ضريبة الانجاب
 

السلام عليكم ورحمة الله وبركاته

هذه أول مشاركه لي :d وأتمنى من الأخوات وكل من عنده خبره يساعدني لأني بصرااااااااااااااحه مليت:29:

أنجبت طفلي الأول من 6 شهور :15: , وعادت حياتي شوي مثل الأول بعد ما كبر الياهل شوي بس جسمي ما رجع مثل أول :29:

الحين الحمدلله بعد ما كبر الياهل صرت ما أكل الرز ولا الخبز الأبيض وكل شي قليل الدسم واعمل رياضه لبطني وخصري وامشي ساعه بعد المغرب وتحسن جسمي شوي بس ما رجع مثل أول متناسق والله بنهبل:23:

صرت استحي من زوجي لأن جسمي قبل الحمل كان متناسق وحلو بس الحين :25:

ملاحظه أنا أرضع طفلي وقبل الحمل كنت أمارس الرياضة وكان مقاس خصري 24 سم بس الحين 30 سم


أرجوووووووووووووووووووووووو المساعده :)

حبيتي ...............الموضوع طبيعي استمري على الرياضة بيتحسن جسمك بعد مرور سنة تقريبا
انا مريت بنفس الظروف و ألحين عندي ثلاثة
بس محافظة قد مقدر..............................الله يوفقك

الأخت العزيزة أذا كنتي تأكلين حبوب منع الحمل فهذه أكبر مشكله لأنها كلها هرمونات وأنا مثلك أحلم ألبس ملابسي أول ماتزوجت

مشكوووووره أختي hamtaro

بس سنه وايد :29: يعني يباله صبر

بس أخاف أول ما يرجع جسمي يقولي زوجي أبي ياهل

المهم شكراً إنك عطيتيني أمل وربي يوفقك

الأخت fullmoo0oon مانعني زوجي من الحبوب لأنه خايف يجيني عقم

أنا كل يوم أقيس لبسي قبل الحمل عشان أحس بالفرق :d

بس أنا ما راح أتخلى عن عزيمتي إني أرجع جسمي مثل أول :22:

المهم مشكورة على المعلومة

يااختي انا ماابغي احطمك افضل استمري على الرياضه شوفيني اهملت جسمي كل من شافني فكرني حامل

الله يبشرك بخير يا أخت سنى الفجرههههه

المشكلة يا أختي إني شفت نسوان وايد أجسامهم رجعت مثل أول وأحسن , يعني في أمل وإنتي أن شاء الله يرجع جسمك حلو مثل أول بس شدي الهمه معاي

أنا أبي مشاركة نساء مروا بتجربتي وابي اعرف إلي نجحت شو سوت بضبط وإلي خسرت شكلها شو سوت بعد؟؟

السلام حبايبي ,,,,,

أنا بعد صار لي من ولدت 9 أشهر ,, بصراحه جسمي تغير بعد الولاده خير شر ولا بنطلون في (( الكبت )) يجي على مقاسي يعني منطقة الحوض والخصر فقط اهيه اللي مانعتني البس لبااس قبل ..

وكان وزني قبل الحمل 52-53 وفي الشهر التاسع وصل وزني الى 68 وبعد الولاده يا مصيبتي:29: مارجع وزني مثل الأول يعني وزني الحيين 60.....

بصراحه ما سويت رجيم .. يمكن اشوويه مارست ريااضه وعن ملل وما أمارس الرياضه بطريقة متواصله ,,

بس امنيتي أن (( منطقة الحوض )) تصغر و ألبس ثياب قبل ، ثيابي ينلبسوون بس يكتمون على نفسي :11: يعني مو نفس قبل ألبسهم عاادي ..


تحياتي .. Um ALi

عزيزتى
انا لا اعرف ما هو الياهل
بس عن خبرة تستطيعين ان تلرجعى جسمك متل ما كان لكن لازم صبررررررررررر
انا الحمد للة رجعت لكن بعد عام و نصف
يعطينا و يعطيكى طولة العمر :)

مشكلتي مثل مشكلتك يا أم علي .... عندي منطقة الحوض مو مثل أول

أختي مزيونه الياهل يعني الجاهل أو البزر أو يعني طفل ..بس سنه ونصف وايد,,, بس ما قلت لي شو الخطة إلي أتبعتبها في أرجاع جسمك

عزيزتي yallow>>>..... سألت بنات قديمي الولاده صااار ليهم فتره

قالوا أن الوحده ينزل وزنها كلما كبر الطفل >>>> لأن تبدأ فترة المسؤليه وتزيد التربيه وتزيد الحركه عند الطفل :11:
والأم تزيد حركتها معاه .. خبرش تبدأ فترة مراقبه الأطفال


والتربيه بحد ذاتها تضعف الوااحد :23:


تحياتي .......... Um ALi

مرحبا اختي

yallow

انا مثلك كنت حتى بكى ابكي على جسمي الي خرب بس بعد سنه وتسعه شهور اتعدل كل شي الحمدلله
البطن بدت تنزل وخطوط الحمل بدت تخف الين قربت تتلاشى وحتى استرجعت ثقتي بنفسي بس انصحك بالاستمرار بالرياضه
والمشي اهم شي وقبل كل شي لازم تبتعدي عن شرب المويه البارده لانها سبب في بروز البطن ( هذي نصيحه امي )

بس المشكله اننا بس نعدل اجسامنا نبدأ بالحمل من جديد ويخررررررررررب كل اللي تعبنا عليه


ساليناز

السلام عليكم ياخواتي


شوفو مثل الرياضه الشد للبطن مافيه اكثر من رائعه واستخدمت جهاز عرض في التلفزيون لتخفيف البطن والله العظيم

ماكملت عشرة ايام الا وخواني مهوب مصدقين معقوله تغير جسمك ورجعتي زي اول جسمي كان مره متناسق

الجهازذا مره حلو وفكرته بسيطه يذكرني بطاولته الكوي تقدرين تثنيه وتحطينه خلف الباب وبعدين لما تستخدمينه

ممكن وانتي جالسه عند التلفزيون او تتسمعين شريط او عند الطفل يعني انتي جالسه مهوب متسطحه حتى سعره 145 ريال سعودي

انصحكم فيه

وزياده على كذا دائما اشفطي البطن عودي نفسك على انك ما ترخين عظلات بطنك ومنها يستقيم حتى جسمك

في الوقفه

ان شاء الله بعد ولادتي راح استخدمه

بالتوفيق يابنات

شوفى yallow اهم شىء الرضاعة الطبيعية لانها اسرع وسيلة لفقدان الوزن
بصراحة انا لم امارس سوى رياضة بسيطة لشد الصدر و اشعر انها لم تجدى
انا خففت الاكل كتير وبدأت استخدم كريم لشد الجسم و استخدمت الطرق الطبيعية للقضاء على الترهلات و شد البشرة مثل خل التفاح الطبيعى و ليس المغشوش الموجود فى الاسواق :(
اهتميت اهتمام خاص بتقشير البشرة و الحمام المغربى رووووووووووووعة جربية و ادعيلى نعومة و نضافة و ازالة للخلايا الميتة
و استخدمت لسان البحر مع خل التفاح للقضاء على التشققات
و الحمد لله راضية عن نفسى حاليا و لا يضايقنى سوى بعض الترهل فى الثدى لا اجد لة حل

بليزززززززززززززززز ساعدوني لو بنصيحه صغيرة .. وربي حتى الأثقال شلتهم عشان ارجع زي أول

مشكورة يا أم علي على تفاعلك ... المشكلة إن عندي خادمه تساعدني في أمور الطفل . بس ما أتكل عليها كلياً بس تساعدني قدام عيني.

الأخت ساليناز سنة وتسع شهوووور مدة طويلة قولي كلام غير هالكلام .. مشكورة على النصيحه

بحر الأماني إذا ممكن تقوليلي أسم الجهاز ومن وين؟

الأخت مزيونه حل الصدر في أنك تحملين أثقال بس خفيفه مو أكثر من واحد كيلو .. ويجب ان أحد يعلمك بعض الحركات الصحيحه, أنا تعلمتها من شريط فيديو ورجع صدري مشدود .. بس ما قلت لي ما هو لسان البحر ومن وين أجيبه وكي أحطه؟

شجر الدر فعلاً رياضة المشي كويسه بس أحس إني اجني ثمارها شوي شوي يعني يبغيلها فتره ... أمشي بسرعه وأكون شاده البطن لجوه واتنفس بطريقه صحيحه مع رفع الراس وإن شاء الله أوصل لهدفي

تقولي خادمتي الأندونيسية في دوا اندونيسي يضعف بسرعه واحد اسمه Galian singset
والثاني أسمه sari rapet


بس أنا ما راح أجربهم لأني أخاف لأني مرضع وثاني شي أخاف من الأضرار

أتمنى دكتور يشاركنا

اوعى تاخدى ادوية من دون استشارة طبيب :(
طفلك اهم من وزنك
هذا هو الرابط لعلاج التشققات بلسان البحر و الخل
http://www.66n.com/forums/showthread...C7%E1%C8%CD%D1
بس ما تدعى علية من الريحة
ادعيلى بعدما ترين النتائج :)
و اى سؤال انا فى الخدمة

مشكورة أخت مزيوووووونه ... بس أبي أسأل نفس سؤالك ... تنفع للخطوط الحمراء أو البيضاء أكثر ... وشكثر أخليها ؟ أنا بجربها يوم بيسافر زوجي أن شاء الله... هذي العشبه أجيبها من العطار؟

سؤال مهم جدا

بحر الأماني إذا ممكن تقوليلي أسم الجهاز ومن وين؟

من فضلك ردي عليناااااااااااااا

خفيفي اكل والعبي رياضة بس بدها صبر

أنا مخففه أكل يا المثابرة وأعمل رياضة بس ينزل وزني شوي شوي مش مثل أول كان ينزل بسرعه لمجرد تخفيف الأكل يعني قبل لا احمل

تجيبيها من العطار و تطحنيها او تطلبى منو يطحنهالك هى اصلا مستخرجة من البحر
بس صدقينى انا حاسة بفرق من يمكن رابع استعمال بس انا مش قادرة اواظب مشان الريحة بششششششششششششعة
انا اضعها حوالى 4 او 5 ساعات يوميا
انتى جربى بنفسك و احكمى و ما تنسى تدعيلى

حبيبتي مشلتك زي مشكلتي بالضبط..قبل الحمل كان جسمي مشدود ورووعه وكنت انا وزوجي راضييين عنه ..

اثناء الحمل تنفخت بشكل كبييير بسبب الماء الزائد\ في جسمي..

بعد الولاده
ترهل جسمي بشكل رهييب وخصوصا منطقة البطن .. والله تأزمت مررره وضاق صدري لان ملابسي كلها مااقدر البسهاوخصوصا الجنز اللي انحط بالدولاب وتسكر عليه على امل اني ارجع البسه..

اما من ناحية الاكل كنت اكل لاني ارضع واحيانا اكل بزياده لاني دايم اشعر بالجوع ..

بعدين قالي زوجي انا مش راضي على جسمك وماحاب يوصل الامر الى اكثر من كذا لازم تنتبهين لجسمك ورشاقتك ..

بعد ماكبرت بنتي وصار عمرها 7 شهور سجلني زوجي بنادي رياضي واستمريت معهم تمارين واثقال الى الان وخلص اشتراكي وجددته والانبنتي كملت السنه.. والحمد لله نحفت وشديت جسمي وصرت البس ملابس اول ماتزوجت ووسعت علي ..

الجنز صار كبييير علي لدرجة انه ملابسي كلها غيرتها لانها كبييره علي..

المشكله الوحيده هي تشققات بطني والله مش عارفه لها حل

لذا انصحك بنادي رياضي موثوق به والله بيصير جسمك خيال ومثيييير وبتدعين لي ..

والله يسهل..

سؤال: هل حبوب المنع تؤثر على الجسم من ناحية السمنه؟؟

اختي وايت هورس

للاسف ما اعرف اسمه لكن هو يشبه طاولة الكوي لما اثنيه وبعدين فيه مكان للجلسه كرسيها احمر

تجلسين على الكرسي وبعدين تحطين رجلولك ممتده على الجهاز وترفعينها وطبعا يدينك ماسكه على جوانب الكرسي

وتبدين ترفعين رجلينك ويشد البطن وممكن تنحفين الجنوب الي بعد الولاده انك تميلين الجلسه

وانا اتوقع انه عند اليو مارك صاحب الدعايات التلفزيونيه

طبعا الشرح صعب لان الاجهزه كثرت بشكل غير طبيعي بس زي هذا الجهاز والله ماشفت خفة وزنه وانتي جالسه بين اهلك ما ياثر ولا يبيله مكان خاص