|
زوجي لا يحب الحياة الاجتماعية
لي الأخوه
أرجو مساعدتي لدي مشلكه يمكن إلي حولي يشوفونها تافهه بس أنا بنسبه لي مهمه جداً أعزائي إليكم مشكلتي بأختصار أنا متزوجه منذ سنتين زوجي رجل لايحب الحياة الأجتماعية مع أني من عائله تحب الأجتماع وتحب الناس كان يذهب معي فقط عند أهلي فقط وطبعا أنا مالي روحه إلا عند أهلي وغير كذا صار ليه شهرين مايروح معي أحس أنه مستحقر أهلي مع أن أهلي يحبونه ويحترمونه أكثر من أهله علاقته مع أهله بايخه جداً ماعندهم كل واحد يسأل عن الثاني ولا تعبان ولاأكلت ولاشبعت أنا ساكنه معه بس في شقه خاصه فيني يعني فوقهم المهم أني لي مدخلي الخاص وشقتي الخاصه بس المشكله أن زوجي إلا الان ماحسسني أني صاحبة بيت حتى مفتاح لبيتي لاأملك أذا كنت طالعه عند أهلي طبعا إلا يأخذني هو أخوي أذا رجعت البيت لازم أدق عليه أقوله يفتح الباب المرتين إلي فاتت انقهرت على نفسي لمارجعت البت الأسبوع إلي فات دقيت عليه ودقيت ودقيت طبعاً الاخ مايرد وأنا وين عند باب الشارع واخر شي اضطريت أدخل من باب أهله ولما دخلت أنصعقت لمالقيته صاحي وجالس في غرفة النوم أنقهرت وبكيت عدا الموضوع بس وأنا مقهوره طول الأسبوع الأسبوع هذا نفس الشي قعدت أدق عليه وأدق عليه ونفس الشي مارد علي وأخر شي دخلت من نفس الباب الي دخلت منه الأسبوع الي فاات ولما دخلت لقيته مسوي نفسه نايم ومشغل المكيف طبعا الغرفه لس حاره ومكيف المجلس لسه طافي يعني المجلس بارد وطبعا أختكم دعية عليه دعاء حياتي معه غريبه طبعا إلا ليوم وأناما أكلمه ومقهوره وهو حاس أنه مسوي شي غلط وأزيدكم من الشعر بيت لما شفت جواله لقيته فاتح كل المكالمات إلي دقيت عليه وأنا عند الباب كل هذا عشان مايقابل أخوي مع أن أهلي عمرهم ماغلطو عليه بس ماني عارفه أحيانا أحس أنه معقد تدرون من يوم زواجنا كم مره طلعنا مع بعض أربع مرات أحسبو معها شهر العسل ألي تسمونه اليوم من جد اأفكر أطلق تصدقوني أذا قلت لكم أني إلا يومكم هذا مافرضت عليه ولاشي لا من ناحية أكل ولا شرب ولا مصروف لكن تصدقون أنه تبلد الأحساس عنده وحس أني زوجه عشان (؟؟؟؟؟؟؟) |
قصة غريبة!!!!..تتوقف على عدة استفهمات 1/هل اتجوزتو عن حب .. ام زواج تقليدي .. 2/ما حسيتي في يوم انه محتاجلك.. .. 3/ وعندك اولاد ولا لا .. 4/ وكيف علاقتك انتي مع اهله .....يا ريت نعرف عشان نساعدك..
|
اتجوزتو عن حب .. ام زواج تقليدي .. زواجنا زواج تقليدي 2/ما حسيتي في يوم انه محتاجلك..احيانا يحسسني واحيانا لا .. 3/ وعندك اولاد ولا لا . عندي بنوته . 4/ وكيف علاقتك انتي مع اهله ...عسل اهله اذا صارت بين ي وبينه مشكله يوقفون معي دائما وهم حبوبين..يا ريت نعرف عشان نساعدك.. بليز ردو علي لاني من جد تعبانه
|
اتكلمي معه بصراحة .. قوليله احساسك لما ايسوي كذا ..اسئليه ليش يعمل هيك معك ومع اهلك.. واذا ما وصلتي للحل جربي معه اسلوب البعد .. قوليله انك حابة اتروحي عند اهلك كم يوم لان نفسيتك تعبت من تصرفاتة .. وحاولي انك ما ترجعي الا اذا جاء واخذك..بس خلية يفهم انك منزعجة من تصرفاتة معاك .. بس اوعك تتعصبي احكي معه بهدواء خلية يحس انك حنونة معاة حتى وانتي منزعجة منه مثلا .. قبل ما اتروحي لااهلك اكويله ملابسة الي ممكن يحتاجها وانتي مش موجودة .. اسئلية اذا كان يبي شئ قبل ما اتروحي .. ممكن تكتبين له ورقة صغيرة تعبرين فيها عن حبك له وعن احساسك اتجاهه وانة هو الرجل اللي ربطتي مصيرك بمصيرة وكلام مليان عطف وحنان .. واختميها بكلمة احبك احبك احبك حبيبتك وام حبيبتك .. واذا كان عندك صورة الك ولبنتك مع بعض حطيها مع الورقة .. في اقرب مكان ممكن هوا ايشوفها فية .. وانشالله تنجح هذه التجربة في تحريك احساسة اتجاهك .. وممكن ايحس بانه ظلمك .. ويرجعلك احسن من الاول ... وياريت ما تقطعينا من اخبارك .. بالتوفيق
|
السلام عليكم ورحمه الله وبركاته---------------انا أقولك حبيبتي أنتي تقولي بأن علاقته مع أهله بايخه , طيب أنتي لا تتوقعي بأنه يحسن علاقته مع أهلك أبدا" لأنه مع أهله مو متفاهم ومقاطعين بعض زيما قلتي محد يسأل عن الثاني وإلي ما فيه خير لأهله مافيه خير للناس وبعدين هو مو إجباري يزور أهلك أو يسلم عليهم هذه أمور بسيطه أنتي مكبرتها حبيبتي خلي عقلك كبير هو مو مكلف بأهل زوجته ولا أهلك بحاجته طنشي هذه الأشياء البسيطه ولا تكبريها في حريم حتى تشوف أهلها أو تكلمهم ماتقدر محبوسات تحت سجن الزوج وأنتي أحسن من غيرك وزوجك ممكن يلين بعد سنوات ويصير أحسن وهو والله يمتحنك بالطناش وعدم فتح الباب لكي وإذا شافك صابره متفاهمه تحسن معاكي بس أنتي لازم تعوديه بأن متطلباتك وحاجياتك هو من يتكلف بها وإياكي بأن تعوديه على أن يعتمد عليكي بمصاريفك انتي وبنتك نصيحتي تشيلي فكره الطلاق من راسك لأن الله يمتحنك في صبرك فإن لم تصبري فسوف يعاقبك ربك بمن هو ظالم وقاسي , فخذي محاسن زو جك وأتركي سيئاته وأنتي سوف تحاسبين إذا تطلقتي منه بسيئات بسيطه منه وتركتي محاسنه وكل أمرأه طلبت الطلاق بدون عذر قوي حرمت من رائحه الجنه وأبغض الحلال عند الله الطلاق خلي الطلاق آخر ما تفكرين فيه , وانتي عقلك كبير حبيبتي وباين من كلامك بأنك متفاهمه وعاقله وأرجوا أنك ما تركزي على أفعاله وكأن شيء لم يحصل وألجأي لربك وأدعي الله بأن يلين قلبه تجاهك - وتذكري بأن ما منا من هو كامل بدون عيوب ولا تحلوا الحياه بدون مشاكل -----------حبيبتي لا تزعلي من كلامي بس والله لأني حبيتك وودي اشوفك بأحسن حال وخذي مني هذا الدعاء وانا شخصيا" جربته مع زوجي أيام المشاكل 000000----------
( اللهم كما ذللت لنا الأنعام وهي أقوى منا ذلل زوجي لي بقدرتك وقوتك ) (اللهم سخر زوجي لي وأجعلني جوهرتا" بين عينيه )------أسأل المولى بأن يهدي زوجك ويلين قلبه عليكي ويسعدك معاه يارب حبيبتك وأختك في الله: سنديا الجوهره |
مشكوره سنديا الجوهره كلامك يريح الف الف شكر ياقلبي
|
هونى عليك يا اختى
---------------------------------------------------------------------------------------------------------------------------------------------------------------------------- كما قالت الاخت انا أقولك حبيبتي أنتي تقولي بأن علاقته مع أهله بايخه , طيب أنتي لا تتوقعي بأنه يحسن علاقته مع أهلك أبدا" لأنه مع أهله مو متفاهم ومقاطعين بعض زيما قلتي محد يسأل عن الثاني وإلي ما فيه خير لأهله مافيه خير للناس وبعدين هو مو إجباري يزور أهلك أو يسلم عليهم هذه أمور بسيطه أنتي مكبرتها حبيبتي خلي عقلك كبير هو مو مكلف بأهل زوجته ولا أهلك بحاجته طنشي هذه الأشياء البسيطه ولا تكبريها في حريم حتى تشوف أهلها ----------------------------------------------------------------------------------------------------------------------------------------------------------------------------- احب ان اضيف عندما تدهبين بيت اهلك خليه هو ايوصلك حتى لو ما دخل ايش دخل اخوك ايوصلك و الاستاد قاعد فى البيت لازم ايحس بالمسؤليه قولى له ودينى بيت اهلى لو قالك كلمى اخوك قوليله اخوى مشغول و بعدين انا زوجتك انت عوديه على تحمل المسؤليه شى اخر لفت نظرى و هى علاقتك مع اهله هده نعمه الكثيرات محرومين منها عندك ايجابيات كتيرة و الحمد لله و غير هدا كله بنوتتك الحلوة تستاهل تعيش سعيدة بين امها و ابوها |
عزيزتي لازم تكلمينه وتشوفين لك حل معاه...
إلا الطلاق... خليه يحس إنك مش مرتاحة ولا سعيدة.. وإن تصرفاته غير مقبولة أبدا... وأزعلي عليه كم يوم... بس لا تروحين عند هلك... وإذا حاول يراضيك قولي له شروطك... وأهمها إنه يعطيك مفتاح البيت... ويطلعك.... ولا تزعلين نفسك في سالفة إنه مايحب هلك... (لأن اللي مافيه خير لهله مافيه خير للناس) والله يوفقكم ويهدي لك زوجك ويصلح حاله.... |
الأخت سنديا الجوهره بالعكس مازعلت من كلامك وتصدقين طبعته عشان أقراه كل مره أحس بالقهر أبشركم جربت أسلوب التطنيش ونفع معه بس إلا الأن مافتحت معه أي موضوع لاني بوقت الدوره ,اعصابي تكون فلتانه شوي وماأبي أغلط عليه وأكون هادئه زي ماقالت دنيا الروح أما ياعزيزتي بالنسبه لموضوع ذهابي عند أهلي أنا صار بيني وبينه مشكله قبل مده جلسة عند أهلي شهرين ماأعترف أنه غلطان أبدا لانه كرامته ماتسمح بس كل تصرفاته كانت تدل على ذلك وفجاءه جاني وطلبني عشان كذا ماأنوي الروحه عند أهلي بدا لاكن ناويه أمد اللسان (حلوه صح ) لأني عمري مامديته عليه أضحك معكم ومشكورين
|
اقتباس:
جزك الله خير على هذا الرد واعجبني دعائك ( اللهم كما ذللت لنا الأنعام وهي أقوى منا ذلل زوجي لي بقدرتك وقوتك ) (اللهم سخر زوجي لي وأجعلني جوهرتا" بين عينيه )------أسأل المولى بأن يهدي زوجك ويلين قلبه عليكي ويسعدك معاه يارب واسال الله ان يجيب دعائك |
السلام عليكم اختي فل موووووون.....
تصدقين حاسة فيك ..... ابغى اسألك كم سؤال وبعدها راح نتناقش في وضعك أهم شي الطلاق شليه من راسك.... زوجك يحب النوم الكثير؟ نومه مو عميق؟يعني يسمعك (ويقدر )يرد عليك لوكلمتيه؟ ما يحب يطلع من البيت؟ يحب يشوف الاخبار؟ ايش طبيعة عمله(حكومي ولا خاص)؟(مع الشرح قليلا) مايحب الاماكن المزدحمه(يعني مثلا اذا شاف المكان زحمه ممكن يغير رايه ولو كان مقرر يدخل المحل)؟ اذا قدمتي له اكل اكله واذا ماقدمتي مايطلب؟ يستهزأ باخوانك بشكل غير مباشر؟ مع دعواتي لك بالتوفيق.... |
زوجك يحب النوم الكثير؟
نومه مو عميق؟يعني يسمعك (ويقدر )يرد عليك لوكلمتيه؟ علي حسب الوقت إلي يكون نايم فيه وأذا كان تعبان ولا لا ما يحب يطلع من البيت؟ يحب البيت بشكل عجيب يحب يشوف الاخبار؟ يحب الأخبار الأقتصادية بسبب عمله ايش طبيعة عمله(حكومي ولا خاص)؟(مع الشرح قليلا) عمله خاص في الأسهم مايحب الاماكن المزدحمه(يعني مثلا اذا شاف المكان زحمه ممكن يغير رايه ولو كان مقرر يدخل المحل)؟ مايغير رأيه بس يتوتر ويتنرفز اذا قدمتي له اكل اكله واذا ماقدمتي مايطلب؟ نعم يستهزأ باخوانك بشكل غير مباشر؟ لا ينتقد أحياناً بليز ردي علي |
أهلين أختي فل موووون....
حل مشكلتك هو نفسه عنوان المشكلة(زوجي لا يحب الحياة الاجتماعية) انت عارفة انه ما يحب الاجتماع بالناس بس المشكله انه مو عاجبك وضعه.....أول حاجه لازم تقبليه زي ماهو مو زي ماتبغي... زوجك يبدو انه يعاني من اكتئاب...وخاصة انه يشتغل بالاسهم والاسهم هاليومين في حالة توتر شديد... زوجك طيب وحنون معاك...اكيد يحبك (لو ماقال بس انت تحسي)ويحب بنوتتكم..حساس..تجرحه الكلمات والنظرات..مع انه يجرح فيك وكانه مايهمه....انت من بيت كله مشاعر واحاسيس وكل واحد يعبر عن اللي في قلبه بسهوله وهو العكس..هذا لا يعني انه ما يحس ولكن مايقدر يعبر,,فيظهر كأنه كبرياء..والحقيقة ليست كذلك.. طيب ايش المطلوب من الغالية فل مووووون.... 1-اقبليه كما هو.. 2-قولي له انا مقدره الوضع اللي انت فيه(وضع مشاكل العمل).وسوي ستوب لا تقولي ولكن....فقط انا مقدره وحاسه فيك.. 3-اذا جيتي من عند اهلك دايم قولي له ان بنتك تسال عنك وكل شوي تقول بابا ياملحها...برضه بدون تعليق.. 4-لا تقولي له ان اخواني ولا عمي يقولوا ليه زوجك مايجي..شكله مو اجتماعي..بل العكس قولي ان اخوي (واختاري اللي يعجبه منهم)يمدح فيك ويقول فلان احسن(ا نسبانا)حبيب وهادي ولاتزودي.. 5-حسسيه انه وجه خيرك عليك...ومولازم تقولي احبك واموت بك...قولي عسى مايخلين ولا بنتي منك...طبعا بيسكت..قولي قل آمين..يمكن يسكت..واذا سكت..لاتزعلي...ولاتبيني انك حمقانه... 6-وبالنسبه للمفتاح قولي له الله يعافيك ابي نسخه منه..عشان ماازعجك برن الجرس..والجوال...واذا ماعطاك مافيه مانع انك تدخلي من بيت اهله..وخوذي من خالتك نسخه لبابهم..برضه اخوانك مو لازم يحسوا بشي..ادري انك ما تبغي تدخلي من بيتهم ..ولكن انا متأكده ان الوضع بيتغير وزوجك راح يتحسن مع الوقت.. 7-سهام الليل لاتخطي ولكن ...لها امد وللأمد انقضاء.... الله الله بالدعاء...والصدقة ولو باليسير..فلوس ..أكل...ملابس....كلمة طيبة..واكثري من الاستغفار... والوحدة اذا قدمت في البداية هي من سيكسب في النهاية... أسأل من جلت قدرته ان يعميك عن عيوبه ويعميه عن عيوبك..وأن يعافي زوجك ..ويؤلف ذات بينكم ويجعلك قرة عين له ويجعله قرة عين لك.... آمين وصلي اللهم على محمد... |
iهلا
كلمك حلو وتصدقين جبتي أغلب صفات زوجي بس مشكلتي هي مع نفسي ومع الناس إلي دايم يقولون لي زوجك على مماتعوديه وربيه ومن هالكلام |
حلو انو الواحد ينصف الطرف الثاني ويكون موضوعي.....
انت الحين عارفه ان زوجك كويس والصفات الجيدة تغلب على السيئة....طيب ايش باقي ؟؟...باقي تتركي كلام الناس على جنب ...ولو كانو اهلك...عيشي حياتك..حبي زوجك..ربي بنتك....اذكري دايم محاسن زوجك...وابتعدي عن الناس اللي مثلا لما تشكيلهم همك ولا زوجك .تقول لك ( ياعمري ..انت...طيب ليه زوجك يسوي كذا..ليه مايجيبك هو...ليه ..مايحضر اجتماعات...الله يعينك..صراحه يزهق زوجك) طيب تدرين ليش!!!!!!!!!!!!!!!!!!!!!!!!!!! لانهم كبروا المشكلة براسك ولا عطوك حل... اذا كان عندك ناس من هالنوع...سوي بلوكات لهم...واسمعي بس لا يدخل جوا راسك..آخر حد شحمة اذنك.... وبالتوفيق ياعمري.... |
| الساعة الآن 05:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©