|
اهلي يضغطون علي للزواج منه
للمرة الالف يتقدم لخطبتي وارفض
الفرق كبير بالعمر بيني وبينه هو في الخمسينات من عمره وانا في بداية الثلاثين اهلي مو راضين يفهمون يقولون انتي كبيرة بالعمر ولن يأتيك احد للزواج مهما كنتي حلوة للدرجة العمر يلغي جميع مزايا البنت؟؟؟؟؟؟ وتصبح كأنها بضاعة انتهت صلاحيتها اكثر من مرة اخبرتهم انه لايعجبني واشعر انه مثل الاب شكلا وكلاما لا اشهر ان هذا الزواج الذي ارغبه لم اعد احلم بأي مواصفات للزوج سوى انه يكون شاااب قريب من عمري لا شايب يقولون اهم شي تضمنين الانجاب قبل فوات العمر ويكون لديك بيت مستقل قلت لهم نعم هذا مهم لكن ليس مع شخص بعمر والدي ؟؟ ولا اتقبله اكثر وحدة تضغط علي وتشعرني بأني كبيرة هي زوجة اخي التي اسكن عنده بل تتمنى زواجي لاني اشاركها البيت وتريد راحتها هذه المرة الوضع يختلف لم يعودا يتقبلوا رفضي ومازالوا يستمرون بالضغط علي |
هذا هو قرارك
و هي حياك الخاصة ما احد ليه دخل فيكي ما تريده يعني ما تريده حتى لو اجى و طلبك للمرة المليون لانك انتي مو مرتاحة معاه و استحالة انك تبنين علاقة مع رجل انتي رافضته فهميهم وجهة نظرك و اذا ما قابيلين يفهموك فهاذي بعد مشكلتهم المهم انتي لا ترضخين لهم هي حياتك و مستقبلك و ربي يساعدك |
ارى ان تتزوجية بكل صراحه .............. اخيتى
غداً ياتيك منه طفل صغير يجعل حياتك كله ازهار وورد انك غداً بلا اطفال وبلا زواج تحسين بالوحده هذا الشعور سوف يذهب بعد الزواج بفترة عندما تتعودي عليه |
الله يعيــنك حبيبتي..فقط حاولي تشرحيلهم إنه لو وافقتي عليه لن تسعدي معه..و بذلك ستظلميه..و تظلمي نفسك أيضاً و هذا حقك..و ما حد بقدر يجبرك على شي ما بدك إياه.. الله يرزقك بزوج يقر به عينك و يسعدك و يتقي الله فيك.. أختك أجنحة الأمل |
اخيتي ليدي سوفت لاا ملك لكىىىىىىىىىىى الا الدعاء والدعاء وربي عظيم اخيتي من الصعب علىىىىىىىىىىى الانسان ان يرى اخيه او اخته في ظرف فلالالالالالالالالالالالالالالا يستطيع ان يقدم له اى مساعده اخيتي لقد اثرفينا ماخطته يداكىىىىىىى ولكن لاحول ولاقوة الا بالله العلى العظيم
اسأل الله العلى القدير ان ييسر لكىويستر عليكى عاجلا غير اجل وبنات المسلمين اسأل الله العلى القدير ان ييسر لكىويستر عليكى عاجلا غير اجل وبنات المسلمين اسأل الله العلى القدير ان ييسر لكىويستر عليكى عاجلا غير اجل وبنات المسلمين |
شوفي ياعمري اذا انتي مو مرتاحة لاتوافقين
واذا كنتي ببداية الثلاثين؟؟ تراي اعرف وحدة وصلت ل35 وماتزوجت وجميلة وخلوقة ماشالله تصوري راحت تكشف على عيونها عند دكتور واعجب فيها وخطبها ماشالله <<<<وناسة صح:23: وماعليك من زوجة اخوك ابدااا اهم شي رايك انتي بس حبيت انبهك لنقطة مهمة ترى بعض الرجال اشكالهم ماتبين انهم كبار اذا هالمتقدم ماهو مبين عليه ومشبب نفسه _ مهتم بنفسه_ استخيري وتوكلي على الله اذا كان كبير كبير من جد والله رأيي انك ترفضين والله يعوضك بس ليدي ترى فيه فرق بين الرجل الكبير والشاب المتزوج <<<<< هذا رأيي اخذ واحد كبير مرررة ولامتزوج ( نصف رجال) ادرسيها من جميع الحالات والله يكتب لك الخير يارب |
أنصحكي بان تقبلي به اذا كان ذو خلق ودين وسوف يبدلك الله اشياء اخرى تحبينها في زوجك. فلتحسبيها ياأختي الوقت ليس بصالحك اليوم عندك 30 غدا أربعين الايام تمر وانت ما ترضين البقاء عالة على أخوك.
فكري في العمر والإنجاب للاولاد. |
والله ياغاليتي ليدي هذا الواقع مع الاسف ...
وراح اجاوبك على اسئلتك بصراحه واللي اشوفه انها الحقيقه وواقعنا وعادتنا وتقاليدنا .... جواب سؤالك هل العمر يلغي جميع مزاايا البنت ؟؟؟ نعم نعم نعم .. يلغييييييييييييييها وبكل قوه او رحمه وتصبح _ مثل ماقلتي _ بضاعه اتهت صلاحيتها .... حتى الجميله جدا جدا جدا مااظن يقبل فيها شاب بالعشرينات وهي في الثلاثينات لجمالها فقط .... وحتى لو كان اكبر منها بسنه سنتين الرجال في الثلاثينات يفكر في بنت عمرها عشرين او اقل بعد او اصغر نه بخمس سنين على الأقل .... خطبوني اللي اكبر مني بسنتين وثلاث ورفضوا اهاليهم بسبب العمر .. حنا ايش مشكلتنا اساسا اللي نشتكي منها في المنتدى واللي علشانها فتحوا القسم هذا الا بسبب العمر .... انا ماابي ازعجك اختي ليدي ولا اضايقك .. انتي تعرفين ان مشكلتي نفس مشكلتك ووالله احس ان حالتي اصعب ومن غير مااقول تفاصيل اكثر عن مأساتي .... انا مااشجعك علىانك تتزوجين شخص ماتبغينه ... لكن شي يغطي على شي ... لاتفكرين بعمره حتى لوكان كبير ...ترا والله العمر مايعيب الرجل ... نصيحه من اختك ... انسي سالفة عمر الرجل .. لا تقولين ابي شاب قريب من عمري _اسمحي لي تراها صعبه _ وعلى سالفه الرجل هذا انتي مو مرتاحه له شخصيا بغض النظر عن عمره .. ماله داعي تضغطين على نفسك وتتزوجين مكرهه ... يرزقك الله اللي احسن منه .. ومره ثانيه انسي سالفة العمر .... لكن فكري فكري فكري مليون مره .. وادرسي الموضوع من جميع جوانبه وشوفي المزايا والعيوب واستخري وقرري.. واذا على الضغوطات من الأهل تراها شي عادي وطبيعي لا تزعجين نفسك . كلنا نتعرض للضغوطات هذي مع كل خاطب متقدم ... الله ييسر لك الخير ويرزقك عاجلا غير اجل ... |
طيب بغض النظر عن العمر هل هو متزوج قبل؟؟
كيف أخلاقه؟؟ دينه؟؟ هل انت ما ارتحتي له أو فقط علشان العمر؟؟ هل شفتي شكله؟؟ صراحه الرجال ما يبان عليهم وإذا كان متفرغ لك يعني ماعنده زوجه على ذمته فكري وحطي كل الايجابيات والسلبيات قدامك وترى حلو الوحده تأخذ واحد أكبر منها علشان يشوفها صغيره لكن مو عاد بعمر ابوك أو تحسينه أب ... انت فكري ولا تخلين الموضوع عناد ولا تغصبين نفسك أو تضغطين عليها لأن هذي عشرة عمر يعني اعتبري انه أول مره يتقدم لك وفكري زين والله يكتب لك مافيه الخير.. |
يعني خلاااص؟؟؟
سكين العمر نحرت من احلم به زوجا لم يبقى من حلمي الا انه يكون شابا اضغط على نفسي واقبله لكونه وسيلة للانجاب من خلاله انجب الابناء لا اتخيل نفسي معه على سرير واحد ( كبير ومتزوج ) بالرغم من مزاياه التي تعجب الاخرين( الدين والمنصب والمال) لكنه لا يعجبني نهائيا بالرغم من قدرته على نقلي الى عالم اخر هو في الحقيقة عالم مادي( حيث المسكن الفخم والسفر والمال ) لكن اين عالمي الوجداني( عالم الحب والررغبة ) هل سأضطر ان امثل عليه دور الزوجة المشتاقة كلما اقترب مني وانا لست كذلك يااااااااااااااه شي صعب على العااانس فعلا قرار مصيري اما الزواج ممن لا ترغبين خصوصا من هو كبير السن ومتزوج او البقاء وحيدة طوال العمر وعالة على اخي وزوجته؟؟ احيانا كثيرة افكر ان اقبله خصوصا لما اشعر بالوحدة ولم اجد من حولي ورغبة في اثارة غيرة المتزوجات (لانه شخص معروف ذو منصب ومال وسينقلني بماله ومنصبه الى عالمه المادي بالرغم اني ميسورة الحال والحمدلله ) اقول لماذا لا اضغط على نفسي واتزوجه وانجب الابناء ثم اضمن البيت المستقل بعدها اطلب الطلاق منه لاني لااااااا ارغب به او بمن هو في مثل عمره مهما تمتع من مزايا يبقى للعمر دور كبير ةمهم في الزواج كلها سنوات معدودة ويدخل في مرحلة الشيخوخة مرحلة كلها امراض وضعف سيحتاجني للعناية به وبدل من اصبح زوجة اتحول ممرضة ((( لو كان العمر رجلا لقتلته))) حسبي الله ونعم الوكيل |
الأخت ليدي
واضح أن الرجل يرفضه داخلك ، وتفرضه ظروفك ولكن مزيدا من الانتظار اعتقد أفضل طالما هو مرفوض في اعماقك اسأل الله أن يسهل لك من تتمنينه من الأزواج ويسترك |
اقتباس:
|
ليس الزواج يا حبيبه .. عقد يسجل بيد قاض أو مأذون ..
وإنما الزواج سكينه تحل نسائمها بين جوانحي .. فتغرد حينها .. بلابل روحي فرحا وطربا .. لا تستعجلي .. فقد لا يكون ..هو كنزك المفقود .. ولكن أتدرين أين هو ..؟؟؟ أترين تلك السحب البيضاء ..تأمليها .. فهناك ..و في السماء.. كنزك محفوظ ..ولكن .. أكثري الدعاء .. وقولي ربااااااااااااااااااااااااه يارب السماء .. أما أذنت لعبدك ( الفرج العظيم ) أن ينزل لأمتك وقد كساهما ثوب من الألم والحزن الدفين............. |
أرى أن تستخيري ولاتتزوجيه ..
وفقك الله وعوضك خيرا .. واضح عليك عاقلة وتفكيرك ناضج ، وحسافة تصومين وتصومين وتفطرين على بصل .. |
[QUOTE=sad 4 ever] لانك انتي مو مرتاحة معاه و استحالة انك تبنين علاقة مع رجل انتي رافضته فهميهم وجهة نظرك و اذا ما قابيلين يفهموك فهاذي بعد مشكلتهم المهم انتي لا ترضخين لهم هي حياتك و مستقبلك [/QUOTE] حياتي ومستقبلي تهم اهلي مثل ما تهمني ولذلك هم يضغطون علي للزواج منه حتى لا اظل وحيدة بلا زوج ولا ابناء مستقبلا [QUOTE=احاول اساعد] انك غداً بلا اطفال وبلا زواج تحسين بالوحده [/QUOTE] نفس كلام اهلي ودايما يخوفوني بالعبارة( اشعر برعب وحزن عندما اسمعها) اقتباس:
انا فعلا اشعر اني لو وافقت سوف اظلمه لاني لا ارغب به اقتباس:
الله يجزاك خير ولا تنسانا من الدعاااء [QUOTE=شوبارد] بس حبيت انبهك لنقطة مهمة ترى بعض الرجال اشكالهم ماتبين انهم كبار ترى فيه فرق بين الرجل الكبير والشاب المتزوج <<<<< هذا رأيي اخذ واحد كبير مرررة ولامتزوج ( نصف رجال) [/QUOTE] شكله بعمر ابوي واحس اني بنته الصغيرة وهو كبير ومتزوج يعني نص رجال وشايب( شفتي الحظ) اقتباس:
سالفة العمر والانجاب هي من اسباب ضغوط اهلي علي وواكبر هذه الضغوط شعوري اني عالة على اخي وزوجته **لولو*** ...[/QUOTE] انسي سالفة عمر الرجل .. لا تقولين ابي شاب قريب من عمري _اسمحي لي تراها صعبه _ واذا على الضغوطات من الأهل تراها شي عادي وطبيعي لا تزعجين نفسك . كلنا نتعرض للضغوطات هذي مع كل خاطب متقدم ... ...[/QUOTE] ادري والله ان زواجي بواحد قريب من عمري صعبة لكن على الاقل مو اكبر مني بعشرين سنة؟؟؟ اما ضغوط الاهل بصراحة عمرهم ما اضغطوا علي للزواج من احد الا عندما دخلت الثلاثين وضغوطهم مع هذا الخاطب اكبر واشد لانهم يرون انه مناسب ( كما قلت عنه ملتزم وخلوق وذو منصب وسمعة طيبة ومستعد ينفذ كل طلباتي) ويرون انه افضل من أي شاب سيتقدم لي لكن((( اللي يبينا عيت النفس تبغاااه))) اقتباس:
هو متزوج وملتزم وخلوق ونعم رأيت شكله كأنه بعمر والدي وانا بالنسبة له ابنته الصغيرة لان عمري الشكلي يوحي بأني مازلت في بداية المرحلة الجامعية اقتباس:
المشكلة في الانتظار؟؟ لاني هذه المرة يجب ان ارد رد نهائي وبعدها لن يكرر خطبته لي( سبق وان رفضت خطبته ) [QUOTE=ريم المدينه][ مثل ماقاله أخي الفاضل الكبير أنتظري طالما هو مرفوض في داخلك [/ALIGN] [/FONT][/CELL][/TABLE][/ALIGN][/QUOTE][/COLOR] [/SIZE]الظاهر المرة هذي ان فرض ظروفي اكبر من رفضي الداخلي له QUOTE=بسمة رضا *] لا تستعجلي .. أكثري الدعاء .. وقولي ربااااااااااااااااااااااااه يارب السماء .. أما أذنت لعبدك ( الفرج العظيم ) ...........[/QUOTE] الدعاء صار رفيق دربي لا انساااه ابدا [QUOTE=زرقة البحر].. واضح عليك عاقلة وتفكيرك ناضج ، وحسافة تصومين وتصومين وتفطرين على بصل .. [/QUOTE] مشكووورة على هالكلام الحلو والله شكلنا احنا يالعوانس اخرتها راح نفطر على بصل |
اقتباس:
انتي خلوقة وحلوة ومتعلمة يعني والله كثير يتمنونك وبعدين حتى لو كنتي فوق 30 مانتي كبيرة كثير يارب يارب يارب يجيك واحد بهالفترة افضل منه :17: اختي بحرينية مسحت كلمتي لأنها قوية شوي بس والله ماعتقد فيه بنت يهمها مركز الرجل اذا كان شايب ومتزوج!! أسألك بالله وش الحياة مع الرجل هذا؟؟ علميني وين الحياة؟!! كثيرين من هم خيرين وفيهم دين وماتزوجو او على الاقل ماهم كبار مرة والله ياليدي اني احبك واتمنى لك الخير ومتحسفة فيك تاخذينه انتيالأفضل منه بمليون مرة. كل شوي داخلة موضوعك بشوف وش صار عليك. رايي اللي خلاك تنتظرين السنين اللي راحت انتظري بعد شوي وربي يفرجها . الله يكتب لك الخير |
اقتباس:
لا تظلمي الرجل.. لأن الليدي بنفسها قالت أنه خلوق وذو دين ومركز... عزيزتي ليدي سوفت... لازم تكلمين الرجل وتقولين له أنك رافضته ومش متقبلة الزواج منه.. وتفهمينه إنه مايرجع يتقدم لك مرة ثانية لأنك لو قبلتي به بيكونمن وراء الضغط عليك... واصلي الدعاء... ولا تزعلين من مرت أخوك أو هلك... لأنهم في الأول والأخير يبغون مصلحتك... بس كل واحد عنده طريقة خاصة في التفكير ووجهة النظر... |
ليه تقولين عن نفسك انك عانس
بالعكس انتي لسى زهره متفتحه انتي عمرك لسى 30 والف مين يتمناك انا اعرف وحده تزوجت وعمرها 37 والحين هي سعيده مع زوجها واطفالها اما بالنسبه لهذا الرجل الكبير الى متقدم لك اذا انتي مش مقتنعه في كزوج لاتقبلينه مهما كانت الضغوط والظروف انتي انتظري والفرج راح يجيب ويقدم لك الشاب الى يناسبك بالعمر الله يسعدك |
اختي تبيت راي انا لو مكانك واعيش مع زوجه اخوي اوافق حتى لو كان عمره ميه سنه مو خمسين المهم افتك من الذل الى انا فيه وهذا فى النهايه راجعلك انتي وحدك فكري استخيري مره ومرتين وثلاثه
بعدين احنا مجتمنا سخيف اذا كانت البنت تدرس وكانت اقل من العشرين بشوي او عمرها ثلاث وعشرين او اربع وعشرين مايزوجونها يلون تكمل دراسه بعديني يصير خير واذا وصلت الثلاثين قالوا خلاص كبرت ماعاد ينفع والله حاله لايرحمون ولا يخلون رحمه الله تنزل ليت الله ياخذني وارتاح |
اقتباس:
شايب ومتزوج وخطب بنت ماقد تزوجت وده يجيب لبن العصفور لها بس توافق!! صح ولالا؟؟ اسمعي لما كنت بعمر 23 يوم كنت وردة يعني اهئ اهيئ على الحظ المهم تقدم لي واحد عمره فوق40ماقد تزوج لظروف معينة ومقنعة خفت وقتها مع اني احب يكون فارق بين البنت اولرجل بس مولهادرجة المهم صديقة لي اقنعتني انه الرجل بهالعمر يدلع وينسيك امك وابوك لأنه ماقد ذاق طعم الزواج محروم يعني. وامي اكثر وحدة اقنعتني وقتها كنا نشوف مسلسلة كويتية وكان ممثل توقعت عمره ان كان كبير 35 قالت امي هذا فوق 40 بس لأنه طويل ورزة مومبين يمكن الخاطب اللي متقدم لك مو مبين عليه ودخلت الفكرة براسي قلت اذا مومبين بوافق وصرت احط صورة الخاطب مثل هالممثل :d رجل دين وفيه خير وله منصب كبييير لدرجة اخوي يوم سأل عنه قاله واحد معقول هذا خاطب منكم؟ لاتشاور أحد وافقو عليه اختك حظها من السما هذي وجو اهله وصار قبول مبدأي وجا هو عشان يتعرف عليه ابوي وطليت عليه من الشباك خخخخخ شفته ياليدي وجاااااااااااااااااااااااااااااني الصياح كبيييييييييييييييير تعرفين الرجال الكبار التجار الللي لهم كروش ويمشون بشويش واصواتهم غليظة بقوة كذا هو تصوري؟!! حسيت اني اذا مشيت معه بيقولي عيب بابنتي مايصير كذا احس لو بعيش معه بقوله يبه رحت لامي وانا اصيح واقول يماه كبير مرررة حتى اخواني قالو لي اذا تهمك المادة والدلع وافقي اذا تبغين الحياة الطبيعية مثل البنات وتوافق فكري لاتوافقين لأن هذا عقليته عقلية التجار وواضح الزواج طلب متأخر عشان العيال والأولاد والحمدالله استخرت وراح ووقت مابوي قاله والله البنت مهي مرتاحة عشان فارق العمر قال اقول عقلها بس عقلها وين بتلقى رجال بيعيشها بنعيم !!!!!!!!!!!!!! شباب هاليومين عالحديدة!!! والله ابي الحديدة ولا ابي شايب!! |
شو بارد هذا الى خطبك مايستحي يعني بالقوه يا تزوجني بنتكم يا تكون مهي عاقله
الحمد الله الى الله فكك منه واللهيعوضك يارب بالى احسن منه انا بعد قد خطبني واحد عمره 44 صراحه انا كنت موفقه كنت ابي الفكه من اهلى بس ابوي قال لو تحب الثريه ما عطتك بنتي مهبول انا وقتها كان عمري 20 يا حسره على ذيك الايام هو كان عنده عيال متخرجين من الجامعه وعنده احفاد بس ارمل يبي وحده تونسه يالله الله كريم |
** السلام عليكم ورحمه الله وبركاته **
استخيــــــــــــــــــري ياقلبي ورب العالمين أعلم بالنفع والضر وقوليلهم موافقه وتوكلي على الله في حال رب العالمين كاتبلج الخيره راح ترتاحين نفسيا ويمشي الموضوع بسهوله وفي حال إن رب العالمين مو كاتب فراح يتعرقل الموضوع وبرضى الكل .. ترى ماكو على الإستخاره بإذن الله راح تستفيدين منها .. أهم شي إداومين على صلاه الإستخاره لما ينتهي الموضوع .. الله يوفقج حبيبتي .
|
الله يكتب لك الصالح!!
|
شوبارد
اقتباس:
شوبارد اهو لو يخطب من اي بيت محد يرده ويقدر يحصل اصغر مني بالعمر بس تدرين ليه هو متمسك فيني؟ اهو شافني وجها لوجه ومن يومها ازعج اخواني من كثر ما يخطبني منهم اول مره يوم خطبني جاء بسيارته المرسيدس اخر موديل وكاشخ كان خطبته قبل لا يشوفني بس يعد ما شافني هو صااار يذل نفسه حييل وصار يهتم في اخواني واي واسطة يبونها يسويها قبل لا يطلبونها ودايما يدق عليهم ويعزمهم لديوانيته المعروفة يقول اخوي ((والله عمري ما شفت واحد يذل نفسه لهالدرجة - وحدة ارفضته اكثر من مرة ليش يكرر الخطبة والله لو تكون ملكة جمال ما اخطبها ثاني مرة اذا ارفضتني)) اقتباس:
هههههههههه الحال من بعضه اقتباس:
اما المادة شنو تفيدني فيه اذا راح اعيش مع واحد اغصب نفسي عليه اقتباس:
اي والله عندي شاب فقير ابرك الف مرة من شايب غني |
بصراحه أختي الفاضله
انا قريت الموضوع من أول ما نشرتيه ولكن صبرت حتى أكون فكره وراي يمكن ينفعك بصراحه كنت بقول تزوجيه إذا رضيتي دينه وخلقه وكان شكله مقبول ، ولكن بعد ما قلتي أنه مصر بعد ما شافك وعاود الكره أكثر من مره أقول لا تفكري في هذا الرجل لأنه ناوي له على نيه والله اعلم يمكن انه يحب التملك ولما شافك حب يتزوجك ولما رفضتي حاول أنه يتملكك ( لا تزعلين من الكلمه ) لكن بعض الناس يحب يشتري كل شئ وخاصة إذا كان عنده فلوس و إذا صار فيه عناد فيصر على الشئ . أخيرا لا تنسي الاستخارة والله يوفقك ويقسم لك الخير |
اختي ليدي سوفت
في البدايه شرت بحيرتك وترددك وقلت ان شاء الله الخيره في الاستخاره وفي ردودك الاخيره احسست بأنك ترفضينه وبقوه ولكنك لم تستطيعي قول لا بنفس قوة الاحساس بها (((( اي والله عندي شاب فقير ابرك الف مرة من شايب غني ))))))))) اذا كنتي صليتي الاستخاره واصبح هذا هو شعورك قولي لا ولا تترددي وربي يعوضك الزوج اللي احسن منه بالقريب العاجل يارب |
اقتباس:
تراه مو من هالنوعية اهو واحد ملتزم وفيه الخير وطيب لكن (( اللي يبينا عيت النفس تبغاه))) |
كلمت اخوي وقلت له يقول له ردي النهائي
ردي بالرفض وانه ما يعاود الخطبة مره ثانية اخوي اتصل فيه وقاله ان رفضي نهائي لكن تدرون شنو قال قال انا مازال عندي امل وربما الله يهديها وتوافق في يوم من الايام والله ما راح تلقى واحد مثلي يهتم فيها ويحرص عليها شباب اليوم ماراح ينفعونها يقول اخوي نبرة صوته وهو يتكلم حزينة الظاهر المسكين تعلق فيني والله هالشي مو بيدي بس مابيييييه ولا ابيه يكرر الخطبة اخاف لما يخطبني المرة القاادمة اوافق بلحظة ضعف ويأس خاصة مع تقدم العمر يارب اللله يرزقني واتزوج قبل لا يكرر الخطبة والله يسعده لانه انسان طيب |
الله يرزقك بالزوج الصالح اللي "عمره من عمرك" عسى عن صلاح
:) |
اقتباس:
تنبيه هاااااااااااااااااااااااااااااام يقول الله جل في علاه (( مَا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا وَمَا يُمْسِكْ فَلَا مُرْسِلَ لَهُ مِن بَعْدِهِ وَهُوَ الْعَزِيزُ الْحَكِيمُ (2) )) سورة فاطر لا يجوز قول (ولايخلون رحمة الله تنزل) والله من وراء القصد |
عسى الله ان يرزقك خيراً منه ،،
اكثري الدعاء: اللهم اكفني بحلالك عن حرامك وبك عمن سواك ،، والله يعطيك اللي في بالك ،، |
الله يرزقك بالانسان المناسب انشاءالله ولا تفقدين الامل اختى وموفقه انشاءالله
|
اقتباس:
ذكرتي أنه طيب وملتزم وفيه الخير إذا لماذا لا تتوكلين على الله وتتزوجيه أختي الفاضله والله أنك مثل أختي بصراحه رجل ملتزم وطيب وحبيب وقادر ماديا أعتبرها فرصه لك وإن شاء الله يرزقك الله منه باطفال يملون حياتك سعادة قال تعالى (( المال والبنون زينة الحياة الدنيا )) أنا عارف تقولين ما قبلته ولكن لا تدرين اين الخير قال تعالى (( ولا تكرهوا شيئا ويجعل الله فيه خيرا كثيرا )) وعندي سؤال بصراحه ما فيه احد من البنات تزوجن من أكبر منهم ووجديهين سعيدات أنا أعرف بعض الفتيات تزوجن رجال اكبر منهم مثل من تقدم لك وكانو صالحين ووفقهم الله أخيرا آمل الاستخارة والتفكير بالقلب والمنطق وليس العاطفه |
| الساعة الآن 10:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©