|
خطيبي لايتفاعل معي..أرشدوني مالعمل؟
احبتى ....
لى فتره وانا احاول القى لمشكلتى حل ...مع خطيبى (زوجي شرعا ) بس والله ماقدرت ...حتى ماعندي احد افضفض له ...مالى الا الله ثم انتم ... اقولكم ::: انا تملكت من شهر ونص تقريبا ...من شاب عرفت عنه الخير ...المهم ...بدا يزورنى وبديت ارتاح له ... وبديت احبه ...مشكلتى انى بنت عاديه جدا ..مافينى معايير جمال ...احاول اعترف له انى احبه ...واحاول اعطيه كلام حب ...بس المشكله هو مايقابل كلامي بمشاعر انا اتمناها ..كان اذا قلتله احبك قال انا بعد ..كانه يرد على كلامي وبس ..وحاولت اناقشه كثير حول هالموضوع ...ويقول انا ماعرف يمكن اعبر ...حتى اذا قلت له اي كلمه ...يرد مثلها ..عمره ماحسسنى بشوقه لى ...ولهفته على ..بالعكس انا دايم احسسه بشوقى وبلهفتى ...واللى قاهرنى ومشتت تفكيري ...انى احس نفسي قليلة جمال ...وانه المفروض تزوج احسن منى ...لكن والله العظيم انى عاطفيه بقوة ..واحب اعبر عن مشاعري ....واحاول اهتم فيه ...وزوجي مايقابل هذا الا ببرود.. بقولكم قصه حصلت معي ...صار لى حادث مروري قبل اسبوع ...يوم اتصلت عليه وقلتله ...توقعو ردة فعله .؟؟؟ قال ماتشوفين شر ...وكان بارد ...تمنيت يقول كلمه ...تمنيت يقول لى بجي اطمن عليك ...والله العظيم انى انفجرت من البكاء ....ورحت لاختى وبكيت لين بغت تطلع روحي ...والله ماقلتله من ذاك اليوم ولاحسسته بشي ...وانا بقلبي كثير واذا جاء للبيت يحاول يمتع نفسه ؟؟؟؟؟ويقول انا ماعرف اتكلم بس بالحركات اعرف ؟؟؟؟ وانا بلحظتها احس انه ماعليه الا من نفسه ...يهتم اذا جاء عندي وش طبخت ؟؟؟؟؟؟وش لبست ؟؟؟؟؟ صدقونى ...كلام بخاطري كثير ....بس والله العظيم انى متشبعه من الهم هذا لدرجه ماتتخيلونها ... تكفووون وش اسوى ؟؟؟؟؟ وكيف ؟؟؟احببه فينى ؟؟؟ وكيف اكسبه .... تم تعديل العنوان ليتناسب مع الطرح اختكم حلالالالالا |
عزيزتي ..احيانا الرجل من نقائه لايعرف ماذا يقول لزوجته او كيف يتفاعل معها؟ واحيانا اخرى من برود او ضغوط
في العمل او الأهل.. أولا اسعدي لأن الله رزقك رجلا بنقائه ثانيا اقتربي منه..اسأليه مايسعده..نعم اسأليه فأنتي لمسة الحنان في حياته..واقتربي من افكاره اجبريه ان يتكلم ولكن بذكاء.. كيف يكون ذلك؟ دعيني ارشدك..ماهي اهتمامات زوجك؟ ماهو تخصصه؟ ابحثي عن نقطة تبدأي بها الحديث معه ويحتدم النقاش..وافقيه او عارضيه الأهم ان تبدأي النقاش وستجدي مع الوقت انك خلقتي صداقة بينكما قبل ان تكون علاقة زواج.. عزيزتي هاهو اعترف انه لايملك القدرة على التعبير ولكن يعبر ببساطته ..فلما تسمي مدحه لملبسك او طبخك او اهتمامه بهما اهتماما بنفسه؟ اوليس انتي زوجته الا يسعدك هذا الاهتمام ؟ اليس هذا ماتبحثين عنه؟ أخيرا.. اقبلي ببساطته..علميه ..اهديه كتب الشعر.. ارشديه الى مواقع على الانترنت ادبية..ابحثي عن نقطة نقاش واهتمام لتبدأ الصداقة.. والله يسعدك أختك حائزة الأمل |
سبحان الله أحسن أن إللي تكلمت هي أنا ..
صدقيني زوجك يحبك بس مثل ما قال لك ما يعرف يعبر .. وبالنسبة للجمال لو ما كنت جميلة لما خطبك وتزوجك تأكدي من هذا الشيء .. نحن النساء نقيس الجمال بمقياس مختلف عن مقياس الرجل للجمال ما نراه جميل قد يراه قبيح والعكس صحيح أو على الأقل ليس مغري من وجهة نظره .. وكلام حائزة صحيح 100% .. الله يسعدك ويوقفك أهم شيء لا تفقدين الثقة في نفسك .. حبِ نفسك قبل تُحبِه .. |
أختي الغالية ..
اصنعي من زوجك عاشقا لك بدهائك ومكرك كامرأة تمتلك الحس المرهف والعاطفة الجياشة لا تنتظري منه بل أنت بادريه بأشواقك ولهفتك عليه شيئا فشيئا حتى تري النتيجة بإذن الله هو رجل قد يكون هذا نتاج تربية أهله له فبعض البيوت شبه خالية من العواطف أسأل الله لك التوفيق |
كلام حائزة الامل لك كلام حلو خلاص:22:
وأنا ازيد عليه واقول لك عليك اولاً باستغفارالله كثيرل لأن في معنى الحديث والله اعلم عن النبي صلى الله عليه وسلم أن من لزم الإستغفار جعل الله تعالى له من كل ضيق مخرج ومن كل هم فرج ورزقه الله من حيث لايحتسب والله والله والله إن الاستغفار شيء جميل وأنا مجربه في موضوع أهمني كثير وتوجهت إلى الرحمن الرحيم بدعاااااااء والإستغفار وسبحان الخالق انفرج ليه هم مايعلمه إلا الله تعالى عشاااااان كذا أقول توجهي إلى الله تعالى وناجيه بكل مافي خاطرك بكل يقين إن الله راح يفرج همك وراااااااااااااح تشوفي بعينك بس أهم شيء اليقين باجابة الدعاء وصدقيني إن الله تعالى رااااح يجيب دعائك وتسيرين كذا:17: ثانياً:: ليش تقولي مافيك معايير جمال على قولك ليه نسيتي إن الله خلق الإنسان في أحسن تقويم اقول بلاش تحطمي نفسك لو ماأنت حلوه ماواااافق عليك بس خلاص اطردي وسواس الشيطان عنك وأنا عندي احساس انه يحبك بس يتغلى عليك يالله بسطي نفسك واكشخي وماهمك احد :28: |
السلام عليكم ورحمة الله تعالى وبركاته
أختي في الله ،أنا أتفق مع الأخت*هامتي فوق*+وتأكدي أنه اذا أعطيته ينبوعا من المشاعر والأحاسيس التي ترغبين أنت أن يعاملكي هو بها بشرط الاخلاص لله بمعنى لاتقولي أنا أحسسه بمشاعري وهو يقابلني بالعكس............كوني رمزا للعطاء واحتسبي الأجر عند الله تسعدي في الدنيا والأخرة باذن الله+أما ميخص الجمال :فالجمال جمال الروح وقولي لنفسك :ماذا لو كان هو أقل منك جمالا؟عندها ستقولين أتا قبلت به لأنه كذا وكذا...................فلتكوني أنت كذلك ولتكن التقة تاج على رأسك .........................وفقك الله |
اقتباس:
اختى حائزة الامل كل الشكر لردك .... بس والله هو يتكلم بكل المواضيع واشاركه انا لدرجه انه مايسكت .... لكن بالعطاء والمشاعر مايعرف .... تخيلى انا ادق عليه واقول له مشتاقه لك ....والله ماعمره قالها لى ...:( تخيلى اليوم اتصل عليه المغرب يعطينى مشغول ......وعلى بالى مشغول توقعي وش يسوى ؟؟؟؟؟ يتقهوى عند واحد من ربعه ؟؟؟؟؟ موشي يقهر ....وارسله مسج بشوق ...ومايحاول يرد .... تكفووووووون مليت ...... وش اسوى |
يابعد عمري والله حاسه فيك معليش اصبري
الله يعينك على بروده **طيب ماجربتي تتثيقلين شوي ؟؟ يعني قللي اتصالاتك ومسجاتك !! او جربتي ترسلي له مسج فيه عتب انتظر ردك ............ اختك |
اقتباس:
عزيزتي اخلقي المواضيع هنا يكون الذكاء ابحثي عن اهتماماته واقرأي عنها وتناقشي معه..ابهريه..اسحريه اجبريه ان يحادثك:22: وبالنسبة لتصرفه بأنه اعطاك مشغول فهناك رجال لايحبذون كلام زوجاتهم امام اصدقائهم فهو يعتبر شيء خاص بالنسبة لهم..لذا افرحي لأن لك خصوصية ولا تدققي على توافه الأمور.. واصبري وثابري فليس هناك شيء بسهولة أختك حائزة الأمل |
اقتباس:
اختى ...اسرار ..... انتى مثلى ....اجل انتى اقرب وحده لحالتى ...لاتقولين يحبك....احسها بعيده عنى .... انا معك مقياس الجكمال يختلف بس صدقينى ....التلفزيون ومحيط الاسره يحطم ...وخصوصا اذا كان خواته جميلات من قلبي شكرا لك |
اختي الغاليه احس بك تماما
عندي افضل حل ادعي الله دائما بان يسخره لكي ويجعلك قرة عينه انتي دايما ابتدئي واغرقيه بالكلام والمسجات ومن ثم اقطعي قليلا ومن ثم جددي صدقيني الوقت يحتاج لصبر كثير لا تيأسي والحمد لله زوجك لا يعرف يعني انه مش مجرب ولا تنسين التنشئه جعلتنا لا نعرف نبعر عن مشاعرنا |
والله مدري وش اكتب الكلام يطول ....شوفي ترا الرجال دايم معروف عنه صامت ولايمكن يعبر .مثلا مثلا انتي لبسه حلو اليوم زين قلت له وش رايك تحسبينه بفصل بيقول الله حلو الون المديل حلو لو انك لا مدري كيف بيقول كذا ايه حلو وبيسكت فاانتي افهمي الرجال اغلبهم كذا مايتكلمون مايعبرون مو مثلنا يالحريم تسالين عن شي نقعد نفصل تفصيل هذي نقطه النقطه الثانيه مو شرط يرسلك انا مثلك تملكت قبل فتره والحين بفك الملكه لي اسباب انا لما كان يكلمني انا ادري غلطانه كنت كاني طرما هو تضايق مني انا كنت بس جيده ارسل له وربي شهرين يمكن مارسل لي الا مريتن وربي انقهر قهر او ارسله ويدق انا مابيه يدق ابيه يرسل ترا الرجال مو مثلنا رمانسين يعني افكر قول رساله وش بيضره وربي مارسل الا مرتين وحاسه فيك انا ادري قهر فهم وش يسون يولعونا يخلونا نتعلق فيهم مايجون مثلنا نطلع كل شي مره وحده ونخرب علي انفسنا لا يجونك جرعه جرعه شوي شوي يحرقك وربي يصير اذا ارسلك كانه مدخلك الجنه وتطيرين م نالفرحه ارسلي تشوفين وحنا لا نقعد كل يوم مثل نرسل لا انتي ذوقيه الشي شوي شوي لقميه شوي شوي وعاد باسلوبك لاتعطينه مره وحده بيمل هذا شي... وايضا انتي كتبتي كلام وربي انتبهي علي عمرك لاتقعدين تحطمين نفسك ومثل ماقالت احد الاخوات حنا مقياس الجمال عندنا غير والرجال غير ولو مايبيك او ماعجبتيه ماوافق لكن انتي انتبهي تحطمين نفسك ترا خلاص ان انتي من الداخل ماانتي مقتنعه وربي بكره هو يصير يشوفك مثل اماانتي تقولين انتبهي عادي روحي عن المرايه قولي انا حلوه كلمي نفسك لين عقلك الباطن يقتنع وربي تصير تشوفين نفسك احلى وحده بس اهم شي تقتنعين ولا تقولني عند ناا انا مو حلوه ترا والله جد يصير يشوفك مو حلو بالعكس قولي انا وش حليلي ايه انتبهي للنقطه هذي ترا وربي يجيك شي بسبتها.... وادري طولت وان شالله يكون وصلك شي..
|
اقتباس:
هامتى فوق من قلبي شكرا احاول والله يعين |
اقتباس:
الموناليزا من جد كلامك يريح القلب تحياتى لك من كل قلبي حلالا |
:d و الله يا اخت حلالالالالا ذكرتيني بنفسي اول ما ملكت كنت مثلك متحمسه وابيه يحبني وابي احبه وابي على طول
نخش بالرومنسيات يا كثر ما صحت وتعبت نفسيتي وجلست على هالحال اكثر من اربع اشهر بعدها اكتشفت قد ايه هو انسان صادق وواقعي يعني مالكم الا شهر ونص اذا حبك بشهر ونص رح ينساك بعد سنه ونص من الزواج :25: وزي مايقولون الشي اللي يجي بسرعه يروح بسرعه صدقيني مع الايام رح يحبك اكثر من ما انتي تحبينه وهذا شي مجرب باقي تكتبين موضوع بهالمنتدى زوجي لازقلي وش الحل :d بس تطمني عزيزتي الرجال اللي من هالنوع نادرين ومفروض تفخرين فيه بدل ما تزعلين ومرح يقرب منك الا اذا كان يحس بانجذاب ناحيتك والجمال مو كل شي مثل ماقالو البنات انتي بين فتره وفتره ابعدي عنه يوم يومين وخليه يفقدك ورح تحسين بالفرق أن شاء الله... الله يوفقك ويوفق الجميع .... تحياتي .. لحظة حنين :cool: |
اقتباس:
ام معاذ الله يسعدك ماقصرتى حلالا |
اقتباس:
بحاول اسوي نصيحتك ومن قلبي شكرا لك حلالا |
اقتباس:
اميرة الورد وفعلا انتى اميره ....بردك وبكلامك ... صدقينى ارتاح لما القى من يتفاعل معي وكلامك يريح القلب وان شاء الله احاول احاول ربي يحفظك حلالا |
حبيبتي لا تقلقي لسة الفترة بينكم قصيرة صعب تحكمي عليه والجمال ياحبيبتي جمال الروح والاخلاق ومافي انسان مو جميل بس انت حاولي دايما تظهري اجمل ماعندك من اخلاق ومحبة وتسامح وانت حاولي تضغت على مشاعرك شوي لانه اغلب الرجال اذا لاحظو كل كلام الحب واللهفة اطمئنت قلوبهم وارتوت فخلي يعطش شوي ويقولك كل الكلم الحلو جربيها وباذن الله ماراح تخسريه لانه اكيد يحبك وبكرة تشوفي بعد الزواج راح تقولي له خلاص بس ها لاتقوليها خلي يرويك دايم
|
اقتباس:
هامتى فوق من قلبي شكرا احاول والله يعين |
اقتباس:
لحظه حنين جعل ربي يسلمك ويريح بالك ..... ماقدامي الا الصبر من قلبي شكرا |
حبيبتي باين من كلامك ان زوجك ثقيل فخليك انتي كمان ثقيله معاه شوي حتى مايقول انك جريئه ترى الرجال من ذا النوع مايحبون البنت الجريئه فحاولي انك تقللي من الاتصالات والمسجات والمقابلات ....ولاحقه بعد الزواج على كل شي بعد ماتفهمي شخصيته اكثر...انا برأيي هذا هو الحل الوحيد ...
والله يوفقك |
اقتباس:
فعلاً أنا مثلك يا ما عقدت في نفسي مثل ما تسوين ألحين .. بعدين تذكرت أن كل أنسان الله خلقةه في أحسن صورة قمت أتخيل شكلي لو لي أنف فلانة من أخواتي ولو لي عيون فلانه ولو لي خدود فلانه لو لي .. ولو لي وأستغفر الله .. طلع الشكل مسخ والعياذ بالله.. مقوله دايماً يرددها لي زوجي بنات الشاشات للمتعة فقط مو للزواج .. الزوجة شيء عظيم ..وعلشان كذا لازم تكون غير كل البنات .. وأي رجل عاقل بيختار لما يتزوج من يتأكد بأنها ستكون فعلاً تستحق حمل لقب زوجه له..وطالما أن زوجك لم يعلق على هذه المسألة فهي موجودة في خاطرك وحدك.. وطبعاً أنا ما بقول لك زوجك يحبك .. لأني أنا نفسي أسألك كيف تريدين منه أن يحبك وهو ما عرفك بعد ..؟؟ لما تبدأ حياتكم الحقيقية ومع الأيام والسنون سترين حبه .. ((وليس ستسمعين..!! )) هذه حقيقة ..!! الرجال أكثر واقعية منا .. لأن نحن النساء نميل للعواطف كثيراً .. زوج = حب .. الرجال زوجة = أستقرار بعدها يأتي الحب .. على كثر ما تكون حياتكم مستقرة .. وعلى قدر ما تكونا متفاهمين ومتوافقين .. سترين تعلقه بك فقط أعطيه فرصة .. ومن مثل هذا الرجل لا تنظرين كلمة حب ولا تعامليه بالمثل .. فوزيه الدريع تقول أذا كان الرجل لا يعرف كيف يقول أحبك قوليها له وكرريها دائماً علميه كيف يترجم مشاعره قولاً مع أني أرى أن الفعل أبلغ من آلاف الكلمات ولو أننا النساء نحتاج من فترة لأخرى لكلمة حب.. وبالنسبة لنظرتك للنفسك ومقارنتها مع بنات الشاشات .. قومي بتغير في نفسك أعملي نيو لوك ألبسي كما يلبسن .. في حضور زوجك .. كل شيء ممكن تقلدينه سويه ولا تخجلي وسترين أنك ستكونين أجمل منهن لأن كل جمالهن ما هو إلا مكياج .. لو طلعت لك واحدة منهن قبل أن تضع مكياجها لوليت منها هاربة .. تأكدي من هذا الشيء كلنا جميلات وأجمل منهن لو تسنى لنا ما لهن لكنا بالنسبة لهن ملكات جمال .. .. الله يسعدك وويوفقك .. |
اقتباس:
الساعة كم ربي يسلمك احاول اتثيقل ...واعاتب ومافيه فايده ياربي صبرك حلالا |
اقتباس:
اختى برجعللك برد وافي تحياتى للك ومن قلبي شكرا حلالا |
| الساعة الآن 06:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©