|
إخراج الصدقة بنية الزواج
الصدقة
الصدقة تجعل الملائكة تدعو بالخلف على المتصدق فتقول "اللهم اعط منفقا خلفا"0 الصدقة تنتصر على الشياطين ,قال صلى الله عليه وسلم "لايخرج رجل شيئا من الصدقة حتى يفك على لحييها سبعين شيطانا"0 الصدقة تعالج المرضى ,قال صلى الله عليه وسلم "داووا مرضاكم بالصدقة الصدقة تطفئ غضب ربك ,قال صلى الله عليه وسلم "ان الصدقة لتطفئ غضب الرب الصدقة تمحو خطاياك ,قال صلى الله عليه وسلم "الصدقة تطفئ الخطيئة كما يطفئ الماء النار الصدقة تمحي عرضك وشرفك ,قال صلى الله عليه وسلم "ذبوا عن اعراضكم بأموالكم الصدقة تحسن ختامك ,قال صلى الله عليه وسلم "صنائع المعروف تقي مصارع السوء", قال صلى الله عليه وسلم ان الصدقة لتطفئ غضب الرب وتدفع ميتة السوء"0 الصدقة ظلك من اللهب ,قال صلى الله عليه وسلم "كل امرئ في ظل صدقته حتى يقضى بين الناس"ا الصدقة تفك رهانك يوم القيامة ,قال صلى الله عليه وسلم "من فك رهان ميت (عليه الدين) فك الله رهانه يوم القيامة"0 الصدقة سترك من النار ,قال صلى الله عليه وسلم "يا عائشة استتري من النار ولو بشق تمرة ,فأنها تسد من الجائع مسدها من الشعبان"0 أخواتي الناضجات ( الله يجزاه الجنة اخونا صاحب رأي سديد على المسمى الرائع ) واخواتي المنفصلات والأرامل خلونا نتفق ونتصدق مابين فترة فترة .. وان شاءالله ربي يدفع البلاء عننا ويرزقنا وعندي سؤال وحدة قالت لي كل مازاد المبلغ زاد الاجر!! << صدق ؟؟ وبعدين تجوز الصدقة على المسلم والكافر.. لكن المسلم افضل طيب بمجتمعي بصراحة ماعرف الا الجمعيات والعاملات اللي بالدوام والعاملات اللي بالدوام صراحة بديت اخاف ان اجري يقل لأنهم صارو يهتمون فيني واول مكتب ينظفونه بغرفتنا مكتبي.. واذا معي اغراض كثيرة جو يساعدوني.. وكل ماضاقت صدورهم من المديرة لما تهزأهم يجون يشكون لي والجمعيات ماتبرد قلبي تنحط الفلوس وبس!! ودي اشوف الشخص قدامي واحس بطعم الصدقة اللي فعلا يكسرون خاطري عمال النظافة بس اغلبهم ان ماكان كلهم ماهم مسلمين! وهاذولي فعلا مساكين ينظفون في الشمس وبين الوساخة ولما الواحد يتأمل فيهم في عز شبابهم الله يرزقهم وودي القى منهم احد مسلم افضل.. مرة سألت عامل نظافة في سوق كم ركعة صلاة المغرب يقول 3 فرحت واقول بنفسي اكيد مسلم واقول صلاة الفجر كم ركعة يقول هاه ويحك راسه شوي : ممكن 5 ركعة خخخخخخخخ عرف صلاة المغرب عشانه في السوق يسمعها ههههههههه من احد المواقف الطريفة اللي مرت علي.. كنت رايحة اعتمر واللي يشوفوني يقول الاخت صاحبة بنك خخخخخ من دخلت الحرم وانا كني عجوز بيديني فلوس واقول لامي ترى الاجر هنا مضاعف وامي تهاوشني اذا اعتمرنا وخلصنا علمتك من تعطين ماينعطون بعضهم بيغثك! المهم اعتمرنا وخلصنا وطلعنا من الحرم وضاق صدري مالقيت احد وامي محذرتني ما اعطي اللي عند الباب بس خفت اننا مانرجع الحرم مرة ثانية .. شوي الا ولد صغير ياخالة ياخالة ارحميني << زعلت انا قلت وش ياخالة شايفني عجوز قل يابنت:23: قال يابنت ارحميني اديني مما اعطاك الله قلت له قل الله يرزقك ماتتمنين 5 مرات :28: قال الله يرزقك ماتتمنين يارب الله يرزقك ماتتمنين يارب الله يرزقك ماتتمنين يارب االله يرزقك ماتتمنين يارب الله يرزقك ماتتمنين يارب فرحت وقتها وعطيته.. شوي واحنا نمشي وقفنا ننتظر اخوي تاخر علينا التفت والقى مجموعة عيال صغار وقدامهم اللي عطيته قبل ويصارخ ويأشر علي ويقول هذي الطويلة اللي معها امها وفجأة طااااااااااااااارو يركضون علي يمه بسم الله علي شسوي وين اروح!! يمسكون عباتي وشنطتي ياخالة الله يرزقك ماتتمنين ياخالة ادينا ياخالة....... الله يرزقك ماتتمنين ويعيدونها كم مرة.. والعالم مستغربة شلة صغار مجتمعين على وحدة وانا خايفة وخرو تكفون وامي تفكفكهم << فاهمة غلط احسبهم بيخطفوني خخخخخخخخ شوي اخوي جاي ومعصصصصب وخر انت وياه عنها تراكضو مساكين يوم شافوه عاد انا جتني تهزيئة محترمة من اخوي:15: المهم .. وش رايكم من أحق بالصدقة؟ |
ماشاء الله عليك شوبادر
ممكن تسألى زميلاتك بالمدرسه أكيد يعرفون محتاجه والا لهم قريبه بحاجة الله يجزاك خير ويرزقك على نيتك اللي يستاهلك قولى آمين |
أختي الفاضله
الصدقه لها فعل السحر في كل شئ وخاصة علاج المرض وجلب الرزق أما هؤلاء (( الشحاذين )) كثير منهم يشكلون منظمات مثل المؤسسات ولهم رواتب وإذا كانوا يعملون لحسابهم فبعضهم أغنياء جدا . ولكن تعودوا على الشحاذه . ----------------------------------------------------- أما من ألاحق بالصدقه فظني هم عمال النظافه لأن رواتبهم (( 300 )) ريال في الشهر ومؤسساتهم لا تعطيهم رواتبهم الآ كل شهرين أو ثلاثه .وأفضل الصدقه عليهم بالاكل . * الخادمه والسائق في البيت لماذا لا تعطينهم مصروف عمره أو حجه أو حتى تساهمي في ذلك . ----------------------------------------------- أما طريقه الصدقه المناسبه وقد سبق ونصحت بها احد الاخوات هي طريقة أستقطاع الراتب الشهري يعني مثلا تذهبين للبنك وتقومين بعمل امر دائم لأحد الجمعيات بـ 30 ريال شهريا يعني كل يوم ريال مستمره طول العمر ويمكن الزياة (( وخير العمل المستمر وإن قل )) ايضا هيئة الاغاثه الاسلامية فهي هيئه فيها ناس اكفاء عندهم كفالة يتيم وقيمته 100 ريال شهريا في السنه 1200 ريالا . ايضا سبق وقرأت في هذا المنتدى فكرة شراء كرسي متحرك وتسبيله في الحرم المكي قيمته 300 ريالا فقط --------------------------------- اخيرا الدال على الخير مثل فاعله الله يجزاك خير ويرزقك بالزوج الصالح والذرية المباركه انت وجميع الأخوات الطيبات --------------------------------------------------- |
الله يسعدك يا شوبارد انتى تدرين انى كاتبه ردى لك فى يافرحه ماتمت وماكنت عارفه انك الى كاتبه الموضوع كنت احسب الاخ الفاضل الكبير الله يجزاك كل الخير والله ان عيونى دمعت بس ثقى با ان الله للن ينساااااااااااااك
غاليتى شوبارد تعرفين الاقربون اولى با المعروف اذا عندكم ايتام اوا مساكين حالتهم صعبه تقدرين با اسلوبك تقضين لهم اشياء تفرحهم اوا اذا جيرانكم وكونى واثقه ان ربى عالم بما تخفى الصدور وفقك ربى وما خيبك (((((((((((((((( انتى غاليه يا شوبارد بس بعد الموضوع هذا غلااااااااااااااااااااك كبر اكثر ))))))))) |
ضحكتيني يا شوبارد على موقفج مع اليهال :d الله يسعدج ... والصدقة شي ممتاز :22: أعتقد الجمعيات الخيرية هي أفضل حل وبعدها الحالات اللي تسمعين عنها وممكن ترسلين لها عن طريق حد تثقين فيه |
الله يعطيك على قد نيتك ياحبيبتي يا شوبارد
وجزاك الله خير على التذكير بالصدقة وعلى اخراجها وانا الي اعرفه انها على النية يعني اذا اعطيتيها جمعية فهي صدقة على نيتك حتى لو ما وصلت لأحد واذا كنتي منتي مطمئنه للجمعيه أسألي الي حولك اذا يعرفون أحد أو حتى من العائلة فكل فيه أجر |
بالنسبة لي انا مسويةاستقطاع من اول ما توظفت ومستمر الى الان
استقطاع للصدقة الجارية وايتام وبنك للفقراء مدري احس ان الصدقة عن طريق الجهات الخيرية افضل من هالطريقة لان اغلب المتسولين اللي بالشارع نصابين وانا والله مسوية الصدقة مو نية الزواج انما لعظم اجرها |
ماشاء الله عليك ياشوبادر
جزاك الله كل خير سبحان الله ماانقص مال من صدقة والصدقة تطفئ غضب الرب وتدفع ميتة السوء الله يوفقك ويرزقك الصالح يارب اما موقف الحرم ررررررروعة ضحكتيني الله يتقبل منا ومنك صلاتنا وقيامنا وصدقاتنا |
المهم .. وش رايكم من أحق بالصدقة؟[/quote]
المجال عندك كثير للصدقه اول ماتبدين بالفراش والفراشـــــــــــته ترااااااااااااااااااهم مستحقين لكن يستعفون وتحسبينهم اغنياء ثانيا وعلى قولك تبين مسلمين الفقراء والايتام والارامل سواء معارف او من سكان الحي واذا ماتعرفين اخوانك الصغار يدلونك على اللي في الحاره ثالثاااااااااااااااااااااااا العجائز الكبار حتى لو ولدها موظف بعض العيال مايعطي امه رابعا الله يتقبل منك صدقتك وصلي الاستخارة في سرعة الزواج ولا تاخيره والله تشوفين القدره الالهية كيف واقسم باالله قلبي عليك |
الله يوفقك يا شوبارد ... والله يجزاك خير على التذكير بالصدقه
انا من رأيي المتواضع ...وطريقتي الخاصة ... كل جمعه اخذ المقسوم من اكل وخبز ولبن واوزعه على عمال النظاااافه بعد صلاة الجمعة مباشرة ..... والله يكتب لنا الرزق والأجر ... وانا ما اسويها بنيه الزواج لا اسويها عاااامة لأن عندي هموم غير الزواج الله يفرجها علي وعلى الجميع ....... |
يوم شفت حلقة ( القارة المنسية ) في قناة المجد
تأثرت جدا خصوصا لما شفت الدكتور / السميط وهو رجل كبير في السن يعمل من اجل الدعوة الله يرزقه الاخلاص وحسن الخاتمه دخلت موقع لجنة مسلمي أفريقيا وحتى الحين أحاول أشارك معهم ولو بالقليل تحسين يا شوبارد أنهم فعلا ناس فيهم الأجر والشيخ من الثقات الله يرزقنا جميعا ما نتمنى . . . . . . بنان |
الكبير
آمين الله يجزاك الجنة صاحب رأي سديد اخوي اتذكر مرة قلتها لي الله يبارك فيك.. وسويتها بس ماعرفت صارت لخبطة في البنك وقفتها بعدين. بس ذكرتني فيها وان شاء الله بسويها مرة ثانية والشحاذين ماعطيهم ابداااااا. الله يجزاك خير عالتذكير.. وان شاءالله يستفيد منها الجميع يارب. ولك الأجر حتومة ماقصرتي يالغالية.. كل ماقريت اسمك مادري يجيني احساس ان قلبك معي دايم. اشكرك من اعماق قلبي على مشاعرك الطيبة الله يسعدك ويوفقك يارب وبالنسبة لجيرانا ماشالله عليهم اغلبهم أحسن مننا:d الفتاة فعلا موقف ماأنساه ومشكورة عزيزتي أم الجود وياك اختي.. وصدقتي كلها عالنية بس لما تشوفين نظرات اللي قدامك لما تعطينه احساس ثاني تتحمسين اكثر لصدقة ثانية وثالثة او تسمعين دعوة تشرح صدرك صح؟ بس فعلا الجمعيات هي المضمونة ليدي سوفت ماشالله عليك.. الله يعطيك على قد نيتك لازم اسوي كذا ان شالله الحب والحبيب يلا ابدأي ياعزيزتي خلونا نتفق وربي هدفي من الموضوع ان كل وحدة تقول تجاربها وطريقتها الشمس الزرقا صدقت الفراش ياليتني اقولكم عن مكانه بعد والله انه محتاج وطيب الله يسهل عليه ويعافيه مافي أروع من انسان كبير وتسمع منه دعوة تثلج القلب والله والمكان اللي انا ساكنة فيه مافيه فقراء ابدااااا والعجايز الكبار ياخوي اذا بعطيها لازم اعطيها شي يسوى وكبير وانا راتبي مايسوى فشيلة جروح تبتسم ماشالله عليك الله يقبلها منك بنان صدقتي والله الله يعينك ويعين الجميع على فعل الخير |
السلام عليكم و رحمة الله و بركاته
الصدقة ابوابها عديدة و لله الحمد و الاقربون اولى بالمعروف لكن اذا ما لقيتي ممكن تروحين لجمعية انسان اذا انتي بالسعودية و تكفلين لك يتيم و ترا كفالته بـ 200 ريال شهريا او تكفلين اسرة بـ 400 ريال شهريا او انك تروحين لاي جمعية خيرية و تبلغينهم برغبتك بتوصيل الصدقة بنفسك و مهوب مقصرين معك باذن الله تعالى وداعة الله |
| الساعة الآن 06:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©