|
معلّقه....؟؟؟
السلام عليكم ورحمة الله وبركاته
هذا مو اول موضوع معاكم...هنيء لكن حياتي على شفا حفره لأنني ومنذ بدايات زواجي لم نكن على وفاق..ماقدر افهمه ولا هو قادر يفهمني...وهذي الصراحه استحملت كل شيء منه.و.انانيته وعدم الاهتماههم و.تجريحه بالكلام.و.تدخلات اهله في حياتي و..نساءو بخله..ضربه ورجعت معاه حين اكتشفت اني حامل...قلت عشان مولودي.يمكن يتغير.ولا تغير وكملت حياتي معاه بين مد وجزر... المهم في الشهر الرابع اجهظت..معني والله كنت اتمني هل ياهل بفارق الصبر..بس الله كريم في المستشفي بدال ما يقولي الحمدالله على السلامة طرشلي مسج قالي بطلقج...يعني حسيت في هل الوقت انه هذا الشخص عمره مابتغير..لانه في الوقت الازمات دورينه ما تلقينه حدج.. فطرشتله مسج قلتله..المهم هب مشكله.... يوم ثاني شفته في المستشفي والله فرحت..بس يا فرحه ما تمت..جاء كلم امي يقولها انا بتزوج وحده ثانيه ماعرف شنو حتى ما راعي نفسيتي هاك وقت. حتى ما سال عني كنت اعيش حاله نفسيه ما يعلم فيها غير ربي.. المهم بعد اسبوعين.رجعت بيت زوجي. حاولت قد مااقدر اني ارضيه.اقول ليش هذا كله.. كان يبي يطلق.واكتشفت انه امه لاعبه في عقله كالعاده ناقله كلامي الي قلته. وقت الاجهاض لما قلت خلاص مابي احمل الي بعد سنتين معني والله كنت اقولها بمزاح كنت توه عانيت من الاجهاض هي راحت كل عاده تلعب بعقله ..هذي ما تحبك... وهي اصلن جهظته عشان ماتبيك... وهذي اصلن كل مره بتجهض مريضه...خلها بيت اهلها حتى قامت ادخل في راسه الزواج من ثانيه.الممهم حاولت اكون لاول مره صريحه معاه..اقول شو سبب المشاكل الي بينا..قلتله االاشياء ضايقني منه.فقالي كلام جرحني. حتى كان بمد ايده بس انا ما سكت..الصراحه كلمه منى وكلمه منه..تفاقمت مشكله بينا.....قالي انا كارهنج بس مابطلقج..لين انتي تملين..تروحين تطلبين طلاق عشان تردين كل فلوسي... بزوج عليج...عناد فيج.. والحين انا بيت اهلى من شهر تقريبا.لا يسال مافرقت عنده ...مخلني معلقه لا اعرف.. شو مصيري..؟؟؟ اهلى تعبوا هم يتكلمون معاه...قالوا هذا مامنه فايده لانه كل يوم له راي وكلام...قال اقعدي عندنا معززه مكرمه.ان شاء الله ما تحتاجين شيء بس لين متى بتم جيء احس اني عاله على اهلى اذا رجعت اعرف اني بعيش بذل اكثر..خاصه انه خبرهم بكل كلامنا ...وجوا هوشوني مااقدر ارجع وخاصه انا اعرف انه يكرهني خلاص مااقدر اطلب الطلاق...لاني ماعندي شيء ادفعله ...؟؟ ولا هو راضي يطلق بالاساس..؟؟؟ يعني اي اختيار كله يؤدي الي نار والله كل يوم اصلى اسختاره..بس مو عارفه ما اقول خير حسبي الله ونعم الوكيل . |
اختي انتي ما قصرتي معاه وسويتي كل شي عشان ترضينه وصارحتيه بالاشياء اللي تضايقك ورجعتي له وحاولتي ترضينه
وربي كتبلك ما تجيبين عيال منه وهالزوج اللي يجرح ويعذب وفي حيااته نساء وزياده على هذا كله يضربك وامه تقوله اجهضت لانها ماتبيك خلها بيت اهلها اي عقل ودين يقبل هالكلام الله يعينك اختي على ما صابك و إن شاء الله الاخوان يفيدونك بلحلول الأخت المباركة ... للتنبيه فقط كلمة ( إن شاء الله ) تكتب كما بين الأقواس فقط ... أشكرك |
الله يساعدك اختي
ما عندك غير حل واحد و هو انك تبقي و تشوفيه انك ما هامك هو مخليكي في بيت اهلك و عاد لا تتصلين فيه و انتظري مده اكثر من شهر و الله يعينك دعواتي لك اختك |
الله يعينك يااختي ويفرج همك إن شاء الله
خليك في بيت اهلك وخلي ناس ثانية تدخل شيوخ مثلا او ناس كبار لأن حسب ما اعتقد انه حتى مايسمع كلام أهلك وبصراحة اللي تخش امه في عقله بعد قولي عليه السلام وخاصة اذا كان من النوع الضعيف الشخصية يصدق كل شي ينقاله المهم اذا لم تتحسن الامور اطلبي الطلاق وعسى ربي يعوضك خير |
نصيحه من اخت لك ما تبي تضرك...................لا ترجعين ابدا ابدا ابدا.................خذي الفتره اللي انتي فيها كنقاهه واعادة توازن..............ربك اسقط طفلك ما بيربطك مع هالزواج .............خذيه كدرس لك ورساله من رب العالمين ان مالك نصيب مع هالمخلوق..............استخسر كلمة رجل فيه.....................وادعيي واكثري من الدعاء.............والله يا اختي صرت ادعي لدرجة اني ادعي وانا ما انتبه اني ادعي..................صاير اتوماتيكي عندي..................والراحه ما اقولك....عجيبه لا اله الا الله................ادعي ان الله ينزع حبه من قلبك..............وايقني بالاجابه..................صحيح اني رجعت لزوجي ..............بس اتوقع من الدعاء...............وزوجي كان تقريبا تعبان نفسيا.................والحين الحمد لله صايرين على احسن حال................اتركيه ولما هو بيتزوج اكيد زوجته بتصر عليه انه يطلقك وتجي منه.............انتي ادخلي دورات وكملي دراسه اذا مو مكمله وعيشي حياتك وماعليك منه.......................لا ترجعييييييييييييييييييييييييين ابدا ابدا ابدا....................واذا طلب ترجعين استخيري...............يمكن يبي بس يشحططك علشان تعجلين بالخلع............انتبهي واضح انك ما تهمينه بزياده..................الله يختار لك الخيره الطيبه
|
اختي الكريمة ..
الله يعينك على بلوتك .. من رايي إنك تحاولين تعجلين بإجراءات الطلاق ،، لأن إذا كانت من البداية عدم احترام وذل الله يعين تاليها اشلون ،، والحمدلله ما عندك منه عيال ،، وبعد الطلاق إن شاء الله يجي لك النصيب الأحسن يا رب ،، لأنه مدام زوجك بايعك ما راح يفيد فيه شي ،، ولو كان يحبك وشاريك ما كان سمع كلام اهله لو مهما قالوا ،، يا ما سمعت قصص مثل قصتك بس الزوجة تصبر وتنتظر منه يتغير ،، سنين تضيع من عمرها وبعدين خلاص فات الأوان ،، وما تدرين يمكن يحس بقيمتك بعد ما يطلقك ويرجع إنسان ثاني ،، الله يعينك اختي على ما بلاك وكل هذا اختبار من الله ،، الله يوفقك في حياتك ،، |
زوجك ما عاد منه فائده ولا يصلح لان يكون زوج لك واب لاولادك بالمستقبل استخيري الله واطلب الطلاق منه واذا رفض مالك الى اللجوء بعد الله الى القضاء والمحكمة لطلب الطلاق
|
اختي أذا كان ما تقولين صحيح لك أن تطلبي الطلاق وأن تبيني لمحكمة أنك متضررة من هذا الزواج وانه يهددك دائماً بالطلاق على صغيرة وكبيرة وأنا متاكد أن المحكمة سوف تنظر لك بمنظار اخر وسوف تنصفك إن شاء الله
|
اسأل الله العظيم رب العرش العظيم ان يفرج كربتك ويعوضك كل خير ،ويستر عليك في الدنيا واخرة ، هناك حكمة بالغة في اسقاط المولود ، ان شاء الله مكتوب لك الخير ربنا يعوضك كل خير يااختي
ربنا يفرج كربك وكرب كل مكروب |
انا مااطلب من الله الاانه يفك ضيقتك واصبري اختي ان الله مع الصابرين.....وبعدين ياحبيبتي لاتحسي انك عاله على اهلك هذوول اهلك والله يحفظك ويرعاكي ويرزقك بابن الحلال الي يستاهلك ويقدرك
واتمنى لك كل توفيق اختك كيدتهم |
اختي الحبيبه بحور الصمت
كل مشكله و لها حل و لكل زمن رجال و زوجك لا ينفع لاي زمن و اسفه على الصراحه .... الزم ما على الانسان كرامته التي اكرمه بها رب العباد ... اول خطوة يجب ان تقومي بها هي ان تنسي تماما انك عائق على اهلك فهذا الكلام لا يصح قوله فهم من قامو بالاعتناء بك و اكبر همهم رايتك بهذا الشكل و انا اكيده يا اختي ... اول شيء عندي لكي بشاره .. ليس لي اي علم من اي دولة انتي و لكن انا راح اتكلم عن الاجراءات و القوانين بدولة الكويت و لا اعتقد في تغير لانه الدين واحد و الرب واحد .... اولا يا اختي عندك اكثر من خطوة ... اول خطوة هي الخلع و الخلع يتم اذا كان الزوجين لا يريدون مسيرة الحياة الزوجيه على حسب علمي يجب يكون تفاهم بين الطرفين و في حالات خاصه مثل حالتج يتم بطرف واحد ... و الحل الاخر هو طلب الطلاق للضرر يا اختي لانك متضرره .. و اي فلوس يطلبها اذا تمت الخلوة الشرعيه و الدخول !!! يا اختي زوجك جاهل اب امور دينه و دنياه لانه بمجرد وجود الخلوة الشرعيه (يعني تطلعون لوحدكم و تشربون قهوة مثلا حتى و ان لمن يتم الدخول ) لا يحق للزوج اخذ المهر او ما يسمى بالمقدم لانه الخلوة موجوده و اذا تم الدخول اي فلوس يتكلم عنها !! انا اتكلم عن ما اخذيته من هديه ولست اتكلم عن المؤخر و النفقه و انما ما اخذتيه لا يحق له اخذه هذا حق مكتسب... و الاجهاض و عدم وجوده بجانبك !! و والدته تملا راسه بكلام فارغ !! اي عوده هذي !! يا اختي لا حل ابدا بالعوده .. الحل الوحيد الطلاق و الانفصال لانه بايع جدا للاسف.. قد ياخذ بعض الوقت باختلاف المذهب سواء كنتي السني او الشيعي و المساله تاخذ وقت من شهر الى سنه او سنتين و لكن هذي خطوة يجب عليك ان تخطيها ... اختي الحبيبه الزمن تغير و الناس تتغير .. الان الطلاق اصبح اسهل من شرب الماء و ما عليك سوى الطلاق و كل شيء قسمه و نصيب و تاكدي ان الله معك ... اختي رجاء خاص خبريني اول اب اول عسى و علا اساعد بشي فلدي خبره ببعض الامور القانونيه .. و اذا نوتي ان ترفعي القضيه ارفعي عليه اولا قضيه النفقه قبل الطلاق اختي او الطلاق مع النفقه لانه اذا مشو في نفس الوقت سوف تحصلين كل شهر نفقه منه سواء شاء ام ابى اختي ف النفقه راح تكسر راسه و راح يطلقج و لكن اذا كان مصر على شن الحرب فحن معك لا تخافي و المحامين لهم اكثر من حيله للتخلص من هذي المشاكل ف المشكله بسيطه و لكن تاخذ وقت و كل ما طالت المده النفقه ماشيه و هذا اذى اكبر له اذا ما طلق .. اختك بني |
@*لولو*@
تشكرين اختى على مرورج..دعاءج لي فقط يكفيني حمدالله على كل شيء sad 4 ever مشكوره اختي.. تري هذا الي صاير انا الحين بيت اهلى..بشوف شو الي راح يصير معنه اظن انه بايعني خلاص ربنا يوفقج نهرين يعطيج العافيه اختى على ردج....تراني صابره بنشوف شو اخر الوضع..هو رافض يطلق اول اعطيه مال..اهلى رافضين الامر يوصل للمحكمه واني اروح اطلب الطلاق ما قول غير الله يهديه ويهدي امه |
مشكلتي اصدق
مشكوره اختي...لو كان رجوعي بجيب نتيجه كانت رجعت والله..بس عارفه ماشيء فايده..ولا جلوسي بجيب نتيجه.. اذا يبي يزوج خل يتزوج ربنا يوفقه..بس مشكله ظالمني معاه...انا مخلصه دراستي حمدالله..ادعيلي احصل شغله محترمه..تشغلني على قليل مااحس اني عاله على اهلى يعطيج العافيه أم كريم القندهاري .spyمشكورين اخواني...صدقج شكله بايع..معني كل يوم اتريه..انا على اقل يطرش مسج بس مافي فايده هو بايع بايع بخساره بعد والطلاق..مشكله اهلى رافضين انه اروح المحكمه وارفع قضيه طلاق عليه..يمكن عندهم امل فيه ما اقول غير الله يهديه يا رب جزاكم الله خير |
ارجعي بيت زوجك ولما يطلقك
لا تروحين بيت أهلك حتى العدة وفقط لاغير واتمنى تحكمي عقلك وتتكلي على الله والدعاء الدعاء يا اختي تحياتي |
الله يعينك يااختي ويفرج همك وييسر لكي امركي .........................
|
اختي الحبيبه
مع احترامي الشديد للاهل و لكن انتي الي راح تعيشين معاه مو اهلج ... لازم توضحين لاهلج انج انتي هم لا تريدينه و يجب عليهم مساعدتج اختي و لا يتريون شيء منه بكره لمن تشتغلين الف واحد يطق الباب ... اختي كلمي اهلج قولي لهم الدنيا تغيرت و الي الله كاتبه خل يصير و ما اقدر اتم اكثر من جذي احس بالانهيار و انا بعد ما ابيه ... و اذا عيو يساعدونج خلي شخص كبير مثل خالج او عمج احد كبير يتكلم وياهم على اساس انه الوضع لين متى يتم جذي اختي انا اختي تمت معلقه خمس شهور من دون اي اتصال منه او من امه انا ما ابي اخرعج بس هذا الي عشته ... اختي الحبيبه لا تترين شيء من رجل اب هذي الصفات كلمي اهلج صارحيهم قولي انج لا تريدين العيش معاه .. اختي تخيلي حماة حكمت عليج انج قتلتي جنينج و زوجج الي صدقها اب اي عالم نعيش و ما هذي القسوة و اسفه جدا اذا فتحت الموضوع بس اذا اتصل و رجعتي شنو راح يكون في انتضارج كل الي صار فيج كان حكمه اختي و رب العالمين بين لج شنو هذا الرجل بالمواقف الصعبه... اختي في رجال لا يخافون الله في نسائهم حبيبتي و بس يبون الفلوس و هذا واضح اصله منحط ولا شان ما تكلم عن الفلوس نهائي .. اختي توكلي على رب العالمين و تكلمي ويه اهلج ما يصير اتمين جذي اختج بني |
bunney
الله يعطيج العافيه اختي بوني على اهتمامج..متابعتج.. اولا حمدالله على كل شيء..وانا اعرفه انه بايع وعارفه انا روجوعي الحين بخليني اعيش الامرين معا...واهلى يعرفون انه لا امل منه.....لكن واحد يقول ربنا يهديه....برغم اني احيانا احن عليه برغم من كل شيء..مشكله اختي اهلى يفكرون بكل صراحه بكلام ناس قليل..وخاصه اني لم اكمل سنه من زواجي...واحيانا يقولون انه المحاكم تاخذ وقتا طويل...وكل شيء عندها بدليل...خاصه لو انه اصر ان لا يطلق..وكذبني بكل شيء. وهم يقولون دعيه هو من يقدم دعوا الطلاق ليس انتي..واحيانا يقولون انتظري قليل ..وحادثت خالى وقال اعتبري الامر منتهي..لكني لم افهم ماذا كان يقصد.. .............. ...لكني يا اختى لو رفعت قضيه نفقه قبل الطلاق..الا يستخدم ذريعه..اني موجوده بيت اهلى حجه...له في عدم النفقه...؟؟ معنا اصارحك رغم اني اكرر كلمة الطلاق..لكني من داخلى لا اريد الامر ان يوصل لهذا الاحد لكن مال فائده.. وهذا نصيبي..اوعسى ان تكرهوا شيء وهو خير لكم morning star اخي واختي مشكور على النصيحه الطيبه منك.. صدقني لو رجوعي سوف يغير شيء كنت رجعت..المشكله انه حركاته كله تطفشيه.. انا بستحمل كل شيء..مو مشكله...لكن والله الكلام يوجع اكثر من الضرب نفسه.. الأب الحنون مشكور على الدعاء الله يفرج هم كل مكروبين يا رب |
اختي الحبيبه بحور الصمت
ليس كل ما نراه بالافلام صحيح كمساله بيت الطاعه فكل شيء مفتعل ...النفقه حق مكتسب سواء كنتي ب بيت الوالد او بالمريخ و يجب عليه ان يصرف عليكي ... امر الطلاق ياخذ وقت و قلت هذا الشيء من قبل ... و لكن اذا رفعتي القضيه مردها تنتهي و لكن اذا ما رفعتيها لين متى تتمين معلقه ؟؟؟ .... اختي محد يبي يتطلق و ولا بنت تبي تكون مطلقه و كلام الناس ما يخلص ابدا ابدا و اذا اهلج يفكرون الناس شنو تقول الناس راح تتكلم قبل و بعد يا اختي باجر يشوفون مطلقه او معلقه ثانيه و يتكلمون عنها و الزمن تغير الحين الطلاق صار من اسهل ما يمكن يا حبيبتي ... لا يمكن للزوج ان يتكلم فهو المخطأ ... الله يصلحه اختي ولكن لا يصلح ك زوج ... اعلم انك داخل قرارت نفسك لا تريدين الطلاق لانه صعب مو شيء سهل كلش .. و لكن صدقيني لمن تتطلقين و تشتغلين راح تقولين ويني من كل هذا اختي و ما تدرين ممكن يشوفج احد بالشغل و يتقدم لج اختي ..الرجل يدور المراه المحترمه الثقيله بنت الناس الوقت تغير و الناس ماهي فاضيه ... اختي اهلج من زمن ليس بزمنج ف صعب عليهم فهم الشيء ..هذا بزمن امج و ابوج صعب حيل الطلاق و نادر جدا .. نحن من نبحث عن السعاده و الشقاء و نختارها اختي ... لا تنتظرين يطلق لانه عادي عنده يعلقج اختي و اهوا ما عليه حرج يتزوج 3 اذا يبي بس انتي !!!! و اذا ما تبين الطلاق تنازلي عن كل شيء و اتصلي فيه و قولي له اي ياخذج من بيتكم و كوني مسؤله عن هذا القرار بالرغم من انه بايع و لا يريدك فمادري ليش ما تبين الطلاق اذا هو يريد و لو مو الفلوس شان طلق .. او ممكن ان تقومي برفع النفقه من دون طلاق و كل شهر تحصلين على ثلث راتبه او اقل من هذا و ممكن لمن يشوف انه يصرف غصبا عنه يطلق لانه يفكر بالفلوس و لكن اذا قاعده اب بيت اهلج ما تسوين شيء لا تطلبين الطلاق ولا النفقه عادي يخليج و اهوا يحس الان ان اب لحظه قوة و انتي الخسرانه لكن اذا بدا يخسر فلوس راح يطلق من نفسه فعليك ب هذا الاسلوب اذا ما تبين تطلبين الطلاق ... اختج بني |
اختي بخصوص كلام خالج اعتقد خالج يقصد المساله منتهيه يعني اعتبري نفسك غير متزوجه اساسا و انه يحاول يدور حل و لكن اختي تكلمي معاهم بجد بخصوص النفقه و راح تشوفين اشلون تنقلب الايه لانه زوجج للاسف مادي و للاسف في وايد رجال يتزوجون بالوقت الحالي من اجل فلوس الزوجيه و لا يخافون الله اب زوجاتهم و اذا حماتج وراه الله يكون بالعون
اختج بني |
فرج الله كربتك
|
تظاهرى بانك لا يهمك شيئ ومع الوقت وبالدعاء الشديد والالحاح على الله فالاجابة و اليقين التام فالله فسوف يرجع لك حقك باذن الله تعالى لكن رجوعك ليةومحولة معة مرة اخرى مش فصلحك و عموما حسبى الله ونعم الوكيييييييييييل
|
.......................
انا اعتقد ان تصرفاته معاك لها اسبابها يعني انت اكيد فيك حقك مظايقته في بعض الامور بس زوجك ............ >>>>اسمحيلي ................ ...واكثر الرجال كذا العصمه بيدهم ويتزوجون ويطلقون على كيفهم لا...ودفعي انتي يا حرمه المره منين تدفع .................. اذا كنتي تبين تظلين معاه...اعتبريه وسيله.. يصرف عليج...يوديج يجيبج...حتى لو بالقليل وتحملي بذله وكلامه واذا ماتبينه سوي نفسك عادي وما همك الطلاق.. روحي المحكمه وقولي لهم زوجي قاطني بيت اهلي يا يرجعني...او يشوف لي حل>>>>بس لاتقولين يطلقني لانه كذا بيعاندك هنا الشيخ بيخيره بين المرين فلو اختار انه يرجعك عناد....سوي نفسك مستانسه وعادي عندك....وطفشيه لين يطلقك هو وعذرا على الاطاله أختي الكريمة ... نستطيع أن نوصل المعنى دون التطرق لكل هذا التجريح في الآخرين وكل تلك الالفاظ الغير لائقة ... أتمنى لنا ولكِ التوفيق يااااارب ، كما أرجو الالتزام بتعليمات الكتابة بالمنتدى ... |
الله يعينك يااختي ويفرج همك إن شاء الله
|
| الساعة الآن 11:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©