|
هل أنتظر الى بعد الزواج أم أصارحها الان
صباح الخير للجميع
خطيبتي بيني وبينها راسائل فقط عن طريق الجوال من شهرين تقريبأ من رسائلها وبرغم أنها أذكرت لي مره أنها مزاجيه تأكدت أنها مزاجيه ماعمرها أسألتني وش تحب تأكل كيف تبغأ حياتك كيف برنامجك اليومي يعني مثل هذي الاشاء الي المفروض تحرص علي معرفتها قبل الزواج لتتأقلم معها أسألتها مثل أنت ليش ماتزورنا ليش أخرت المهر أتمنى أسافر ماليزيا طبعأ بعد ماسالتها وين تحب تسافر الحين أنا أفكر أرسل لها ملاحظاتي وبعد ماأكتب الرساله وصيغها تمام بطرحها في موضوع وتعطوني رائكم الا أذا الفكره في موضوع الرساله مو عاجبكم ريحوني وقولو مالها داعي ترسلها الحين بعد الزواج فهمها أحسن أنتظر مشورتكم |
اخي هل سألتها أنت؟ أقصد هل سألتها ماذا تحبين أن تأكلي أو مالشيء المفضل لديك من الأطعمة ؟
بإنتظار ردك أختك حائزة |
لا والله سالتها عن برنامجها بعد الجامعه وكيف تقضي وقتها فالفراغ
|
اذن اخي بادر انت..واسألها عما تحبه فإن لم تستجب فأخبرها بطريقة لطيفة..بمعنى لم تسأليني عما احب كي
تطهي لي بعد الزواج...ولكن ابتعد عن المباشرة حتى لاتحس انها اخطأت.. لربما هي يخطر لها نفس الخاطر لماذ لم يسألني عما احب؟ لذا بادر ان لم تكن هي المبادرة وبين لها اهتمامك وفي نفس الوقت تلفت نظرها انها لم تسألك.. والله يسعدك أختك حائزة الأمل |
مثل ما قالت اختي حائرة الامل انت بادر في سؤالها
واذا مالقيت تجاوب معاها ،، صارحها بللي بخاطرك |
أختي حائزة الامل
قبل أسبوعين حصل بينا رسائل قويه بمعنى أسالتني ليش ماتزورنا وقلت بعد أسبوعين بجيكم قصدي بجيهم وجيب المهر مره وحده بعد الاسبوعين أعتذرت منها بشكل حلو أني ما أقدر أزورهم لعدة أسباب أزعلت وتضايقت أرسلت لها عدة رسائل أفهمها ليش بخر زيارتي لمدة أسبوع بعد ولاكن قالت لي (( أصلا أنا أهنت نفسي وأهنت أهلي بعد يوم أقول زورنا والحين تعتذر)) الصراحه أنا أنصدمت وقمت أتأسف منها كثر الكلام بينا المهم أنا جبت العيد ورسلت أقول أهلك يوم نقلت للمنطقه محد عزمني منهم وأخوك بالرغم أنه فالمنطقه أيام الملكه ماحضر على أن أكثر الناس قالتلي لو أنه يباك كان حضر ومنذا الكلام أرسلت بعدها تقول أن أخوها طيب وغيره وأثاريك شايل في قبلك مثل مانا شايله في قلبي بس تنتظر الوقت المناسب ونسينا الموضوع تتوقعين الموضوع هذا بيبقى في قلبها بعد الزواج وهل له تأثير بينا أختي حائزة الامل كثرة عليك لاكن باقي نقطه وحدة أنا أحس أني خفيف كل يومين أرسلها والا ثلاثة أيام كل ماقلت أبي أثقل أستخفيت بزياده وش رائك عادي والا لازم أكون ثقيل وماهو كل أشوي أرسلها والا أذا أرسلت أرسلت على طول أنا الله يسعدك ويوفقك |
اخي تركي..الله يسعدك ان مايحصل بينك وبين زوجتك هو(دلع بنات) فهي تريد ان تعرف معزتها لديك
وهذه بداية العلاقة بين الزوجين دلع من البنت ورشوة من الزوج..الله يسعدكم.. لكن ذكرني يااخي هل تمت الملكة ام لا؟ حتى اجيب على سؤال حول ارسال الرسائل فعقلي اصبح لايتذكر من كثر الاعضاء والمواضيع أختك حائزة الأمل |
الغلط وكل الغلط انك راسلتها من البدايه ومابني على غلط نهايته غلط طبعاً وبعدين انت لسه خاطب يعني حرام يكون بينكم شي لأنها لسه غريبه عليك
آآآآآآآآآآآآآآآآآآآآآآآسفه على الاسلوب بس هذي الحقيقه |
الساعة كم ,,
كل واحد يصلح سيارته ,, :22: اخوي بو تركي ,, استحالة ان الرسائل راح تصور لك وتشكلك شخصية زوجتك التشكيل الصحيح والواقعي اللي هي عليه في الواقع , لأن الرسائل مجرد نص مكتوب وانت تتخيل الوضع اللي هي كتبت فيه الرسالة , وقد يكون مخالف تمام للوضع الحقيقي اللي تعيشه اذا تقدر تكلمها وتسمع صوتها وتسمع صوتك فتوكل على الله , اما اذا الموضوع اقتصر على الرسائل فاقطعها افضل لك ولها , والبنت عندها قابلية انك تكلمها دام انها رضت ترسل لها , فأقدم وبادر مثل ما قالت اختي حائزة الأمل وفي رأيي راح يكون الاتصال الهاتفي افضل لك في التفاهم من الرسائل والله يعينك على الفواتير :d |
انا مع الاخ ضرغام
الرسالة ليست كافية لما ذا لا تحاول ان تجعل اين من اخواتك زيارتها والتحدث معها على الاقل تعطيك تفاصيل اكثر من الرسالة لا تنسونا من الدعاء |
اقول بادر وكلمها تلقاها تستناك تدق عليها
|
ياخوان
أنا ملك عليها من ثلاث سنين لاكن ماشفتها والا شافتني والعرس فالصيفيه ويوم شفت العرس قرب ارسلت أختي لها وقنعتها يكون بيني وبينها رسائل فقط بعد محاولات لاينها رافضه لنتقرب من بعض أكثر ولنا الحين تقريبأ شهرين بالرسائل ويوم أسمحت بالرسائل ماصدقت كل شوي أرسلها وصار بينا هالمواضيع |
إذن حاول الاتصال بها ..
فرسائل نصية .. هي كما الشات والماسنجر .. لا تعطي انطباعاً حقيقياً عن الشخص .. ولن يقرب بينكما سوى المكالمات .. واللقاءات .. وحينها .. لنرَ .. هل ستسألك عما تحب أم لا .. وفقكما الله ... |
أبو تركي
أولاً خطأ كبير تصارحك بهاذي الطريقه ثانياً الغلط الاكبر إنك تعيب على أهلها شوف أبو تركي مهما كانوا أهل البنت من متشددين أو مضيعين عمر البنت ماراح تسب في أهلها وتتضايق جداً من الكلام عنهم لكن عليك بالمصارحه وإلي في قلبه شيء يقوله قبل ما يوقع الفاس بالراس ألحين هيه تكتم في قلبها وإنت نفس الشيء ونخاف بعد الزواج يطلع الأطم والأدهى فأنا أقول صارحها صارحها والله يهدي ما بينكم تحياتي |
والله ماعاد أدري
أنا أحس أني صرت ثقيل طينه من كثر مرسلت من رسائل على كلن أنا عندي عمليه يوم الاحد القادم أدعولي بالسلامه وبعد ماخلص العمليه بخلي أختي تعطيها خبر بني فالمستشفى ومسوي عمليه وأكيد راح ترسل رساله تطمن على لاكن أنا ماراح أرد عليها الا برساله وحده وهي ((أذا كان لي مكان في قلبك وتحبيني ويهمك أمري وتبين تطمنين على أتصلي وسمعيني صوتك)) وراح أشوف هي تتصل والا لا وش رائكم |
لا :d لو فيه أكبر من هذا الخط كان حطيت أنت اللي اتصل ,, لا تنتظر انها هي تتصل عليك ياخي البنت حلااااااااااااااااااااااالك اتصل وانشب لها في حلقها , :22:هي راسها لين بس تتغلا عليك وانت خلك ذيب وافهمها |
أخي مملك من ثلاث سنوات ولم تروادك نفسك ان تسمع صوت زوجتك!!! بالله عليك كيف صبرت هذه المدة؟ سارع لمحادثتها واذا كان هناك معارضة من الاهل فلتكن مكالماتكم سرية.. حتى تتقاربوا فالوقت يداهمكم ولم تتقاربوا بعد..ويظل للرسائل طعهما الخاص فهي تعبر عما تريد بدون ان تنطقه فلا تلغيها ولكن ادخل عنصر الاتصال بينكم..ولايوجد بها خفة ابدا ولو أصبحت خفيف يااخي صاير خفيف على غريب؟ على زوجتك وحلالك:11: الله يسعدك أختك حائزة الأمل |
اقتباس:
|
اقتباس:
|
ثلاث سنوات ملكة؟؟
يا أخي غيرك في يوم الملكة يجلس مع (زوجته) يكلمها تكلمه يمسك يدها ....الخ و بعدين تلقاهم كل يوم ساعات عالتلفون. و المسجات حدث و لا حرج يعني 30 الى 50 مسج في اليوم!! و الزيارات مرة مرتين في الأسبوع يمكن كلامي ما يفيد في موضوعك لكني حبيت أوضح فقط. و أفضل الردود تاخذها من حائزة الأمل. تمنياتي لك بحياة سعيدة. أخوك |
| الساعة الآن 01:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©