|
مشكلة اهلي وولدي وغيرها كثير ...أرجو التجاوب
السلام عليكم ورحمة الله وبركاته...
كيف أحوالكم اخواني اخواتي.. أرجو ان اجد منكم رد يصبرني فمشكلتي هي انني تطلقت من زوجي لرغبة مني (سالفه يطول ذكرها ) مشكلتي هي مع اهلي وولدي فبعد ماتطلقت كنت عادية ومشت الايام بس الان ماعاد تنطاق ...ليش ,, لان اختي اللي هي اكبر من ولدي بسنة تقريبا عمرها 5 سنوات تقريبا وولدي عمره 4 سنوات ...مشاكلهم دايما اكيد بتقولون اطفال ويتهاوشون عادي........ انا عادي عندي بس المشكلة ان اختي في نظرهم ماتخطي ابد واكيد وليدي هو المخطي حتى لو احد يشوفها تضرب ..مايقولون شي ...... لاواذا طريت الفلوس بحكم ان ابوه زي اللي متبري منه لاسؤال ولاحتى مصروف له (حسبي الله ونعم الوكيل والله اني ادعي عليه ان ربي مايرزقه غيره عشان يذوق الحرمان اللي ذقناه ) مشكلة الفلوس اني مقدر اطلب والله حتى احيانا اروح للجامعه مامعي شي ...ومايسعفني غير المكافأه ...وودي اشتري لولدي العاب او حتى اشياء هو يشتهييها .. بس مقدر لاني ان عرفوا ان المكافأة جت يتسلفون اهلي للاشياء الطارئه ويقولون بنرجعها واقول ما يخالف مهمن كانوا اهلي واذا قلت بعدين ابي من مكافاتي يقولون ليه حنا مقصرين معك ومع ولدك ....كنهم يتمننون علي بانهم ضافين ولدي....والله حتى صرت اسكت ولااتكلم معهم كثير اخاف اتورط معهم ومن كثر هالمشاكل اتمنى اني اتزوج اليوم قبل بكره حتى ارتاح بعيد على الاقل واربي ولدي احسن تربية ومابين مشكلة ولدي لمشكلة الزواج الثاني والخوف من تكرار التجربة ...بس الواقع يخوف ..لا تلوموني .تقدم لي واحد متزوج وماعنده مانع انوا ولدي يكون معي (اصلا هذا شرطي ) ومبدئيا وافقت وقلت لابوي بستخير قال معاك سنتين الين ماتتخرجين والحين كل يوم يمر وانا اتخيل نفسي اذا تزوجته كيف بتكون الحياة معه كل شي بيكون مقيد في بيته وزوجته الاولى يعني لو بنسافر لازم كلنا مع بعض ما ينفع يتردد مرتين .... والله ياكثر همومي حتى اني ما انام من كثر التفكير ... سؤال هل تعامل اهلي معي تتوقعون ردة فعل لاني اول من تتطلق عندهم ؟ والي مخوفني ان يكون ولدي ضعيف شخصية ادري اني اطلت عليكم ولكن .... اتمنى اني القى تجاوب . |
أختى lolo1404
مثل مشكلتك كثيرا ماتحدث والمفروض ان تطالبي بنفقة للولد من ابوه ولو عن طريق المحكمة فهو أبنه وملزم به ، وبالنسبة للزوج الثانى لاتفكري الآن بذلك طالما أنك تقولين أن الزواج بعد سنتين وبعد تخرجك من الجامعة ولاتعطى موافقة حتى يحين الوقت0 كونى مع الله وأكثري من التقرب إليه بالدعاء والاستغفار وسيكون معك ويفرج لك كل هم ويسهل لك كل أمر بإذنه تعالى ، وفقك الله لكل خير |
الله يوفقج أختي ويكتب لج اللي فيه الخير .. اللهم آمين
|
جزاك الله الف خير اخوي الكبير
بس المشكلة ان ابوي مايحب يدخل محاكم ومااقدر اقوله...وليت ابوه يحس ...اصلا انا يوم كنت مرتبطه بابو ولدي كانت الفلوس ماتجي الا عقب طلعت الروح ... ومشكور على تفاعلك ...اهم شي لقيت احد يسمعني ... |
اختي الفتاة ..الله يوفقك ويوسع لك في كل ضيق ..أمين
|
اختي الغالية
مشكلتك تشبه مشكلتي ونفس المعاناة واعتثد ان كل المطلقات يعانين مثلنا اللهم عوضنا أزواج طبيبين..امين لقد طرحت موضوعي الأمس ولم اعرف انك أيضا تشكين مثلي اعانك واعانني الله فليس لدينا غير الله وخاصة بعدنا اقرب الناس يظلموننا اختي الحبيبة..هل تبحثين عن وظيفة؟ ربما سينفعك الوظيفة لكي تصرفين على نفسك وعلى ابنك وفقك الله |
الف شكر لك اختي مشمشة عمري ...والله يعيننا وان شاء الله مأجورين في هذه المصائب
والله اني اتمنى اني القى وظيفة لاني عارفة اني بعد مااتخرج من الجامعة ماراح القى وظيفة ..الشكوى لله . لا واللي يزيد الطين بلة اذا لبست ولدي لبس كشخة اوحتى اي شي يفكرون ان ابوه هو اللي شاريهم لدرجة اني صرت ما اشتري لولدي كثير بالعيد مثلا لبستين تخيلي ما اقول الاحسبي الله ونعم الوكيل ..... وان شاء نلقى وظيفة ...او على الاقل راتب شهري من الدولة لنا احنا يالمطلقات ..اتوقع فيه راتب ....ياليت اللي يعرف يدلنا...ويجزاه ربي الف خير على هالمعروف .. |
السلام عليكم اختي لولو
اولا اسال الله العلي القدير ان يعوضك خيرا في زوجك وان يرزقك بمن هو اخير منه ويعوضك صبرك ثانيا اسال الله العلي القدير ان يعوضك الخير والصلاح في ابنك ويريحك في كبرك بأذن الله لكي ينسيك عذاب هذه الايام وقساوتها ..... بخصوص الاهل خلي في بالك اختي مهما فعلوا وفعلوا وقسوا عليك مستحيل يفعلون شي لانك في الاول والاخير محسوبه عليهم خصوصا بأنك امراه ... بخصوص خوفك من زواجك الثاني هذا مردود عكسي من الزواج الاولي فا هذا خوف طبيعي وامر طبيعي ينتاب من يمر بهذه الحاله ....... فا نصيحتي لك اكسبي نفسك الثقه بانك قادره انك تواجهين كل معوقات هذا الحياة وانك امراءه قوية وصابره وثقي ثقه تامه كل شي بحسابه عند المولى القدير ......... اقل تقدير صبرك واحتسابك سوف تأجرين عليه بإذن الله تعالى اسال الله العلي القدير السميع العليم بان يسخر لك ما فيه خير وترضاه نفسك وان يعوضك ويخلفك عن ما مررتي به ويعضوك في ابنك وترينه يكبر عاما بعد عام وتقر عينك به ويعينك على متابعته وتعليمه وتربيته وفي النهايه يرد الدين لامه .......... اللهم امين اللهم امين اللهم امين |
الله يعوضك خير إنت ومشمشة عمري وجميع المطلقات...
الله يهونها عليكم ... |
الف شكر لك اخوي بو ريماس ..وربنا يوفقك
والله انك بردت قلبي بدعائك ...والله يخليك لريماس |
مشكورة أختي dandoon
وجزاك الله الف خير .. |
اعانك الله اخيتي ،،، ومشكلة العيال هذي كلنا نعانيها ،، وانا صرت حتى ما اتدخل ودايم الوم بنتي حتى لو هي مو غلطانه عشان ارضي اهلي ،، احس الحين استسلمت وصرت سلبية حتى بنتي تلومني تقول لي انت كله مع اهلك هم يضربوني وانتي بعد تصرخين علي ،، صرت محتارة بين اهلي وبنتي بس شو العمل ،، الله يعيننا
|
الف شكر لك اختي سناوي .
وجزاك الله الف خير المشكلة اننا نعودهم على السكوت , واخاف بعدين تطلع شخصياتهم ضعيفة ومو واثقين من انفسهم كافي نظرة الحرمان من الابو اللي ما درى عنه ...انا صراحة اوقف ولا اتكلم بس اني احمل في قلبي مدري لمتى همي بس اني اعوض عليه والفلوس ماراح تعوضه زي ابوه. لما اشوفه يناظر في ابوي احس يتقطع قلبي لان وده يروح معاه ويسولف ويلعب بس ما اقول الا حسبي الله ونعم الوكيل على اللي كان السبب والله يعوضنا بالزوج الصالح ويعوض عيالنا |
|
مشكور أخوي سلطان العجمي
وما تقصر جزاك الله الف خير |
|
أشكرك اخي العجمي على تفاعلك ...
كل شي زي ماهو ما تغير ...أنا ما اتكلم لهم واقول شي ...بالعكس اسكت واكتم في قلبي وحيلي كله في الكتابة والاماني اللي ابي احققها في مستقبلي .. واغلب وقتي يكون مع ولدي اسولف معه.... طبعا بعد ما خلصت الاختبارات ...واحاول مااختلط معاهم كثير بس تعرف صغار ولازم مع بعضهم لعب وهواش .....عسى ربي يعينا على تربيتهم..... في الاخير هم اهلي وماراح يكون احد احن علي منهم ...بس تعرف فترات عصيبة عسى ربي يعفو عنا .......دعواتك |
|
اشكرك اخي سلطان ...
لكن انا ما اقدر اكلمها لان كذا مرة اكلمها وبالاخير تنقلب الدعوة علي وانا ابكي بسرعة وما اقدر اكمل كلامي معاها خلينا ساكتين احسن .... |
Lolo1404 أولا : حبيت أهديك هذي الدعوة مرة أخرى .. اسال الله العلي القدير ان يعوضك خيرا في زوجك وان يرزقك بمن هو اخير منه ويعوضك صبرك اسال الله العلي القدير ان يعوضك الخير والصلاح في ابنك ويريحك في كبرك بأذن الله لكي ينسيك عذاب هذه الايام وقساوتها ..... ثانيا : أهديك هذه الكلمات .. *لا تعلقي على تصرفات أهلك الخاطئة أمام إبنك ، حتى لا تهتز ثقته بنفسه وشعوره بالأمان .. *لما ما تقدري تنصفي حق إبنك وهو يشعر بذلك ، خذيه الى صدرك واحضنيه بحب وثقه من غير ما يشعر بحزن وإشفاق عليه لتوصلي له رسالة " كلماتك وحقك عندهم غير مهم و لكنها عندي مهمة " . *قوي علاقتك دائما بإبنك ، تحدثي معاه كشخص كبير عن الأشياء الروتينية اللي تمر بحياتكم اليومية ، حتى يقترب منك بشكل مختلف عن حاجاته الأساسية ، وحتى يعي بالعالم من حوله بعيد عن منغصات حياته " شجاراته مع أختك " .. عذرا على الإطالة.. رزقك الله سعادة الدارين الدنيا والآخرة .. |
الف شكر لكي أختي تانيا على نصايحك وساعمل بها
جزاكي الله الف خير ... |
اقتباس:
|
جزاك الله الف خير
|
|
اقتباس:
اسأل الله العظيم رب العرش الكريم ان يفتح لكى بابا من ابوابه اخيتي اعانكى الله ..................... لو ان كل شخص فكر بالطلاق قبل ان يقع لما حصل ماحصل ولكن لاحول ولاقوة الابالله :30: :30: :30: |
اعانك الله يا اختي ورب يستجيب لكل دعواتك .... ليش ما تدخلين ابنك روضة على الاقل اثناء ما انت في الجامعة ويوم ترجعون ادخلي انت وياه غرفتكم وقللي من اختلاطه باهلك و باختك واطلعي انت وياه ..... ترة اتوقع اهلك يعاملوك عادي بس انت شوية تحسستي بعد الطلاق لان سبحان الله الوحدة من عندنا بعد الزواج تحس بنوع من الغربة مع الاهل وللاسف لا تزول الغربة بعد الطلاق ..... شوفي اختي المسألة مو يوم ولا يومين تعلمي تكونين قوية و فلوس المكافأة يوم يسألوك عليها قولي صرفتها وبالفعل اول ما تستلميها اشتري كل حاجاتك وحاجات ولدك والبقية خليه مصرف لك وحتى لو قالو ابوه جاب له الملابس شراح يضرك المهم ابنك يستانس و يلبس و يلعب كولي هدية كولي اي شيء بس لا تحرمين ابنك لانك بتتحسسين و لا تطلعي من نار زوجك وتدخلي نار اهلك كوني قوية ترة هل زمن زمن اقوياء بس
|
اخي العجمي
شكرا لتعاونك معي وجزاك الله الف خير ولدي ما يدرس هو صغير يعني بعد سنتين راح يدرس بإذن الله بس انا اللي نجحت ......وهذا اللي يرفع معنوياتي :14: :14: |
اخي الاب الحنون ....
صدقت يا اخي ولكن للضرورة أحكام فلا اظن بعد ترك الصلاة اي حكم غير الانفصال الله يكون بعوننا وربي يوفقك جزاك الله الف خير على دعواك الطيبة |
اختي الفلوجة
كلامك جميل وفعلا كنت اريد ان ادخل ولدي روضة بس لقيتها غالية عندنا في الجامعة وحتى لو برى بعد يبي لها مصاريف بس الحمد لله هانت السنة الجاية راح اتخرج بإذن الله وان شاء الله القى وظيفة لان تخصصي مطلوب وايضا الحساسية الي تجي بعد الطلاق تزيد عندما يكون هناك اطفال بس الحين مشغولة بشغل البيت والطبخ على الاقل اقضي وقتي بعيد عن عالمهم ولعلي أخرج ( بفكرة جديدة لحياة أجمل ) الف شكر لك اختي وجزاك الله الف خير على نصائحك |
اختي الفاضله
كان الله في عونك,,, ومبــــــــــــــروك النجاح بنسبه لحق المطلقه عندنا فهو في الضمان الاجتماعي والحكومه ماقصرت يعطى للمطلقه حوالي 800 ريال شهري تسحب من البنك بس خلي احد يا خذ اوراق طلاقك واثباتك وان شاء الله يفرجها عليك في القريب ,,,,امين بنسبه لاهلك فهم يعانون مثلك واكثر ,,,,,,, ما اصعب على الوالدين ان يروا احد ابنائهم يعاني من مشكله ,, صدقيني الله يكون بعونهم ولدك عطيه حبك واهتمامك واحرصي على ان يكون بالقرب منك حتى يثق بنفسه وبك وبانك لن تتخلي عنه,, الطفل يحس بانفصال والديه وهو صغير الله يعوضك به خير اختي دمتي سالمه اختك لي مشاعر |
مشكورة أختي لي مشاعر
وصراحة ماكنت أدري ان فيه حقوق للمطلقة معليش أختي سؤال ...هل يقدر أي احد ياخذ الاوراق والا لابد من المطلقة نفسها ؟ عذرا جزاكي الله الف خير |
الف مبروك على نجاحك
[blink]عقبال الوظيفه [/blink] ولك الشكر/العجمـــــــــي |
والله باسال لك ,,,,,,,,,,
لان فيه وحده اخوانها ايتام ,, وتقول رحنا نكمل باقي الاوراق في المكتب النسائي تحياتي /لي مشاعر |
الله يساعدج ويعينج على أهلج
بس صدقيني .. لا تكونين ضعيفة كوني قوية بس سؤال ؟؟ شو هو المكافأة؟.؟؟(هل هو الراتب؟؟؟) إذا كان الراتب لا تعطينهم أو خذي مبلغ يسدج إنتي وولدج قوليلهم أنا بعطيكم مبلغ معين .. بس وماأقدر أزيد .. لأني أريد فلوس صحيح إنهم أهلج .. بس شو تسوين إذا هم ما فهموا ؟؟؟ الله يعينج و الله من قلبي |
اخي سلطان
الله يبارك فيك |
أختي لي مشاعر
انتظركِ |
أخي al ameer
جزاك الله الف خير المكافأة هي عبارة عن راتب من الجامعة وقت الدراسة وهي مبلغ بسيط لا يذكر أمام المصاريف التي لاتنتهي بس لابد أعطيهم تعرف هم يصرفون علي وعلى ولدي فلابد ...وسبحان الله الاهل ما اقدر اقولهم شي لاني افكر في ايام محتاجة هم يعطوني ولابد اني ما ابخل عليهم الله يعينا ويقوينا على طاعته ......امين مشكور |
اخيتي ما دام ان الامر وصل لترك الصلاه فلا حول ولاقوة الابالله
اخيتي من ترك لوجه الله شىء عوضه بخير منه اخيتي لاتنسىىىىىىىىىىىىىىىىىىىىىىىىىىىىىىىىىىىىىىىىىى قول العزيز الجبار .......................الرحمن الرحيم (((((((((( ومن يتقى الله يجعل له مخرجا)))))))) اتمنىىىىىىىىىىى لكى حياة سعيده.....................اخيكي ابا مشعل |
اعانك الله يا اختي
اتمنى ان تجدين وظيفة بأسرع وقت وتنحل مسشكلك وتتزوجين بعد..امين حبيبتي..أنا مثل ظروفك تماما واعتقد انني كتبت لك رد سابقا ولكنني لست متأكدة ولا اعرف عن المعيشة فأنا في الولايات المتحدة ولا يعطون للمطلقة أي حقوق :( ومرات المطلقة من يجب ان تعطي مؤخر للزوج..تتصورون!!! والله انقلب القوانين هنا والحمد لله على نعمة الأسلام وان البلدان العربية ما زالت فيها خير اكثر ففي الغرب المرأة ما عندها أي حقوق بل النفقة تأتي منها وأنا أيضا تعبااانة جدا جدا مع اهلي وابني اراه يتعذب ولحد الأن اجده ما زال يتصرف اصغر من عمره وانه سيكون 3 سنين وما زال يلبس الحفاظة ولذلك لا استطيع حتى التفكير بأن اذخله حضانة أو روضة مبكرة وانني ابحث صار لي 6 أشهر عن وظيفة ولا احد يريد توظيفي كوني متحجبة وحتى الأماكن الأسلامية لم توظفني ولي الله وحده اللهم افرج همي وهم الغالية لولو وهم كل مطلقة وبالغة..امين وارزقنا ازواج صالحين..امين |
الله يوفقك أخي الاب الحنون
والحمد لله على كل حال ألف شكر وجزاك الله الف خير |
| الساعة الآن 04:49 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
