|
والله انا مهمومه من كلام زوجي البارح
|
تقلبات الجو مصخن يمكن البارحه هههههه
لا تهتمي اختي اتوقع يريد يختبر محبتكِ له |
و الله ما ادري بس لا يكون السبب سوق الأسهم !
امس انهار السوق و هوى 10%. يمكن يكون هذا السبب. اخوكي Romancy |
حبيبتي .. الزمان اللي احنا عايشين فيه زمان غريب.. باختصار كل شي جايز و السحر مذكور بالقرآن الكريم .. كل اللي أوصيج فيه جيبيلك بطل ماي كبير و لا حتى بطلين ثلاثة افتحي أغطيتهم و اقرئي عليهم سورة يس 7 مرات من (( يس - فهم لا يبصرون )) و انفخي بالماي
رشي زوايا بيتك .. حطي في ماي البراد .. ماي الشاي - أحسن زوجك ما يعرف.. لأنه لو عرف ممكن يعيش نفسه بوهم انه هو مريض أو مسحور و تزيد المشكلة شغلي قرآن بصوت مسموع في بيتك خصوصا سورة البقرة .. حتى لو تطلعون خليه شغال .. وادعي من ربي يبعد عنكم كل شر و يهدي سركم ياااااارب |
لا تشيلي هم وريحي بالك...زوجك مافيه الا العافيه ان شاء الله..انا اشوف حالته عاديه ..اوقات سبحان الله الواحد كذا نفسيته تتعب مره ويتصرف تصرفات توحي بأنه مريض او فيه شي لا سمح الله..وفي هذي الحاله ماتستمر معاه.. مجردعارض.. وينتهي .....واما اذا استمرت الحاله معاه انصحك تخليه يروح لدكتور نفساني او شيخ وتشوفو ايش عنده ...والله يوفقكم
|
احتمال كان متضايق من موضوع اخر
وحكالك عن هاي الشغلة عشان يشتت انتباهك على كل حال ممكن تستني فترة حتى يهدا وبعدين ترجعي وتفاتحيه بالموضوع |
كيف اهله معاكي ؟؟
ارجوا الرد اختك |
|
اختي حاولي تغيرين من ديكورالمنزل وحاولي تغيرين من شكلك وطريقه كلامك يمكن زوجك يحس بملل من الروتين ترى الأزواج مالهم أمان ومتقلبين المزاج وفاجئيه بهديه هويحبها
والله يوفقكم ويسعدكم دنياواخره ويردلك زوجك مثل ماكان وأحسن وفعلا كيف علاقتك بأهله الله يسترمنهم حتى هم مايخلون احدفي حاله الله يعين عليهم أختك:فوووووووز |
اختي
الأمر بسيط ولايحتاج كل هذا القلق أحيأن يشعر الرجل بروتين ممل وتزايد الضغوط عليه سواء في العمل او في تجارته فيصبح مشتتاً ذهنياً متعكّر المزاج لايطيق رؤية أحد حتى نفسه حاولي ان تكوني قريبه منه واحتويه بحنانك فهو محتاج لك أكثر من قبل وأنصحكم بالقيام برحلة استجمام وقضاء عطلة نهاية الأسبوع في مدينه أخرى أو حتى قضاء اسبوع أو اسبوعين حسب فراغ زوجك وأخبريه أنك في أمس الحاجه لتغيير الجو والروتين حاولي معرفة مشكلته بطريقتك فأنتم يالنساء لديكم أدوات فك شيفرات الرجال ولكن تختلف عند كل واحده منكن أكثري من الدعاء له ولك واشعريه بمدى حاجتك له وحبك العميق له في السراء والضراء وأنك سند له لاتضعفي مع ضعفه بل كوني حصناً منيعاً له في الشدائد مع تمنياتي لكم بالتوفيق والحياه السعيده |
بسم الله الرحمن الرحيم اخيتي استمري على الرقيه الشرعيه وان شاء الله يتحسن |
مشكوووووووورين بارك الله فيكم والله يكثر من امثالكم
ريحتووووني شوي اما علاقة اهله بي فهي علاقه عاااااااااديه جدا اسلم واجلس ساعتين وامشي كل اسبوع مره وحده اما انزعاجه من ذهابي لاهلي مادري يمكن بس اهو اللي ودانب وبرضاه ما ضغطت عليه وبانتظار البقيه يمكن يكون احد بنفس حالتي وعداها ياليت يذكر لي قصته وايش صار معاه وجزاكم الله خير مره ثانيه على التفسيرات الحلوه والمنطقيه الله يريح بالكم |
أخاف مسوي له مصيبة وخايف انه في مرض ايدز والعياذ بالله فقام يدور لج عذر
وان شاء الله مافيه الا العافيه (إن شاء الله) تكتب بهذه الطريقة |
حاولي تفهمين السبب منه بكل هدوء وخليكي عادية جدا
|
اقتباس:
بس مدام أنت تروحين لأهلك لوحدك وهو يروح لأهله لوحده (( أعتقد مغلوب على أمره كل مره يجيهم لحاله)) أكيد أن هذا سبب ضيقته( الله يمن عليه بالصحة والعافية ) لأن أهله يسألون وين زوجتك ؟ وين ......؟ ** وبعض الزوجات ((عليهن من الله ما يستحقن )) صاير لهن أسلوب جديد أنا بروح لأهلي وأنت رح لأهلك لحالك (( طبعا هي تبي أمها وأخواتها بس ما تدري أن زوجها يحرج ويسمع كلام لايحب أن يسمعه من أمه أو أبوه إذا جاهم لحاله )) الله يعين هؤلاء الأزواج المغلوب على أمرهم تحياتي الزعيم55 |
داومي على الاذكااااار
|
عليك بقراءة سورة البقرة دوما ولو تمكنت كل يوم يكون احسن ، وتنسى اذكار الصباح والمساء والخروج والدخول من المنزل
ربنا يحميكم من شياطين الانس والجن |
جزاكم الله خير
ان شاء الله ابطبق نصايحكم اقتباس وبعض الزوجات ((عليهن من الله ما يستحقن )) ما له داعي تدعي على احد ان كان ولابد ادع بالهدايه وبعدين الله يهديك انت ما تعرف الاسباب اللي تخلي الوحده ما تكثر الروحات لاهل زوجها |
اقتباس:
|
أنا صارتلي مثل حالتك يوم كنت متزوجة
و السبب أهل (طليقي) كانوا يعبوا راسة بأوهام مع إننا بنفسالبيت .. بس هم طلعوا وأمه ماخلتني أطلع معاهم ألأخذت (طليقي) بس ... وكان مستانسلما طلع كنت تونيمسويتله بخار وجه ومسويتله مساج رجولة ويداته ووجهه ولما رجع لا سلام ولا كلام طنشت وكنت مزهبة حمام مغربي حقه لأنهم كانوا يلعبوا وأنا قاعدة أسبحه قالي أوف أنا طفران وزهقان قلت له من شو يا روحي ما عاش من يضايقك وإذا كنت أنا خبرني من اليوم أتغير180 درجة زاد زعله وقالي ما قدر أقولج وهو شي فيج قلت له ما في مشكلة متى تحس إنك بتخبرني لا تتأخر خاطري أعرف شو مضايقك يا عمري وفي الليل كنت أقرأ عليه قرآن ( وهو يحب لما أقرأ قرآن لأني أجيد التجويد وحافظة من القرآن) قالي أنا متضايق طنشته وكملت قرايتي قالي تعبت نفسيا هذيك الحظة حظنته وقلتله ولا عليك يا روحي الله جعل الهم عشان بعده نسعد بعد أيدي عنه وقالي زهقت منج ما أحبج ما أريدج أنا هذيك اللحظة زعلت واااااااااااااااااايد وقلتله والابتسامة على وجهي و الدمعة مالية عيني قلت له إذا إنت ما تحبني أنا أحبك قام تضايق وبعد فترة حصل الطلاق وعرفت السبب كانوا أهلة بأباطيل يزعمونها عني وحسبي الله ونعم الوكيل لم يتركوني وأنا متزوجة ولا وأنا مطلقة..... (((((((( لما عرف السبب بطل العجب))))))) |
اختي الامير الله يكوووون بعونج
وحصل الطلاق بدون اي شي بينكم والله مشكله الله يرد كيدهم في نحوووووووورهم امين والله خوفتيني لان اهل الزوج مستحيل يحبووون مرة والدهم الا النااااااااااادر لو تشيلينهم على راسج وشافوا غلطه وحده قالوا ما شفنا منها خييييييييييييييييير الله يعين ويعدي مصيبتي على خيييييييير لاني فعلا لاحظت ام زوجي هالايام ما تطيقني مع اني ما سوييييييييييت شي ومتاكده بس الله كريم والله يجيب العواقب سليمه |
انصحك اختيان تتقربي منه وعليك بالادعيه والرقيه صباح ومساء طبعا هومعاك حثيه على الحفاظ عليها ومصير الايام تبين يمكن عارض
|
ان تكررت هده الحالة لديه ....ككرهه لبيته بدون سبب ........او تغير مفاجئ في طبعه بغير سبب.......... فيمكن قد تعرض لسحراو لعين ...لا تستبعدي الفكرة ......وخديها محمل الجد ....فعليكم بالرقية الشرعية وخلافه...
|
الله يكون في عونج اختى يفرج همج ان شاءالله
|
اقرأوا على نفسكم سورة البقرة 3 أيام متتالية وشوفي وش يصير
إنها إن لم تنفع لن تضر |
السلام عليكم
كم مدة زواجكما ؟؟؟ اذا كان ما بين سنة و سنتين يكون هذا الامر متوقع و الله اعلم |
إملؤو بيتكم بالذكر والقرآن الكريم وأطردوا كل شيطان مريد فبالذكر تطمئن القلوب وتحيا
|
الله يعطيكم العافيه
ومدة زواجنا اكثر من خمس سنوووووووووات الله يرزقنا الذريه امييييييييييييين |
اختي ساعه رمليه ..
انا اوافق بعض الاخوات .. واعتقد ان اهل زوجك .. حشو راسه .. وتكلمو عنك وعن الخلفه .... الله يرزقك الذريه الصالحه .. ويسخر قلب زوجك .. تحياتي لك .. |
اقتباس من شذى دوت كوم
اختي ساعه رمليه .. انا اوافق بعض الاخوات .. واعتقد ان اهل زوجك .. حشو راسه .. وتكلمو عنك وعن الخلفه .... الله يرزقك الذريه الصالحه .. ويسخر قلب زوجك .. تحياتي لك .. ------------------------------------- انا مع الاخت شدى دوت كوم يمكن السبب هو الخلفة و يكون متضايق و مش عاوز يقولك بصراحة عشان ما تزعليش فحاولي ان تصارحيه بما في قلبه و ربنا يرزقكم بالذرية الصالحة و يسعدكم مع بعض |
طيب شوفي تقربي من أهله
قوليله أنا بسوي الليله عشا ونوديه لامك نتعشا معاها وحاولي تفلينها عندهم وتسولفين مع أمه يمكن يكون زوجك من النوع الواصل في أهله ويحب تكون زوجته معاه تخيلي من يوم تزوجت وزوجي كل مره يوديني معاه لاهله احيانا مرتين في اليوم يقول شبيقولون عني اذا دخلت عليهم لحالي ويمكن اخوانه يجيبون زوجاتهم الا هو فيحس بالنقص قدري هالشعور اللي ينتابه طبعا كلها توقعات خذي اللي يروق لك وقطي الباقي بحر الله يصلح حالك ويفرج كرب المكروبين |
مشكوووووووووووووورين وجزاكم الله خير
كل شي جااااااايز واكثر التوقعات معقوله الا الذهاب معه لبيت اهله لان اهل زوجي غير عن كل الناس يعني ما نروح لهم الا بالحسره كل مره يتحججون بحجه لا تجون عندنا اختبار لا تجون بنطلع .....................زالخ صرت اروح ساعتين بالسبوع لان كرامتي عندي مهمه ما احب اطول بعدين قطعتوا عيالنا عن الدراسه وووووو الله يعين بس الله يسخرهم لنا ويسخر زوجي لي |
احتمال كان متضايق
|
سورة البقرة ما في حل تاني
|
الله يبعد عنكم كل مكروه
|
نصيحتي لك ابدا لا تكلميه وعتبرى الشىء اللي صار كانه ما حصل وجهزي برنامج لكم لقضاء الاجازة اخر الاسبوع ودايما حسسيه بحبك لان دايما اللي ينثر خير يحصد خير واجرك على الله وهناك سر كبير يفتح محبة الله في البشر وهو ( الصبر ) وإذا الله حبك حبب الخلق فيك تذكري هذا الكلام زين والله يوفقك .... أصيل بوظبي
|
اختي ذكرتيني بموقف استوالي مع ريلي من كم شهر ... كنا نايمين في الليل ونتكلم واحسه متغير وكنت انا بصراحة مشتاقة له كان يقولي ( أحس أني ما أقدر أسمع صوتج ولا أشوفج ) صدمني
سرت الغرفة الثانية وقفلت الباب وتميت أصيح وأهو يدق الباب اني افتح بس ما فتحت الا بعد ساعتين ويلس طووول الليل يتعذر ويتأسف ومرت السالفه وتراني مثلج ما ادري شو فيه والا شو صارله قلت يمكن حسد الله أعلم الله يهون عليج |
عند الوعد
ان كان مريض راح يقترب اكثر لان المريض يأنس بمن يحبهم
|
الله يعينك اختي وييسر لك امورك
مالك الا الدعاء انا ما ادري وش اقول لك بعد كم شهر إن شاء الله راح ادخل عالم المتزوجين والله يعين ويوفق :) :) بس لا تيأسين الله يوفقك ويرزقك بكل خير ويسخر زوجك لك |
جزاكم الله خير على الردوووووود المفيده والتي ترفع المعنويات بارك الله فيكم
|
| الساعة الآن 04:45 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©