|
اعطوني رايكم بصراحة ؟ ؟
السلام عليكم . .
يعطيكم العافية ياشباب . . بس عندي إستفسار وأتمنى تجاوبني بصراحة . . شاب يبي يخطب بنت طولها 154 وطوله هو 180 مع أن البنت مافي شئ متردد عليه لخطبتها والتقدم لها إلا الطول يعني خالصين من مسألة:11: جمال وأخلاق ودين وأكرم بالناس ولكن الطول:29: هو المشلكة الي قاعد يفكر فيها هذا الشاب وأتمنى تعطو أرائكم بكل صراحة وبدون مجاملة . . . وأتمنى تشاركون بشكل فعال . |
يا حبيبي توكل على الله
وبلاش من التدقيقات الي تخرب الزواجه عليك |
اهم شي الاخلاق وبعدين بالعكس احلى للبنت وانعم اذا كان طولها كذا
الا اذا كان يعشق الفتاة الطويلة لان واحد قريب لي ماشاء الله معه اولاد وبنات لكن الى الان يقول ياحلو البنت الطويلة |
والله اخوي في مثل يقول الزين مايكمل ,, وبعدين معقوله نكون بهل تفكير على طول ؟؟!! :( مو مشكله تنحل قولها تلبس كعب :d ,,, مااقولك الا صلي استخاره وبالتوفيق |
لابأس بإذن الله ، الطول لايتعلق بالسعادة الزوجية ولاتتحرى الكمال فهو لله وحده وكثيرا ما أرى أزواجا بل أعرفهم ويعيشون بحياة كلها بهجة وسورو وسعادة بفضل الله مع أن فرق الطول هو أكثر من ذلك بكثير فغالبا تكون الفتاة بذلك الطول والرجل فوق 200 سم تبارك الرحمن ، لذا لاتتردد والله ولي التوفيق .
طبعا لاتنسى صلاة الإستخارة لأنها دليلك إلى الطمئنينة أختك سيدرا |
صلى استخاره يااخى
ثم توكل على الله |
((( فاظفر بذات الدين تربت يداك )))
|
توكل على الله لا ارى اى عائق امامك ما شاء الله
|
اذا حلوه وجسمها حلو الطول مو مشكله
وبعدين ماراح تلقى بنت طولها الا في حدود 160_165 لأن هذي اغلب اطوال البنات وانت اصلا طويل مره ماشاالله ومهما طالت البنت ماراح تكون بطولك وبعدين الطويله يبغى لها تحافظ على جسمها مره لأنه لو امتلت شوي تتحول ضخمه بينما القصيره ماتبان فيها زيادة الوزن الخفيفه |
طولها هو الطول الطبيعي للبنت
|
صلي الاستخارة...مرة مرتين..ثلاث..واتكل على رب العالمين..وبتوفيق يارب
|
اذا هي متوفر فيها الجمال والخلق والدين فتوكل على الله الطول مايوفر السعادة
|
بصراحة يا اخي الفاضل انا اشوف هذا الشيء عادي هي والله مب مسالة طول
اذا كل شخص فكر بهذا الشيء أعتقد ان كل واحد ما راح يتزوج يعني قصدي الطويل ما راح ياخذ فتاة قصيرة بصراحة انا اشوف هذا الشيء عادي وبعدين لازم يشوف مب الطول في اشياء اهم من الطول الاخلاق الدين الجمال اهم من الطول |
يمكن تحصل طويلة بس أخلاقها ودينها مش زي اللي حصلتها.. وتروح عليك..
أهم شي تحصل الراحة معاها.. أنا زوجي أطول مني بكثيييييييير ومتين وضخم.. وأنا ياعيني علي كأني بنته لما أمشي معاه.. بس مافكرت أبدا بفارق الحجم بيني وبينه.. |
طلبت الصراحة ...
إذا كانت فتاة أحلامه التي طالما تخيلها طويلة .. فإنه سيتعب معها .. ولربما جرح مشاعرها حين يعجب بالطويلة . أما إن كان تخوفه من فرق الطول .. فعاااااادي جداً .. واسأل مجرب ولا تسأل طبيب .. زوجي الله يحفظه من العين ويحميه ويخليلي هو طوله 180 وأنا _ يختي عليا _ طولي 150 فرق 30 سم والأمر أكثر من عادي .. اللهم اضطراري للبس الكعب باستمرار .. علاوة على ذلك .. فإنني مهما كبرت سأظل ( كتكوتة ) .. وأنا في نظره ( عصفورة قلبه ) .. والأمر في النهاية يعود لنفس الشاب ونظرته للطول والقصر .. إن كانت تعجبه الطويلة .. فلن ( تملا عينه زوجته ) .. |
اخوي توكل على الله والله يرزقك
انا هم رايي من راي الاعضاء هلشي عااااااااااادي واصلا احلى تكون نعومة وكتكوتة انا خطيبي طول 179 يعني تقريبا 180 وانا طولي بس 155 وبلعكس هو دايم ايقولي انتي احلى كذا وما اتصورك بتكوني احلى لو طولتي الله ايوفقك تحياتي |
عادي جدا يا اخي مافيها اي شي
زوجتي طولها تقريبا 159 ونا 186 ولا اشوف فيها اي مشكله بلعكس |
أشكركم أخواني جميعا على إبداء ارائكم
وأقول لكم بأني سأعمل بمشورتكم إن شاء الله . . . |
اخي الكريم ..
ما في انسان كامل والكمال لله .. وبعدين دامك تقول ان الحمدلله البنت فيها كل المواصفات المطلوبة من الجمال والدين والخلق وغيره .. بس الطوول اللي محيرنك .. هذي مب مشكلة .. يا ما ناس تزوجوا وحده اقصر عنه او حتى اطول عنه .. بس الحمدلله سعيدين .. واذا تشووف فيها احراج مثلا اذا طلعوا مع بعض خل تلبس كعب .. والله يكتب اللي فيه الخير .. وعليك بالاستخارة انين |
إذا أنت من الناس اللي يدقق على كل شيء . 154 لـ 180 فصيرة عليك
وإذا حابها من قلبك توكــــل على اللـــــــــــه |
| الساعة الآن 08:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©