هل اتنازل عن شروطي في الزوجه ؟
 

السلام عليكم ورحمة الله وبركاته
* اخواني اخواتي انا شاب مستقيم على دين الله ولله الحمد .
* لقد كانت لي تجربه في ملكه ولكن تم الانفصال وذلك لان الفتاة لم اقدر ان اعيش معها وذلك لاسباب خاصه .
* بعد هذه التجربه قلت بأني لن اتنازل عن شروطي في المرأه .
* الان انا احس بأني تعبت نفسيا من شروطي وخائف على نفسي من الحرام وكما تعلمون بأن الحرام في هذا الزمان اصبح اسهل وارخص من الحلال والله المستعان.
* من اهم شروطي ان تكون شديدة البياض و ذات جمال و ذات دين ولكن في بلدي وهي السعوديه يندر ان تلقى مثل هذه المواصفات .
* فما رأيكم هل اتنازل واقبل ما دون ذلك ؟ علما بأن مواصفاتي ليست قويه .
* لكن خائف بعد ان اتزوج يذهب قلبي للبيضاء واظلم بنت الناس ,ام هذه مسأله وقتيه بمعنى ان اذا تزوجت من امرأه ذات روح طيبه سأنسى هذه المواصفات .
* ارجوا من كانت له تجارب تتعلق في الشروط وتنازل عن بعضها عند الزواج يذكر ما الذي يحس فيه الان؟؟؟؟؟؟؟؟
* وفقني الله واياكم لما يحبه ويرضاه....

يارجال أيت بياض

البياض بياض القلب (( أظفر بذات الدين تربت يداك)) ماقال بيضاء اللهم صلي وسلم عليه


تحياتي لك

انت دققت في شغلات تدري انها تقريبا قليله في بلد حار مثل السعوديه...........يعني وين ووين تلاقي بالبياض اللي في بالك......وبعدين تبي بيضا تجننك بعد الزواج .....وش فادك فيه بياضها ساعتها الله يهديك.......عموما البنت بعد ما تتزوج تحلو وتحلو وتحلو......تنازل شوي عن مسألة البياض وخلها فاتحه قدر الامكان .....وبعد الزواج صدقني حتحلو زوجتك بشكل ما تتخيله.....خصوصا اذا انت مريحها نفسيا......النفسيه مهمه......وصدقني حتلقى بدل الوحده عشره

تكون دات دين وخلق اهم شىء و مقبولا شكلا بياض افعال اهم عن بياض البشرة
وفقك الله ورزقك بالزوجة الصالحة ان شاء الله

انا قصتي مثلك والى الان ادور وماحصلت لكن ماريد شديدة البياض المهم بيضه وبس ............ بس انته اذا حاس نفسك

انك مابترضى الا بهالمواصفت اصبر على اهلك شوي وخلهم يدورون زيييييييين لأنه اكيد فيه وحاول انك تتنازل عن

شروط ثانيه ثانويه يعني بس الشروط الاساسيه اللى تريدها لاتتنازل عنها لانه هذا زواج مب لعبه لازم تاخذ وحده

تكون مقتنع فيها ............ بالنسبه لي اهم شي تكون جميله وصافيه بيضه بس مو مره وهذا الشئ مش معجزه يعني

احسه مليان وبكثره ..........

البياض بياض القلب واهم شي الدين تصور انك تقدمت الى فتاة قالت لا اريدك لان بشرتك ليست بياض ما هو شعورك عندما تفكر البنت في لونك فقط وليس دينك وخلقة

يا اخي لا تغتر بالبياض الجمال يزول مع الايام ويبقى الدين والخلق ( فاظفر بذات الدين تربت يداك )

الله يوفقك الى الزرجة الصالحة وينور بصيرتك








لا تنسونا من الدعاء

وفرضا وجدت البيضاء الجميلة ذات خلق

تضمن طبايعها؟؟ حارة باردة طيبة حليمة عصبية حقودة ؟؟؟ مافيه شي يكمل.. وساعات الواحد يركز على اشياء مهمة ويتناسى الاهم

تنازل شوي عشان ماتغلط بحق ربك وحقك بما انك خايف من الحرام

مثلا ماهو شرط تكون بيضاء المهم يكون لونها فاتح مثلا <<<<بتلقى كثير

واخوي بقولك كلمة يمكن ماقد سمعت فيها جميييييييع صديقاتي المتزوجات قالو لهم ازواجهم والله موانتي نفس المواصفات اللي ابغاها بس ارتحت يوم شفتك

وأخوي قبل مايتزوج قالي لو تلقون ملكة جمال وسمرا ماأبغاها يبغى بيضاء

وتزوج وحدة حنطية غامقة شوي وطاااااااااااير بها الحين ماشالله


ولو تتزوج بيضاء صدقني اخوي بمجرد ماتتعود عليها مااراح يفرق معك لونها لأنك حبيتها وارتحت لها

توكل على الله واعزم والله يرزقك يارب

ياخووي مين قال ان السعوديه مافيها جمال بالعكس السعوديه كبيره ومناطقها كثيره و فيها جميع انواع الجمال حتى الشقرا اللي بعيون خضرا لكن اسأل... انا اخوي كان يبي بيضا وشقرا وفيه منطقه مشهوره بهالشي... ما اظن انه فيه مشكله توقعت شروطك اصعب من كذه عموما رايي الشخصي اخوي المشكله عندنا في السعوديه مو الشكل المشكله انكم ماتدرون عنا ولاندري عنكم يعني نتزوج على عماها على ذوق امي واختي ما فيه احد يتزوج لاجل يرتبط بشخص بعينه يتزوج لاجل انه يتزوج فقط الله يوفقك اخوي باللي ترضيك....

السلام عليكمورحمه الله
اخوي اذا البياض شرط اساسي عندك انا اقول اصبر بتلاقي بيض كثير
والله البياض عندنا كثير بس استغرب شلون مالقيت على العموم شروطك مو تعجيزيه بيضاء ومو شرط ملكه جمال اهم شي تكون حلوه جذابه راح تلاقي صدقني بس اصبر
الله يوفقك

حاول تلاقي بنت الحلال اللي ترضيك

بس مو شرط البيضا هي اللي بتسعدك صدقني

من واقع التجربة اخوي الكبير متزوج و حدة ملكة جمال عندها اربع اولاد بس للحين كل احد يشوفها وده يخطبها من شدة جمالها بس الصراحة اخوي معاها شايف نجوم الليل بعز الظهر و احنا ما سلمنا منها و لا من مشاكلها اللي خلتنا نكره اخوي ودايم اخوي يلوم امي ويقول انتي اللي اخترتيها
وهي شايفه حالها عليه و كم مرة اسمعها تقول لاخوي خطبني فلان و فلان ... و فلان عنده و انت ما عندك

دور على الاخلاق و الطيبة لانها هي اللي بتسعدك فعلا و مافي مانع انها تكون حلوة بس لا تركز كثير على الجمال بعد فترة بتتعود عليه و يصير شي عاااااااااادي ماله قيمة لكن العشرة الطيبة هي اللي بتخلي ايامك حلوة و سعيدة


و بالتوفيق

الرجل قبل الزواج يبالغ في طلب المواصفات الجسدية الزائلة وهو لا يدري ..

انه اذا رأى منها سوء العشرة فسيزول الجمال من عينيه بل حتى الحب من قلبه ..

فالإنسان جبل على حب من يحسن اليه , خاصة من الزوجة التي بذل الرجل الكثير ليتزوجها ..

من حقك اخي الكريم ان تتزوج بمن تتصف بصفات تعفك وتشبعك وتشعر معها بالاكتفاء لا ان تشعر انك محروم من شيء تتوق اليه وبالتالي تظلم معك من لا تتمتع بمثل تلك الصفات ، على ان تكون تلك الصفات منطقية وواقعية .

مؤكد انك لا تساوم على الدين والاخلاق وهذا واضح من كلامك .

تبقى مسألة الشكل الخارجي ، انا لن اقلل من شأن البيضاء لاقول انك ربما تجدها ولكن على حساب الدين والاخلاق ، بل هي موجودة ومع دين واخلاق تماما كالحنطية والسمراء .

لذلك ما عليك الا الصبر والبحث ، وان وجدت ان طلبك صعب التحقيق ، ستلجأ من تلقاء نفسك الى القبول بما هو متاح او بما هو قريب من توقعاتك .

وفقك الله.

اشكركم جدا على مروركم
* واطمح الى زياده من الاراء
* علما بأني بدأت اقتنع بالفاتحه والتركيز على الروح
* لاني دخت وانا ادور ولكن الامر من الله ييسر لي واحده فمن هي يا ترى ؟؟؟؟؟؟؟

صدقني ان فيه خير في هالبنات بس دور.........الله يوفقك

اخوي تذكر كلامي زين اصغر واحد من خوالي ذبحناااااااااااااا يبي بيضه يبي طويله يبي مدري وشو يوم شاف زوجته

الي الحين سكتتتتتتتتتتتتتت وتزوجها وهي سمرا ( حنطي غامق ) وطولها متوسط !! يعني ترى ممكن تلاقي بيضه لاكن

ملامحها ماتعجبك ! مافكرت بكذا ,,, استخير ولا تعقد الأمور وشوف اهم شي وحده تعجبك كلها على بعضها ...

وبالتوفيق ..

موفق اخوي وان شاء الله تجد بنت الحلال

بسم الله...اخي الكريم البياض مو صعب ودور وراح تلاقي بس يبغالك تتحمل شوي واهم حاجه تكون مقتنع لا يكون بعد كم سنه تدور لك عروس ثانيه بحجة انها مو الي في بالك...
ممهم جدااااااا الا تهمل الدين والأخلاق لانها هي الي راح تبقى بينكم بعد الزواج والألفه على الشكل...وان كان هناك تنازل فل يكن في الشكل لا الاخلاق...
وفقك الله للزوجه التي تسرك إذا نظرت..وتطيعك إذا أمرت وتحفظك إذا خرجت...آمين وجميع من سأله من المسلمين.. ..
سبحانك اللهم وبحمدك أشهد أن لا إلاه إلا أنت أستغفرك وأتوب إليك

شدعوه مو لهالدرجه البيضاء صعبه في السعوديه ياااااااااا كثرهم
يمكن المنطقه اللي انت فيها ما فيها بيض واجد بس عاد مو تطلعون السوعديه كأنهم كلهم سمر :( :(

ع العموم اخوي اكيد اذا دورت بتلاقي مو شرط بيضاء مثل سنووايت بس فاتحه وموجود كثييييير كثييييييير
لكن انا اكرر كلام الأخوان اهم شيء الأخلاق
وياكثر البيض وملامحهم مو حلوه
يعني الأهم الملامح


الله يوفقك في بنت الحلال اللي تسعدك

بديت اشك ان السعودية في أفريقيا ,

ياكثر, البياض عندنا سلامات ؟ , الصفات الجسدية زائلة زائلة زائلة ,

كلنا نعرف قصة الجارية السوداء التي تعاني من الصرع , فقالت يارسول الله اني اصرع فادعو الله لي ان يشفيني ,,
قال ان تصبري وتحتسبي ولك الجنة فرضت بالجنة وهي جارية سوداء ,,

بالله عليكم كم واحد وده يتزوج هذي الجارية لو حصلت له ,,
انا اول واحد, تخيل زوجتك من أهل الجنة , :)

اظفر بذات الدين تربت يداك ولو ان تتنازل عن متطلباتك شي بسيط ,,

اهم شي تكون تملي عينك , وانت تتوهم ان البياض هو اللي راح يملي عينك ولكن لمن تحصل على البياض راح تقول والله فيها الشغلة الفلانية مو عاجبتني , دور اللي تملي عينك

وعسى الله يحقق مرادك

اخي فعلا البياض موجود لكن أهم شي الدين والأخلاق وش الفايدة بيضاء ومنكدة عيشتك ولا تربي عيالك تربية سيئةوبالنسبة للجمال غالبية السعوديات جميلات وصدقني اهم شي مشاعرك بعد الرؤية الشرعية يمكن تشوفها ملكة جمال وترتاح لها وهي حنطية .. الله يوفقك