|
تحسون بما أحس به
|
انا مثلك اختي بس الفرق بينا ان امي صارت تخجل اني اروح معاها زواجات او جمعات
احنا بالبيت نادر مايجون عندنا ناس امكن ما افدتك ياختي لكن يعلم الله اني احب كل اخت معانا هنا بالقسم هذا وادعي لنفسي ولهم |
|
اختي الحال من بعضه، لا تحسبين انك الوحيده، لا املك ما اقول ، فالحزن يحتضن قلبي
|
السلام عليكم و رحمة الله وبركاته
أنا مثلك صرت أطفش من أقاربنا ومن الزيارات العائليه لكن احب جمعت زميلاتي وخواتي انا فهمت ليش انا حالي كذا ومع ذلك ما احب القربه احب الغرب اللي ما يدرون عن سالفتي لأن مع الأقارب كل كلمة وحركة محسوبه عليك ولها تفسير ثاني ومع الزميلات الحياة غير ولهذا السبب قررت اني حتى الزواج الثاني يكون من برى قريتي علشان ما احد يظل يقارن أما بالنسبة لماما ( الله يحفظها) دايم هذي حالتها في كل ساعة تدعي لي وتندم على اللي فات وفي يوم جلست معاها بجو هادي وفهمتها انه مافيه مشكلة تدعي لي بالزوج الصالح بس على شرط ما تجيب سيرت اللي فات على لسانها لأن هذا يجرحني كثير ومن هذاك اليوم واحنا متفاهمين وأكثر شي غير بحياتي بعد ما دخلت هالمنتدى الحلو وشفت مصايب غيري وسماعي لشريط ( الناجح يرفع ايده) عن جد رائع ويرفع نسبة التفاؤل في الدم أسال الله العلي القدير ان يفرج هم كل مهموم |
الله يفرج همك ويسخر لك الزوج الصالح اللي يخاف ربه فيك..
ام لولو |
الله يرزقك ولد الحلال الصالح اللي يسعدك ..انتي و خواتي في المنتدى
|
بقدر ماهو حزين هذا الموضوع .. بقدر ما ضحكت على مواقفك التي تقارب مواقفي .. حالتي مع امي كحالتك تماماً .. كنا نفتح هذا الموضوووع كثيراً .. لكن وحينما شاهدت والدتي عليَّ الغضب أحياناً أو التأثر او الحزن احياناً أخرى .. قامت بإقفال الموضوع وتجاهله تماماً .. حتى يحين فرج الله عز وجل .. بالنسبة للزيارات فقد قصرتها على الأقارب فقط الذين احتسب في زيارتهم صلة للرحم وما دون ذلك فقد انتهى تماماً غاليتي : أسأل الله لك الصبر والثبات .. وحسن الخاتمه .. ولي ولجميع المسلمين . . . . اختك : بنان |
شوفي حبيبتي المرة الفاتت طنشتي ردي وما رديتي علي ..
الظاهر ضايقتك بردي المهم أنا كان همي أوضح لك جوانب في قضية الزواج والنظرة من ناحية أهل العريس تجهلها العروس وكذلك أهلها .. المهم حتى لو مارديت على أحلين بعد مو مهم .. وأعتبر نفسي متطفلة وأدري أنك طلبتي راي الأخوات الآنسات .. معليه أستحمليني .. نصيحة .. كل إللي تحسين فيه من ضيق شيء طبيعي من كثر الضغط النفسي.. تصيبنا حالات كثيرة من هذا الأمر في أمور تختلف .. تذكري أن طاعة أمك واجبة ... أفعلي ما تأمرك بدون ما تظهرين لها تذمرك واحتسبي ذلك عند الله .. مشاجرتك مع أمك لن تفيد في أمرك شيء سوء أنك لربما كسبتي أثم بأغضابها ... لا تجعليها تغضب أبداَ واحذري دعاءها ليكن لك لا عليك .. وتذكري دائماَ رضى الله من رضى الوالدين.. أعانك الله على ما تجدين... |
احب انوه للأخت انه هذي المشكله حتى بالرجال يعني انا صارلي تقريبا فتره طويله ابحث عن عروس بالمواصفات
اللى اريدها ولكني ماحصلت مئات الشباب والفتيات بهذي الحاله ..........بعدين اقترح عليكي كثرة الظهور بالاعراس ومافيها شي لو تخلين امك مثلا تعرف خطابه وتعطيها اسمك ومواصفاتك ترى الشباب كثير منهم واهل العريس يلجأون للخطابات بشكل كبير ........... لأنه الدواره تعور الراس وفي بنات مايطلعون ومحد يعرفهم عشان جي الخطابه تسهل الموضوع اكثر. الله يرزقك بزوج صالح قريب ان شاءلله. |
عزيزتي شوبارد ...
مع اني عارفه انك ماتعلقين على كل الردود الا اني ابي اسأل ونفسي اعرف ... رجعوا الحريم اللي شافوك والا لا ؟؟؟ يعني بتصير خطبه رسميه والا للحين ؟؟؟ ادري ملقوفه ... بس نفسي اعرف ايش باقي الحكايه ... ان شاء الله يكتبها لك الله المره هذي وانا بعدك يارب .... واذا على الاحاسيس ياشوبارد هذا شي طبيعي ... الزواج متطلب روحي لكل ذكر وانثى .. وهو اهم من الاكل والشرب ...واذا ماوجد الزواج اكيد النفسيه راح تتغير ... يعني اذا قدر الله ماكتبه الله هذا لحكمه سبحانه حنا ماراح نعرفها ... لكنها باذن الله فيها الخير لكن عقولنا ماتقدر تستوعب حكمه الله سبحانه ... صدق راح نتعب ونتعب ونتعب لكن .. مثل ماقلت لك كل شي له حكمه حنا مانعرفها .... مابعد الضيق الا الفرج ... ان مع العسر يسرا .... ازمه وراح تعدي باذن الله ... الله يرزقني ويرزقك شوبارد ... والله يسعدك |
night2005
once iwas عيون زوجها تائبة بنان |
حبيبتي شوبارد...
جددي في حياتك... روحي إلعبي رياضه في المراكز المتخصصه... والله الرياضه تبعث على الحيويه .. وتجدد الدم.. و لا تخلي هدفك إنك تنقصي وزنك.. هدفك إنك تتسلي وتجددي شوي.. و روحي حتى لو أسبوعين.. والله إحساس رائع.. أصبغي خصلات في شعرك.. بيعطيكي إحساس جميل <<<< أنا أسوي هالشي كل ما حسيت نفسي متضايقه أو عندي حالة ملل :d الله يرزقك بزوج صالح يحبك وتحبيه ويخاف الله فيك........... إنت وكل بنات المنتدى الله يطمن بالك... ويرزقك الخير يا حلوه :) تحياتي... |
أسرار
ضاحي لولو |
شعورك هذا طبيعي صديقتي امها دائما تلمح لها انها الى الان ماتزوجت واختها الاصغر منها متزوجه واغلب الامهات كذا يبغون بناتهم متزوجات حاولي تفهمين الوالده ان الانسان مابياخذ الا الشي الكاتبه ربه له والله يرزقك الزوج الصالح
|
ادعي الله وما راح يخيبك
اختي الزواج قسمه ونصيب ويجي في وقته اللي الله كتب لك اما اللي تسويه امك فهذا شي غصب عنها تعودت تشوفك دايما صغيره ولا تعرف ان هذا شي يضايقك انا وانا متزوجه من سنين وعندي عيال الا ان امي تعاملني بخزة العين الى الان لمن اتكلم بشي ما يعجبها بس انا اعتبره شي عادي لان الام مهما كبروا عيالها تشوفهم صغار |
يااااااااااحبيلك تكفين وياملحك انتي وامك يا شوبارد شوفي امك تناظر التلفزيون واذا جا مشهد تناظرك هذا لانك انتي فكرتي في ردة فعلها فتحسين انها تقول او تكتشف الي في نفسك :24:
اقولك شي انا اول قبل لا اكفخ نفسي اذا شفت مشهد خطبه ولا مشهد عانس خلااااص انهار احس ان اهلي يفكرون زيي وهو والله محد جاب خبري خخخخخ:cool: بس اذا شلتي هالاحساس والله بيصير عادي والحمدلله انا احس الفتره الي مرت بي فترة تدريب لما انا فيه ساعات عيال خواني يقولون لي ليش ما جبتي بيبي :rolleyes: والله اني انهار خصوصا اذا صار عند احد ولاني ينقلب وجهي صاروا الناس ينتبهون وتضيق صدورهم اما يلغون بزارينهم عشان لا انجرح وهااااذا الي يزيد الطين بله :29: واللله اني احكيلك عن تجربه غثا قبل وبعد والله يعين ودائما انسال ليه ما حملتي وش اسوي مهوب بيدي بس والله نظرة الناس تغث صرت اقول ابجيب بنت وازوجك اياها عشان مااعطي الموضوع حساسيه :25: انا اكتشفت انه قد ماتتعاملين مع الموضوع الناس يتعاملون معك على حسبك انتي ان كبرتيه كبروه .. اما العزايم وحريم خوانك انتي ليش ماتبين تختلطين بالناس ؟؟؟؟؟ انا والله مريت زيك وعزلت نفسي بس وش استفدت الا الغلقه والتحطيم في نفسي اذا جت عزيمه البسي احلا لبس تمكيجي انتي اذا رحتي اجلسي مع ناس مقربين لك ماعندك صديقه في العائله حتى لو هي متزوجه اتصلي عليها قولي هاه بتروحين والله بتنبسطين اقوي نفسك لاتخلينها تغلبك يا حبيبة قلبي الدنيا فيها اشياء حلوه كثيره ادرسي دوره بس لاتصير دوره شي نظري مثلا دورة مكياج دورة رسم او اي اشغال عندك المناهل عندهم اشياء كثيره واذا تبين بحثت لك تعلمي فن الطين والله ممتع ممتع شي ماتتخيلين ويفرغ شحنات خياليه انتي عارفه قسم بالله اذا شفت نفسي محبطه ساعات اطالع نفسي في المرايه و:16: اي والله بس مهوب بقوه بس ابي اطلع نفسي من هالحاله .. بربرتي واجده بس والله اني حبيتك في الله عسا ربي يفرحني فيك وكل البنات عاجلا غير اجل يارب يا كريم . اسال الله ان يبرني واياكم بالصالح من خلقه اللهم اني اسالك بعزتك وقدرتك ورحمتك التي وسعت كل شي ان تبر اخواتي بالازواج الصالحين عاجلا غير اجل وتبرني بالذريه الصالحه وكل محروم يارب العالمين |
حلو كلامك يا نوارة نــــجد....
ماشالله عليكي |
dandon
lavendergm مدلولة نوارة نجد |
تصدقون يا اخواتي ان المرحله هذي حتى الرجال يمرون فيها
كنت اذاشفت رجال جالس مع زوجته كنت اموت قهر ...... واتمنى اني مكانه وتهرب من من مجالسة المتزوجين وارتاح مع الشباب اللي زي حالتي وبالجلسات اذا فتحو سيرة الزواج احس انهم قاصديني بكلامهم ...........اتبسم ونا ميت من القهرررررررررررررررررر :11: :11: :11: :11: :11: :11: :11: :11: :11: :11: :11: :11: :11: لكن ابشركم خطبت البنت اللي اتمنها وعايش حالة حب معها الله يخليها لي .........وتحسنت حالتي 180درجة أصبحت انا اللي افتح مواضيع الزواج مع الشباب .................. وبعين قويه ......... الله يسرلكم يا خواتي الزوج اللي يسعدكم بحياتكم .... |
الله يرزقك ولد الحلال الصالح اللي يسعدك ..انتي وا خواتي في المنتدى عاجلا غير اجل,,,,,,,,,,,,,,,,,,,,,,
|
شوباااااااااارد
نصيحة لا تخلين شعورك بالعنوسة والتفكير الدائم بالزواج يؤثر على نفسيتك وعلاقتك مع امك انا ندمت اشد الندم امي الله يرحمها ومشتاااااقة لها حيييل واتمنى لو ترجع وما اتزوج نهائيا بس اجلس عندها تحسفت على الايام اللي مرت وكنت مشغولة عنها بالتفكير بالزواج وهمومه كثيرا ما كنت انطوي على نفسي واجلس بغرفتي واشعر اني سببت لها الضيق بسبب نفسيتي المكتئبة لدرجة انها اصبحت تتحلم بزواجي ودائما تدعي لي لا تدعي امر الزواج والتفكير به يؤثر على علاقتك بأمك او بالاخرين
|
اختى الحبيبه شوبارد
خخخخخخخخخخخخ والله انتى شخصيه عسللل انا لو رجل مكنتش ترددت :) اما بالنسبه لامك والله انا امى مثلها تماما ودائما تنظر لى هكذا ولكنى اشعر بها لانى اصبحت ام واحزن جدددددددددددددا حينما تبكى ابنتى ولو على شيىء تافه فتخيلى ان امك كم هى حزينه لحزنك وهى تفهمك اكثر من اى احد اتمنى من الله ان يرزقنا الازواج الصالحين وطمنينا عليكى |
ا حبيلك والله انتي الي تهبلين الله يعطيك على قد نيتك يا شوبارد :17: شوفي مرت خالك وحده من ثنتين يااما ان فيه صح الحريم يعني ( صحيحه ) وياكثرهم الله من عجوز بغثرت كبدي الى يومك بس والله اني اموت في العجز ولا اواخذهم اما انتي جايزتن لها وترا الحريم يقدرون المتوظفه ويمكن عندها بنات وودها انهم زيك وشوفيها تقول ماعليها قصور خذيها من ناحية انها شهدت لك انتي اذا رحتي لعزيمه تجنبي الحريم الي يدفشون بالحكي اقعدي مع ناس متطامنات خخخخخ:22: ومرت خالك ما سولفت كذا الا اكيد الجلسه سادها الصمت ومافيه الا البحلقه والبربره الي مالها سنع:11: دائما حاولي تحولين السوالف ابعدي عن الاشياء الي ممكن تضايقك او تضايق احد والله يا شوبارد الحين مااروح العزيمه الا العجز يناظرون بطني خخخخخ تخيلي :eek: وش اسوي والله صرت اضحك اول اتضايق وتحوم كبدي بس الحمدلله على كل حال :18:
يالله يا ربي ينولك الي في بالك ويرزقك الي يستاهلك وجعله يشوفك نظر عيونه يا حي يا قيوم اسال الله ان يبرني واياكم بالصالح من خلقه اللهم اني اسالك بعزتك وقدرتك ورحمتك التي وسعت كل شي ان تبر اخواتي بالازواج الصالحين عاجلا غير اجل وتبرني بالذريه الصالحه وكل محروم يارب العالمين |
الله يسعدك اخت شوبارد من جد انتي تنحبين والله يرزقك الزوج الي يستاهلك
اللهم سخر لها ولبنات المسلمين الازواج الذين تقر بهم اعينهن اللهم اصلح لي زوجي واجمع فرقتنا والف بين قلبينا |
روحي يا شوبارد انتي والبنات اللي مثلك..........اهي وانت جاهي تزوجهم وتسعدهم وتستر عليهم وتوفقهم وتبارك فيهم..............يااااااااااااااااااااااااااااااا اااااااااااارب عجل بزواجهم..................ياااااااااااااااااااارب اسعدهم ونولهم مبتغاهم.............مع ان الزواج ترى مو كله حلو بس الله يسعدكم...................
خلوا امهاتكم يدخلون اقسام المطلقات والارامل ويقرون مشاكلهم ويحمدون الله انكم باقي عندهم محد نكد عليكم واذا عن الناس فكلامهم مايخلص................ |
الله يرزقج ولد الحلال الي يستر عليج ويهنيج
بعدين عزيزتي لاتخلين هذا الموضوع يأرق عليج حياتج هذا قضاء الله وقدره ليش تعترضين يمكن هذا يكون خير لج والله العليم والله يرزقج ويرزق جميع البنات بالزوج الصالح |
| الساعة الآن 08:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
