|
وش كان شعورك بوقتها يوم أن ......
بسم الله الرحمن الرحيم السلام عليكم ورحمة الله وبركاته ,, اسأل الله الكريم رب العرش العظيم , أن يسعد كل متزوج , وأن يزوج كل من أراد العفاف , وان يرحم جميع المسلمين , أحبابي سؤال للمتزوجين والمتزوجات وللمخوطبين والمخطوبات والمملكين والمملكات , :d الأحياء منهم والأموات :d تخيل يوم اتتك الوالدة او احدى الأقارب وبشرتك ان وجدنا لك بنت الحلال اللي تسرك , وانتي يوم أتتك والدتك وقالت لك تقدم لك فلان يبي يتزوجك ,, ماهو كان شعوركم وقتها ,؟ كل واحد يوصف شعوره,, ماهو اكثر شيء جذبك في زوجك , يعني بمعنى لمن عرفتي ان هذي الصفة او هذا الشيء في زوجك فز قلبك من مكانه ويبي يطلع ,, :d :30: وللمتزوجين ما هو اكثر شيء جذبك في زوجتك , يعني بمعنى لمن عرفت ان هذا الشي او هذي الصفة بزوجتك فز قلبك من مكانه , وقمت تنطط مكانك ,, :d :22: لكم التحية |
:) لي عوده .. :)
|
|
طير الحياة ننتظر ,, :)
أبو باسم اشكرك على تفاعل والله يتمم عليكم يارب لننشر التفائل والسعادة مابيننا ,, ننتظر الإخوان |
مع الاسف انا ما زلت انتظر النتيجة
ادعو لي اني الله يوفقني واتزوجها والله اني في حاله نفسية ما يعلم به الا الله لو وافقت علي صراحة شعوري ما يوصف من الفرحة بالارتبط ببنت كل الناس يمدحون دينها واخلاقها وحنانها على الاطفال اهم شي لا تنسونا من الدعاء |
انا عن نفسي كنت لاأفكر بالزواج ابدا لانني ادرس بالجامعه واخاف يؤثر على دراستي ..
لكن ماتقدم لي كان من الاشخاص الذين لايردون كاملا والكامل الله قولا وفعلا وهو احد اقاربي .. انحرجت كثييييييرا قدام ابوي واول شي سألته وسؤال كان يعبر عن ردة فعل وحده مش عارفه وش ترد ..وهو وش يشتغل ؟؟ حسيييت انه سؤال سطحي :) رد علي ابوي لاتخافين ماراح تموتيين من الجووع ..:) هذيك الليله مانمت تفكيرات كثيره وصليت صلاة استخاره وبعد كم يوم اعلنت موافقتي .. وتمت الرؤية الشرعيه وااااااااه من رؤية الى الان اتذكر نظرته لي .. وتمت الخطوبه وتم الزواج .. وتمت اسعد واجمل حياة رأتها عيني ورزقت باجمل فتاة ولله الحمد .. وانا الان في عش احلى حبيب.. حفظهما الله لي من كل سووء |
ماهو كان شعوركم وقتها ,؟ كل واحد يوصف شعوره,,
تفاجأت وبكيت كثيراً مع أني كان عمري 23 ماهو اكثر شيء جذبك في زوجك , يعني بمعنى لمن عرفتي ان هذي الصفة او هذا الشيء في زوجك فز قلبك من مكانه ويبي يطلع ,, طيبة قلبه عسل |
اخي على هذا الموضوع
انا بصراحة طار عقلي لما اعرفت انه زوجي (حبيبي ) حنون جدا وبخاف علي وكمان فيه صفات اخرى كثير جعلتني مولعة به ولا احب الابتعاد عنه وان شاء الله كل المتزوجين يكونوا هيك وادي حنين |
حنون زمن قاسي
اقتباس:
طير الحياة اقتباس:
fullmoo0oon اقتباس:
وادي حنين2005 اقتباس:
|
انا بصراحة كنت صغيره عمري 16 سنه ولما قالولي اهلي اتفاجأت بالموضوع كله ولما وصفوه لي
حسيت بالراحه مع اني ما اعرفه ولا هو يعرفني بس وحده من اخواته تعرفني من بعيد مع اني انخطبت قبل كذا كم مره بس اهلي ما وافقوا لصغر سني وانا كنت اسمع عن الخطبه من بعيد لبعيد لكن بصراحة فرحت لأنه كان فيه مواصفات حلوة كل بنت تتمناها |
انا كنت رافضه بسبب الدراسة وتمت الخطبة وانا رافضه وهو لا يعلم لكن كل شئ نصيب والحمد لله
والان عندي طفلين الله اخليهم وخليه |
اقتباس:
اقتباس:
يتربون العيال بعزك وبطاعة الرحمن وابوهم معاهم :d مازلنا في الانتظار نريد مواقف بالتفصيل اغلب الردود كان يغلبها الخجل :o :o |
بصراحه لما قالو لي فلان خطبك حسيت بشعور غريب ما اقدر اوصفه بس حسيت انه هذا نصيبي خصوصا انه خطابي كثار
فرحت كثير لما قلت لاخوي اسال عنه وقالي على كل الصفات الزينه فيه وطبعا انا كنت أدور الدين والأخلاق وهذا اللي أكدوه اهلي واخواني والحمدلله، الله يتمم زواجي على خير . ما قدرت أحدد صفه معينه بس فرحت لما قالو انه زوجي نحيف كنت خايفه يطلع متين نفس اخوانه |
اقتباس:
|
انا كان واحد خاطبني وما ارتحت له واليوم الي لازم اقول القرار وبضغط من الوالد قمت وصليت الاستخاره كان وقتها العصر ماجاء المغرب الى وزوجي تقدم لي فارتحت ورفضت الاول
|
ماهو كان شعوركم وقتها ,؟ كل واحد يوصف شعوره
ايش اقلك انا اللي كنت اسعى في زواجي لانه كان صعب زوجي يتكلم مع ابوي لانو كان اكيد بيرفض لانه كان طالب جامعيفعشان كذا انا صرت المرسال بينهم حتى الان المهم كنت اكيد سعييييييييييييييدة جدا وحتى يوم دخلنا المسجد عشان نكتب كتابنا قلت لابوي خلص مابي لاني ما كنت مصدقة انا انخطبت قبل زوجي اكثر من مرة لناس محترمين جدا ومنهم امام المسجد بس الوالدة رفضت لاسباب مو لازم اذكرها المهم كان اول ما ينظر لي حاجة في داخلي تعل نااار ويا ويلي منها :))))) ماهو اكثر شيء جذبك في زوجك , يعني بمعنى لمن عرفتي ان هذي الصفة او هذا الشيء في زوجك فز قلبك من مكانه ويبي يطلع ,, لمن تعرفت عليه حبيت في رجولته ..وما كان له ماضي(مثل الشباب اللي في سنه ) وغير كذا دينه واخلاقه وغيرته علي عرضه وتحت هادي ميت الف خط وحنيت قلبه وحبه الجميل وكلامه المتلعثم ... والله يخليه لي واكون له زوجة صالحة اللهم امين ويهنيكم يابنات |
مواقف طريفة ,, وبعضها غريبة ,, لنستفيد من جاربكم ,,
:22: |
اخي الكريم
انا والله ما انخطبت لسه والحمد الله على كل شي بس بتعرف كتير حلو الشعور انا يعني اتقدملي اشخاص بس ما صار نصيب كان في مشروع على الصيف الماضي وكان شعور رائع عندما وافقت ورايت اشياء كثير ايجابيه بذلك الشخص ولكن هناك اسباب منعتني من الارتباط فيه والحمد الله ولكن اتمنى ان امر بتلك الحظات التي كتبها اخواني من المتزوجين والخطاب وفقكم الله جميعا اخواني ويعطيكم العافيه
اختك نهله:22: |
]انا اول ماقالت لي امي انه في واحد خطبني قلت لها مااابي وانا اضحك ومنصدمة في نفس الوقت واختي كانت اتقولي صلي استخاره كنت اقولها مابي وبس عقب قلت خلني استخير انا مب خسرانه شي وسبحان الله وافقت والناس كانت اتبارك لي وانا مب مستوعبه وبما انه وقتها كنت توني متخرجه من الثانويه العامه فكنت احس انهم يباركون لي عالنجاح,,:17: بعد الملجه زارني مرتين واتخيلو كان قاعد يمي وفي هالمرتين ماتجرأت وقتها اني احط عيني افعينه بس فجأة جات عيني افعينه وقتها حسيت انه قلبي فز من مكانه وقبل ماشوفه من كلامه حسيت بطيبة قلبه هذا وغير حنااااااااااانه وخوووفه علي ورومانسيييته بصرااااحه حبييييييييته من اول يوم قعدت معاه والحمد لله بعد يومين بنكمل شهرين على زواجنا وادعوا لي بالتوفيق وانه الله يخلييييييييه لي ويحفظه من كل شر ويرزقنا بالذرية الصالحة يـــارب
|
وعليكم السلام ورحمة الله وبركاته ..
وأن يزوج كل من أراد العفاف .. آمين آمين آمييييييييييييييييين ..:d |
انا اول ما اقالولي فلان جاي يخطبك اول اشي حسيت بلخجل وهيك بتعرفوا البنات بعدين
لما اجا يشوفني وينقدني مع اهلوا كمان كنت مستحيه يعني شفته لقيتوا حلو وهيك بس مش هذا كل اشي لما سالنا عن الدين تريحت اكثر واكثر وبعدين تمت الخطبه وصرت كل يوم احبه اكثر من يوم وليوم هو حياتي وحبيبي وكل اشي ويا رب يتمم علينا بخير ونتزوج السنه الجاي يا رب |
في شوفة السنه رفعت راسي وهو قاعد قبالتي جت عيني بعينه وحسيت بحنان الدنيا كلها بعيونه
<<حسيت انه مثل ابوي الله يطول في عمره >> وقتها تمنيت انه ياخذني من ايدي ونروح معا لاخر العالم وفعلا صدق ضني وطلع ابو حصه قمة في الحنان الله يخليه لي ولبناته |
ن اتفاجأت وأيضا أنصدمت لأني ماكنت متوقعه أنه يكون في يوم زوجي أولا كان عمري 16 سنه توني مخلصه المتوسطه ... ثاني شيء هو ولد عم امي وأخو اعز صديقه ثالث شيء لما كنى نروح بيت اخوالي أشوفه ساعات وماجاء في بالي انه يوم بيخطبني لكن هو كان يخطط وانا نايمه في العسل ...وبعد الزواج قالي كنت دايما اشوفك وحطيت عيني عليك وانا هبلا مادري عن شيء توني صغيره ...
الشيء اللي جذبني له طيبته وحبه للخير ... الله يخلينا لبعض ولايحرمني منه يارب ... |
سألت عن عظيم....ههههه
انا لين الحين ما تزوجت ول عقدت الكتاب لكني تقريبن خاطب وراحوا للبنت اهلي وانا شفتها النظره الشرعيه.... انا تخرجت من اكثر من سنه وهلي عرضوا علي بنات كثير.... ومن بين هالبنات البنت الي الحين ان شاء الله بملك عليها...في البدايه ما حطيتها في بالي كثير لكن كانت في بالي... شدني لها كونها واهلها غير عنا وهي خليجيه بس مش من جنسيتي وكذلك اصلهم يختلف ومستواهم المادي يختلف.... هي صديقة اختي وشدني لها كلام اختي عن اخلاقها وتواضعها...وانا انسان ما احب الاستعلاء والتكبر ... مر اكثر من ست شهور من يوم قالولي عنها ..وقالولي عن غيرها في هالفتره ....وبعد هالفتره قمت اعجب فيها زياده ...اجلس مع اختي واسأل عنها .. عقلانيتها وتواضعها "مثل ما قالت اختي شدني لها" شفتها النظره الشرعيه وشدني لها كذلك جمالها ما شاء الله عليها..الله يكتب الي فيه الخير لي ولها.... ان استخير هالايام الله ييسر وان شاء الله اكلم ابوها ونمرعليها اول ما يرجع ابوي من السفر.... ادعولي.. |
بصراحه لما شفت امه الله يرحمها وخواته انا ارتحت لهم وحسيت انه مريح مثلهم.....عدا ذلك كل من سألناه عنه مدح في زوجي والكل يقول مافي منه اثنين بأدبه وأخلاقه .....وانا لما صليت الاستخاره حسيت براحه واني ابي اضحك .....صليتها ثلاث مرات واهلي كلهم نايمين والشعور هو نفسه.....عرفت بعدها انه نصيبي والحمد لله........اسأل الله ان يشفيه........
|
ترقبوا
قريبا في الأسواق ملكتي واعطيكم التفاصيل ,, :) |
خطبتي مدري كيف جت
|
نشكر للاخ ضرغام هذا الموضوع ، وحيث تم الحصول على مختلف الإجابات على أسئلته يغلق الموضوع منتظرين موضوعه الجديد " ملكتي"
|
| الساعة الآن 05:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©