|
مشكلة في اصبع رجلي تجعلني محرجة من خطيبي
السلام عليكم يا اعضاء منتدى عالم الحياه الزوجية حابه بالاول إني اشكركم من قلبي على هالمواضيع القيمه الصراحه تفيد المقبلين على الزواج بدخل بالموضوع على طووووول .. عندي مشكله مضايقتني حيييييييييييييييييل تكفون ساعدوني :rolleyes: انا مملوج علي من فتره وزوجي يجي عندي من اسبوع لي اسبوع يزورني ونسولف ومن هالحجي وزوجي يحبني موووووت لدرجة ماتتصورون المهم من يومين كان عندي وطلب مني يشوف رجلي بس انا رفضت تماااما تدرون ليش ؟! رجلي اليمنى صبعي الثاني معاق يعني اطول من الباقي والسبب يوم كنت صغيره تعورت وصار كسر بسيط في هذا الصبع ويوم كبرت هالشكل صار والحين بجد الموضوع شااااااغل بالي ومضايقني حيل تكفون ساعدوووني شلون اخبر زوجي والله اني منحرجه ومضايقه ومب عارفه شاسوي :rolleyes: |
افااااااااااااااااا..عليك لا احراج ولاشي...
هذا وهو في ((اصبع)) رجلك..يا فجر ناس عندهم اعاقة ((في الوجة)) وحياتهم الزوجية اروع مايكون....وبعدين لاتكبرين الموضوع... حاولي بطريقتك>>>بتلقائية وبدون تكلف تقولي لخطيبك عن شكل الاصبع..وانتهى الموضوع |
انا مع اخوي عبدالعزيز صدقيني حبيبتي يمكن تتفاجئين ان زوجك بياخذ الموضوع ببساطة وماراح يهمه هالشي ..
بس انتي توكلي على الله وقوليله : تدري ليش هذاك اليوم رفضت اوريك رجلي علشان كذا وكذا وكذا ... وان شاء الله بيمر الموضوع على خير بس انتي لا تكبرين الموضوع ... |
حبيبتي انتي مكبرة الموضوع المساله جداااااااااااااااااا طبيعيه عادي شوفيه رجلك واذا انتبه على الاصبع خبري السالفه واذا ماانتبه صيري جريئه وانتي خبريه ولا تخجلي ولا تترددي وكولي الحمد لله والشكر واذا هو يحبك بجد ما راح يهمه الموضوع ابدااااااااااااااااااا ولا راح يفكر فيه فيه ناس عدهم اعاقه بالفعل صعبه والله يعينهم |
إذا تبينه يشوف رجلك بطريقة غير مباشرة..
ألبسي تنورة شوي قصيرة.. وخلك حافية.. أوصندل.. وخلك طبيعية.. وإذا شاف وسأل فمن خوفه ومن محبته.. لا ترتبكين.. عادي مافيها شي.. وهو زوجك يعني إلى متى بتظلين مخبية رجلك عنه؟؟؟؟ |
طلب غريب ليش يشوف رجلك يعني ........قوليله عادي بعدين هذا عيب عادي في ناس كثير جي وزين انه برجلك مستور
ومومكان ثاني |
عبد العزيز99 _ قطرة مطر 2 _ رحيق_ بحرينية ولكن _ ضاحي ....
تسلموووون والله على الردوووود اللي تبرد عالقلب بس شاسوي لاتلوموني لانه الموضوع جد شاغل بالي ومسبب لي حالة نفسية بس بغيت منكم طلب صغير اذا ماعليكم امر شلون اخبر زوجي بطريقة اقدر عليها واقوله عن هالشي ؟! |
ما رأيك اختي بمراجعة جراح تجميل ثقة لاصلاح العيب الذي حصل بسبب الكسر ؟
اذا شجعك على ان العملية بسيطة ونسبتها ناجحة ، اخبري وقتها خطيبك فلعله يرضى بك كما انتِ ويحاول اقناعك بعدم اللجوء للعملية فوقتها ترتاحين الى انه مقتنع تماما بك كما انتِ . |
أحب أبلغك حاجة أختي :
كل يوم يأتي ولم تصاريحيه ،،، يزيد احراجك ويكبر همك بالتفكير والخوف !! إذا ما الحل ؟ طريقة سريعة جدا الطريقة : 1) تقرأيي نصيحتي من قلب 2) تغلقي الكمبيوتر مباشرة 3) تمسكي الهاتف وتتصلي بخطيبك وتقولي الآتي : بعد كيف الحال وشلونك و و و تسكتي لحظة ، راح يسألك وش بك حبيبتي ؟ قولي : حبيبي أنا عاجبتك ؟ راح يقول ايه إنت حبيتني وحبيت قلبي ؟ راح يقول ايه حبيبي فيها شي لو كان اصبع من أصابع رجلي طويل ؟ ولا تعطيه فرصة للجواب كملي وقولي : يوم كنت صغيرة تعورت ..... و و و وخايفة هذا الشي يضايقك ، وآسفة إني ما قلت لك من الأول لأنه ماجات فرصة إلا يوم طلبت تشوف رجلي بديت أفكر إني أقولك وصدقيني كذا راح تسمعي منه كلام يفرحك كثير وترتاحي بعد ،،، ولا تحاولي تكبري المسألة وتطولي الشرح !!! على طول غيري الموضوع جربيها وراح تدعيلي أخوك متفائل جدا |
الحين هذي إسمها مشكله الله يهديكي بس إختي عااااااااااااااااااااااااادي جداااااااااااااااااااااااااا خليكي قمة في الريلاكس شو يعني صبع رجلك طويل مافيها أي شي ونصيحه لا تعلقي على الموضوع إطلاقاً يوم يجي لبسي نعال مكشوف وهو بروحه بيشوف رجلك ولو هو لاحظي هووووووووو موب إنتي علق على الإصبع خبريه السالفه عادي مرور الكرام وظحكي ونتي تقوليله عشان لا تلفتين نظره إن السالفه كبيره لأنها فعلاً ما تستاهل وعلى فكره أنا عندي بعد صبع رجلي الظفر منشال ومنظره أبداً موب حلو بس في حيااااااااااااااااااااااااااتي ما خطر في بالي إنه هذا الشي ممكن يسببلي حرج مستقبلاً (إدعيلي انخطب وبخبرج شو بيصير معاي :) )
|
فجر الإسلام
والله إنك ضحكتيني موضوعك ما فيه ولا شيء عادي جداً الحمدلله على العافيه وإذا طويل عادي يعني مافيه تشوهات ولا تمزقات طيب وش رأيك أنا أعرف وحده عندها سته أصابع برجلها ولمن جاء شاب لخطبتها ورته رجلها قبل كل شيء وأقولك وش سوى جلس يضحك وقلها أنا بتزوجك إنتي مو رجلك هههههههههههههههههههه تحياتي لكي |
أرحميني يا فجر الإسلام..أرجوك أرحميني
السلام عليكم
حرااااااااام عليكم ده كلام عقال ناس تموت .. وناس تعيش.. وناس تتعذب.. وناس تتعوق.. وناس تتشوه .. وناس تنخطف.. وناس تغتصب.. وناس.. وناس .. وناس.. وده حال الدنيا والدنيا دوااره وغريبه.. عمري ما اتخيلت إني أسمع عن وحده تتصرف بده الخجل والحرج من جهة أصباع طويل بزياده.. لأ وفين؟ في رجلها.. ومو في الرجلين!!! في وحده منهم بس.. والسبب إيه؟؟ حادثه من أيام الصغر.. ومين يقرأ دي المشكله بإستنكار؟؟؟؟؟؟ ***** أنا***** والأغرب في كلامي الغامض ده كللللللـــــــــــــــــــــه!!! إني من خلقتي من يوم ولادتي أصباع السبابه في الرجلين عندي أطول بصوره ملحووووووظه عن باقي الأصابع.. لأ وأزيدكم من البيت شعر!!! أنا أصلا رجلي نوعها: flat foot يعني مسطــــــــحه في الأرض وأقدامي نحيفه وطويــله. (: أتضحت الرؤيه ولا أوصف أكثر :) :27: ولما كنت في الجامعه كنت أستحي ألبس صنادل مكشوفه من قدام زي البنات وفي يوم كان في وحده مررررررررره أنيقه ومحترمه ومؤدبه وبنت ناس وكمان شاطره (ماشاء الله عليها) وقعدت أدردش معاها في يوم :30: وفجأة:30: :23: الدنيا ما وسعتني من المفاجأه السعيـــــــده إللي لمحتها:17: وهي إنه البنت دي طلعت رجلها زيي تماماً ياسلاااااااام عالصنادل إللي بدأت تطلع من الدولاب من يومها وكل يوم صندل شكل ومرت الأيام وأنخطبت وأتزوجت وجبت ولدين حلوين وسليمين من (:15: أي عاهات:) ) ولله الحمد والغريبه إنه زوجي أكثر ما يحبه في هو شكل رجلي ومشيتي مع العلم إني لما كنت صغيره كنت أمشي وأقدامي من ناحية الأصابع منحرفه للداخل يعني على شكل 8 وكمــــــــــــــــــــــــــــان كانوا في العائله الكريمه يسموني (شَمَقرينه) لأني أمشي بسرعه وأحرك يدي بقوه وبحماس وأمشي كده بإنطلااااااااااق ولا على بالي بس :( يا ترى زوجي الحبيب ساب كل صفاتي الحلوه وما لقي يُعجب إلا في مشية شمقرينه وفي رجولي الغريبه :( ليـــــــــــــــــــش؟ يقول إنها تحسسه إني بريئه:15: وأخيرا عيشي حياتك يا حبيبتي وخدي الأمور ببساطه وأهم شي قولي الحمدلله ولا تكبري الأمور التافهه في نظر زوجك من دحين ولا حياخد من دحين فكره مو حلوه عنك بده الخصوص وحيبدا يحاسبك وينظرلك على اساسها وان شاء الله تكون قصة حياتي:18: أثرت فيك ورفعت لك معنوياتك |
تصدقين...
نا عندي اكبر من مشكلتك ... وحالتى حاله.... بس ربي يفرجها لى ... ومليت من نظرات الناس وتعليقاتهم |
اقتباس:
انا معاك بكل حرف |
| الساعة الآن 05:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©