ساعدوني مشكلتي صعبه
 

السلام عليكم ..


بصراحه اخواني يمكن تذكرون قصتي مع خطيبي ( من غير عقد قران ) كان .. المهم بعد عقد القران صار لي اكثر من مشكله معاه و حسيت انه متغير معاي بشكل مو طبيعي ..

المهم :

انه قبل فتره زعل علي عشان سبب سخيف انه يبي يطلع معاي و انا عندي امتحانات قلت له مره ثانيه .. المهم عصب و صارت سالفه .. و من يومها ظل حوالي 4 ايام مايدق ولا يسال و لا مسج ولا شي جنه انا مو موجوده بحياته .. انا اول يوم دقيت يمكن مليون مره بعدين مليت و صديقاتي قالوا لي خلاص تركيه شوي بيرجع لج .. المهم انا تركته 3 ايام .. اخر شي اشتقت له و خفت عليه ادق على امه و اخته مايردون علي !! .. قمت و اتصلت على اخوه .. رد علي و قال لي انه بخير و مافيه شي !! .المهم بعد ساعه دق علي خطيبي يعاتب ليش دقيت على اخوه و اتهمني باني بنت خفيفه !!! و اطلع اسرارنا بره !!! ,, و بعد يوم دق قال اللي بينا انتهى !! .. سالته ليش بس من غير ليش انا و كيفي !!!

المهم حاولت ارد المياه لمجاريها .. ردينا بس كانا غربه !!!!!!!! .. مايشتاق لي مايدق الا اذا بقول لي عن شغله و بس .. قلت له انت تحبني قال لي ماادري !!!

اقوله انت ناوي تتركني يقول اذا كان لي العذر اي بتركج !!! يعني عااادي عنده ..

سالته اذا عاجبه الوضع يقول لي انا مرتاح جذي !!

بصراحه محتااااره مااقدر اتركه و لا ماادري شسوي عشان يرد مثل قبل او انا اتغير و اقسى عليه ماادري ساعدوني لوسمحتوا محتاجتكم ..

نعم اختي مشكلتك صعبة وستكون أصعب ما دمتِ تفرضي نفسك عليه بهذا الشكل .

لا يربطك به عقد قران بل مجرد خطبة ولعل هذا في صالحك ، حيث يبدو لي انه غير متمسك بكِ ، فلا تتذللي له .

اقطعي الاتصال به ودعيه في تلك الاثناء يقرر ماذا يريد بالضبط وان كنتِ غالية عليه سيتمسك بك ، ويسارع في طلب عقد القران .

عزيزتي ما ابي اكون قاسية عليك بس واضح انه ما يبغاك وانك فارضة نفسك عليه

ولو كان زعل بسيط ماكان بيقولك ماادري انا احبك او لا

اختي اشتري نفسك وكرامتك والله يعوضك خير منه

سؤال /

انتي تقولين ما تقدرين تتركينه ليش ؟؟

هل هذا حب ام هناك سبب اخر؟؟

اذا كان حبا فلا اعتقد ان النفس تحب مبغضها

وفقك الله للخير

بصراحة مشكلة صعبة لكن اسمعي كل كلمه اقولها ونفذيها بالحرف اولا اذا كلامك كلميه ببرود ولاتكلمينه كثير خليه يدق عليكي كذا مره بعدين ردي حسيسيه انك متملله منه خليه يمر اليوم واليومين ماتكلمينه لاتتكلمين في موضوع الزواج ولاتكونين زي اول خليك متغيره حتى اذا جاء البيت لاتدخلين وبالعكس كل اللي صلحتيه عين العقل لما ماطلعت ونفذي اللي قلتلك ماراح يبان عليه على طول بس انتي اصبر عليه شوي وتشوفين ينصلح حاله واي نصيحه ثانيه انا تحت امرك مايردك الالسانك لاني متزوجه ومرعلي اللي ملر عليك

Gust

مشكلتك غريبه لأن أصلاً ما فيه سبب مقنع عشان يطنشك بالطريقه هاذي

على العموم إنتي كمان أثقلي شوي

ومادامك لسى في بر الأمان

هذا أجمل ما في الموضوع

والله يهدي ما بينكم

لا حـــــــــــول ولا قــــــــــــــــوة إلا بالله

الله يكفينا شر أولاد الحرام وبنات الحرام

تحياتي

وليش ما نفرض انه بحاول يعلمها درس ، وانه واخذ على خاطره ، مع انه ساق فيها كتير

ربنا يصلح الحال ويهدي البال ويشفي القلوب التي في الصدور

انا اقول اسفطيه وشوفي ايش بيسوي...........واذا هو جا الصد منه والانفصال اعرفي انه ما ينحسف عليه........لا تموتين نفسك عليه ........خلص انتي حاولتي وهو يعرف هالشي.........خليييييييييه الييييييييين ما هو يدق عليك واذا سألك ليه القطاعه ذكريه انه هو اللي بدا وانتي متأثره سلبا من طريقته معاك وانه ما فيه شي يستدعي هالاسلوب......واصحك عينك مره ثانيه معاه والا مع غيره تقومين تدقين على اخوانه او امه او خواته......اذا هو ما رد خليه الين هو يدق......الرجال يكرهون هالطريقه يحس كانه بزر في نظرك.......

رأيى ان تتركيه ليقرر اذا كان يحبك ام لا .هل ستقبلين الارتباط بشخص لايدرى اذا كان يحبك ام لا؟ لا يا أختى فكرى بعقلك وحكميه .كرامتك اغلى من ان تنتظرى قراره هل سيستمر معكى ام لا وهل يريدكى ام لا .اختى تأكدى 100% اذا كان يحبك سيفعل المستحيل للحفاظ عليكى ليس اختلاق المشاكل والحجج استخيرى الله والامر بعد ذلك فى يدك .بالتوفيق ان شاء الله

يمكن قصده يؤدبك
لا تزعلين بس الشباب ما يحبون البنت تسال عنهم عند اخوه مثلا
الظاهر علشان شذي تضايق

لا تسالي فيه و ما تركدي ورائه اكتر شبان لا يحبون الفتاة الي بتجري ورائهم ومرحلة الخطبة هي دراسة لتجاوب لسلوككما مع بعض او العكس
ما دمتي تدرسين كرسي وقتك للدراسة وتفوقي فيها فسوف تنسيكي تفكير بخطيبك اكتر وبنصرافك عنه حتمنحيه فرصة يدور عليك لو كان بيحبك لو كان غير حتكوني ما ضيعتي لا وقتك ولا دراستك
وفقك الله ورزقك بالزوج الصالح وكل الاخوات ان شاء الله

مشكورين وماقصرتوا .. و امس دق قال لي شرايج نفل و ننهي كل شي ؟؟

بصراحه انا كنت متضايقه و ماعرفت شقول قلت له عطني فرصه لي باجر و نتكلم بالموضوع قال لي اوكي !!

وبليل دق علي انا بنام تبين شي ؟؟ قلت له لا .. قال تصبحين على خير و سكر الخط ..

وبصراحه الحين محتاره اذا دق او انا دقيت شقوله شلون افاتحه بالموضوع و اني انا احبه بس على قولتكم مااقط نفسي عليه .. و الله كريم الله يكتب اللي في الخير والصالح .. دعواتكم ..
واللي تقدر تقول شقولي بالكلام .. بكون ممنونه لها طول حياتي :(

اختي ام الجود : مااقدر اتركه لاني صج احبه

السلام عليكم أتوقع انك رفضتي تطلعين معاه لان عندك امتحان وهذا عذر كافي مو من حقه يزعل ويطنش وأحس انه كبر الموضوع تاكدي من حبه لك قبل عقد القران ........ والله يوفقك

اهو كان يقول لي انه يحبني و يموت علي .. وكنت انا موذاك الزود احبه .. بس احس انه لمن عرف اني حبيته جد .. تغير و صار اللي صار ..

الصراحة أنا أشوف انه تنهين كل شيء لأنه من الواضح أنه ما يحبك و يدور أي سبب علشان ينهي الخطبة. و أنا أقول انج تنسحبين بكرامتج يكون أحسن... وهذا رأي

مشكورين و ماقصرتوا .. و الاغلبيه قالوا انسحب .. فباخذ برايكم و انسحب .. والله يصبرني و يعوضني بالاحسن منه