|
ممنوع الحديث مع زوجتي!! ساعدوني جزاكم الله خيرا
السلام عليكم
اببداء بشكل سريع وصريح واتمنى اجد رد منكم انا قبل مده تكلمت معكم على اني كنت ارسل لخطيبتي ( بدون عقد ) ومااجد منها رد والبعض قال انتظر الى ان يتم العقد ويصير وبتشوف .. والبعض قال البنت تستحي !!وهي فرحانه من قلبها ! الحمدلله تملكت عليها .. واول مارجعت للبيت كتبت لها ابارك لها على الملكه وكم من دعوه ... بعد كم من يوم جتني امي تقول ان ام البنت والام نفسها خايفه اني اتصل فيهم واطلب منهم اني اكلم !! :( وامها تنحرج مني ! طبعا البنت قالت لامها وكانت ماتبي امها تعلم امي لكن كانت خايفه وبس ! عاد قالت لي امي انهم مايبون مكالمات :( ! صراحه صدمه كبيييييييييره لي :11: علما بان البنت كانت تحبني بشكل كبير .. واعتقد لازالت ... وانا نفس الشيء بس .. هي متخوفه بزياده احيانن اقول في نفسي اريح :) ! تحياتي |
أخي الفاضل ..من حقك شرعا مادمت (ملكت) أن تحادث زوجتك وتستمتع بها أيضا فلماذا هذا التعقيد المبالغ به؟
في حديث بين زوجين أحلهما الله ؟ أرى أن تحادث أهل زوجتك أنك تريد أن تكلم خطيبتك وأنها حلالا لك..واذا لم يوافقوا فحادثها بدون علمهم ولو كان به نوع من التهور ولكن شيء مغضب حقيقة..حلال لك ويمنعونك منها!! أختك حائزة الأمل |
ما شاءالله
يا حظك خطيبتك وامها ملتزمين بشكل كبير تحسد عليه حتى بعد كتابة العقد |
الى الاخ POIUYT مبرووووووك زواجك والله يتمم لك على خير أنشاء الله
اولا أحب اطمنك مشكلتك مو صعبه وانشاء الله ما ينتهي الاسبوع الا وانت مقنعهم ومكلم زوجتك حبيبتك أولا بغض النظر عن الامور الشرعيه هاذى ما يبي لها كلام فهى حلالك ومافيها جدال لاكن الاباء فى هذه الفتره يخافون على بنتهم أشد الخوف و ودهم تمر فتره الملكه بأسرع وقت وبدون مشاكل 0000مثل منت عارف نسمع كثير ونقرا بعد هنا فى المنتدى عن ازواج ما اكملو فتره ملكتهم وانفصلو بسبب المشاكل وغيرهااااا000 الى عليك تسويه الحين انك تقعد مع ابوها او امها وتشرح لهم الوضع وتطمنهم من هالناحيه ان انشاء الله مافيه مشاكل وانك شاري البنت ومرتاح لها وفتره الملكه من احلى الاوقات0000000 الخ من الكلام الحلو وصدقني انت اذا ادخلت الاطمئنان فى قلوبهم من هالناحيه راح يوافقو وتمشي أمورك انشاء الله كن شجاعا وابدأ بأول الخطوات غداا والله يوفقك يارب ومبرووووووك مره ثانيه ولاتنسي عطناااااااااا الاخبار تحيااااااااااااتى لكل واحد مملك يبي يشوف يكلم زوجته |
شكرا لكل الي ردوا
انا عارف انه من حقي الشرعي وللعلم انا كنت ارسل لها بدون علم احد رسالي معايده او تهنئه قبل الملكه .. حتى بعد الملكه ارسلت لها ابارك لها .. وخاصه انها بنت عمتي وماهي غريبه عني لكن هي نفسها كانت ترفض الرسائل فيما يبدوا بدليل انها في السابق لم ترد وكنت اعتقد انها مستحيه ولكنها فرحانه من داخلها ! لكن بعد الملكه امها كلمت امي وقالت انا " خطيبتي " ماكانت تبي يكون فيه مكالمات بينا وهم خايفين اني اطلب كذا فمايقدرون يردوني ! انا عارف اني لو ابي اقدر اطلب منهم وماراح يردون لكن شيء هم مايبونه ماابي ارغمهم عليه تحياتي |
أعتقد أن هذا لم يتعدى مجرد تنبيه مؤقت لأنه من غير المعقول أن تدخل هذه الفتاة منزلك - بغض النظر عنك - وهي لاتعرف شيء عمن ستشاركه كل شيء تقريبا ، إنما وكما أعتقد بأن عواطفك جياشة لذا يريدون أن يضعوا بعض الحواجز التي تقلل من فيض المشاعر لديك وهو مؤقت حتى تتأقلم الفتاة على وضعها الجديد وتأكد بأن الفتاة مشتاقة للتعرف على شريكها أيضا وتواقة لذلك لكن الخجل يمنعها لذا صبرا جميل وبالله المستعان وكل شيء رح يتجه إلى الأحسن بإذنه العلي القدير
أختك سيدرا |
عاند ودق....................انا اعرف هالحركات...............كنت اقول يارب ما يدق.............واهلي يامنون.........واول ما يدق.............اهجم هجوم على التلفون.................لاتصدق..........البنيه تتثيقل بس............
|
فهد المطيري وين ملتزمين يا أخي البنت صارت حلاله........ ماله شغل في الإلتزام....
|
اتمنى ان الي يرد يقراء ويفهم المشكله قبل الرد !
البنت تقرب لي وتعرفني واعرفها .. انا مملك عليها يعني زوجتي ! ومو انا مانعرف بعض .. بالنسبه لكلامك" مشكلتي اصدق " !! انا كنت في السابق اراسلها قبل الملكه على الجوال تهنئه او سلام وكنت اعتقد انها تفرح .. لكن شكل توقعي غلط .. وانصدمت بفكرتها او خوفها وقلقها بعد الملكه وهو اني اكلمها حسب كلام امها لامي بالرغم انها كانت رافضه ان امها تعلم امي لكن من باب الميانه :) علمت امي وياليتها ماعلمت ! انا لاخفيكم الكلام حز في نفسي ! وافكر بانتقام بس بعدين :) |
محد عنده اضافه او شيء
|
أقول يااخوي
حاول تكلمها اضغط عليها وبعدها راح تقول لك زوجتك الحمدلله اني كلمتك لأن المكالمات قبل الزواج لها طعم رائع وذكريات أنا متزوج لي تقريباً الحين شهرين وكلمت زوجتي 4 شهور تقريباً انصحك كلمها واذا رفضت بيّن لهم انك زعلان ومتضايق والله يوفقك والف مبروووووووووووك مقدماً |
| الساعة الآن 08:34 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©