|
ارجوا منكم المساعده ........
السلام عليكم ورحمة الله وبركاته ............
احب اتكلم عن مشكله عندي , والصراحه ما اعتبرها مشكله ما ادري وشلون اوصفها ؟؟؟ مره من المرات وفي بعض الاوقات نادراً اطلع عن طوري وازعل واكون انا الغلطان لكن ما اتاسف وعمري ما قلت انا آسف , يعني اذا شفت نفسي غلطان آخذها معي , أو أقولها كلام حلو بحيث أني ما أحسسها اني قاعد أتاسف , وبعض الاحيان اشوفها من نظراتها تبيني أقولها شيء , وفي كل هذي المواقف هي اللي تتأسف , أقسم بالله يا جماعة الخير إذا شفتها تتأسف وأنا الغلطان قلبي يتقطع , وانا أحبها وهي تحبني حب قوي جداً , لكن ما أدري الشيء هذا الوحيد اللي اكتشفته في نفسي يوم قرأت موضوع نفس موضوعي اليوم , ارجوا تعطوني أفكار . المشكله الثانيه اذا رحت مكان أو إذا طلعت خارج البيت أو سافرت للعمل أو انتداب عندها غيره شديده , تغار بشكل فظيع , ومافي داعي اطول عليكم واقولكم وش قلت لها في هالمواقف كلها من اساليب الاقناع و...و.....و لكن تعبت بشكل كبير ....... وحياتنا مع بعض ولله الحمد سعيده الا في هذي الامور ..... شاكر لكم كلكم ...... |
وليه الانانيه
ليه ما تعتذر حاول اخي الكريم ام لأنك رجل الا تستحق الزوجه الاعتذار لها ان كنت مخطئ ..؟؟ والغيره الزائده ممكن لانكم جدد على الزواج اي حديثي زواج ان لم اكن مخطئه ...!! تتغير مع الوقت هذا من وجهة نظري ... |
معقوله هذا تفكيـــر الرجال ؟
وكــل هالانانيه فيهم .... وانا اتسأل عمري كله ليه مايتنازلون ويعتذرون ؟؟ ولا التعود على ان الزوجه هي اللي تعتذر ... خلا قلوبكم قاسيه... عموما انت عارف مشكلتك وبيدك حلها ,, والغيره طبيعيه ولما يجي الاولاد بتتمناها ترجع مثل اول ,, واللـــه يوفقكم .... |
اسمحلي يالجنوبي
بشن عليك حرب بس انت قولي فين يوجعك بسم الله نبدأ انت قلت احب اتكلم عن مشكله عندي , والصراحه ما اعتبرها مشكله ما ادري وشلون اوصفها ؟؟؟ والصراحه ما اعتبرها مشكله :29: :29: :29: بس هي تعتبرها مصيبة وأكبر مصيبة والله انت بكلامك هذا وكأنك سكبت ملح على جرحي المفتوح انا زوجي مثلك مستحيل يعتذر بس لما يكون غلطان يتصرف مثلك انا لما اكون غلطانة اعتذر بس لما يكون هو الغلطان لو يموت والله عشان كدة أنا أعتبر نفسي دائما مضحية ومظلومة وأول مشكلة غلط فيها الى الان موضوع مفتوح بالنسبة ليه وقاعدة أجمعله وأتربص به وقريبا حنفجر و أطلع الأول والتالي وعليه وعلى أعدائي ورح أبث هنا أحداث ونتائج هذا الأنفجار في موضوع خاص أنصحك تتابع الأحداث عشان في حال لاسمح الله وكانت زو جتك مثلي يكون عندك فكرة وما تتفاجئ كما سيفاجئ المسكين ياليتك تقول له اتقى شر الحليم اذا غضب ممممم نسيت اشن الحرب سامحتك بس ياليتك تسامحني طولت وخربطت:d |
نسيت أقول شي مهم
وهو اني كنت صابرة وراضية بقلة اعتذارة ودائما أفتكر له الطيب الى أن طرأت مشكلة جديدة وهي انشغاله الزائد عن اللزوم بالأسهم لدرجة انها اصبحت شغله الشاغل ليلا ونهارا سرا وجهارا ما صرت أقدر اصبر ودايما أقول أصلا هو من زمان مهمل ومقصر وعفوا لك كلك:d |
|
أخوي الجنوني انت ماتحس ان هذه أنانيه حط نفسك مكانها هي غلطت وما أعتذرت اش بيصير شعورك
أنا كنت مثلك للأسف أغلط على زوجي وهو يعتذر بس الحمد لله زوجي ساعدني لازم تحل هذه المشكله لأنها بتكون عقبه بحياتك وماأتوقع زوجتك بتتحمل طول العمر أعذرني اذا كان كلامي جارح بس اسأل مجرب ولا تسأل طبيب الله يوفقك وزوجتك وتتغلب على مشكلتك |
الى الاخوات ....... شاكر لكم ردكم
بالنسبه للاخت وادي حنين اشكرك على الكلام الجميل بليع المشاعل ............ انت مكبرها وهي صغيره ....... الحمدلله مافيه مشاكل كبيره , ما شاء الله عليك فيك حماس قوي ... الاخت دنيا الزهور رايحه تشن حرب قويه , كله من الاسهم ...... تحيـــــــــــــاتي لكم كلكم ............ |
مو عيب الإعتذار بالعكس يرفع من قدرك وإذا تشوف إنو عيب لاتعيد الغلط ثاني
|
آآآآآآآآآآآآآآآآآآآآآآآآه منكم انتو يالرجال يعني لو اعتذرت بتخرب المرزاب والا الثوب بيتبقع والا السكسوكة بتخرب
زوجي اذا غلطت انا اقل من اسبوع اراضي فيه ومايرضى على ايش شايف نفسه ما ادري وبعد ما يطيح الحطب انا الي اعتذر اما اذا انقلب الموقف يقلبها تنكيت ومزح ولو يطيح شعر راسي ورموشي وحواجبي ما يعتذر حيرتونا ياذا الرجال وش انسوي ما ادري؟؟ يا اخي وش الي يمنعكم ما تعتذرون كرامة؟؟ عزة؟؟اعتقد ان هذا الشي الي مو موجود بين الزوجين بسالك اذا غلطت على زميلك بالله ما تعتذر له؟؟ والا ترسل له هدية تسكييييييييت؟؟ اعتقد الزوجة هي الحبيبة هي الاخت هي الام هي العشيقة هي الاولى باعتذارك وكلمة انا اسف راح تزيد من محبتك عندها ماراح تنقص صدقني اسفة اذا كنت قاسية بس انا مثلها واقولك الي اتمناه زوجي يسويه |
اخي اذا كان كلمة اسف ثقيلة على لسانك, ابدا الاعتذار عن طريق هدية مع كلمة حلوة و لازم تكتب كلمة 'اسف' لازم, سوف تتعود على الاعتذار شيئا فشيئا, لانه لاحظ كل غلطة بهدية حتكلفك كثير. و كذلك اعلم ان الشخص المظلوم لما تقدم له اعتذارات يحس نفسو هو الغلطان.
النصيحة الاولى و الاخيرة لازم تعود نفسك على الاعتذار راح تكبر في عيونها |
|
سبحان الله
|
كلمة " آسف ياحياتي " أو " اعذريني يابعد عمري " أو " سامحيني اخطيت" ما تكلفك شي ، لكن الشيطان شاطر ويضع لك أسباب غير منطقية بأن الإعتذار الآن سوف ينقص من قدرك أو يقلل من رجولتك وهكذا ... لكن الذي يحدث غالبا هو العكس تماما ، ولكن يبقى أن تجرب وترى النتيجة إيجابية ن ولسوف تستمر على ذلك حتى ولو لم تخطيء.
|
اخت ريم المدينه اشكرك على الرد الحلو ..............
|
اذا احسستها بطريقه او بأخرى انك نادم واحست هى واعتبرته اعتذار لا يمنع
ولكن لو اعتذرت لكان افضل فهى انسانه مثلك لها احساس ومشاعر ولو كانت اختك مكانها او امك او خالتك او عمتك اعتقد سوف تعتذر لهم وما الفارق ان كانت زوجتك. هذه وجهة نظرى فالاعتذار المباشر له اثره فى النفس. |
نصيحتــي بسيــطة
لم لا تعتبــر زوجتــك بحــق .. نصفــك الآخــر ؟ لم لا تتعامــل معهــا على سجيتـك دون تكلــف ؟ ما يمنعنــا من الاعتــذار هــو انتظــار ردة الفعــل من الطــرف الآخــر واعتقــاد أن هذه الكلمــة ما قيــلت إلا بعــد أن أنقصــت من قــدري .. فهــذه أنــا مع الاعتــذار ولاريــب أن يراودك ذات الإحســاس والحــل الأمثــل هــو ( اضغط على نفسك شويــة ، ارمــي الطوبــة ، واعتــذر ) وتذكــر دومــاً عظيــم أثــر هذا الفعــل على فلة قلبــك !! *** أمــا الغيــرة فلا شك في وجودهــا بيـن الأحبــاب والحــل لهــا هــو لا تتعامــل معهــا كمعضــلة بل اعتبرها أمــراً عادي وجوده المهــم أن لا يكــون شكــاً !! *** الله يصلح بينكم دايماً |
باختصار كنت مثلك والحمدلله غيرت اسلوبي واصبحت اعتذر
واللي يقطع قلبي انها عندما اعتذر لاني الغلطان تعتذر لي لانها لم تكن المبادرة بالاعتذار واخبرتني بانها تشعر انها انسانة عندما اعتذر لها وشف الحنان والانس اللي يجي بعد كذا قل ما شاء الله |
الله يسعد قلبك يا ((طماطم ) والله ضحكت من قلب والله
(( ولو يطيح شعر راسي ورموشي وحواجبي ما يعتذر )) هههههههههههههههههههههههههههههههههههههههه حلووووووووووووووووووووووووووه ضحكتيني الله يسعدك ياقمر وانا كلامي من كلام اختي ((طماطم )) وسبحان الله اعتقد كل الرجال كذا والله زوجي مانطقها الا 3 مرات لا تلوموني قاعده احسب اعتذاراته :) :) ارق التحااااااااايا اختـــــــــكم |
| الساعة الآن 12:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©