|
شغل البيت ما يخلص
السلام عليكم اخواتي :)
والاخواني علشان محد يزعل:) بقول موضوعي بس ابي اهل الخبره واي عضوه او عضو زوجته عندها خبره المهم انا متزوجه وما عندي اطفال الله يرزقني (يارب) وساكنه بيت دورين مساحاته صغيره كغرف بس انه دورين كله سيراميك ولا غرفه مفروشه :( وما عندي شغاله طبعا السالفه اني موظفه وما الحق اشتغل ودايما تصير سالفه ما يمدينيارجع من الدوام الا اطبخ وبعدها اغسل مواعين بعدها شاهي المغرب بعدها اطلع بعدها يجي العشاء وهكذا غير غسيل الملابس والكوي وترتيب البيت ومسح الارضيات ودورات المياه وووو من جد تعبت انا افكر اجيب الشغاله الي بالساعه يعين باليوم اربهع ساعات وش رايكم 0000000000 تحياتي دلوعه زوجي |
يا دلوعة زوجك انتي لازم الشغل عندك يعني العمل فيه الأولوية ولا عمل البيت هذا اول ؟
ان كان البيت يحتاج لعملك او تخصصك نادر ولا بد من عملك فانتي مضطرة لخادمة تساعدك ويا حبذا لوخادمة تعمل في اوقات معينة وانتي موجودة وبراتب معقول دون استقدام خادمة هذا رأي . وان كنتي تفدمين عمل البيت على عملك ما دام عملك انتي غنية عنه او تخصصك غير نادر فبيتك اولى تجعلين منه جنتك وربنا يا ستي يرزقك بذرية صالحة سباب وبنات حلوين يكونو دلوعة مامتهم ويجعله عامر |
احسن شئ انك تنظمين وقتك وشغلك بينتظم بعدها
بما ان ماعندك اطفال اكيد مافيه حوسه .. يعني مايحتاج تمسحين وتكنسين كل يووم ... مادري وشلون بس المفروض تسوين جدول وتمشين عليه .. بعدين تقدرين تسوين اكثر من شغله في وقت واحد مثلا تحطين الملابس في الغساله وتروحين تمسحين الارضيات .. تخلين الاكل على النار وتغسلين الصحون او تنظفين الثلاجه او اي شي داخل المطبخ .. بالنسبه للساحات اللي برى ولا احلاا منها ..لانها كلها لعب ووناسه وطشطشه بالمويه .. اممم .. بس هذى اللي عندي الحين وان شاء الله اكون افدتك حبيبتي .. |
انا مؤخرا بدات ارسل ملابس الخروج للغسيل و المكوة فى ال laundry و من ساعتها شغل البيت خف كتييييييييييييييييييييييييير
انا لا اعمل لكن عندى طفل ما يخلينى اعرف اكوى ابدا جربى تحياتى |
سلام من القلب الى دلوعة زوجك .... اعتقد فعلا ان مشكلتك تكمن في تنظيم وقتك ليس الا ....يعني كلامي يوافق كلام الأخت أم ليان ( الله يحفظها ) خصوصا انه ماعندك أطفال . وخلي بالك انك اذا جبتي خادمة باليومية انك راح تنحبسين معاها 4 ساعات يعني لا طلعة ولا غيرها ....
نصيحتي نظمي وقتك واذا ما قدرتي الله يعنيك على الخادمة . |
الله يعطيكم العافيه اخواتي ماخليتو لي شي اقوله بس اضيف
على ارائكم بأني شفت قبل يومين في قسم عالم المرأه والازياء وحده من الاخوات منزله موضوع قريبه من مشكلتك مسويه جدول عن ترتيب المنزل وتحياااااااااااااااتي |
شكرا لكم اخواتي على ردودكم وحده وحده بدون تمييز
اول شي اختي الحب ماء الحياة انا عملي برغبه من زوجي واصرار منه يقو لتطلعين تغيرين جو ولا تجلسين بالبيت من اول ما اجي من العمل وانت شبعانه نوم وتبين تطلعين :) يعني اريحه من الحنه :) ====== اختي ام ليان بالفعل ما فيه حوسه من الاطفال بس البيت نفسه بيبانه وشبابيكه مو مضبوطه والله امسح الطاوله القزاز اليوم ارجع لها بعد ساعتين مغبره طبعا الجو عندنا شي بس برضوا احس ان الغبار يدخل من كل مكان يعني تخيلي لو ارتب وانظف المجلس بالليل والله لازم اعيد عليه الصبح والاقيه مغبر هذا في حاله كنت بستقبل ضيوف ====== اختي مزيونه ثياب زوجي اوديها الكواي كوي بس بس باقي الملابس لا زوجي يحاول يقنعني اوديها مع الثياب بس انا ما ودي احسها فشله كل ثيابنا عند الكواي :( ====== ام البنين انا عارفه المسئله تنظيم وقت بس كيف انظمه ؟؟ام ليان الله يجزاها خير تقول اسوي اكثر من شي بنفس الوقت بس انا ما اقدر اطبخ واغسل مواعين بنفس الوقت لان الوقت الي يسمح لي بالمطبخ بالكثير ساعه الى ساعه ونص يالله اطبخ ====== تسلمين حبيبتي شاش وان شاء الله اشوف الموضوع تحياتي للجميع دلوعه زوجي |
أهم شي المكوه
لأن الكوي صعب وياخذ وقت وأنتي موظفة والأفضل جيبي شغالة |
خرج البيهقي عن أنس قال:
جاء النساء إلى رسول الله صلى الله عليه وسلم فقلن: "يا رسول الله ذهب الرجال بالفضل بالجهاد في سبيل الله، أفما لنا عمل ندرك به عمل المجاهدين في سبيل الله ؟ قال رسول الله صلى الله عليه وسلم: مهنة إحداكن في بيتها تدرك عمل المجاهدين في سبيل الله" |
السلام عليكم
انا اايد هالامر اللي قلتيه
لاني مثل حالك عندي شقه ومافيه الا انا وزوجتي وهي موظفه وجبت لها شغاله بالساعات وريحت زوجتى كثير :16: |
اول شي الله يرزقج يا ربي بذريه الصالحه قولي امين
ثاني شي في رايي الشخصي انج تحطين بالج اذا بتيبن الشغاله اللي بساعات يعني قصدي لازم تتواجدين معاها لان هاذلين صراحة مالهم امان واذا انج مضطرة اعتقد انج لازم تيبين شغاله لج احسن من ذيج اللي بساعات ووووبس |
انسب حل خدامه بالساعات زوجتي اخيرا سوتها مرتاحين جدا لاتعب ولاخرابيط ولا خدامه تشاهدك 24 ساعه قدامك
تخلص وتمشي |
حلك هو استقدام الخادمة وليس هناك حل غيره وتحملي الاثار السلبية للخادمة وحاولي التقليل من تلك الاثار من خلال الاستماع لبعض الخبرات الموجودة حولك كاهلك واقاربك وزميلاتك
|
أقترح بان تضعي جدول خاص لعمل شغل المنزل مثلاً يوم من أجل غسل الملابس وكويها بالاضافة الى العمل الروتيني اليومي ( الطبخ وشاهي المغرب ) في اليوم التالي ترتيب الغرف + العمل اليومي اليوم الذي ياليه تنظيف المخزن + العمل اليومي وهكذا شوي تنظيم يكون كل شي على أكمل وجهة بدون تعب
|
دلوعة زوجك ...سلااااام
ليه لا ...أهم شيء أنها ماتكون عندك وتعكر حياتك ..وتحرمك اللباس مع زوجك بسسسسس هاه لا تعودي نفسك عليها بكرى تورطين لو ماحصل لك خدامة وفقك المولى ورعاك |
شكرا على الردود والتفاعل اخواني بو ثنتين ونايف .........................
شكلي مالي الا شغاله بالساعه علشان ما تخرب علي جو البيت وبالنسبه اني اقابلها انا احس اقابلها كم ساعه والا يوم كامل بس عسىالاقيهم تصدقون دقيت كم مره يقولون مشغولين عليهم اقبال تحياتي دلوعه زوجي أختي الكريمة ... مثل هذه الطلبات غير مسموح بها هنا بالمنتدى احترامي ؛؛؛ |
دلوعه زوجها الغاليه والله ارى ان تنظيم الوقت مهم ممكن تحطين الملابس بالغساله الصبح قبل لا تروحين الدوام بترجعين تلاقيها مغسوله تفصلين المكواه عن الملابس العاديه اللى لا تحتاج كى وترسلينها للمكواه باللاوندرى ..........
الغداء انا ...... اسوى شى جميل ما ادرى اذا ينفع فى طبخاتكم العربيه ولا لا انا اسوى الاكلات بجدول واطبخ بالاسبوعين يعنى اضع اللحم مع البصل والطماطم كله بحله الضغط ما ياخد وقت ويكون مستوى وبعدها اضع عدد من قطع اللحم مع الصلصه اللى استوى بيها فى حلل صغيره واضيف لها الخضار فيكون فيه حله للباميه واخرى للبسله مثلا .............واسويها على النار واتركهم ليبردوا واضعهم بالفريزر وكل يوم قبل لا اروح العمل اطلعهم وما يبقى لى بعد الدوام غير طبخ الارز والسلطه وهكذا وفرت وقت وحوسه .......... تنظيف البيت احكم اغلاق منافذ الهواء قبل خروجى للعمل وحين اعود امر على كل الاثاث بقطعه قماش مبلله باى منظف خاص وفى ذات الوقت امسح الارضيات بالمساحه الخاصه باباركيه هى تنفع للسيراميك كذلك والاطباق شريت غساله اطباق كبيره هاى هى تجربتى والله ما تاخد وقت كتير بس منظمه لى بيتى ...........ومريحه بالى ...........وكل فتره احيانا ما بيكون لى ود فى الطلعات اوضب الخزانات وارمى اللى ماله لزوم ارجو ان تفيدك نصيحتى |
اقتباس:
اتفق مع الأخت ام ليان ، فبدلاً من دخول امرأة غريبة للبيت الأفضل هو التنظيم ووضع جدول للأعمال المنزلية بشكل اسبوعي تحياتي |
لا أزيد على ماتفضل به الأخوة والاخوات 0000 وأردت أن أذكر قصة السيده "فاطمة بنت رسول الله صلى الله عليه وسلم " جاءت تشكو إلى رسول الله ما تلقى في يديها من الرحى إذا طحنت، وفي نحرها إذا حملت القربة، حتى أصابها الضر والجهد، وتسأله خادما، فجاءها رسول الله وعلي معها وقد دخلا في فراش إذا غطيا رؤوسهما تكشفت أقدامهما، وإذا غطيا أقدامهما تكشفت رؤوسهما، فقال لهما: ( ألا أدلكما على خير مما سألتماني إذا أخذتما مضجعكما أو آويتما إلى فراشكما فسبحا ثلاثا وثلاثين، واحمدا ثلاثا وثلاثين، وكبرا أربعا وثلاثين، فهو خير لكما من خادم) . |
انا أقول ماله داعي الشغاله دام بس انتي ووزوجك ...... وبلاش دلع
|
نصيحتي لكي (دلوعة زوجها)وانشاء الله كل متزوجه تكون دلوعه لزوجها المهم
ترى الشغالات هم عالقلب وترى اذا يوم ماراقبتيها في شغلها ممكن تخرب او تغش وهذي غالبيتهم الا من رحم الله وياريت على كده وبس بعضهم يجوا تخصصهم خراب البيوت ويفرحوا اذا اختلفتي مع زوجك اليوم ذكرني احدهم بقول (سبحان الله33والحمدلله 33والله اكبر33)قبل النوم تعينك على العمل اختي :تصدقي لو قلت لكي اني تزوجت وان في التوجيهي ودرست الجامعه كلها عند زوجي وتخصصي يبغالو شغل كثير (فنون اسلاميه)يعني اعمال ورسم وشغل فني ولوحات)وأنجبت ابنتي الاثنين وانا ادرس وكنت مرتبه وقتي ولا عندي شغاله ولااحد يساعدني كنا مرات نجيب الأكل من بره والكوي مدام تدوي ملابس زوجك الكواي هذي انحلت (انا كان زوجي مايحب اننا نوديها وكنت انا اكويها وربنا اعانني ) |
| الساعة الآن 11:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©