|
عانس مطلقه ...ارجووكم ادخلوا ...
بسم الله الرحمن الرحيم
اخواتي انا عضوة جديده معاكم ماادري هل اقول انا في عداد ( المتأخرات عن الزواج ) او في عداد ( المطلقات ) :( لكن سأسرد عليكم قصتي .... لعلها تكون عظة وعبرة لمن مثلي او تكاد تكون مثلي ..... نبدأ بالقصه .. انا واعوذ بالله من كلمه انا .. كان همي الوحيد في حياتي الزواااج واني اجيب عيااااال من وانا مراهقه وانا اترزز في كل مكان مع الوالده ...علشان انخطب .. ليش ؟ لأني شفت بنات من العائلة تأخرن بزواجهن رغم انهن احلى مني ... ويوم سمعت السبب انهن مايطلعن ولايروحن .. صرت الح على الوالده كل ماتروح اروح معها ... وكنت اتلذذ بجموع الخطاب الغفيرة وهم طوابير على باب بيتنا ...واختكم كانت تدلع <<<< مسويه ثقيله :14: وكان الوالد يرفض بحجه صغر سني ثم صار يرفض بحجة الدراسه .... لحد ما مليت من الروحات والجيات وما زال الخطاطيب كالنحل <<<< وانا فرحانه:22: تخرجت من الكليه ... خطبني واحد ويوم وافقنا واتفقنا على كل شي سمعنا عنه كلام ورفضناه ... ومن كثر مانرفض صارت الناس تهاب تعتب عتبه باب بيتنا واصبح البنات من حولي يتزوجون وانا مكانك سرررر بلغت من العمر مبلغ ... جاءني رجل ::d شوقوا حبيباتي مواصفاته المغرية .؟ شاب قريب من عمري ملتزم بدون تشدد ( ملتحي) الصلوات بالمسجد خلوق سمعته زينه وظيفته زينة وحالته الماديه فوق المتوسط الى هنا كل شي تمااااااااااااااااااااااااااااااام الصدمه انه ( متــــــــــــــــــــــــــــــــزوج) !!!!!:30: وله اولاد ويوقولون انه اعرس في سن صغيرة طبعا انا قلت لاهلي خلوني استخير وارد عليكم وكل اللي حولي يمدحون باخلاقه ومواصفاته ولابه شئ يعيبه وسألنا عنه الداني والقاصي وكل ابوهم يقولون ( خذيه لا تضيعينه من ايدك) مابيظلمك وبيكون عادل وبيكون وبيكون .... الخ سالت عن زوجته طلعت بنت حلال وطيبه وذا اللي شجعني اني ارتبط به .... المهم وافقت واهلي وافقوا وفرحانين .. اتفقنا على كل شئ المهر والزواج والذي منه واهم شئ بيت مستقل والعدل . والرجال مسكين ضرب على صدرة وقال للوالد ((ازهلها ياعم )) !!! وافقت عليه بدون شروط والله اني انصدمت من يوم ماقدم المهر تقل انه مشتري نعجة !!!:29: بس عيب وش تبوني اقول والناس ماليه بيتنا .. قلت في عقلي ( الحين ذا قدري عنده وانا بكر ووافقت عليه بدون شروط وهو يعرف انه متزوج ) !!! عقدنا القران وانا مستانسه ويوم تقابلنا قال لي : لا تخافين ان شاء الله بكون عند حسن ظنك ووماني بقصر عليك بأي شي... فرحت وقلت الحمد لله الله عوض صبري خير حتى لو كان متزوج يمكن ان الله يجعل فيه خيرا كثيرا قال تعالى ( وعسى ان تكرهوا شيئا ويجعل الله فيه خيرا كثيرا ) ... بدأت المقابلات والمكالمات وتحديد موعد العرس انتبهوا خواتي للي بقوله تحت :::::: انتبهــــــــــــــوا:29: بالمقابلات : كـــــــان ســــــاكت ولا يتكلم الا ( وش اخبارك ,وش علومك , وش اخبارك , وش علومك ) ويجلس شوي ولا يسولف وانا طبعا استحي ... لاحظت ان عنده شي متخبي بس ماادري وشهو..؟ بالمكالمات : كنت انا جريئة واسولف بس شوفوا الصدمه : كان كل مكالماتنا : أم فلان ( اللي هي زوجته ) : حلوة ماشاء الله عليها ماعليها قاصر أم فلان امس طبخت لي طبخه تهبل ماشبعت منها ام فلان سهرت معاها امس بالمطعم أم فلان فصلت لها ثوبين ب1500ريال أم فلان مدلعتني والله ام فلان ام فلان ام فلان ..........................................الخ وانا اسمعه <<<<<<<<<<< وفااااااااااااااااااااااااااااغره:( :eek: ويوم يخلص بكل مكالمه من ذكر بطولاته مع زوجته أقول : دامها كذا وشوله اعرست عليها وتزوجتني يقوووول : انا الشرع محلل لي اربع ....... وانا ادور الحلال <<<<<< وانا فغرت فغره اكبر من اللي قبلها :( :eek: تحملت ....... وقلت له لا باقي تجيب سيرة ام فلان عندي الله يستر علي وعليها ... صار يكلمني : ويقول السالفه ويوم يوصل عند كلمه ( ام فلان) يسكت . مثل : رحت انا و___ اكتشفت انه يحب تعذيب المشاعر صبرت لين بقى على العرس شهر ونص وثم بدأ بالتملص <<<<<<<< مدري وش معناها من المكالمات ولا عاد يبي يكلمني ولاعاد يبي يجيني بس رسايل يبث اشواقه المزيفه وانا قابلته بالمثل لاني اكذب عليكم لو قلت لكم اني حبيته وش احب فيه؟ الناس تتكلم عن امور تخصها وهو مابين مغامراته مع ام فلان الغراميه وكيف تزوجها وكيف حبها وكيف استقبل خبر اول مولود حتى ليله الدخله كلمني عنها . وانا مشاعري تنجرررررررررررررررررح حسيت ان ودي ان الارض تنشق وتبلعني المهم : اتصلت عليه الا و(ام فلان ) ترد ؟ لاحظوا انها ردت على جواله وانا اقول : السلام عليكم قالت : وعليكم السلام قلت : ام فلان وشلونك؟ قالت بجفاء: هلا قلت : وشلون العيال؟ قالت : بصوت عالي ( يا ولد اترك اختك لا توجعها ) قلت : وين ابو فلان ؟ قالت : بالحمام!!! ( الله يعزكم) قلت : طيب بأمان الله قالت : طوط طوط طوط طوط طو ط:rolleyes: وانا من يومها بدأت استرجع قواي واقول ((( وينك يالعزوبيه والله ان العنوسه احلى شئ لاوجع قلب ولا جروووووح) المهم مالكم بالطويله : دق علي بعد ( يومين ) شفتوووووا يومين وقال : هـــاه وين تبغين تسكنين؟ قلت : ببيت خااااص قال : والله ام فلان جهزت لش الملحق ورتبته وهذا زينه قلت : معصي والعياذ بالله يابيت بروحي يا لااااااااااا قال: ليش والملحق مايعتبر بيت !!!! مستقل !!! انا ما قدرت اتحمل اكثر من كذا وكانهم مستقدمين شغاله ام فلان تختار لي كل شي وابو فلان يسمع كلامها ثم دريت بعدها انه بيتزوج على زوجته لانه ........ ويبي الحلال وحرمته مالها طاقه .. انا جلست في حيرة من امري مابين ( عانس ومابين الآم الزواج من معدد) !! فكرت وفكرت وفكرت ثم قلت <<<<<<<< مابدهاش خلني احافظ على شوي العقل اللي عندي ولا يحطوني بكرة في شهااار قطعت المكالمات نهائيا وقلت للوالده تراني ماعاد ابي فلااان قالت ليش : مواصفاته ززينه ؟ قلت : صدق لكن يا ميمتي الرجال اللي يبي يعدد لازم تتوفر فيه صفتين مهمه ا ولا: الحكــــــــــــــــــــمـــــــــــــــــــــــــ ـــة ثانيا : الرزانــــــــــــــــــــــــــــــــــــــــــــ ــــة بغض النظر عن دينه والتزامه وبصراحه انا فاقده الشيئين فيه وان استمريت معه برجع لكم مطلقه ...... هو يبي يعدد لغرض التعدد بس وحصل الطلاااااااااااااق قبل الدخوووول طبعا والحمد لله انا مرتاحه نفسيا وجسميا وعقليا والسبب اني الحمد لله على صواب بالرغم من خطأئي بالحكم عليه بالأول لكن من كلامه وتصرفاته تبين لي انه لا ينفع ان يكون معدد فالمعدد له شروووط وانا اعترف اني اخطأت لكن دفعت الثمن بس مرتاحه ... انصحكم اخواتي اللي تقبل الزواج من متعدد لازم قبل كل شي والله والله والله حتى قبل تدينه تعرف هل هو رزين وحكيم في التعامل مع زوجتاااان اما لالالالالا .... وها انا اعوووود لادراجي واعود الى مقعدي في عداد العوانس ومضافا اليها حجزي لمقعد جانبي في عداد المطلقات :16: خواتي الحبيبات انا قلت قصتي وانتم خذوا مايفيدكم منها واستفيدوا والله يرزق كل وحده الزوج الصالح اللي يعوضها وادعوووووووووووووووووولي ... لأني فقدت الأمل بعد طلاقي ارجووووووووووووكم ادعوولي بالزوج الصالح والذريه الصالحة والسلام عليكم أختكم : جررررووووح تبتســــــــــــم جرح العنوسه جرح الطلاق (((( عــــــــانس مطلــــــــــقه ))) |
مبروووووووووووووووووووووك ألف أهنيك على شجاعتك أختي ..
والله إنك فزتي بها ، وهو الخسران ، بس لاتتزوجين معدد يعد اليوم مادامك بكر اسمعي نصيحتي شيليه من راسك ، حتى المطلق احذريه .. وموفقة .. |
الحمدلله إن ربي ريحك منه قبل الدخله انتي يا غاليه لا زلت فتاة وآنسه تفتخر بذلك أنا زيك تنازلت حتى حسيت ان كرامتي وصلت للتراب والآن اعلنها صريحه (( لااااااااااااااا للمتزوج ))) مهما كانت الظروووف والله تاخذين شاب منتف يفرح بك احسن من متزوج رافع خشمه عليك فرج الله قريب الله يرزقنا جميعاً الأزواج الصالحين العزاب . . . . . . بنان |
ربنا يرزقك بالزوج الصالح اللى يسعدك و يهنيكى يا رب
ااااااااااااااامين اختك فى الله ام محمد ارجوكم ادعوا لى بظهر الغيب فانا فى اشد الحاجه الى دعائكم |
الأخت جروح تبتسم لا تيأسي من رحمة الله
والحقيقة أنت تعاملت مع الموضوع بحكمة وعقل راجح فعلا بألأول غرك المظهر ولكن إتضحت لك الحقيقة عندما تعمقت وبنظرة فاحصة ... بان لك الجوهر ( الوقع الحقيقي) والحمدلله أنك لم توهمي نفسك بالحب وإلا لن تستطيعي رؤية الواقع!! لأنه كما يقال الحب أعمى!!!!! لذا أبدا لا يكون الحكم على الشخص من خلال المظهر بل من أسلوبه في التعامل و تصرفاته في المواقف (الجوهر) ولكن هذا ما يمنع أن المتزوج ممكن يعدد بس يقرأ موضوع الأخت العزيزة زرقة البحر تحياتي أخوك بحر الشمال |
والله صراحه هذا مايستاهل واشوا انك افتكيتي منه
لاكن اللي بقوله لك ولكل البنات اللي يرفضون العرسان احس اني ربي يعاقبهم سبحان الله دايم اللي ترفض العرسان ولو تكون حلوه تلقاها تعنس ونا مابي اجرح بكلامي احد لاكن اذا تقدم لك شاب كامل والكامل وجهه ليش ترفضينه ماتخافين على نفسة هالشاب ماتخافون من عقوبه الله ماسمعتوا هالحديث:(إذا جاءكم من ترضون دينه وخلقه زوجوه فإن لم تفعلوا تكن فتنة وفساد كبير ) نعم فتنه في الارض وفساد كبير المشكله ان البنت ماتنتبه الا اذا فات الفوت زي اختنا في الله ويمكن لو كانت قبل مقتنعه كان ربي وفقها باحسن من هالخاطب بالف مره لاكن هذي الدنيا وربي يوفقكم |
لاحول ولا قوه الا بالله
الله يعينك اختي ويصبرك ويعوضك اللي احسن منه .... والحمد لله اللي بين حقيقته قبل لاتتورطين معه .... والله الصراحه انك غيرتي نظرتي وفكرتي للزواج من متزوج .... تغيرت وجه نظري ميه وثمانين درجه ... مااقول الا الله يجزاك الف خير ويرزقك الزوج الصالح عاجلا غير اجل |
|
ربنا يعوضك كل خير ويرزقك زوج صالح يحبك ويقدرك ويكون لك جنة الدنيا
خطأ كبير يقع فيه الكثير من الرجال الذي يعددون الا يعرف الزوج ولا يدرك ان المرأة او الزوجة الثانية سواء كانت الاولى او الثانية ، الا يدرك انها انسانه لها مشاعر ولها احساس الا يتقي الله فيها ولا يذكر المرأة الثانية امامها اطلاقا والله العظيم انه احساس مليئ بالمرارة الزوجة سواء كانت الاولى او ثانية يمتلء قلبها الماً ومرارة اتقوا الله في الناس ياعباد الله يجب على الرجل اذا كان مع زوجته الثانية ، ان ينسى ان له زوجة اخرى ، وهكذا دواليك ، حتى يعطي كل ذي حق حقه ، ربنا يسهل امرك ياغالية ويرزقك من فضله ومن اوسع ابوابه ويعوضك الخير بالرجل الصالح الهين اللين ، الراكز الرزين |
عزيزتي جروح تعجبيني والله
احمدي ربك واشكريه انك تخلصتي منه ولاتزوجتيه تدرين عاد وانا اقرا كلامك ضاق صدري لأني حسيت بتشابه بيني وبينك شوي صراحة كنت واهلي نتفلسف شوي مو اي احد نستقبله بس زي ماذكرتي لأن كان اعداد المتقدمين كثار بس وحتى لو قلو لا للتعدد الا في حالات استثنائية والله لايجيب هالحالات وانا اقرا كلامك انه تقدم لك عورني قلبي قلت بنفسي لايكون تزوجته مسكينة والحمد الله طلعتي ذكية وهو مايستحي بعد يسولف لك عن مغامراته هو وزوجته لو انا بمكانك وسمعته على طول بهون مابيه خخخخخخخ مرة تقدم لي واحد مطلق تزوج لمدة اشهر بس! وقاعدة افكر اقول ياربي اخاف اتزوجه ويقارني فيها ولا يسولف عن سواياه هو واياها فما بالك انتي شوفي ياقلبي مادام ربي بدا يفتحها عليك لكن صار اللي صار ثقي انه بيفتحها عليك مرة وحدة ان شاء الله ولاتقولين مطلقة ولاشي انتي بنوتة يالحلوة وقولي امين الله يجيب لك هذاك الشاب اللي ماقدشاف بنت غيرك بلا متزوج بلاحرقة قلب ياشيخة |
الله يوفقك ... ويرزقك بالزوج الصالح ... ويسعدك دنيا وآخرة ...
التعدد لم يبحه الاسلام الا لحكمة يعلمها الله سبحانه وتعالى ... ولعل الجميع يتفق على فوائد التعدد .. ولكن ؟؟؟ التعدد اذا لم يبنى على مسوغات حقيقية وتتوفر له الشروط اللازمة ... سوف يكون نقمة بدلاً من كونه نعمة .. لذلك .. يجب على من يريد التعدد أن ينظر في نفسه أولاً ... هل لديه ما يسوغ له التعدد .؟؟؟ ثم هل تتوفر فيه الشروط للزواج من ثانية ؟؟ إذا أجاب على هذين السؤالين بالايجاب ... فأعتقد أنه من المفيد أن يتوكل على الله ويبدأ مشواره ... أما فيما يتعلق بالمرأة فأعتقد أنه من حقها أن تعلم سبب التعدد (لماذا أراد هذا الرجل الزواج مرة أخرى) وإذا كان سبب التعدد أسباب شخصية لا يريد الزوج الافصاح عنها مثلاً ... فمن حقها أن تتأكد من هذا الخاطب هل هو كفء ليتزوجها كإمرأة ثانية .. وما فعلتيه اختي العزيزة .. يبدو لي أنه عين الصواب ... فالرجل متى ما صار خاتم في اصبع زوجته الأولى فلن يكون للثانية منه نصيب .. ونفس الشئ الرجل الذي تكون تصرفاته محكومة برغبات أهله وإملاءاتهم عليه ، هو أيضاً لا ينبغي للمرأة أن توافق على الزواج منه .. لأنها تلقائياً ستكون في تصرف أهله (أو بعضهم) (والمتزوجات أبخص بذلك) لا بد أن يكون الرجل رجلاً بما تعنيه الكلمة .. لأنه هو الذي سيقود دفة الحياة الزوجية وقراراته ينبغي أن تكون نابعة من نفسه ومبنية على معطيات صحيحة ... وليست على رغبات الزوجة الأولى أو غيرها من الأهل أو حتى الأصدقاء ؟؟ مرة أخرى .. أسأل الله أن يوفقك اختي العزيزة .. وجميع بنات وأبناء المسلمين .. وتحياتي للجميع |
هذا الانسان لا يستحقك ابدا ولا يستاهلك
الله يوفقك ويرزقك من أوسع أبوابه أختي الفاضله / الخطأ لا يعالج بالخطأ وهذا مشكلة كثير من الناس |
الله يوفقج اختي ان شاء الله ويرزقج بزوج احسن منه يقدرج ويحترمج ويحطج بعيونه ان شاء الله ... بالتوفيق يالغاليه
|
اختي العزيزة
واضح من طريقه كلامك انك تتمتعين بروح الصبر والتحمل رغم كل الامك وسردك للموضوع انك مرتاحه وانك مقتنعه بما حصل معك فلحمد الله على كل شي عزيزتي انت شجاعه لانك اقدمت على تلك الخطوة حبي سوف يعوضك الله خير التعويض وسوف يبدلك بهذا الرجل رجل اخر والله كريم وتوكلي على الله فكل شيء بكون بارادته عزوجل لا اله الا هو
واشكرك على سرد قصتك لنتعظ منها نحن معشر النساء فاحينا وطبعا تغرنا الحياه ونحلم ونحلم لنصحوا على كابوس ولا اريد ان اطيل عليك بارك اله فيكي واهلا وسهلا بك المحبه عنفوان الحياه |
أختى جروح تبتسم
هذة مشكلتنا لايتم التعرف الا بعد الملكة !! لايهم إن كان معدد او غير معدد وأقول هذا وللأخوات اللاتي يرفضن التعدد حتى الشاب الأعزب قد يكون كذلك ، فيروى مغامراته وصداقاته وقد يكون اشد ، اسألو الله الزوج الصالح الحكيم الرزين وبس 0 معدد اعزب مطلق مو مهم |
أنت صادق ياأخوي الكبير
مشكلتنا مانتعرف على بعض إلا بعد الملكة وأحيانا بعد الدخلة كما حصل معي لكن في رأيي تكفي الإستخارة والتوكل على الله تعالى والنظرة الشرعية مسوغا للراحة والسعادة والقبول أو عدمه وإن كان في التعارف قبل الزواج مصلحة فقد يتعارض مع مفسدة استغلال الشباب وعدم التأكد من جديتهم وسوء الحالة النفسية بعد التعلق بهم وتركهم لنا على هذا الحال عموما الحمد لله الذي خلص أختنا جروح تبتسم من ذلك الرجل كما خلصني من قبل فله الحمد وحده لاشريك له |
مبروك .. الله نجاكي منه ..
اسأل الله العلي العظيم ان يرزقك واخواتنا الزوج الصالح .. آميــــــــــــــن تحياتي |
التعدد مسؤولية لا ينجح في حملها الا من هو رجل بمعنى الكلمة .
احمدي الله اختي انك اكتشفتي مبكرا عدم صلاحيته لتلك المسؤولية ، وهذا النوع من الرجال الافضل له ان يدور في فلك ام فلان ، ولا يفكر بغيرها ما دام يفتقر الى الحد الادنى من الحكمة . الله يعوضك بأفضل منه ويوفقك. |
زرقة البحر
بنان شهرزاد اشكركم على مروكم ........ وأبشركم جاتني عقدة من المعددين والمطلقين وأي رجل له علاقة بحرمة حتى وان كان اعزب فاعيش ببيت اهلي اكرم لي مشكورة |
بحر الشمال
قزم بس عصبي مشكورين على المرور والحمد لله على كل حال |
لولو ... حبيبتي انا عني مستحيل افكر بمتزوج بعد كذا الا ان الله كاتب لي نصيب معهم
لكن انا سردت القصه وكل وحده تشوف مدى حساسيتها وغيرتها ومشاعرها الله يوفقك بشاب مايشوف الا انتي ولاقد شاف بحياتي حرمة |
سلطان العجمي
روعة رأفت اشكركم على المرور والله يوفق الجميع العزيزة شوبارد الله يسمع منك يارب ويرزقك الزوج الصالح ذا السبب انه بس يقارني فيها لين جاتني نوبة هلع <<<<<< من ام فلان :) |
ابو سلطان
صاحب رأي سديد Fajer202 عنفوان الحياة اشكركم ولاتنسوني من الدعاء الكبير نعم هذه المشكلة في مجتمعنا اننا مانعرف بعض الا بعد الملكة لكن المشكله الاكبر ان في بعض ناس ماعندهم فترة بين الملكة والزواج :( وهنا المشكلة حتما اكبــــــــــــــر إنسان لولو البتول الله يوفقكم يارب وينولكم الللي ببالكم |
اقتباس:
الذي لا يحطمك يقويك وهذه التجربة اعتبريها قوتك وزادتك قوه ولا تنظرين للحياة من منظور واحد أو جانب واحد وانما انظري لها من كل الجوانب والرجل سكن للمراءة والمراءة سكن للرجل الزواج فيه الخير والابناء والبنات آمل منك أن هذه التجربة تكون في ارشيف الزمن وتقويك الله يرزقك من أوسع أبوابه |
والله يا اختي القلب يحزن على هذه القصة ولا حول ولا قوة الا بالله على حال المسلمين اجمعين ......ان شاء الله ربنا بعوضك احسن منه وكل شي نصيب
|
السلام عليكم
والله يااختي خيره ويمكن الله كاتبلج فيها خير انشالله الله يرزقج ولد الحلال وجميع بنات المسلمين يعطيج العافيه |
صاحب راي سديد
الله يوفقك والله رفعت من معنوياتي الله يعطيك العافيه والله انا اهم شي عندي بالزواج الاوولاااااد اموووت عليهم لكن الله يرزقني ويعوضني مشكور |
alseem
kaanoof اللهم آميـــــــــــــــــــــــــــــــــــــــن تسلمون |
الف الف الف الف مبروك على انفصالك من هذا الشخص و الحمد للة على سلامتك نجوتى من تلك الرجل ومن ذلك المستقبل المليئ بالشقاااااااااااااء وادعو الله ان يعوضك زوجا صاااااااااااااااااااااااااااااااااااااااااااااالحا بمعنى الكلمة و احتسبى عند الله ولك اجر صبرك ان شاااااء الله
|
الله يرزقج ويهنيج بغيره عزيزتي
|
مايا
مريوم جزاكما الله كل الخير ووفقكما ومشكورة ولاتنسوني من الدعاء |
الله يعوضج باللي أحسن منه .. آمين
الحمدلله أنج عرفتيه قبل العرس عندنا البنت ما تشوف زوجها وتكلمه إلا يوم العرس :29: |
ماشاء الله عليك انتي ماشاء الله عليك عاقله
الله يعوضك ان شاء الله باللي اخير منه ويدللك وتكونين في عينه حورية ان شاء الله ((اللهم ارزق اختي وجميع بنات المسلمين بالزوج الصالح)) اللهم آآآآآآآآآآآآآآآآآمين |
الله يعوضك عليك ويرزقك بابن الحلال اللي يستاهلك
|
| الساعة الآن 01:41 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
