|
اتركه أم استمر معه ؟
عندي مشكلة شاغلة تفكيري من فترة ولا لاقية لها حل ، المشكلة تتمثل في خطيبي
الله يسلمكم هو مزاجي يعني عصبي بدرجة فضيعة ما تتصورونها ، ودايما يتحكم فيني وانا اسكت ولا اقوول شي علما باني من النووع العصبي بس ما اعرف شوو اللي يخليني اسكت ، الكل يستغرب مني كيف اني متحمله كل هالمعامله انا تعبت بس ما اقدر اقووله شي اولا لاني متعلقه فيه، وتبغوون الصراحة اول ما تقدم لي كان هالشي عادي عندي ، يعني ما كنت اكن له اي مشاعر وهو يتودد لي وانا مسوية له اكبر طااف غير انه يعاني من مرض في القلب واي انفعال مب زين له ، يمكن هذا سبب من الاسباب اللي يخليني اسكت ، انا اعرف ان ما في انسان كامل والكامل الله , بس بعد كل انسان فينا يتمنى مواصفات معينة بشريك حياته وصراحة كنت اتمنى اني احصل انسان يفهمني مو يعصب علي ويهيني كل مره يكلمني فيها ، تصورا انه دايما يهزأ فيني ويقولي انتي ما تفهمين وانتي صراحة ازعجتيني مع اني والله ما اتصل له غير مره وحده في اليوووم ومرات عادي اقطعه ثلاث ايام ابغيه هو يتصل بس ما في فايدة , هو على علاقات ببنات وايد وانا تحملت وصبرت وهو قالي قطعتهم وخليتهم كلهم , بس مرات يووم اسأله يضحك وعقب يعترف لي انه كان طالع مع وحده ويوووم ابكي يقعد يهديني ويقولي اخر مره وانا احبك , ويرق قلبي عليه واسكت .. صارت لي وااايد مواقف وياه لدرجة مره سبني فيها انا واهلي , وتعرفووون شوو السبب .. مره هوو كان تعبان وانا اتصلت فيه عشان اتطمن عليه ورد علي في البداية ما عرفت الصوت لانه كان تعبان وبعدين لاحظت اني قاعده اكلم شخص ثاني , فسكت .. قالي (............) في غرفة الكشف انا صراحة استحيت اساله وسكرت على طوول من غير ما اقول شي , وعقب رد اتصل لي وشووو هزأني وقالي انتي اصلا ما تهتمين وكيف ما تسالين عني , قلت له اصلا انت كيف ترضاها لي اكلم ريال غريب فسبني وسب اهلي وسكر بويهي التلفوون , وانا هنيه ما قدرت اتحمل ورديت اتصلت له وانا ابكي وقلت له تسبني اووكي بس ليش تسب اهلي , انا عمري ما طريتك الا بالخير وانت تعاملني بهذي المعاملة خلاص ما اقدر اتحمل وقلت له كل اللي يخاطري وسكرت بوجهه , وقطعته اكثر من ثلاث اسابيع ومن ثلاث ايااام وهو يتصل لي وانا مسوية له طااف , يعني قدر يصبر عني ثلاث اسابيع والحين تذكرني , خلاص ما ابغي اكلمه .. صديقنتي تقولي اتركيه وانا محتارة شووو اسوي , ما لقيت غيركم استشيركم وصراحة انا وااايد مرتاحة لهذا المنتدى , وربي يعطيكم الف عافية على المجهود اللي تبذلونه أنين |
اللي مو مرتاحة منه من اولها اتركيه وانا اختك ... لا تسوين سواة غيرك وتندمين ندمهم
|
بصراحة هو المفروض لايسبك ولايسب اهلك .....وبصراحة اكتر انتى لازم و من حقك تخافى وتقلقى على حياتك معه بعد الزواج , اذا كان بيعمل كدة قبل الزواج .... نصيحتى لك ان تتريثى
|
اعتقد اختي مستقبل علاقتكم واضح من الآن
هناك عدة اخطاء ارتكبها خطيبك وكلها لاتغتفر ومع كذا انتي عدتيها له وما قدر هذا كله اختي الخيانة مصيبة والاستهزاء مصيبة اخرى ويكملها بسب اهلك نصيحتي اختي اتركيه ما دمتي على البر والله يعوضك بالزوج الصالح الي يقدرك وتشوفين معاه تعامل الازواج الصح وبعدين اتركيه قبل ما يتركك هو اتمنى ما اكون ضايقتك بكلامي بس من خوفي عليك |
بصراحة انا من رائي انك تتركية لان احلى فترة هي الخطوبة وهو يعاملك كذا
اذا كيف حيعاملك بعد الزواج وقبل اتخاذ القرار لاتنسي تسوى الخيرة |
حبيبتي الي هذا أوله ينعاف تاليه ..
|
أتــــركـيـــه
اذا هو بالخطوبة و كذا طيب من يتزوج ايش بيعمل معاكي؟ هذا واحد مو مال المسؤلية لانه بيسب و يهزئك و انت تراضيه من راي انك تترررررررررركيه قبل ما يوقع الفاس بالراس |
انا مع الاخوة اتركيه اختي والله بيعوضج بواحد احسن ويستاهلج اختي اذا كان هذا تعامله من البداية الله يعين النهاية
|
استخيري على تركه... و الله يكتب لك مافيه الخير
|
من يسب اهلك فسيبيه فانه لا يستاهل ان يكون زوجا
والي هذا اوله ينعاف تاليه ..... اذا مو قادر يجامل وقت الخطبة ..... الله يعين بعد الزواج تحياتي |
لسا قاعده تفكرين!!!!!!
ماذا تريدين من شخص يسبك ويهينك ولا يغار عليكي .. ويستهزيء بمشاعرك ويخرج مع أخريات... ويجاهر بهالشي بعد!! والأدهى أنه يسب أهلك كمان... يا سلام على رومانسية الخطبه.. هل برأيك هذه هي أحلى أيام العمر؟؟ هل هذه هي الخطبه اللي تعرفين إنها كلها رومانسيه.. وحب .. والواحد ما يقدر يبعد عن الثاني؟؟ (وهو أيام ما يكلمك.. لا وإذا كلمتيه يعصب) حبيبتي.. أتركيه ولا تنظري خلفك أبدا.. وأحمدي ربك إنكم لسا على البر... إتركيه غير آسفه.. والله يعوضك بزوج صالح.. يحبك ويخاف الله فيك.. :) |
اتركييييييييييييييييييييييييييييييييييييييييييه
|
** السلام عليكم ورحمه الله وبركاته **
أختي العزيزه إللي أشوفه بخطيبك (( مترووووووووس عيوب )) طبعا الكمال لله سبحانه وتعالى لكن خطيبك عماها الله يهديه .. نصيحه اتركيه انتي مو مجبوره تصبرين عليه دام انتو للحين على البر . بس مستغربه من شغله اهو ليش يسوي جذي ؟؟ يتراوالي محد جبره يخطبك .. والله بيني وبينك سواته تدل على انه قاعد يلعب مو جاد .. والله أعلم مابي أحط بذمتي !!
|
أختي العزيزة
أعتقد بأن زوجك يريد الابتعاد عن هذا الجو المقيت الذي يعيش به ، بنات ، تلفونات ، طلعات ، وبدليل أنه خطبك وإلا فمن اليسير عليه أن يعيش تلك الأجواء من دون أي روابط أو التزامات تحجبه عنها . زوجك أراد الهروب من ذلك الجو ويريد الاستقرار ولذلك ارتبط بك ومن واجبك محاولة ابعاده عن هذا الجو ، كوني واثقة من نفسك ذات شخصية قوية ، لاتسمحي له بالغلط ، عاقبيه إن اعترف بعلاقات حتى لا يعتقد بأنك راضية ، لاتبكي أمامه حتى لا يشعر بضعفك ، لاتتصلي عليه إلا عندما تتأكدين بأنه غير مشغول ، كلميه برقة ولا تطيلي الحديث ، عندما يتجاوز حده كلميه بلهجة شديدة وقولي له بأنك لاتقبلين أن يتعدى حدودة وإن لزم الأمر اقفلي الخط ولا تردي على اتصالاته حتى يعتذر مبدئيا برسالة . الموضوع يلزمه قوة شخصية ، واعطيه فرصة شهر أو اثنين إن لم يتغير فالإنفصال هو الحل الأريح هذا والله ولي التوفيق أختك سيدرا |
اقتباس:
لماذا نعلق أنفسنا على أمل أن يصلح حاله... و الخلاف لا يفسد للود قضية |
اقتباس:
|
السلام عليكم ورحمة الله
حبيبتي أتركيه دون تردد او ندم لانه الذي فيه طبع مستحيل ان يغيره إلا إذا كان هو يريد أن يتغير وزوجك لا يريد ان يتغير وبالنسبة لمرضه في القلب هو لم يراعي مرضه ولا يخاف الله وهذا أهم شيء فأتركيه دون تردد والله ولي التوفيق |
اختى هذا شخص لا يستاهلك .....اتركيه
|
اقتباس:
|
[]استخيري واسالي نفسك هل هو رجل صالح ؟ يصلي
يبدوا انه غير ذلك كما كتبتي اذا فاتجهي للسؤال الثاني ؟ هل تحبيه ؟ بعدها قرري الانسان الصالح لن يظامك ان كرهك وينعاش معه بكل الحالات اما الغير صالح ولكن في قلبك حب له هذا الانسان هذا الحب كفيل بان يبني صبر يجعللك تتحملين عدم حبه وعدم صلاحه ومحاولة اصلاحه لكن الصلاح درجات اذا كان لا يصلي اعتقد انه لايجوز الارتباط به شرعيا واسالي اهل الدين |
وهذا وانتو بعدكم مخطوبين اشلون اذا تزوجتوا شنو بسوي فيج
للحين انتو على البر فكري في حياتج وخافي على نفسج وعلى صحتج قبل ما اتفكرين فيه وفي صحته ماراح احد يفيدج اذا راحت صحتج النفسيه والجسديه اجلسي مع نفسج وشوفي اذا فيج تتحملينه بعد الزواج وهو على هالحاله |
اختي الكريمه
بعد ما قرأته في رسالتك لا اجد ما اقوله لكي الا هذه الكلمه الطويله و بافم المليان اتركيييييييييييييييييييييييييييييييييييييييييييييه تحياتي د.نبيل |
اختي الحبيبه
ان العصبيه اكثر شيء مزعج لاي انسان وانا عندما فرات موضوعك افتكرت انه فقط عصبي ولكن هو عصبي ويعاني من مشاكل رئيسيه في شخصيته وانتم في فترة الخطوبه انا براييي اجلسي معه فتره صراحه وتكلمي بكل صراحه قبل ان تخطي اي خطوه ممكن ان تندمي عليها وانصحك ان تفكري مليا ولكن اختي صلي الاستخارة ايضا قبل ان توقعي اسيرة التفكير والشك وارجوا من الله ان توصلي الى قرار يريحك لان معك حق للصبر حدود وانت صبرت كثيرا ختي لان مثل هذه المشاكل بعد الزواج ممكن ان تكون فوهة بركان من المشاكل ارجوا لك التوفيق وربي يخفف عنك عذابك .
اختك نهله |
انا رأي ان المشكلة مش في عصبيته المشكلة فيه هو في طبعه طبع صراحة سيء وافضلك من الحين تتركيه اذا من الحين هو كذا ولسى وانتي لسه مش معاه مع انه المفروض انها تكون ايام الخطوبة ايام حلوة انتي متمسكة فيه ليه اش الي جاذبك اذا هذا اسلوبه يهينك ومش مهتم فيكي من الحين ما شفت فيه شيئ ايجابي واحد كل شيئ سلبي يعني التوقعات زواج راح يكون مصيره الفشل. ان شاءالله تحصلي الوزج الي ينفعك في الدنيا والآخرة
الله يوفقك |
إن كنت إنسا نة مستقيمه محافظه لييييش ترمييييين نفسك ها الرميه ؟؟؟؟؟؟؟؟؟؟؟
واضح جداً ان خطيبك ماخذ الدعوى تسلية وانصحك نصيحة أخت ترى قليل من النساء يستطيعن يعدلن سلوك ازواجهن مهما كانت درجة الحب بينهما!!!!!!!!!!!!!!!!!!!!!!!!!!!!!!!! والحمد لله إنه مابعد صار زوجك ولا يخدعك بكلامه المعسول وتصدقين إنه يحبك او تقنعيين نفسك بحبك له فالحب اساسا مبني على الثقه ولا توجد في قا موس الحب خيانه.......................... |
أعذريني على هالكلمه بس متأكده انه خطيبك؟
أو بس شخص لك علاقه فيه وتحبينه لأني احس مستحيل خطيب مهما كان منحرف يعلم خطيبته بفضايحه؟ |
السلام عليكم ورحمة الله وبركاته
اولا احب اشكر كل اللي ردوا علي .. والله ما تعرفون اشكثر ارتحت يووم قريت كلامكم .. وانا خلاص ما عدت اتحمل وبعمل بنصايحكم .. والله يكتب اللي فيه الخير (ايموايز) وانا بعد فكرت بهذا الشي .. مرات اقوول دامه الحين يعاملني بهذي الطريقة الله يعين بعد الزواج كيف .. مهما حاولت ما اعتقد انه راح يتغير .. (المهاجر 60) وهذا اللي مضايقني .. ليش يسب اهلي من الاساس .. انا لحد الحين مب قادره احدد موعد الزواج .. وابغي افكر اكثر .. والله يكتب اللي فيه الخير (ام الجود) اختي اللي ذكرته شووي .. وانا مريت بمواقف اقسى من هذي معاه .. بس كنت دايما اصبر نفسي واقوول بكره بيتغير .. واكيد بيي يووم وبيحس فيني .. بس الحين خلاص ما اعتقد انه فيه فايدة .. وبالعكس كلامك ريحني وخلاني اتخذ القرار الصح .. (سمراء الوسادة) وهذا اللي معور قلبي .. الكل يتكلم عن ايام الخطوبة وانها احلى ايام .. بس ليش انا ما احس بهذي الحلاوة .. لاني اصلا ما احس اني مخطوبة .. (حورية البحر) صدقتي اختي .. والله يكتب اللي فيه الخير .. (sad 4 ever) يا ما تحملت السب والتهزيء وانا ساكته .. تبغين الصراحة اهلي لو دروا بمعاملته هذي لي ما راح يسكتون .. اختي وصديقتي يضغطون علي عشان اتركه .. وانا كنت اتحجج باي حجة واقول بكره بيتغير بس الظاهر ما في فايدة .. (n u n u a l7lwa) انا خايفة ان اللي صار لي يتكرر مره ثانية .. واذا تكرر صدق بكره الزواج .. (CEH) ان شاء الله راح اصلي الاستخارة .. والله يكتب اللي فيه الخير .. (AIM) اي مجاملة .. انا نادر ما كنت اسمع كلمة حلوة منه .. تبغوون الصراحة مره كان رايق ويتكلم معاي عادي وهذي نادر ما تصير .. فقلت له بسألك سؤال .. انا اعرف انك كنت تكلم بنات وااايد قبل ما تخطبني هل كنت تكلمهم بهذي الطريقة .. وتعاملهم مثل ما تعاملني .. تعرفون شوو قالي .. ضحك وقال لا بالعكس كل الكلام الحلوو لهم .. انا ما عرفت هو يمزح ولا صادق بهذا الشي .. (dand00n) كنت دايما اسمع عن رومنسية ايام الخطوبة .. بس عمري ما حسيت فيها .. الله يسامحه ما اعرف ليش يعاملني بهذي الطريقة .. بس من تركته وانا احس براحة .. يمكن اللي كان مصبرني مرضه بس اذا هو ما احترمني ليش انا افكر فيه .. (جنه الدنيا) الله يكتب اللي فيه الخير .. (بنت الثويني) اختي انا بعد دايما افكر .. واقووول بخاطري هو ليش يسوي جيه .. ومحد جبره انه يخطبني .. رغم اني في البداية ما كنت متقبلتنه ورافضه فكرة اني اكلمه .. بس بعد فترة بديت اتقبله .. هوو ما كان جيه وكان عادي يكلمني ويخبرني بكل شي .. هو الشي الزين اللي فيه انه صريح لابعد درجة .. حتى لو كانت صراحته تجرح .. مثلا يووم قلت انه يخبرني بعلاقاته .. كان يقولي انا ما راح اخبي عليك .. وكنت اساله ليش تكلم البنات وانا وين رحت .. يسكت ويقولي مع الوقت انتي راح تغيريني .. مرات افكر انه يلعب .. بس اذا يلعب ليش يصر على الزواج وانا اجل .. انا بعد محتارة من هذا الشي .. (سيدرا) اختي انا بعد فكرت بهذي الطريقة .. مثل ما قلت قبل هوو صريح وياي بكل شي .. ويخبرني بادق التفاصيل .. دوووم كان يقولي ابغيك انتي تغيريني وانا حاولت .. الحمدلله نجحت في بعض الامور .. مثل الصلاة .. وقدرت اخليه يترك مواقع الشات .. بس اللي مب قادره عليه هوو طبعه الحاد .. وعصبيته .. يعني اذا كان موقف تافه راح يكبر الموضوع وانا احاول امتص غضبه واسكت لين ما يهدى شووي واحاول افهمه .. بس مرات ما ينفع هذا الشي .. وينتهي فينا الموضوع انه يسكر بوجهي بعد ما يسمعني كلام جارح وانا اقعد ابكي .. تعبت يا اختي .. طووول هذي الفترة وانا صابرة واقوول راح يتغير .. اما بالنسبة للاتصال انا ما اتصل غير مره وحده باليووم ويووم اكوون متاكده انه مب مشغوول لاني اعرف مواعيد شغله .. واكله ونوومه وقعدته مع ربعه .. بس ما في فايدة يقولي ارجعي كلميني بعد دقايق ويووم اتصل يقوولي انتي صايرة مزعجة في شي ضروري تبغين تكلميني فيه .. وما يراعي اني مو مكلمتنه من ايام .. (Islam1) ان شاء الله راح استخير .. والله يكتب اللي فيه الخير .. (المثابرة) اختي كلامك صحيح .. قدرت اني اغير فيه اشياء بسيطة .. بس طبعه اللي مب قادره عليه وما اعتقد اني اقدر .. الله يكوون بالعوون .. (mona777) الله يكتب اللي فيه الخير .. ومشكورة على المشاركة .. والله اشكثر ارتحت من كلامكم .. (sanna ahmed) مشكورة اختي على المشاركة .. والله يكتب اللي فيه الخير .. (فلانة من الناس) ان شاء الله راح استخير .. اختي هو ما كان مواضب على الصلاة ومرات ما يصليها بوقتها .. بس قدرت اغيره من هذي الناحية وصار يصلي ولله الحمد .. بالنسبة للحب .. ما اعرف .. دايما اسأل نفسي هذا السؤال بس ما الاقي اجابة .. بس دايما اقووول اذا انا ما احبه ما صبرت عليه .. وتحملت كل هذا .. (ثوب نشل) صحتي ؟؟ انا ما اشوووف الا ان صحتي تدهورت من اخر موقف صار بينا .. وتعبت بزيادة .. اهلي قاموا يشكوا بالموضوع .. وبأنه هوو السبب .. بس ما قلت لهم عن اي شي .. واذا ما صار نصيب .. راح افصخ الخطوبة من غير ما اسوي مشاكل .. رغم كل شي ما يهون علي اشوه سمعته جدام اهلي .. (د. نبيل) الله يكتب اللي فيه الخير .. ومشكوور اخي الكريم على المشاركة .. (نهله مؤيد نمر) ان شاء الله راح اصلي الاستخارة .. اما بالنسبة للعصبية .. فانا بروحي عصبية بس من عرفته ما اعرف وين اختفت عصبيتي .. وصرت حساسه وضعيفة الشخصية .. والله يكتب الله فيه الخير .. (عبدالعزيز55) ويوفق الجميع اخوي .. انا صبرت بما فيه الكفاية على طبعه .. وكنت دايما اقوول بيتغير بس ما اظن فيه فايدة .. (مناجاة ليل) وهذا اللي محيرني .. اذا كان يحبني ليش يخوني .. في البداية فكرت اني ارضى فيه .. عسى ربي ان يكتب لي فيه اجر .. واصبر عليه .. وخصوصا انه مريض .. بس الحين ما اعرف اذا اللي سويته صح ولا لا .. (reema18) بالعكس اختي .. انا قريبتي كانت متزوجة وزوجها يكلم البنات قدامها .. وكان دايما ايام الخطوبة يجاهر بهذا الشي وكانت صابره عليه لانها تحبه .. ونفس الحالة خطيبي .. ترى مو كل الناس مثل بعض .. ترى في بعضهم يستانس بهذا الشي ولا همه حد .. قبل ما كنت اصدق بس من تجربتي عرفت ان كل شي جايز وما في شي مستحيل .. |
حبيتي خذيها نصيحة مني اتركية قبل هو مايتركك صدقيني انا بعد تحملت وصبرت وتعبت وادمرت وبعدين تعالي شوفي حالتي اصيح لاليوم الف صيحة ,,,,,,,,,, اتركية وعسى ربي يعوضك خير منة ..........
|
اقتباس:
|
حبيبتى عليكى بصلاة الاستخاره فهى خير عون فى هذه الامور
اختك فى الله |
أختي الكريمة:
له علاقات مع غيرك وانتما مخطوبان..... يسبك ويسب أهلك......يهملك بالأسابيع الطويلة..... هذا كله وأنتما لا زلتما في فترة الخطوبة...... أجل لما تتزوجوا وش حيصير لكم؟؟؟........................ الاجابة واضحة. الله يوفقك. |
مرحبا اختى الين الصمت بصراحة انا مستغربة صبرك وتحملك ما شاء الله عليك مع انك ذكرتى انة ماكان يثير اهتمامك يوم تقدم لك بس اختى انصحك اذا كان تعاملة معاك كذا من اولها ينعاف تالية والوحدة مننا تبغى الستر والاستقرار بحياتها اما الاهانات والمذلة وش فايدة الزواج بهذا الشكل فانصحك اختى الغالية استخري ربك وفكرى بعقلك قبل كل شيء
|
اختي حاولي انك تبدين معاه صفحه جديده
وقولي له انت ليش تعاملني كذا اذا والله استجاب اوكي واذا مااستجاب عاد انت استخيري وربي يعوض الجميع |
(MS-97)
اختي انا استخرت .. بس لحد الحين مب حاسه بشي .. بس ما عدت احن له مثل قبل .. (الحديقة) مب هذا انا اللي خايفة منه .. معاملته لي تغيرت هذي الايام .. والشخص اللي ما كان يسأل قام كل يووم والثاني يتصل ويطرش مسجات .. بس انا مسوية له طاااف .. ولا ابغي ارد ... انا اعرف انه يسوي كذا عشان ما اتركه .. والله يكتب اللي فيه الخير .. (رحيـــــل) انا بعد مستغربة من نفسي ليش تحملت هذي الفترة الطويلة .. مع اني معروفة بعصبيتي .. الحين صار العكس هوو اللي يترجاني وانا اللي اذله وما ارد عليه .. حتى لو تغير خلاص قلبي عافه .. (طفلة برئيه) اختي ياما حاولت .. كنت دايما اسأله ليش تعاملني بهذي الطريقة .. احاول امتص غضبه بس ما في فايدة ... الحين ما في حل غير الاستخارة .. بس لحد الحين مب قادره اقرر .. |
اتركيه فوراااا
|
لسا قاعده تفكرين!!!!!!
ماذا تريدين من شخص يسبك ويهينك ولا يغار عليكي .. ويستهزيء بمشاعرك ويخرج مع أخريات... ويجاهر بهالشي بعد!! والأدهى أنه يسب أهلك كمان... يا سلام على رومانسية الخطبه.. هل برأيك هذه هي أحلى أيام العمر؟؟ هل هذه هي الخطبه اللي تعرفين إنها كلها رومانسيه.. وحب .. والواحد ما يقدر يبعد عن الثاني؟؟ (وهو أيام ما يكلمك.. لا وإذا كلمتيه يعصب) حبيبتي.. أتركيه ولا تنظري خلفك أبدا.. وأحمدي ربك إنكم لسا على البر... إتركيه غير آسفه.. والله يعوضك بزوج صالح.. يحبك ويخاف الله فيك.. صح لسانك وانا معك في كل كلمه كتبتيها صدقيني كل شي له علاج الا العصبيه اتركييييييييييه ولاتترددين وقولي له اقعد عند اهلي ولااتزوج واحد مثلك---! |
اقول الرجال ترى يبان من ايام الملكة اذا هو طيب ولا خبيث (( معذرة للرجال الا في المنتدى )) ومن ايام الملكة يبان اذا تقدري تعيشي معاه الحياة كلها ولا لأ انا انقهر من الحريم الا من ايام الملكة وهي شايفته انه ملعون وتكمل معاه الحياة وتتزوجه ويالطيف يضربها ويسبها ويلطشها وبرضوا تستمر معاه وتخلف ايش انتو لذي الدرجة يالطيف ما تحسوا بلا حب بلا هم والله الحب هو الا بهينكم من البداية واحد قليل ادب ترى طول حياته قليل ادب حكون.... وبراحتك انا فهمتك وانتى ادرى بمصلحتك ... استخيري وادعي ربك والله يخترلك الا في الخير اسمعى الكلام واتركيه والف مين يتمناكي ترى انت بنتى دحين لمن تتزوجي وتخلفي ولا قدر الله يصير انفصال حتتندمى لانك صرتي غير مرغوبة حرمة وعندها عيال واول تجربة لها فشلت فيها وتعرفي انتىالمجتمع ما يرحم المطلقات الللللللللللللللللللللللللللله معاكي ...
ملاحظة : اسفة اذا كان كلامى قاسي بس والله من قهري من الرجال الا ذي هذي الاشكال |
* نصيحه يا أختي اتركيه والله الموفق
|
| الساعة الآن 05:00 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©