|
محتاره واريد رايكم
ياا اخواتي واخواني
انا أبي استشيركم بشغله أفكر فيها هاليومين ... بس مادري هل هي صحيحه أو خاطئه... انا علاقتي بزوجي تحسنت كثير بعد ماكملنا سنه كلها حروب ومشاكل وصراخ يعني لي بعد تعب هالسنه يكمن 5 شهور علاقتي بزوجي تمام والحمدلله يعني صحيح فيه طقاق بس على خفيف وما تمر ساعه عليه والا وانا تراضينا خلاص بس الان انا نفسي انام عند اهلي لمده اسبووووع بس من باب كسر الروتين وابي زوجي يشتاق لي وابي اختبر قوة حبه لي يعني بيفقدني والا لا انا سالته قال براحتك بس اسبوع كثير ولما سألته ليش كثير سكت ... زوجي من النوع اللي يحب يكتم مشاعره ابي رايكم انام عند اهلي اسبوع والا اجلس في بيتي ؟؟؟ انتظر ردودكم............................................ ...................:11: عفوا: تم تعديل العنوان |
الافضل تقليل المدة من أسبوع الى يومين لانك سمعتي الاجابة من زوجك على ما يدور في ذهنك لذا يتضح لي أن زوجك نجح في الاختبار فالحمدي الله
|
بصراحه انا ابيه يقولها بلسانه انه اشتاق لي وفقد صوتي بالبيت
بس مادري تأيدوني والا لا انتظر تفاعلكم |
انا اؤيد الفكره اذا كانت اختبار للزوج . ولكن لا تكون اكثر من يومين او ثلاث. ولا تنسين المسجات الخفيفه بالنقال مثل السؤال عن اخباره وين رحت وين جيت؟ لانه بيحس انك مو ناسيته وبالطريقه هذى راح يشتاق . انا جربت الحركات هذى وكانت مفيده:22: . لانه الزوج اذا احس ان جسمك برا البيت بس قلبك معاه راح يكون وفى.
|
مشكور اخوي انا صالح
على ردك |
انا رايي ان يومين الى ثلاث ايام كفاية ولا تكثرين ،، واهم شي تتصلين فيه تسألين خلال النهار ،، وبعد العشاء يعني في الليل إتصلي عليه وكلمية برقه زايدة وعبري له عن حبك له وشوقك له وبيني له انك مشتاقه ،، عزيزتي لا تنتظرين منه يبادر لأن معظم الرجال ما يقدرون او ما يعرفون يعبرون ،، وعلى فكرة المكالمات الهاتفيه خاصة في الليل تشعل نار الشوق ،، سمعيه كلام حلو ،، عزفي على اوتار قلبه ،، بس اهم شي يكون الوقت مناسب ويكون في مزاج مناسب ،،
اتمنى لك حياه سعيده مدى الحياة ،،كلها حب في حب في حب ،، و بدون مشاكل وطقاق :d |
أختي ريم 2006 يومين كفايه وزوجج يمكن يكون من الناس اللي يوجد صعوبة في التعبير عن مشاعره بكلام بيأخذ وقت وأنا زوجي من هذا النوع والحين مرت خمس سنوات على زواجاً وهوقليل الكلام لكن تحسن حاولي انته تسمعه الكلام الحلو وتعمليه بدلع مع الايام بحسي بتحسنه والريال عموما يحس أنه يعبر عن حبه أذا وفر طلبات البيت وطلباتج والله يوفقج ويسعادج
|
نصيحة لا تهجري زوجك فانت تدربينه على تحمل الابتعاد عنك والصبر على فراقك
تحياتي |
أنا معهم... أسبوع كتير..
وإنت سمعت الجواب من زوجك.. مو ضروري بالتصريح.. ولكن الجواب كان بالتلميح.. فبإعتقادي قوليله إنك رايحه يومين.. عشان يهيء نفسه على يومين بس.. وبعدين إنت كملي اليوم الثالث.. عشان هو مو عامل حسابه فبيشتاق لك أكثر.. بس نصيحتي لك لا تخلينها أكثر من هالمده.. لأنه البعد جفا يا عمري.. وممكن يحس في هالأسبوع إنه مرتاح من المسؤليات ويروح ويجي براحته دون قيد أو سؤال (نظرا لأن المده طويله) فتأتي الفكره بنتائج عكسيه لا سمح الله! 3 أيام حلوين :) |
مشكورين يا اخوات ويا اخوان على ردوردكم
بس يا اخت دندون زوجي انتي خايفه من ناحيه انه يطلع ويروح لانه راح يرتاح من اسئله زوجته انا بعمري من تزوجته ما سالته وين رايح والا من وين جاي لان بصراحه هو دايم بالبيت اذا طلع خارج البيت يروح يزور اهله فقط ويرجع يعني ماعنده اصدقاء وانا عشان كذا ابيه يفقدني لانه دايم معي وجالس بالبيت ابيه يشوف كيف البيت من دوني ممل ويطفش وابيه يعترف بشوقه لي وحبه لي لانه من تزوجنا ماعمره صرح لي انه يحبني او يشتاق لي او يفقدني وعالعموم مشكووووووورين على ردودكم وتفاعلكم مع الموضوع |
أعتقد يومين كفاية...بس تجي اليون التالي بالليل..
وتكوني بكامل أناقتك..؟؟؟؟؟؟؟؟؟؟؟؟؟ هذا في حالة أهو تحمل بعد عنه يووووووووووووووومين أخوك بحر الشمال |
انا اقولج يومين كفايه بس لا تخلين يعني اتصلي كل ساعتين طرشي رسايل الشوق والغرام وتركي له رساله تعبرين فيها عن حبج في مكان بارز بمنزلكم
وشوفي النتيجه الله معك |
حبيبتي انا مع الخوه والاخوات انه مب اكثر من يومين لثلاث ايام
ولا تغربلينه وايد بالتيلفون بس مسج يعبر عن الشوق ومكالمة اخر الليل تطمئنين انه وصل البيت انه ابخير وحاولي تسحبين منه كلام وتحركين مشاعره بس ليكون كلامج مباشر له من البداية وبعد اشوي لين تحسين انه حركتي مشاعرة قولي له كلام شوق وحب ولا يكون قوي بالذات في اول يوم تكلمينه فية ولين ترجعين البيت سالي بشكل صريح عن انه اشتاقلج او لا اذا ما بدر اهو بهذا الكلام واكيد بتكون ايجابته بنعم وحتى لو كانت لا قولي له انك ولهتي عليه بشكل كبير بالذات انك ما تعودي الا تنامي بحضنه حبيبتي الرجل طفل كبير يحب يحس بالحنان وان زوجته محتويته بكل شي واشوي اشوي بتفكين عقدة لسانه لانه هذي عقدة الرجل الشرقي على العموم صعب التعبير عن مشاعرة وربي يوفقكم ويسعدتكم ويرزقكم الذرية الصالحة يارب |
ريم زوجك الظاهر بحبك كتييير وهذا واضح لما سكت يعني المدة طويلة وهو تعود عليك وعلى حسك بالبيت مش غلط روحي يومين مش اكثر واكيد انت مش حتقدري تبعدي عنه وعن البيت اكتر من يومين
|
مشكورررين ياا خواتي وخواتي
|
حبيبتي ريم
فرحت كثــــــــير لما بشرتينا عن تحسن حالتك مع زوجك والحمدلله والله يتمم عليك ... ويشتاق لك ان شاء الله مثل مايشتاق البيبي لامه:d بس مثل ماقالوا لك الاخوات ان تقعدي مثلآ يومين وذا كلمك بياخذك قولي حابه اقعد يوم ثالث لاني تعبانه شوي ..وما احب انك تشوفني الاوانا بحاله زينه ... ولا اوصيك الله الله بالكشخه والزين ونصيـــــــــــحه ... لاتكثرين مكالمات ولا مسجات خليه من جد يفقدك ان كلم هو خير وبركه.... واذا ما كلم كبري الوســـــــاده ...:) وبصراحه ذكرتيني انا رحت لاهلي وكنت ناويه اجلس اسبوع وسويت اعلان عند اهلي اني بجلس اسيوع عندهم .. وبعد 4ايام رجعت للبيت مشتـــــــاااااااقه له ولزوجي :) وكنت برجع اليوم الثالث بس للاسف كنت مررره تعبااانه والحمدلله ابو الشباب ماقصر سوى الشي اللي ابيه ....( يتكلم عن مشاعره ) وعطاني كم كلمه حلوه تحمست ارجع للبيت بالاخير صرت نكتة البيت عند اهلي ووين كلامك ؟؟ ووين راح الاسبوع ؟؟؟ ولا الاسبوع عندك وعند زوجك 4ايــــام ؟؟ بس الحمدلله رجعت المياه لمجاريها ...وتم الصلح....وهذا اللي كنت ابيه ... ولاتنسين تقولين لنا النتائج وان شاء الله خيـــــر... واللـــــــــــــه يوفقك.. |
اقتباس:
|
اختي الكريمه
ارجو الا تفسدي حياتك تحت مسمي التجديد و اياكي ان تتركي زوجك بغير رضاه و من الممكن فعل ما تريدي و انتي في بيتك بالاتفاق معه فتنامي في غرفه اخري و تجربي هل يصبر فعلا علي بعادك ام يأتي اليكي و قتها ستغمرك سعاده الدنيا اذا اتي لكي غرفتك. و لكن بذهابك الي بيت اهلك اولا لن يفهموا قصدك و سيعتقدوا انك زعلانه و يكون شكل زوجك مش كويس امامهم. ثانيا قد يقول زوجك في نفسه اذا كانت هي قررت البعد لماذا اجري انا وراها و هذا حدث معي شخصيا حيث قررت زوجتي البعد لمده يومين و لم اتصل بها و عندما عادت سألت ان كنت اشتقت لها فعاندتها و قلت لا انتي التي تركتيني و ذهبتي تأنسي باهلك فلماذا يجب علي ان اسعي ورائك و من يومها لم تكررها و هي تجدد نفسها و هي في البيت و انا سعيد بذلك اكثر. فاحذري و خصوصا ان زوجك قال لكي بصراحه اسبوع كتير ماذا تريدي اكثر من ذلك. تحياتي لكي د. نبيل |
حبيبتي
طالما انتي حاسه بمشاعره من غير ان ينطق بها فاعتقد ان هذا كافي |
هههههههههههههههههههههههههههه رحت لبيت اهلي على أساس
اني بنام عندهم اسبوووع رحت الصباح ورجعت بنفس اليوم لبيتي وزوجي فقدته على طووول وهو فقدني ورجنا لبعض بالليل ياا خت هاايدي طلعت أردى منك ماقدرت اصبر حتى يوم واحد ولا هو اهلي ماتووا من كثر الضحك علي وعليه قالوووا وووين اللي تبي تنام عندنا اسبوووع صار حتى اقل من 24 ساعه وزوجي اعترف بأشياء كثيره ماسبق وقالها لي عند شوقه لي وحبه لي الحمدلله ومشكووورين على ردوردكم |
ههههههههه
ضحكتيني ياريم مبروووووووك تحسن علاقتك ورجوعك للبيت ويارب يديم المحبة بينكم *** أم حصة توقيعك جنااااان الله يرزقك كل اللي تتمنيه يارب ويسعدك |
يومين حلوين .. روحي الصالون غيري قصة شعرج و صبغي خصل كنوع من التغيير و رجعيله بلوك ثاني :) الروتين راح ينكسر
|
عزيزتي ريم 2006
لاتزيدي عن يومين وانه مايشتاق لك هذا شيء طبيعي كونه دائما جالس معك وحاولي انك تكثري من الكلام الحلو وان شاء الله يتجاوب معك بس رأيي لك تجي بشكل عفوي افضل يعني مو حلوه انك تنامي مع اهلك اسبوع بدون سبب كنك مليتي منه فمثلا ادعي انك مريضه او اقترحي عليه السفر مع احد اصدقائه انا جربتها يومين وجاني حيل مشتاق |
مشكورين على مروركم
وامس بالصباح رحت لبيت أهلي على اساس اني بنام عندهم ماقدرنا على فراق بعضنا بالليل رجع اخذني من عند اهلي ورجعنا بيتنا ههههههههههه الان عرفت اني انا بعد ماقدر استغني عنه وافقده مرررة الله يخليه لي ورد على الاخت احلى بيبي وبابا انا ديام اغير بشكلي من ناحيه قصات شعر وصبغه يعني مستحيل اجلس اربع شهور على نفس الشكل اشكر الجميع على نصايحهم وآرائهم ومشاركاتهم وردروهم |
| الساعة الآن 12:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©