|
رأس يابس .. اريد طريقة لمصالحة زوجي
أبي طريقة علشان أصالح زوجي عقب اسبوع من الزعل. مع العلم ان زعلنا كان بسبب ان مو قادرين نتفاهم. هذي أول مرة يصير بينا جذي، أحس كأنه في أحد لاعب في مخه ضدي.
أحس روحي تعبت من أسلوبه ويايي الكم يوم اللي راحوا، مو راضي يتقبل مني و لا شئ بنفس، مع العلم ان هو غلطان أكثر مني. يمكن تكون المشكلة ان كل واحد فينا يحسب الثاني غلطان، بس أنا أحس ان احنا اثنينا غلطانين، لأن مو قاعدين نسمع لبعض. أحس ان الحجي بينا ضايع، بس ما ابغي الوضع يستمر على طول. هو يصارخ عليي في الروحه و الجيه، و لين أقول له ليش تسوي جذي، يقول أنا ما عندي مشكلة وياش، بالعكس عادي كلش، بس شكله ان انتين عندش مشكله. يدقق في كل كلمه أقولها، ولين عصب يقول انتين لما قلتين هذي الكلمه كان قصدش شئ ثاني. يعتقد ان أنا ألف و أدور علشان أوصل اليه كلام بطريقه غير مباشره، ما يقدر يصدق ان أني صريحه وياه في كل شئ. هو يعتقد كذا لأن هو اذا يبغي يقول اليي أي شئ، سواء حلو أو لا،أو حتى لما يطلب مني طلب، يقوله بطريقة غير مباشرة، ويفكر انه انا استخدم معاه نفس الأسلوب. بس و الله انا صريحع معاه اكثر من نفسي. المشكله ان هو عنيد، واذا حاولت أكلمه ما بينفع، اذا حاولت أسوي اليه حركات من اللي اياها بيتدلع و بيعاند أكثر. علشان كذا أفكر في طريقة أحاول أصالحه بها بس من بعيد الى بعيد. بس أبغي يحس ان في شئ غلط قاعد يصير بيننا و هو مايدري.علشان يفكر في الموضوع و يلين رأسع اليابس شوي. ياربي شلون اخليه يحس بالمشكله اللي بيينا، و اخليه يفكر شوي، ويشيل من باله وساوس الشيطان. |
انا اشير عليك انك تخلين الوضع عادي جدا
مثلا تكلمي معاه بحاجات البيت وكان شيئا لم يكن او بالاولاد يعني تقولين له الله يعافيك البيت محتاج صابون وزيت00الخ او اليوم الصغير سوى حركات حلوة وضحك000الخ وش رايك نطلع اليوم نطلع نغير جو او اي كلام انت شايفة انه مناسب وحاولي تطنشين وما تحطين شيء على بالك خذي الامور ببساطة وتزيني والبسي واضحكي وامزحي معاه واجزم ان الامور بالطريقة راح تتيسر لانه زي ماقلتي ان زوجك عنيد فلا تشدين معاه خذي امورك ببساطة واستعيني بالله |
شكرا أختي.
أنا بعد دائما أقول ان هذا هو الحل الأفضل. بس المشكلة شنو؟ المشكلة لما أجي أكلمه في موضوع عادس مثل اللي ذكرتينهم، يرد عليي بطريق عصبية، و ساعات يخلق اليي من الموضوع مشكلة أكبر من اللي قبلها. ادعو اليي بس الله يصبرني على عصبيته، ويهديه ويعقل، و يرجع مثل ما كان قبل. |
السلام عليكم
اختي انا انصح ان تكلميه بصورة عادية حتى ياتي الوقت المناسب لطرح الموضوع دمتم سالمين |
خذي زوجك إلى مكان خلوي بعيدا عن ضجيج المدينه ، إستنشقوا هواء نظيف وسترتاح نفسياتكم عندها تستطيعي أن تفاتحي زوجك فيما تشائين وإن شاء الله المكان والهواء الطلق سيساعدكما في حل مشاكلكم 0
بس لا تنسي التزين والملابس الحلوة والعطور المثيره 0 تحياتي لكم0 |
مرحبا......... ليش يعصب اذا تكلمتي معاه؟ يمكن يبي منك كلمة اعتذار؟
صدقيني واسمعيها مني الرجل العنيد ماينفع معه اسلوب الزعل ]جربي ترسليله مسج..مثلا تحياتي.... |
الله بعينك يا اختي هذه المرة اعتذري له وصدقيني يا اختي كوني له أمه يكن لك عبدا مهما كان درجة عناده واقول لك ذلك من تجربه
|
عفوا
ينقل الموضوع لعالم المتزوجين مكانة المناسب حتى يلقى التفاعل المطلوب باذن الله لك ارق التحيات رقة |
أختي ... الكريمة ... حاولي معه باليين ... كلميه عادي جدا ... حاولي انك تطلعين معاه ... وتهدي الجو ... لكن احذري !!!
يعني مو اذا شفتيه مروق ... تقومكي على طول تفتحي وياه الموضوع ... ترى راح تخربين عليك كل شئ ... انسي الموضوع شوي ............ وتذكري انه كل شي بوقته حلو ........... ودمت ... |
نفس حالة زوجي تقريبا
من شوي بس متضاربين في التلفون هو يلف ويدور وانا عادي معاه بس هو شكاك ويقول انتي زعلانه ومضايقه عشان مشكلة امس وانا والله ولا على بالي الله يعين |
اختي الغالية صدقيني الرجل مثل الطفل الصغير تقدري تغيري فية وتكسبية حاولي بشتى الطرق الله معاك
|
هلا خية
اشحالش انتين خيوه لاتكلميه الا وانتين هادئة وحتى لو عصب اسكتي عنه ,,,واذا بتكلميه قولي ياحبيبي ويابعد طوايفي وعاد انتين اشلخي من عندش هوعاد بيتغلى وبيسوي روحه عدل بس ماعليش منه وقولي له اني عازمتنك على عشاء ,, في المطعم الفلاني وعلى حسابي وبيني له اهميه التوافق بين الزوجين كيف انه مهم وانش انتين مو مستانسة بهالاسلوب وانش ماتستغني عنه وانه تاج راسش والله يهديه ويلين قلبه خيوه بقولش حاجة ترى الرجال يحب المراة اللي شوي تذل روحها له بس في الحب مافي مذلة او كرامه بس احنا النسوان مانشتهي نعترف او نقعد نترجى الرجال يغيرو معاملتهم الله يهديكم يارب خيوه انذري لام البنين والله يفك ضيقتش تحياتي |
اختــــــي eksara
يقول المثل اسأل مجرب ولا تسأل طبيب ااختي الغالية مره من المرات كان بيني وبين زوجي سوء تفاهم بسيط انقلب الي شى لا يحمد عقباه,,, زوجي عنيد وعصبي في نفس الوقت واذا كان غلطان مايعترف للعلم اهو الغلطان في حقي ويفهم الامر ويفسره بالطريقه اللي تعجبه المهم انا كنت دايم اراضيه لو اهو غلطان في حقي لكن لابد من وضع هذة المرة لانه غلط بحقي وهالمرة غيرة تدرين شنو سويت طنشت صرت ما اطالع فية اذا كلمني طبعا يسأل عن شي واهو كان معصب وزعلان وانا ارد عليه بشي اللي يبيه وبس وصار الوضع عادي بيننا يعني مو مثل ماتعودنا اصبح الوضع علي ها الحال لمده تقريبا اسبوع وانا والله العالم انه الوضع مو عاجبني اول مرة يطول الزعل بيننا لكن لانه غلط بحقي وقلت لازم يعترف بغلطته ويعتذر وفعلا في يوم من لايام قال ناداني وقال تعالي ابيك ابي اكلمك قلت تفضل قال احنا الي متي واحنا علي ها الحال انتي عاجبك ومن ها الامور وطلعت كل مافي من كلام ابي اقوله لة وعاتبته حيل واهو اعترفت بغلطته واعتذر وعدني ان الشي مايتكرر ثاني مره والحمدلله الحين احنا مرتاحين والكل راضي ومتفاهمين وعسي الله لا يغير علينا ويهدي لك زوجك وتتصالحون |
ما بدها شي حبيبتي
قميص نوم جديد وشمع و...............الخ وكلمتين حلوات وخلصت الله يهونها عليك وعليه ان شاء الله وادي حنين |
اقتباس:
واسال الله ان يفرج همك ويصلح حالك مع زوجك |
| الساعة الآن 01:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©