت زواجك خلاك تفسخين خطوبتك ربي يحبك والله يا قلبي الله يوفقك يارب وبجيك اللي يحبك ويموت فيك ويهتم فيك :) |
ياهلا فيكم Fajer202 - المملــوحة ايه الحمدلله انه بالبداية قبل مايتم أي شيء رسمي .. ردودكم ريحتني شوي .. اليوم كل بعد شوي ابكي عن جد صعب .. حتى ابوي بدأ يتأثر لأني في وسط الكلام أتذكر تخنقني العبرة مع اني قاعده أمارس حياتي الطبيعية ولا كأن شي صار .. بس والله كنت دايما اسمع عن الي فسخو خطوبتهم وأحزن عليهم كثييييييييييير بس عمري ماجا ع بالي اني اكون وحدة منهم .. تحياتــي لينـــــــــــا |
عسى ان تكرهوا شيئا وهو خير لكم...
الله يعوضك خيـــــــــــــر.. ام لولو |
ياهلا فيك أم لولو صحيح سبحان الله يمكن فيه خير كثيييير تحياتــي لينـــــــــــا |
اختي لينا طولي بالي وهونيها على نفسك ..
وصدقيني والله ماتدرين الخيره وين .. وفعلا الاهل دايم عندهم نظره اوسع وادق.. احمدي ربك يمكن لو خذتيه صرتي مثلهم واختفيتي عن اهلك مايشوفونك الا بعد طلعة الروح .. (واتوقع هذا من اهم الاسباب اللي خوفت اهلك ) وصدقيني ياكثر الناس اللي كذا ..اللهم عافنا ..قاطعين ومنعزلين عن الناس ومايحبون يحتكون باحد لا بالزين ولابالشين والله هذا طبع ابد مو حلو ... ودايم اللي كذا يكون عندهم مشاكل مع نفسهم او عقد او غيره .. والله اعلم . المهم انت روقي وانسي الموضوع لانه خلاص صار .. واذا اذا ربي كاتبه لك بيرجع وماراح يتنازل عنك .. وحطي ببالك رضى الوالدين هو الاهم ..وحطي ببالك انه مو اخر الرجال بهالدنيا ..بالعكس في اللي ابرك منه بعد وانشالله مدامك سويتي هالشي عشان رضى والديك ربي ماراح يضيعك ويخيب املك .. وتقربي من ربك اكثر بالدعاء من الزوج الصالح المناسب واحمدي ربك انك ماصار فيه ملكه .. |
الله يختار لعبده دايما اللي فيه الخير......لا تزعلين ووسعي خاطرك والله يرزقك باللي احسن منه........
|
حبيبتي أبدا لا تندمي .. طالما أنك استخرتي ..
|
لابأس عليكي إن شاء الله
كل شيء قسمة ونصيب ، وإن شاء الله ربنا يعوضك خير ولكن حذاري في المرة المقبلة من التسرع وأيضا إن تكررت مثل هذه المواقف حادثي خطيبك مباشرة وشاركيه ظروفه لكي تكوني على دراية بما يحدث حولك دون تضخيم للأمور وأي قرار مصيري كهذا حاولي أن تستشيرينا فنحن إخوتك هنا ويشرفنا مساعدتك أختك سيدرا |
أختي انصحك تسمعي كلام أهلك ولأنه في وحده خطبها واحد وافقوا عليه بعد فتره الأب كان حاسس أنه مو مرتاح لزواج بنته من هذا الشاب
وكان بغير رأيه بس لما لقى بنته مبسوطه ما تكلم بعد الزواج تغير الشاب 180 درجة بشكل ما يصدق والله والدها ندم انه ما وقف الزواج هو ما تغير في أخلاقه بس ما صار يخليها تشوف أهلها غير اوقات قليله واذا صارفي مناسبه عند اهلها ما ياخذها عندهم غير بعد ما تتعب و أشياء كثيره تغير فيها الله يعطيها الصبر ويعوضها عن صبرها خير اتمنى لك التوفق |
الحمدالله على كل حال والله يعوضك خيرا منه
|
الله يعوضك بخير منه سبحان الله اذا ربي إذا كتب انه يكون زوج لك لا أهلك ولا أهله يقدرون يقفون قدام القدر
|
أختي لينا قولي ألف الحمدلله إن الخطبة انفسخت من ألحين مو "قبل ما يطيح الفاس بالراس" ولا تتضايقين ولا تندمين صدقيني خيره أنا عن نفسي تزوجت واحد من أقاربنا بس هم منغلقين وايد وما يطلعون من البيت ولا يزورون أحد ولا يسألون حتى تلفون ما يدقون "معاناة" تخيلي حالتي حتى زوجي عنده من هالطبع مع إن فترة الملجة ما كان جذي 10شهور كانت من أحلى أيامي بس بعد شهر العسل تغير عنده عادي ما يسأل عني شهر ما تفرق وياه إن شاء الله يجيك نصيب أحسن منه أختج بـحـر الـهـمـوم |
ياهلا فيك زوجه رجل مهم كلامك صح 100% ممكن لو تزوجته كان بعدت عن أهلي وانقطعت عنهم وأنا والله متعلقة في أهلي مررررة وهم متعلقين فيني .. مشكلتي اصدق - بسمة رضا * ياهلا فيكم يعطيكم ألف عافية .. ياهلا فيك سيدرا صحيح كلامك والله أنا متندمة اني اتسرعت في قرار زي كذا وما استشرتكم كان ممكن تعطوني قرار أسهل وأحسن من كذا .. بس الي ربي كاتبه هو الي راح يصير .. ياهلا فيك HNADY القصة الي قلتيها خوفتني وطمنتني لأن بالبداية زي بدايتي .. ياهلا فيكم لحظة وداع - ***DL3*** أنا قاعدة أحاول اني أنسى الموضوع علشان ماتتعب نفسيتي .. ياهلا فيك أبو أرين على قولك اذا ربي كتب ماحد يقدر يوقف الموضوع مهما كان .. سبحان الله .. ياهلا فيك بـحـر الـهـمـوم مشكلتك كانت أسهل مني لأنه قريبك وعارفين عنه حتى لو شيء بسيط .. أشكركم على تفاعلكم والله ردودكم ريحتني كثيييييييير يعطيكم العافية .. بس والله عندي احساس قوي انه ممكن يرجع لي .. أحس انه هذا اختبار له ممكن ينجح فيه أو يفشل اذا كان متمسك فيني راح يرجع ويبين لأهلي انه كفء ومايخافو عليه حتى لو بعد سنة واذا كان مو متمسك فيني ولا سأل ماحتمسك فيه بالعكس حندم ع الأيام الي كنت فيها أفكر فيه .. في النهاية الي كاتبه ربي هو الي راح يصير مدام اني صليت الاستخارة..وأنا راضية بقضاء الله .. تحياتــي لينــــــــــا |
الله يعوضك ان شاء الله
ـــــــــــــ الاخت الكريمة توقيعك مخالف يرجى الاسراع في تغييره لكي لا تتعرض العضوية للايقاف وشكرا / البتول |
مادام استخرتي يالينا الله يعوضك بأذن الله اتبعي مثل الي يشوف مصيبة غيره تهون عليه مصيبته انا احكيلك مصيبتي باختصار لعل وعسى نارك تبرد شويه لانك الحمد لله حالك احسن من كثير انا كنت من خمس سنين وانا الناس كانوا يقولوا انا لفلان وفلان ليه لدرجة ماتعلقنا ببعض رغم اني مااكلمه ولا يكلمني بس اتعودنا نكون لبعض حسيت حياتي الي جايه ماتكون غير معاه وهو نفس الوضع الين ماشافاني واتحددت الملكة قبل الملكة بخمس ايام بعد ماتجهزنا انا وهو لكل شي كل شي ضاع واتفركش ابويه ماكان مرتاح وفض كل شي داه الكلام من ستة شهور وانا والله العالم احس اني عايشه في الحياة ميته تدهورت صحتي جدا وهو كمان بس هو خلاص فقد الامل مني انه ابويه يوافق فحب انه حياته تستمر وقبل يومين صارت ملكته فتصوري الحالة الي انا فيها الحمد لله انه عندي ايمان كبير في قلبي وصرت دائما ادعي الله يهون عليه ويرضيني بقسمته ويعوض علية خير مالك يالينا غير الدعاءانا عارفه انك حاسة بالم لكن كلنا مسيرين تحت امره سبحانه وتعالى اتقربي لربنا اكثر جايز يكون امتحان ليكي ليعرف مدى صبرك وحافظي على صلاة الليل وادعي الله دائما ان الله يحب عبده اللحوح الله يفرج همك ويرزقك بلي احسن منه وانا وانتى وكل بنات المسلمين واسفه على الاطالة.
|
ياهلا فيك ريم الشرقية
منيتي الباقية ما اتصدقي قد ايه اتأثرت بقصتك .... الله يعوضك بأحسن منه ياااااااارب ..شوفي النصيب كيف قبل ملكتك ب5 أيام .. سبحان الله .. حقيقي قوة ايمان الانسان ماتبان الا في هالمواقف .. تحياتــي لينــــــــــا |
صراحة مافي سبب مقنع لكن القرار لكم في الاول والاخير
|
ياهلا فيك دعاسم أنا برضو أشوف انه سبب غير مقنع ( ماني قادرة أقتنع ) .. والله انا خلاص بدأت أتندم بس اش اسوي اذا أهلي ماهم راضيين والله غصب عني علشان أريحهم قلتلهم سوو الي اتشوفوه صح.. الله يكتب الي فيه الخير بس .. أخاف تعلقي فيه يأثر علي في المستقبل يعني اذا تقدم لي شخص ثاني أخاف اني اكون ماني مرتاحتله وافتكر خطيبي السابق .. ياليت اتساعدوني ماأدري اش اسوي ؟؟ تحياتــي لينـــــــــــا |
الله يعوضك كل خير
ويرزقك بالزوج الصالح |
ياهلا فيك الحب والحبيب
تحياتــي لينـــــــــــــا |
الغلط الي صدر من اهلك هو انهم عطوهم الكلمه كاش منغير مقدمات
كان يفترض انهم يعطونهم الاسباب ويقولون احنا لاحظنا فيكم كذا وكذا...فاذا الوضع بيستمر او انتم عندكم اسبابكم ولدكم بطريق وبنتنا بطريق لكن الزبده من الي صار ان الولد هذا مو من نصيبك وان الله لسا ما اقدر لك الزواج الان ونصيحتي لاتندمين على شي...لان مالكم نصيب لبعض حتى لو ماكانت هذي هي الاسباب راح يكون في اسباب ثانيه لان هذا المقدر والمكتوب والله يوفقك مع الزوج الصالح الي تستمرين معاه العمر كله |
مرحبا
أتمنى لك التوفيق مع غيره واللّه كريم |
الله يعوضك أختي :(
|
ربنا يعوضك بالزوج الصالح ان شاء الله تكوني انت واهلك راضيين عليه
|
السلام عليكم
الله يعوضك ان شاء الله احسن منه وقولي قدر الله ماشاء فعل وحمدي ربك على كل حال والسموووحه |
سبحان الله
نفس قصتي و نفس التفاصيل من موقف الاهل و الاستخاره و حتى من ناحيه عدم اقتناع اهلي و كانوا منتظرين دقه حتى انا حسيت نفسي متضايقه و اهلي حسو بهالشي لا تزعلي و ما دامك صليتي استخاره ارضي باللي صار..لو لك نصيب عليه ما في شي ممكن يمنع الزواج الله يعوضك باحسن |
|
السلام عليكم .. أسعدني مروركم كلكم .. وكلماتكم الي خرجت من قلبكم .. ياهلا فيك افكار... اتصدقي ان كل أحد عرف بفسخ الخطوبة يقولولنا انتو استعجلتو ماكان في داعي تعطوهم اياها مرة وحدة كان لازم مقدمات أو بالتدريج .. أنا الحين محزني الولد أحسه مصدووووم ومو مصدق الي صاير (( أحس بالذنب )) خصوصا انه كان يوم الزواج الي حددناه هو وأخوه زواجهم فعرفنا الحين ان أخوه راح يتزوج وهو راح يتأخر بسبب ردنا مع انه هو الأكبر (( محزني كثييير )) .. ياهلا فيكم بحرانية - totti4ever - mzoo7ee007 يعطيكم العافيــــة ياهلا فيك Babe الله يعوضك بأحسن منه يااارب .. يعني في أحد نفس قصتي أنا دائما أسمع العكس ان البنت ماهي مرتاحة والأهل مرتاحين .. الله يعيننا ياهلا فيك شوبارد كلامك أثر فيني .. المشكلة اني لمن أفتكر ان يوم الزواج كان محدد وكل شي حتى المطربة أحس بضيقــــــــة قوووووية ما أعرف اش أقول بس .. صحيح كلامك (( نظرة تفاؤل )) تحياتــي لينــــــــــا |
الله يصبرك ويعوض عليك بأحسن منه يــارب ,,,
وتـأكدي الخيره فيما اختـاره الله لك .. ارضي بالنصيب وادعي العـالي المجيب ان يطمن قلبك |
| الساعة الآن 08:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©