**جدول النفاس المبسط والنتائج باهره**
 

بسم الله الرحمن الرحيم
وبه وحده استعين..

تنويه:
راح تستغربون عدم وجود اشياء كثيره
تعودنا عليها كعادات متوارثه من الجدات والمهات..
لالهوم ولابخور ولاغيره..
هذا جدولي الخاص اللي استخدمه ولولا اني اطمع بدعواتكم
الطيبه ..واطمع اني اكون قدمت فائده وتيسير لأخواتي المسلمات
كان والله ماطلع من خزانة اسراري لأي مخلوق..
والله ولي التوفيق والله وحده اسأل ان يجعله في موازين اعمالي الصالحه
يوم لاينفع مال ولابنون..
***
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور
***
بعض التفاصيل المهمه للإعداد:

1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..

4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..

5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..

6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
لمزيد من التفاصيل اظغطي هنا
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..

الوجبات:

1- الفطور: عندي خيارين بالنسبه لي هما:
* سندويشة بيض مقلي مرشوش عليها ملعقه كبيره حلبه مطحونه +فلفل اسود
**خبزه بالمقلاة عباره عن(بر+حلبه+حليب بودره+ملح+سكر+بصله)
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.

آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..

2- الغداء:
*مرقة لحم مع خضار
**مطازيز
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..

3- العشاء:
1-تمر+حليب
2-اي فاكهه تشتهينها
3-سلطه خضراء او تبوله
4-ممكن وجبة اسماك من اي نوع
تحبينه ..

النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
هذا ماعندي باختصار وبدون تعقيد وعند الالتزام به سترون فائده عظيمه
بإذن الله تعالى..
الله ينفعني واياكم بما علمنا..
ويسهل علينا ويسخر لنا ازواجنا
ويهدينا ويثبتنا على الحق الى يوم نلقاه
انه ولي ذلك والقادر عليه..

تسلمين ياعمري والله يوفقك

وجاري الطباعة

والله يسهل امرك اهم شي انك انت اللي استخدمتيها

يعني مافي لهوم نهائي!!!!

والحلب يعني بس ملعقة مع الفطور؟؟ مادري لو اقول لامي كان تهاوشني الله يحفظها لي يارب

هلا بك يالغلى..
ايه انا صاحبة هذا النظام وانا اللي استخدمته..
وكنت كاتبته قبل اكثر من شهرين بمنتدى ثاني..
وممكن تضيفينه مع الماش بالغدا
ماراح يضر بالعكس كلهم مكملين لبعض.
مافيه لهوم ابداً :)

جزاك الله خير.....
وجعل ماكتبتي في ميزان حسناتك....

وفقك الله واعطاكي على كل حرف كتبتيه حسنااااااااااات

*أمل الامه*
Nergis
الله يجزاكم خير ويتقبل
دعواتكم ويجعل لكم مثلها
ان شاء الله.

تسلميلنا يا غاليه

بس في حاجات صعبه شويه

بس كله يهون عشان النتايج

ربي يسهل علينا وعليكِ

الله يوفقك يارب ومدام انت اللي مجربته خلاص بقول لأمي واحة الأحزان مستخدمته

عقد اللولو تسلمين يالغاليه :)
وربي ينفعني واياكم فيه.

تسلمين ياعمري

هلا بك ياعيوني
جزاكِ الله خير وآمري..
الحلبه لاعادة الدم والقوه البدنيه..
والماش مفيد بالذات للعظام يستخدم
لسرعة تجبير العظام وليس له مثيل
في هذا المجال..
لذلك الافضل استخدامهما جميعاً
خاصه اول عشرين يوم..
***
طبعاً ياعزيزتي العبره في اخذها والطريقه راجعه لك..
***
3 / قشر الرمان ارجوا توضيح طريقته اكثر لاني لم افهمها ولم يعمل الرابط > هنا < الذي وضعتيه
قشر الرمان سأفرد له رد خاص مفصل بإذن الله بأقرب فرصه..
***
الكمون يالغاليه ممكن استخدامه في اي وقت لو مره في الاسبوع
لتخليصك من الغازات.
***
ياهلا بك ومرحبا واي استفسار انا حاضره.

زوجة رجل مهم..
الله يسلمك من كل شر ومكروه ياعيوني..
شكرا لك.

وهذي تفاصيل قشر الرمان
الله ينفعنا وياكم بما علمنا..
http://www.66n.com/forums/showthread...424#post776424

الان فهمت

وجزاك الله خيرا كثيرا

جزاك اللة الف خير
بس الصراحة انا حملت بطنين من قبل وماسويت اي شي خاص في تحضيرات النفاس لاني ابعيدة عن اهلي وماعنديمن ايسوي لي او يعلمني.
وبغيت اعرف شنهو فوائد استخدامها وشنهو مضار عدم استخدامها وسمعت ايضا عن المسادة بس ماعرف ايش فوائدها اذا ممكن اتخبروني وايضا بغيت اعرف هل اللي عاملة عملية قيصرية تحتاج ان اتسويها... ومشكورين

واياكِ جزى كل خير واحسان.
***
ام طيف ورهف
عزيزتي فوائدها ان شاء الله تقوية جسمك اللي كان مهدود من الحمل والولاده
وتعويضك عن الدم المفقود..وغالبية الحريم تكون مصابه بفقر دم حتى وقت الحمل..
فمنين بتعوضين جسمك كل اللي فقده..بدون تغذيه سليمه وتعويض ومسانده..
تدرين الوالده زي المريض اللي بفترة نقاهه يحتاج لكل شي مفيد يعيد له صحته..
الماش لتقوية العظام ويستخدم عند الطب البديل كمساند لتجبير العظام..
والحلبه كلها فوائد خاصه لتعويض مافقدتيه من دم وتقوية البدن واعادة نشاطه
بإذن الله..لكنها لاتصلح آخر الايام لانها تسبب كثرة الافرازات للمرأه..
اختي بالنسبه للمساده والله مافهمت وش تقصدين فيها..يمكن قصدك التدليك اللي يسمى
عند البعض تمريخ..
واي سؤال احنا حاضرين :)

li8 0f iz
لاتخافين ياعزيزتي انا مجربه الولاده بعيد بالغربه ولوحدي..
ومن نتائجه الجدول اللي تشوفيه :22:
آلمتنا الغربه..لكن علمتنا الاعتماد على النفس والصبر..
توكلي على الله وتأكدي انك بتكونين ام صالحه..
الله يسهل لنا ولك وكل مسلم.
***
رقة
هلا بك يالغاليه..
اختي هذا جدولي الخاص وقت نفاسي وضعته هنا وفي عالم حواء
لأفيد اخواتي المسلمات منه..
الهدف منه كما ذكرت بالتفاصيل في ردي لأختنا ام طيف ورهف..
كنت انا زيكم اول اطلع من النفاس تعبانه وعظامي ماتشيلني
وظهري دايم يعورني..وفقر الدم شغال لاعب فيني..
لحد ماعلمتني التجارب بفضل الله اولا واخيراً..
وزي ماقلتي لازم الوحده تعتمد نظام نقاهه يعيد لها صحتها بإذن الله..
بالنسبه للمطازيز ياعزيزتي هو اكله شعبيه عندنا..يمكنك الاستعاضه عنها
بأي اكله تحتوي على البر او الدقيق الاسمر عندكم..
وسأضيف طريقتها في الرد التالي بإذن الله..
الله يجزاك خير ويجعل لك من دعواتك اوفر الحظ والنصيب.

المطازيز:
السلام عليكم..
نظراً لطلب الكثير من الجماهير لهذا الطبق << احلا يااسامه السيد :36_1_11[1
وخاصه اخي البراق ..اللذي كتبت الموضوع ليرى بساطة تطبيقه..
يعني بالعربي ممكن هو يسويه ويفاجئ المدام بحركه رومانسيه :11_4_101[
غير متوقعه..
يالله الى العمل:
حالياً يوجد في الأسواق مطازيز جاهزة مغلفة بطريقة جيدة وبأكياس بلاستيك محكمة ، وهذه المطازيز من عمل بعض المصانع التي لا تمسها الأيدي ، هذه الأكياس تأتي بوزن واحد ( كيلوغرام واحد ) بداخله أقراص المطازيز المبردة وليست ناشفة ..
http://www.mekshat.com/pix/upload/im...at/kich/mz.jpg
**
من الممكن الاستعاضه عنها بعملها بالبيت وحفظها بعلب مجمده الى وقت الحاجه.
يجب عليك أن تقوم بفتح الكيس وفرد أقراص المطازيز في صحن واسع قبل البدء في عملية الطبخ لتصبح بهذا الشكل
http://www.mekshat.com/pix/upload/im...t/kich/mz1.jpg
ترى هذا مطبخ بيتنا فارشينه ثيل << اها بس :29_1_8[1]

المقادير : لعمل مطازيز لعدد ثمانية أشخاص تحتاج إلى الأشياء التالية :
1- عدد ثلاثة أكياس مطازيز .
2- ثلاثة كيلو لحم حاشي ( وجربته مع القميري والقطا وكانت النتيجة رائعة )
3- ثلاثة روس بصل صغير مقطع قطع صغيرة .
4- عدد أربع إلى خمس حبات طماطم .
5- أي نوع أو نوعين من الخضار .. في هذه التجربة استخدمت الجباء والباذينجان الأسود . يمكنك استخدام القرع والكوسة . وفلفل حسب الرغبة .
6- بهارات وثلاث حبات ليمون أسود .
7- ثلاث علب صلصة ( معجون الطماطم )
8- بيالتين زيت ذرة .
هذه المقادير التي ذكرت أعلاه موجودة في الصورة التالية :
http://www.mekshat.com/pix/upload/im...t/kich/mz2.jpg
طبعاً بالامكان التقليل من المقادير على قدر الحاجه

الطريقة : نقوم بحمس اللحم مع الزيت والبصل والطماطم داخل القدر الكاتم ، مع ملاحظة أن المطازيز يحتاج إلى قدر كبير في مثل مقاديرنا هنا ليس أقل من 15 لتراً ، ثم بعد ذلك البهارات قبل أن نسكب الماء المغلي وبواقع ثمانية كؤوس لكل كيس من المطازيز.
ونتركه على أعلى درجة من النار حتى يبدأ بالفوران بقوة ، نضيف علبة واحدة من معجون الطماطم لكل كيس ، فالمطازيز يحتاج إلى كمية كبيرة من معجون الطماطم حتى لا يصبح لونه باهتاً ، ثم نضع الخضار والملح ، ولكن تأكد أن الملح يجب أن يكون أقل من المعتاد لأن المطازيز أصلاً مملوحة ، بعد ذلك نبدأ بالعملية الأكثر أهمية في طبختنا هذه وهي وضع أقراص المطازيز واحداً تلو الآخر على المكان الذي يفور بقوة من القدر .. انتبه يجب أن يكون واحد بعد الآخر وليس بشكل جماعي حتى لا تلتصق الأقراص مع بعضها البعض ويجب أن تكون النار على أعلى درجة ، نستمر بالعملية حتى تنتهي جميع الأقراص ..

اللي يحب الصلصه يحطها بهالمقدار ولا نظرا لخبرتي :a4: اشوف واحد ونصف كفايه جداً..

http://www.mekshat.com/pix/upload/im...t/kich/mz3.jpg

نقوم بإحكام القدر وعند بدأ دوران الصمام نخفض النار إلى النصف تقريباً أو أقل قليلاً ، وننظر إلى الساعة .. بعد دوران الصمام بخمس وثلاثين دقيقة نقفل النار ، ثم ننزع الصمام ونفتح الغطاء فنجد أحلى مطازيز وبسهولة .. نضعه في صحن واسع ليصبح مشابهاً لما في هذه الصورة
http://www.mekshat.com/pix/upload/im...t/kich/mz4.jpg
***
تنبيهات مهمه..
اشوف ان طبخ اللحم بالكاتم يكفي ..يفتح القدر ثم يضاف المطازيز والخضار ويستخدم القدر كقدر عادي بدون كيم..
لأن النتيجه راح تكون مطازيز منهرس..هذا من تجربتي..
الشي الخطير والاهم لما نسكر على المطازيز ونكتمه بعد ماتنتهي المده ونجي نفتح الصفيره راح يطلع
مع البخار نافورة صلصه حااااااااره لذلك علينا ان نتبع خطوتين ان اردنا كتم المطازيز:
1- ان ننتظر الى ان تسكت الصافره تماماً
2-ونكون مجهزين فوطه رطبه نضعها مباشره بعد رفع الصافره..لتمتص
الصلصه المتسربه..
لاتصير وحده منكم توه منظفتن الفرن ثم تدعي علي << مجربه :15[2]:
****************
منقول لعيونكم.. :11_4_125v
والتعليقات باللون العنابي تعليقاتي على الموضوع :)
**********************************
نقلته لمنتدى من قبل سنه..
ويعذرني صاحب الموضوع ان كان من هنا..:)

ياهلا بك يالغاليه..
الله يجعلنا مباركين اين ماكنا..
ويجعلنا نافعين لانفسنا ولاخواتنا..
اختي هذا اقل شي اقدر اقدمه..مجردمعلومات
بسيطه جعل ربي ينفعني واياكم فيها.
لاتنسيني يالغاليه من دعواتك الطيبه :)

الله يعطيك العااافيه على هالمجهود


بس بسألك .... تعرفين (( خواجوا ))


يقولون رهيببببه للنفاس .. تطبخ مع زيت زيتون وتصير مثل الكريم .. وتدهن به الوالده .. ماادري عندكم خلفيه عنه ؟؟

للاسف يااختي سمعت فيه زيك..
بس ماعندي اي معلومات عنه.
الله يوفقك.

مشكوره اختي واحة الاحزان بس ياليت لو سمعتي عنها شي تكتبينها هنا ..

سامعه انها تخيط الجرح زين

السلام عليكم
الله يجزاك خير ..... كنك دارية اني حامل وعلى وشك ولادة وصار لي فترة من وانا بالسادس وانا حايسة اعرف شاخذ بفترة النفاس لان امي ما تعرف هالشغلات كانت معتمدة على امها . وجدتي ماتت ( الله يرحمها ) .

سبق اني طلبت المساعدة من المنتدى وكان عنوان موضوعي ( ماذا اتناول بفترة النفاس ؟ ) و جزاهم الله الف خير الاعضاء محد قصر معاي .

الله يعطيك العافية ويجعلة بميزان حسناتك ويخلليلك مولودك ويغر عينك فية .

السلام عليكم

معليش اختي زهقتك .......... بس ممكن سؤال

الكميات شلون تكون لو خليت فنجان القهوة هو المكيال اللي اقيس فية يعني كل فنجان حلب شكثر احط عليه ( مثلا ) فلفل اسود ؟؟؟؟؟؟؟؟؟؟

س2 : لمدة كم يوم اضل اخذ هذه الادوية ؟؟؟؟؟؟؟؟؟

الرجاء الرد سريعا لاهمية الموضوع بالنسبة لي وولادتي قربت ..................

دعوااااااااااااااااااااااااااااتكم

ايش فايدة الفلف الاسود عزيزتي
لاني اول مرة اقرا انه الفلفل الاسود يؤخذ في النفاس.

ومشكورة وتم حفظه في المفضلة .

السلام عليكم

اختي شريت كل الاسياء الموجودة بس كيف الكميات ؟ والمدة ؟

بليييييييييييز الرد بسرعة لاهمية الموضوع لي وشكرا لك

ملكة العالم
اختي يمدحونها مع زيت الزيتون
بس زي ماقلت لك ماجربتها..
بحط لك اسم كريم يلين الخياط
وماابي الا دعواتكم..
***
ميني ماوس
ياقلبي لاتكونين ولدتي وانا
ماجاوبتك..
اعذريني بس انقطعت الفتره اللي
فاتت كنت والده :)
الكميات شلون تكون لو خليت فنجان القهوة هو المكيال اللي اقيس فية يعني كل فنجان حلب شكثر احط عليه ( مثلا ) فلفل اسود ؟؟؟؟؟؟؟؟؟؟

كل شي لحاله لاتخلطين شي مع بعض..
بس عند الاستخدام ممكن تحطين اللي تبين..
الحلب والماش اخذت منهم كيلو
وباقي الاشياء نصف كيلو..بس.
وكل شي نظفته وطحنته وخليته بعلبه لحاله..
وطريقة الاستخدام مذكوره بالموضوع..
***
اختي شريت كل الاسياء الموجودة بس كيف الكميات ؟ والمدة ؟

الكميات زي ماذكرت لك..
وممكن تجددين لاقربت تخلص..
المده يالغاليه..الحلب بس اول عشرين يوم..
والماش عادي لو تاخذينه لحد آخر الاربعين..
وكذلك الحبه السوداء مع العسل..
الحليب والشاي بأنواعه..مهم ومفيد بس تقدرين توقفينه
لاتوقف عنك الدم..راجع لك هالشي..
الرشاد والتمر آخر عشر ايام..
والرمان تاخذينه متى ماتوقف عنك الدم تماماً..
واي سؤال انا حاضره واعذريني على التأخير
الله ينفعنا واياك بما علمنا.

ملكة العالم هذا اسم الكريم
الله ينفعنا واياك فيه.
(فيوسيدرم)كريم 2%
لونه احمر وفيه خطوط بيضا

بارك الله فيك أختي والله يعطيك العافيه ماقصرتي