|
زوجي كذب ..... بعد الزواج تأكدت أنه مدخن
السلام عليكم ورحمة الله
اهلا بجميع اعضاء المنتدى حابه اخذ رأيكم لو تكرمتو انا متزوجه حديث وقبل لا اتزوج كان زوجي يقلي انه مايدخن وبعد زواجنا اكتشفت انه يدخن بدون مايدري واول مره حاولت اناقشه انه يدخن وانكر تماما عموما انا ماكثرت معه النقاش وقلتله اني اصدقك واعرف انك تحبني و ماتكذب علي ابدا ثاني مره كفشته بدون مايدري وصراحه خفت اناقشه ... احترت في امري وحزت في نفسي كثير وبلعتها وسكت ومابينتله ومادري الحين اش اسوي حب وكذب مايجتمعو مع بعض وانا ما اواطن الكذب خير شر وياترا الزوج ليش ممكن يكذب في شي زي كذا هل اضل ساكته ؟ |
يكذب لانه يحبك ويخاااااااف من زعلك
طبعا هو نسي رب العالمين الحل التفاااااااااهم والنصح وبيني له أنه همك من هذا كله صحته لا أكثر ولا أقل وأنك تبغيه معاك طووووول العمر ولا تنسي تبيني له أضرار التدخين عليه وعليكي وعلى أطفالك إن شاء الله ولا تزعلي منه |
ينقل لعالم المتزوجين مكانه المناسب + تم تعديل العنوان |
أكيد ما سوى كذا الا وهوه يحبك بس مو قادر يقولك بس أنصحيه وعرفيه بنتأج التدخين وحاولي تبينين له أخر أحصائيات الوفيات سنوين بأسباب التدخين والله يهديه إن شاء الله
|
النصيحه
[النصيحه والدعوه له بالهدايه وبيان مخاطر التدخين وعدم محاسبته على الكذب لانها ردة الفعل دائما لدى المدخن بعدم التدخين اذا كان لايعلم احد عنه بانه مدخن
|
اولا السجاير ادمان فمن الممكن كان يريد ان يتركها ولم يستطع فهذا امر الى حد ما صعب وخصوصا لاصحاب المزاج العصبى و فعلا هو يعتبر كذب لكن قبل ان تنظرى الى انة كاذب انظرى الى اى مدى ضرر هذا الكذب ارى انة لم يكذب عليكى فى شيئ جوهرى ومن الممكن ان تسامحية وتنسى نهائيا فكرة انة كذاب وفكرى فقط كيف تساعدية على الاقلاع عن هذة العادة السيئة والمضرة ايضا و كان الله فى عونك
|
حبيبتي انصحيه بهدوء انتي توك متزوجه ولازم تكون بينكم لغة حوار واذا مابدت مع بدايه الزواج ماراح تبتدي ابد والهون ابرك مايكون يابعد حيي
|
جزاكم الله الف خير
شكرا جزيلا على تعاونكم و على نصائحكم الرائعه الله يسعدكم دنيا وآخره ويلبي مرادكم |
بسم الله الرحمن الرحيم اختي الفاضله عليك بالنصيحه بين فتره واخرى وعدم الالحاح في المسئله واتبعي الاية الكريمه بسم الله الرحمن الرحيم( فَقُولَا لَهُ قَوْلًا لَيِّنًا لَعَلَّهُ يَتَذَكَّرُ أَوْ يَخْشَى ) صدق الله العظيم...
|
اهلين قولي له انك شفتيه وحطيه امام الامر الواقع وانصحيه واهم شي ادعي له بالهدايه
|
لا تبينين له انك كشفتيه علشان ما يبدأ بالتدخين قدامك علني
ونصيحتي لك اكثري من الدعاء والنصح الغير مباشر وليس المباشر علشان ما ينفر منك |
ربما قد حاول فعلاً أن يتركه مراراً ولكنه لم يستطع 00 حاولي معه بالنصح والكلمة الطيبة وبيان أضرار التدخين ولكن لاتستعجلي على النتائج فليس من السهل أن يتركه بين يوم وليلة 00 هدى الله زوجك ووفقكما الله لما يحبه ويرضاه |
شاكره لكم ردودكم جزيلا
|
أخيتي التدخين بلوى
وامتحان صعب فانتبهي لايكن أسلوبك في مناصحة زوجك زيادة بلوى عليه يعني اسألك بالله هل المدخن يتمنى ان يظل مدخن؟؟؟؟ بالطبع لا لكنه لايستطيع أن يتخلص منه تناسي أنه يدخن وحاولي أن تتقربي إليه أكثر صدقيني بيديك أنت فقط ابعاده عن التدخين وخلي في بالك أن الرجال ما يحبون النصيحة المباشرة من المرأة وفي نفس الوقت تقدرين تغيرينه كما تشاءين لكن بحيلتك وذكائك تجاهلي أنه يدخن وأشغلي وقته بمرحك ووسعة صدرك وثقي أنه هو أحرص منك على ترك التدخين أعانك الله |
أسمعوا شريط كاسيت طعنة سيجارة
د. خالد الجبير والله مؤثر جداااااا.. |
................................................. الأخت الكريمة .... أرجو منكِ ترك رسالة خاصة باسمي في عالم الرسائل الخاصة ... وشكرا لكِ |
وأنا بعد حالتي مثل حالتج يا ( الكارهه للحياة)
لا وبعد أكتشفت إنه ما يصلي .... ويكلم بنات ؟؟؟؟ ووو الله يستر من الباقي كل يوم أكتشف شي الله يعيييييييييييييييييييييييييييييييييييييين |
في رايي انا الاحسن انك ماتخبرينه انك عرفتي عن موضوع التدخين لانه ممكن يعاند ومادام انت عرفتي راح يدخن جدامك في البيت وكل مكان .. خليه جذي احسن يدخن بالسـر وانت في نفس الوقت حاولي تكسبينه شوي شوي وتشغلين وقته عشان يتركها ..
|
لا تقولي له.... وإلا سيبدأ بالتدخين جهرا وأمامك...
يعني بهالطريقه هو لازال عامل لك حساب.... بس إذا كلمتيه وجها لوجه.... خلاص بيصير موضوع عادي... وما بتفرق معاه ... ولا تزعلي نفسك... عادي ... وإدعيله... الله يوفقك |
ايوه انا قررت إن شاء الله اني ما ابين له شي والله يعين ... وربي ماصار عندنا شغله في هالدنيا غيرهم
.............................. al meer الله يكون في عونك وحاولي تدعيله من كل قلبك في اوقات استجابه ولا تيأسين و إن شاء الله ربي يستجيب لك ولا تنسى ان الله مايضيع تعب مؤمن ... وشكرا لبقية الاعضاء اللي ردو على موضوعي الله يجعل ردودكم في ميزان حسناتكم يارب الأخت الكريمة ... أود التنبيه فقط عليكِ بأن الكتابة الصحيحة لكلمة ( إن شاء الله ) كما بين الأقواس . أشكرك جزيل الشكر |
شوفي حبيبتي ..
أنا مثل حالتج تقريباً .. بعد الزواج صرت الاحظ ان زوجي يرجع من برا وريحة ملابسه كلها دخان .. وخويتج هبلة .. لما كنت اسأله كان يقولي ربعي يدخنون .. انا ايلس في القهوة وتعلق الريحة فيني .. ومن هالكلام .. ومرة سألته قلت له لا يكون تدخن .. قال : لا وتميت على عماي فترة طويلة لين لقيت مسج هو كاتبنها لصديقه فهمت من محتواها ان زوجي يدخن شيشة .. وانصدمت صدمة كبيرررة .. ولما صارحته وقلت له ليش كذبت علي .. قال ما حبيت اصدمج .. بينت له ضيقي من هالشي ووعدني انه يحاول يتركها .. والحين بعده معاها ما تركها الله يعين |
شوفي اختي لازم تكرهية في الدخان بصورة غير مباشر لانة اذا ذكرتي اضرار التدخين حيتوتر
وعلي طول حيولع سيجارة انا كنت ادخن لكن بطلت؟؟؟؟ كيف ايام الجامعة كنت ادخن من غير ما احد يدري:25: :25: :25: مرة امي جات تصحيني من النوم وشافت الدخان فين موجود اليوم الثاني بعد ما نمت جات امي واخذت الدخان وحطتة في علبة الصابون (لانها نعرف اني اكرة شي عندي في الدنيا ريحة الصابون) :29: :29: :29: :29: اليوم الثاني جيت ادخن وريحة الدخان كلة ريحة صابون وكل مرة نفس الحكاية جربت دخان ثاني نفس المشكلة وبطلت الي الابد لازم تتعاملين بالحكمة معاة مثلا من غير مايدري حطيلة بدل المعجون العادي حطي معجون ترك التدخين من غير مايدري لازم من غير ما يدري وشوفي ان شاء الله كلها اسبوع ويبطل :17: :17: :17: |
|
مراحب انا متزوجه من سنتين ونص ع اساس انه مايدخن واكتشفت انه يدخن ونتزاعل واقول ليش تكذب يقول مابي ازعلك بس انا بالنسبه لي هذا استغفال
وشغلتنا يوعدني ويقول انا تركته وبعدين اكشفه اشوف السجاير والا الريحه وصار الهواش على ترك الدخان روتين من حياتنا يوعد ويكذب لا واحيانا يقول انتي اللي تخليني ادخن تخلينا نتزاعل وانا اروح ادخن علما اني اكره الي يدخن شكل كبير واحيان يفشلني ويقول اخوانك كلهم يدخنون ليش تقولين لي لا تدخن |
| الساعة الآن 02:14 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©