|
سؤال لبنات الكلية
صراحه انا حابه اطرح موضوع وياريت تشاركوني فيه وتعطوني رايكم ووجه نظركم في الموضوع
ليش طالبات الكليات مهتمين في الملابس والاكسسورات وانها لازم تكشخ على طول واذا خلصت الملابس اللي عندهاراحت تشتري مع العلم ان الملابس اللي عندها لسى جديده واعرف بنات حالتهم الماديه لكم عليها بس هي حابه توصل لكشخت زميلاتها وانا ملاحظه الفتره الاخيره ان طالبات الكليات كانهم رايحين سهره وهذي حقيقه انا شفتها وبصراحه انا مااعمم لاكن فيه فئه منهم........ ياريت نطرح هذا الموضوع ونشوف وجه نظر كل وحده منكم ....... |
اعتقد لأنه الناس كلهم صاروااااااااااا مظاااااااااااااهر بس فعلا وكأن الطالبات رايحات سهره مو دراسه وبعضهم الله يستر على حالتهم بس مايفكرون لابأهلهم اللي يدرسونهم ولا بشي ابدااااااااا ...........ماشايلين هم الا كشختهم
الله يستر علينا بس |
كلامك سليم مليون في الميه وياريت باقي الاخوات يعطونا وجة نظرهم في الموضوع
|
انا شخصيا اعتقد ان الظهور بمظهر لائق مطلوب ولكن المبالغة احيانا عفوا على الكلمه تكون مضحكة فانا لاارى داعي للمكياج المبالغ وكانها ذاهبة لسهره.فبامكانك استعمال القليل من الكحل ولبس حاجة مرتبة واذا ودك تكشخين البسي تيشيرتات ماركة مع اكسسوارات ملائمة واحذية(اكرمكم الله) ماركة اذا كانت ميزانيتك تسمح والا اكتفي بما هو مرتب وعملي.
|
ياغاليه : أن أكلمك من خلال تجربتي الحاليه مع دراستي في الكليه .. بصراحه أن أهتم جدا بالملابس مع العلم أني ما أشتري حاجات غاليه لكن أحب أنسق بين الألوان والأكسسورات وبالنسبه للمكياج أضعه بطريقه مرتبه مع التركيز على الألوان الفاتحه .. لأنه بصرلحه أشعر أن الأناقه لها دور في تحسين المزاج للدراسه .. ومثل ماذكرتي هناك فئه تبالغ جدا لكن الوضع بين البنات طبيعي جدا .. في النهايه لابأس في الأهتمام اذا لم يكن مسبب للأنشغال عن الهدف الأهم وهو الدراسه وطلب العلم .. |
اختي looolita كلامك مررررررررررررره سليم ورايك حلو ومعقول جدا
|
اختي هنديا مثل ماقلتي انك تهتمين بملابسك ومكياجك هذا اكيد امر طبيعي لكل بنت موجوده في الكون لان البنت عاده تهتم في مظهرها واناقتها ومن حق كل بنت تهتم لاكن فيه اوقات واماكن لازم تعرف كيف تكون فيها اناقتها يعني مثل اماكن الدراسه.... انا مو ضد انها تلبس او تتمكيج لا.. تلبس وتحط مكياج بس بحدود المعقول
...مشكووووووووووره اختي كان رد مميز .....:22: ولسى انتظر ردود اخواتي :25: |
اخواتى في الله:- ربنا يهدى بنات الكليات وشبابها كمان مش من البس بس كمان من الا بنسمعوه عنهم انا بقالي سنتين مخلصه كليه من كتر الا بسمعه دلوقتي حاسه انى مخلصه من قرن
|
شكرا اختي لولو 2007
|
كانت ردود اخواتي مميزه وكان لكل وحده لها وجة نظرها في الموضوع بس انا ما لقيت تفاعل كبير في الموضوع ياريت اسمع ردود اكثر من كذا ومشكورين ويعطيكم الف عاااااااااااااااافيه
|
الاهتمام بالمظهر شي مطلوب بس مو بالدرجة اللي بتقولي عليها
ويجب على ادارة كل كلية الاهتمام ومتابعة طالباتها مو توصل الى درجة عرض ازياء |
انا من واقع دراستي بالكليه اشوف العجب العجاب
خذوا مثلا تجيك وحده حاطه مكياج كاااااااامل كنه عرس اخوها اليوم .... والثانيه مسويه تسريحه بدعه والتجعيد والتلفيف اللي انما ايه ...... ولاتهون الشباصات اللمعه.. والثالثه لابسه تنوره حرير وقصات واااسعه وبلايز تل ودانتيل والخ الخ كانها في عزيمة ليل ... انا وجهة نظري ان الفتاة كل ماكانت انيقه وفخمه بحدوووود كل ماكانت جذابه والمكياج بما اننا في النهار فطبيعي يكون هادئ وانا عن نفسي صراحه كحل وجلوس وبلاشر وبس ..... اما اللبس سبورات وكوتشات وخلاص وانا اذا شفت هذي النوعيه من البنات اياهم صراحه احس ان عندها نقص وتكمله بها الطريقه في الكليه ولا وش اللي حادها انها تسوي كل هذا وتتعب هالتعب كله..... والموضوع مره حلو بس لاتنسين ان موبس البنات في الكليه كذا ....حتى بنات الجامعه.... والله يهدينا ويهديهم..... |
السلام عليكم ورحمة الله وبركاته 00
اقتباس:
انا مع الاخت تصدوقون اني مرة كرهت الدوام بسبب هذا الشيء الحمد لله مرتبه ولبسي مرتب وماركه لكن أكره كثرة النزول للأسواق واكره البذخ الزايد و ( المظاهر الكذابة ) يعني لو تجلسي مع الوحده تلاقيها مظهر لا مخبر يعني فارغة من الداخل استغفر الله العظيم كرهت شيء اسمه mango من البنات ولبسهم له تصدقي الترم اللي طاف وحده من البنات مو كشخه جات لابسه تنورة واسعه قاموا البنات يعلقون عليها وسطحوا ضحك والترم هذا نزلت التنانير الواسعة موضة بالماركات ناف ناف و mango والسواني ولبسوها البنات اللي ضحكوا على البنت ويوم خبرتهم بموقفهم هذا الترم سكتوا وقالوا شو قصدك يعني تنانيرنا مو حلوه وكشخة لو اقعد احكي من اليوم لبكرة عن الجامعه ومواقف البنات ولبسهم ما خلصت اختي لولو الف شكر على هذا الموضوع جزاك الله خير أختك بالله |
اختي شااااش صدقيني لهذي الدرجه واكثر ياريت يوم تطلعين وتروحين تشوفين راح تشوفين العجب صدقيني ومشكوره على ردك
|
اختي هايدي صراحه انتي جبتي الكلمه الصح صراحه عندهم نقص ويحاولون يكملونه باي طريقه لاكن لو تروحين تقولين لها عندك نقص راح تقول لا انا لازم اكشخ واحط مكياج ....وهذا رد طبيعي بالنسبه لها...الله يصلح حالهم
ومشكووووووووووووره على الرد المميز جدا :22: |
الحلوه انا لاتكرهين مانجو ولاشي بس حاولي انك تنصحينهم .... وانا اعرف لونتكلم من اليوم الى بكره لاحياه لمن تنادي
مشكوره الف شكر اختي |
ان الله جميل يحب الجمال --------------------------------بس انا الي اشوفه من بعض بنات الكليه ما هو الا ضعف شخصيه تبغى تضهر شخصيتها عن طريق الكشخه وسسسسسسسسسسسسسسسلامتكم
|
اختي لولو
انا طالبه بجامعه الملك سعود واشووف بنات مثل اللي تقولين عليهم وبصراحه لما اشوفهم اضحك عليهم لان بصراحه الواحد جاي يتعلم مو جاي يعمل عرض ازياء انا والله اشتري لي 6 بلايز وتنورتين صحيح تكون غاليه بس حتى تجلس معاي واذا جاء الشتاء اشتري شويه ملابس والمكياج ما اعترف فيه بالجامعه بالاساس لما تحطين مكاياج كل يوم ويجي يوم انتي صاحيه متاخر من النوم ومافيه وقت للمكياج راح تروحين مخيفه لانك تعودتي على المكياج انا فقط كحل خفيف ومملمع شفايف فقط الوحده على طبيعتها احلى بس كوني مرتبه وخذي شور يوميا ورتبي شعرك وعطر وخلاص الجامعه مو مكان كشخه وحرام فلوس على ملابس الوانها محدده ولما اروح للناس تطلع ملابسي ابيض او اسود او بيج او كحلي او زيتي ودمتم ساااااااالمين |
عزيزتي
جامعتنا مختلطة ونشوف العجب العجاب في التفسخ وعدم الحياء صحيح لابسة عباة وشيلة ولكن بلاها أحسن كل شي مكشوف الشعر والبنطلون والتنورة والله يعين الشباب بس يا ليتها تقصر على المكياج والكشخة لكن تتعداها لما فيه فتنة وإغراء فهذا أمر جليل والله المستعان ومن شدة الجور والظلم بقلوبهن عندما علقت إحدى الداعيات على الجدار حيث الرسول صلى الله عليه وسلم رؤسهن كأسنمة البخت المائلة وعن النمص وعن عذاب القبر لم يكن منهن إلا أن مزقن الورقة!!! شخصيا أرى أن التجمل والزينة ليس لها طعم إلا لزوجي |
سمااا وريم مشكورين على ردكم واهتمامكم بالموضوع وبالنسبه لاختي ريم كان كلامك مميز واهتمامك بمظهرك كان بحدود المعقول وهذ هو المظهر الانيق اللي لازم تظهر فيه الطالبه ياريت كل البنات زيك
ويعطييييييييييييييكم الف عافيه على تفاعلكم بالموضوع :22: |
| الساعة الآن 04:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©