|
انا كرهت الزواج و سيرته وافكر بالانفصال
اناواول مرة اكتب مشكلة تخصني واريد حل ان شاء الله انا متزوجة من 4سنوات تقريبا وازوجي اكبر مني ب5 سنوات وهو ولد عمي المشكلة اني ماعندي شغل او بالاحرى مافية شي يشغلني عندي طفل وزوجي كثير الخروج لان دوامة12 ساعة ولما يجي عندنا يبدل ويطلع ويجلس 8 او9ساعات بالخارج ولما يكون راجع من سهرتة يكون مش بوعية يعني موطبيعي تعرفون وش اقصد ولما اسالة واقولة لية تشرب يصير يذكر مشاكلة وهو اصغير ومشاكل الشغل يعني يعطي الف سبب وزيادة على كذا ربي يهدية يومين ويصلي ويقرى قران وفجاة يرجع اللعادة القديمةانا قلتلة رح عالج وماسمع قال انا اقدر اتركة اذ بغيت وللعلم اهو مش مقصر علينا ابدا اخوانة عارفين وامة واهلة كلهم ولاتحركو انا معاد صرت اتحمل اشوفة بالمنظر الي يجيني فية والسانة يصير ثقيل مافهم شي وزيادة يطلب مني الجنس انا ماقدر من الريحة اصلا لاشفتة تنعدم نفسيتي ومااتحمل مدري هل فية شي اني ارفضة هل معي حق ويصحى ثاني يوم ولاكان شي صار انا مليت من الوضع وافكر بالانفصال شورو علي الله يجزاكم كل خير نسيت اخبركم ان الدولة الي حنا موجودين فيها سامحين ان الوحد يشرب اي وقت بس ممنوع يسوق السيارة وسلامتكم
|
لا حول و لا قوة الا بالله لا املك الا الدعاء لكى
|
أختي العزيزة اولا وقبل كل شيئ دعي عنك فكرة الإنفصال تماما لأنه لا يمكن أن نحل مشكل لنقع في ورطة
فهدا إبتلاء من الله وامتحان لك فزوجك محتاج لك حاولي قدر المستطاع أن تبعديه عن أصدقاء السوء وبيني له أنك وإبنك محتاجان إليه جددي نفسك وحياتك معه حتى لا يمل البقاء بالمنزل أشركي من له تأثير عليه من العائلة حتى يتدخل قلوبنا ودعوتنا معك |
الله يهدية
هناك أحكام شرعية لمثل حالتك ولكن أتركها لأهل العلم والمعرفة.... وأعتقد أن دورك مهم جدا لأبعاده عن هذا الطريق القبيح.... ولي عودة إن شاء الله |
لا حول ولا قوة الا بالله
ادعيله بالهدايه والله يهديه ان شاء الله |
الله يعطيكم العافية بس انا قلتلة اني مااخلية يجامعني الين يترك المنكر ويدل طريق المسجد ومثل ماقلتلكم قبل يسوي الي ابي وياخذ اهو الي يبية مني ويطنش من بعدها وانا بصراحة فكرت اروح ازعل بيت اهلي قبل كنت اخاف اسوي فضايح لكن الحين بايعتها الي فيها فيها وبصراحة الحين صرت احتاج اتكلم مع احد ويتكلم معاي ويعطيني كلام حلو ادري بتقلولي الشيطان وانا احاول ابتعد عن الاشياء الشينة فالله يرضى عليكم انجدوني لاني جربت مرة انتحر والعياذ بالله والحين صرت اطلع القهر في بنتي الصغيرة اضربها بكل مافيني لاتنسوني من دعاكم طفشت يالعالم و الله صرت ابكي عى الطالعة والنازلة افكر اني انتحر مرة ثانية لعل وعسى يحس
|
لاحول ولا قوة الا بالله
عزيزتي اتركي فكرة الانتحار من بالك.... حرررررراااااااااام ....اترضي ان تعيشي مسلمة وتموتي غير مسلمة والعياذبالله وانت الكاره لهذه الحياة لان زوجك يرتكب امرا محرما ثم تاتي انت وتعالجي ذلك بفعل اكثر واكبر اثما وحرمانية ... نصيحتي لا تفكري في الطلاق لاجل اطفالك ..اصبري واحتسبي الاجر عند الله وادعي لزوجك بالهداية واكثري من الدعاء والصلاة في جوف الليل مع يقين الاجابة : ياودود ياودود ياذا العرش المجيد يامبدىء يامعيد يافعالا لما يريد أسألك بنور وجهك الذي ملىء عرشك وبقدرتك التي وسعت كل شيء، لا اله إلا أنت، يامغيث أغثني يامغيث أغثني يامغيث أغثني. واذكري حاجتك والحي فيها .. واكثري من الصلاة على النبي والاستغفار . الله يفرج همك ويفك كربك ويصلح حال زوجك ويهديه |
لا حول و لا قوة الا بالله
|
ربنا يهديه حبيبتي وعليك بالدعاء والصلاة كما تفضلت الأخت جيجي78
|
|
استفتي من شيخ عالم عن الصلاة وحكم بقاءك معه وبيني هل هو يصلي دائماً أو أحياناً زهو رح يعطيك الحل إذا تصبرين أو تنفصلين لأن فيه حالات مايجوز شرعاً إن الزوجه تبقى مع زوجها إذا كان مايصلي..
الله يهديه ويعدل حاله يارب.. |
بسم الله...
أسأل الله الكريم رب العرش العظيم فارج الهم وكاشف الكرب أن يفرج همك ويجعل لك بعد العسر يسرى... ذكرت اختي انه يترك هذا الامر ويلتزم فترة ويعود...معناها ان فيه بوادر خير..وداخله إيمان.. اذا كان في محيط اسرتك شخص على التزام وحكمه وكلميه عن وضعك لعله يدخل في حياته ويكون له تأثير عليه اقلها يعرفه على صحبه طيبه.. واصبري يأختي فإن الله أذا احب عبدا ابتلاه..ولن يغلب عسر يسرين..وحاولي انتي نفسك تتلتحقين بدار تحفيض وتشغلين نفسك بطاعة تبعد عنك وساوس الشيطان واحضري محاضرات ودروس وندوات.....يعني ابحثي عن أسباب تقوية الإيمان..الدعاء . الدعاء....وسهام الليل لا تخطئ...الدعاء في جوف الليل...تذللي لله واسكبي العبرات..واسأليه من فضله..تصدقي ..واسالي الله عند دفع الصدقه ان يهديك زوجك ويكفيك شر نفسك وهواك والشيطان.. والله اثرتي فيني..اسأله سبحانه من لا يخيب سائله ولا يرد طالبه ان يهدي زوجك ويجمعكم عى ما يحب ويرضى..ويبعد عنك وساوس الشيطان.. وسمعت ان قاتل نفسه في النار ..فلا تردي نفسك للكفر بعد ان هداك الله للإسلام..وارحم بنتك فما ذنبها تحميها منك ومن حنان والدها ..اتقي الله فيها وربيها على ما تحبين ان تريه في والدها من صلاح..عوضي قصوره ..ولا تظلميها..وعلميها ان تدعي لوالدها فالطفل فهي لم تتسخ بالذنوب ودعوتها احرى للإجابه... فرج الله همك وجميع السلمين.. آسفه جدا على الإطاله.... |
اقتباس:
|
اول شي يعطيكم الف عافية على الردود الي تهدي البال والادعية الي تشرح الصدر جعلها الله في ميزان حسناتكم امين يارب اختي ياسمين بصراحة انتي الي اثرتي فيني جلست ابكي بعد ماقريت كلامك اللة يخليك لاهلك ويخلك لهم إن شاء الله اتمنى اني اكون قريبة منك حتى استفيد من كلامك ونصائحك الي كلها درر ومشكورين
كلمة (إن شاء الله )تكتب بهذه الطريقة ، ولفظ الجلاله يكتب هكذا (الله) |
ااختي عليك بالدعاء والالحاح فيه على الله ان يهدي زوجك
|
زوجك فيه بوادر خير وناقصه الصحبة الصالحة والابتعاد عن صحبة السوء ... فكرة الانفصال هو مو حل بل ضعف منك ... عليك بالدعاء خاصة دعاء الليل اللي تكون كالسهام .. وانا مجرب. يا أختي حلك في قول الله تعالى "ان مع العسر يسراً" ... ندعوا من الله التوفيق والهداية لكما وان يديم حياتكم بالسعادة.
|
بسم الله...وددت اني أفدتك بشيئ ..
وورد في لحديث القدسي (أنا عند ظن عبدي بي فل يظن بي ما يشاء) وحسن الظن بالله واجب..ولن يخيب الله ظنك إن سألتيه ورجوتيه و.. وأكرر اختي علمي صغيرتك الدعاء بالهدايه لوالدها..فوالله اني رايتها في قريبه لي مع أطفالها وقد قالت لي بنفسها إذا تعسر علي امر طلبت من بناتي الصغار الدعاء به..فيكون لي ما اردت... وشرب ماء زمزم بنية الهدايه لك ولزوجك والدعاء بعده وفقد ورد ان ما ء زمزم لما شرب له... يا أخواني وأخواتي لا تبخلون عليها بالنصائح والي عنده فوائد يساعدها فيها..والي عنده تجربه تفيدها يذكرها..ولكم من الله الأجر والمثوبه... فرج الله همك واقر عينك بصلاح زوجك وذريتك..آمين وجميع المسلمين... |
لا حول ولا قوة الا بالله اختي اتمنى من الله عز وجل ان يهدي زوجك حاولي انتي معه مره وثانيه وثالثه وانت ادرى فيه وبشخصيته وكثري من الدعاء له بالصلاح في صلاتك قومي الليل وادعيله لعل الله يلطف فيه وفيكي وان ماشفتي فيه فايده بلغي احد من اهلك والا ترى الطلاق ماشرعه الله عز وجل الا رحمه للمتزوجين اللي تواجهم مشاكل مالها حل ماقول الا يارب اصلح زوجها وهدي سرها وانعم عليها بحياه كريمه
|
والله العظيم ياعيوني مشكلتك منتشره في اغلب البيوت تذكري انه في ناس واخوات كثير في مثل حالتك فلا تياسي من رحمة الله واللع ياحبيبتي عليك بصلاة الليل قدر استطاعتك لوكل يوم قبل ماتنامين وادعيله والله ماتندمين وانا مجربه والله يهديه ويصلحه.
|
أسأل الله الكريم رب العرش العظيم فارج الهم وكاشف الكرب أن يفرج همك ويجعل لك بعد العسر يسرى...
|
بسم الله الرحمن الرحيم
اختي الكريمة ام فجر انا اقولج مثل ماقال غير اتركي التفكير بالانتحار او الانجراف نحو الشيطان فلا تحل مشكلة بمشكلة مثلها وقد تكون اسوء منها اختي الكريمة انا اكلمك من واقع تجربة فقد كنت من المدمنين على الشراب ولكن لما كنت انظر الى زوجتي وهي تصلي وتقرء القرآن دائماً وتنصحني فوالله العظيم دائماً كنت اجلس لوحدي وافكر في صبر زوجتي وفي اخلاقها واقول بيني وبين نفسي حرام تكون هذه الملاك لي الا ان اتوب وبالفعل تعهدت امام الله بأن اتوب توبة نصوحة لله الحمد صار لي خمس سنوات وان شاءالله الا الابد لن اقرب لا للشراب ولا لشئ حرام لذا ارجو منكي التمسك بالصبر والتمسك بدينك والله يهدي زوجك ان شاءالله اخوج بوجاسم |
:17: :17: :17: :17:
|
بسم الله...
جزاك الله خير أخ بو جاسم وثبتك الله على ما يحب ويرضى واصلح لك النية و الذرية.. ونفعكي أختي بما سمعتي فأنها نصيحة ثمينة جدا من أخونا بو جاسم ...فرج الله لك وللمسلمين |
اكيد انا اخذت الفايدة وهذ ا انا احاول معاة وبتضحكون اذ قلتلكم اني صرت ادزلة ايميلات كلها ادعية واحاديث عن شاربين الخمر صار يتكلم علي بكلام مابي اذكرة مثل من الدين الي انتي فية ولاصليتي ركعتين وصرتي ملتزمة واناواللة ضحكت من كلامة لاني وسبحان اللة احس ببرود كلما ارتفع صوتة علي اخوي ابوجاسم اللةيثبتك ويبعدك عن عيال الحرام ويارب يصير زوجي مثلك وكنت اتمنى انة يقرى ردك بس للااسف مافي مجال اقولة تصدقون صرت احاول مااخلية يطلع برى البيت صرت اسويلة كل يوم ليلة غير واغير ديكور الغرفة لكن اهو اشطر مني يستانس معانا الين وقت محدد ويطلع لاكن مااملك الا ان تدعون لي ولة بالهداية
|
| الساعة الآن 11:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©